لوق16
1یسوعؔن ووٚن بیٚیہِ پننؠن شٲگردن، "اکہ وقتہٕ اوس اکھ امیر شخص یمِس گرٕ پکناونہٕ خٲطرٕ اکھ مختار نفر اوس۔ اکہ دوٚہہ دِژ کمؠ تام تمِس امیر شخصس خبر زِ سُہ مختار نفر اوس تِژھ اکھ کٲم کران یِمہِ ستؠ امیر شخصس اوس واریاہ پونٛسہٕ زایہِ گژھان۔2لہٰذا تٔمؠ اوٚن سُہ مختار نفر پانس نِش ناد دِتھ تہٕ ووٚننس، "مےٚ یہِ بوز زٕ یہِ ژٕ کران چُھکھ تہِ چُھ خطرناک! مےٚ دِ اکھ ٲخٕری حساب تِمن کامٮ۪ن ہُنٛد یِمہٕ ژٕ پکناوان اوسُکھ، تکیازِ ژٕ ہیککھ نہٕ برونٛہہ کنُ میانہِ گروک مختار روٗزتھ!3پتہٕ ووٚن تٔمؠ مختارن پانس کنُ، "میٚون مٲلکھ چُھ مےٚ نِش میٲنؠ مختٲری نِوان، لہٰذا مےٚ چُھ سونٛچن زِ بہٕ کیاہ کرٕ۔ بہٕ چُھس نہٕ توٚت طاقتور زِ بہٕ کھَنِنہٕ دۅب بیٚیہِ چھِ مےٚ پونٛسہٕ خٲطرٕ بیٚچھنس منٛز شرم یوان۔4مےٚ چھِ پتاہ زِ بہٕ کیاہ کرٕ یوٚت زن لوٗکھ پننؠن گرن منٛز کامہ باپتھ اژنہٕ دِنم ییٚلہِ سُہ مےٚ کامہ نِشہ بے دٲخل کرِ!5ادٕ ووٚن تٔمؠ پننِس مٲلکہٕ سنٛدین قرضدارن مےٚ نِش وٲتیٚو اکہ اکہ۔ تٔمؠ پرُوژھ گوٚڈنِکس أکِس، "ژےٚ کوتاہ دارکھ میٲنس مٲلؠ کس؟"6تٔمؠ ووٚن، زیتون تیٖل ترٛے ساس لیٹر۔ تٔمؠ مختارن ووٚن تمِس، "کڈ پنُن حسابہٕ پرچہ، بہتھ بدلاو یہِ ؤلؠ ؤلؠ اکھ ساس پانٛژھ ہتھ لیٹرن منٛز!"7تٔمؠ ووٚن دویمِس نفرس، "ژےٚ کوتاہ دارکھ؟ تٔمؠ دِیت جوابِ، "اکھ ساس ٹوٗکٕرِ کٕنکھٕ، تٔمؠ مختارن ووٚن تمِس، "ان پنُن حساب پرچہ اتھ بدلاو ٲٹھ شتھ ٹوٗکٕرِ!"8ییٚلہِ تٔمؠ سٕنٛدؠ مٲلؠ کن بوز زِ تسنٛد مختار کیاہ اوس کران، تٔمؠ کٔرؠ بد دیانت مختار سٕنٛدؠ تعریف اوٕ باپتھ زِ سُہ دراو سیٹھاہ چالٲک۔ پزرَ چُھ یہِ زِ یمہِ دنیاہؠکہ لوٗکھ چھِ تِمن لوٗکن ہُنٛدِ کھوٗتہٕ زیادٕ چالٲک آسن یِمن لوٗکن خدایس سٟتؠ معاملات آسن چھِ۔9بہٕ چُھس توٚہہِ ونُن، یتھ دنیاہس منٛز یۅسہ دولت توٚہہِ نِشہ چھِ سۅ کریو پانس کیتھؠ دوس بناونہٕ خٲطرٕ خرچ۔ پتہٕ ییٚلہِ سۅ دولت توٚہہِ نِشہ نیرِ، تِم دوس کرن توٚہہِ پننؠن گرن منٛز خوش آوے، یوسہٕ ہمیشہ خٲطرٕ موجود روزِ۔10یِم لوٗکھ ایماندٲری سان کم دولتس پؠٹھ چھِ گُذارٕ کران تِم آسن زیادٕ دولت ٲسِتھ تہِ بیٚیہِ ایماندار۔ تِم لوٗکھ یِم کم دولتس پؠٹھ بد دیانتی سٟتؠ چھِ گُذارٕ کران تِم آسن زیادٕ دولت ٲسِتھ تہِ بیٚیہِ بددیانت۔11ادٕ یسَ دولت خداین توٚہہِ یتھ دنیاہس منٛز عطا کرِ مٕژ چُھو سۅ چُھو نہٕ توٚہہِ ہرگاہ دیانتدٲری سان خرچ یا استعمال کٔر مٕژ چھِ، تیلہٕ کرِ نہٕ سُہ توٚہہِ جنتس منٛز حقیقی دولت حوالہٕ۔12ہرگاہ توٚہہِ ۅپر لوٗکن ہُنٛد جاداد آسہ نہٕ دیانتدٲری سان سَمبولمُت، توٚہہِ پزِ نہٕ امید تھوُنؠ زِ کانٛہہ اکھ دِیہ توٚہہِ پنُن جایداد۔13کانٛہہ خدمتگار ہیٚکہ نہٕ دوٗن الگ الگ مٲلکن ہنٛز خدمت اکی ساعتہٕ کٔریتھ۔ ہرگاہ تٔمؠ تہِ کرنچؠ کوٗشش کٔر، سُہ کرِ تِمن منٛز أکِس نفرت تہٕ بییٚس برِ لول، یا آسہ أکِس سُنٛد وفادار تہٕ بیٚیہِ سُنٛد ٲسس عداوت۔ توٚہؠ ہیکیو نہٕ پننہِ زندگی منٛز خدایہِ سٕنٛدؠ وفادار ٲسِتھ ہرگاہ توٚہؠ پننہِ زندگی منٛز مال تہٕ دولت چُھو حٲصٕل کران۔"14ییٚلہِ تِمو فریسیو یِم تتہِ موجود ٲسؠ، یسوعؔ سنٛز تعلیم بوزان ٲسؠ، تِمو کوٚر تمِس مذاق تکیازِ تِم ٲسؠ دولت حٲصٕل کرنس لول بران۔15پوٚز یسوعؔن ووٚن تِمن، "توٚہؠ چُھو یہِ کوٗشش کران زِ لوٗکھ سونٛچن زِ توٚہؠ چُھو پزِؠ یٲرؠ، پوٚز خدایہِ چُھ زانان زِ اصلی کیاہ چُھو توٚہؠ۔ ذہنس منٛز تھوٚو زِ خدایہِ چُھ تِم چیز مکرو مانان یِمن لوٗکھ سیٹھاہ تعریف کران چھِ۔16خداین یُس شریعت موسیٰؔ ہس عطا کوٚر تہٕ تِم چیز یِم رسول یو لیکھؠ رودؠ چلان توٚت تام یوٚت تام یوحناؔ بپتسمہ دِنہٕ وول آو۔ تننہٕ پؠٹھٕ رودس بہٕ خدٲیی بادشٲہی متعلق رٕژِ شیٚچھِ ہُنٛد تبلیغ کران۔ واریاہ لوٗکھ چھِ میٚون پٲغام قبول کران تہٕ سیٹھاہ بیتٲبی سان چھِ خدٲیی بادشٲہی ہُنٛد حصہٕ بننٕچ کوٗشش کران۔17"تہٕ یہِ چُھ زمین تہٕ آسمان خٲطرٕہ سہل قانون کہِ اکہِ ٹٹل کہِ ناکام گژھنہٕ کھۅتہٕ۔"18کانٛہہ مرد یُس پننہِ زنانہِ ترٛاوِ تہٕ بییٚس زنانہِ سٟتؠ کرِ خاندر سُہ چُھ زِنٚا کران، بیٚیہِ کانٛہہ مرد یُس تمِس زنانہِ سٟتؠ خانٛدر کرِ یمِس پنٕنؠ خانٛدارن کھُلا آسہ دِیتمُت سۅ تہِ چھِ زِنٚا کران۔"19یسوعؔن ووٚن بیٚیہِ، "اکہ وقتہٕ اوس اکھ امیر نفر یُس قٕمتی ووٚزٕلؠ تہٕ زٲولؠ پلو لاگان اوس۔ سُہ اوس پرٛیتھ دوٚہہ عٲش ژٹان۔20لوٗکو تھوٚو پرٛیتھ دوٚہہٕ اکھ لعزر ناوک غریٖب نفر تمِس امیر نفرٕ سنٛدِس گرِکس دروازس پؠٹھ۔ لعزرسؔ سُنٛد بدن اوس نُوسُرؠ سٟتؠ بٔرِتھ۔21سُہ اوس تیٚوت بۅچھِ ہوٚت تہٕ سُہ اوس یژھان تمہِ غذا ۂکؠ ٹکرٕ کھیٚنؠ یِم زن تمِس امیر نفرٕ سنٛدِ میزٕ پؠٹھٕ ؤسؠ ٲسؠ پیٚوان۔ ییٚلہِ سُہ تتہِ ڈٲف تراوِتھ اوس ہوٗنؠ آے تہٕ لیٚوِکھ تسنٛدؠ زخم۔22ٲخرکار مود سُہ غریب نفر۔ پتہٕ تُل سُہ فرشتو تہٕ ترٛووٚکھ پننِس جدس ابرہامسؔ نِشہ۔ سُہ امیر نفر تہِ مود، تہٕ لوٗکو کوٚر سُہ دفن۔23عالمہِ ارواحس منٛز اوس تمِس امیر نفرس سخ عذاب۔ تٔمؠ دِژ ہیٚور کنُ نظر تہٕ تتہِ وچُھن ابرہامؔ سیٹھاہ دوٗرِ تہٕ لعزرسؔ اوس ابرہامسؔ نکھٕ بہتھ۔24ادٕ دِژ تٔمؠ امیر نفرن کرٮ۪کھ، "ببہٕ ابرہامؔ، مےٚ چُھ یتھ نارس منٛز سیٹھاہ عذاب واتان! لہٰذا کر تہٕ مےٚ پؠٹھ رحم بیٚیہ سوزتن لعزرسؔ مےٚ نِش یتھ زن سُہ پنٕنؠ اونٛگج آبس منٛز کٕژوِتھ ہیٚکہ تہٕ میانہِ زیوِ پؠٹھ ٹھنٛڈ کرنہٕ باپتھ تھاوِہے!25پوٚز ابرہامنؔ دِتُس جواب، "پۅترٕ، یاد کر ییٚلہ ژٕ زمیٖنہِ پؠٹھ زندٕ اوسُکھ ژےٚ تُلتھ واریہن چیزن ہُنٛد مزٕ۔ پوٚز لعزرسؔن اوس مصیبت تُلان۔ وُنؠ چُھ سُہ یتہِ خۅش، تہٕ ژٕ چُھکھ تکلیفس منٛز۔26تمہِ علاوٕ چُھ خداین ژےٚ تہٕ اسہِ درمیان اکھ سون نار تھوومُت۔ لہٰذا یِم یژھن یتہِ پؠٹھ ژےٚ نِش گژھن تِم ہیٚکن نہٕ تہِ کرتھ۔ تمہِ علاوٕ، کانٛہہ اکھ تہِ ہیٚکہ نہٕ یتہِ پؠٹھ اور گژھتھ نہٕ ہیٚکہ اورٕ یوٗر ترِٛتھ۔27پتہٕ ووٚن تٔمؠ امیر نفرن، "ببہٕ ابرہامؔ، ہرگاہ یہِ تہِ چُھ، بہٕ چُھس ژؠے ونن زِ لعزرؔ سوٗزنُ میٲنس خاندٲنی گرٕ منٛز۔28تتہِ چھِ میٲنؠ پانٛژھ بٲے روٗزان۔ تمِس ووٚن زِ سُہ کرِ تِمن خبردار یتھ نہٕ تِم یتھ جایہِ کنُ سفر کرنَ یتہِ چُھ اسہِ سخ عذاب!29پوٚز ابرہامنؔ دِیت جواب، "نا، بہٕ ہیٚکہٕ نہٕ تہِ کریتھ تکیازِ چٲننؠ باین نِش چُھ تہِ یہِ موسیٰؔ ہن تہٕ نبی یو واریاہ برونٛہہ لیٚوکھ۔ تِمن پزِ تتھ تٲبِیدٲری کرٕنؠ یہِ تِمو لیٚوکھ!30مگر تٔمؠ امیر نفرن دِیت جواب، "ببہٕ ابرہامؔ، ناہ، سُہ آسہ نہٕ کٲفی! پوٚز ہرگاہ موٚردو منٛزِ کانٛہہ تِمن نِش واپس گژھِ تِم کرن توبہٕ۔31ابرہامنؔ ووٚن تمِس، "ییٚلہِ نہٕ تِم تتھ کرن تٲبِیدٲری یہِ موسیٰؔ ہن تہٕ رسول یو لیٚوکھ۔ تیلہٕ کرِ نہٕ یہٕ تِمن مدد اگر مۅردو منٛزٕ کانٛہہ وۅتھہِ تہٕ تمن نِش گژھِتھ تِمن خبردار کرِ۔ تِم کرن نہٕ تمہِ پتہٕ تہِ یقین زِ تِمن پزِ پننیٚو گناہو نِشہ توبہٕ کرن۔"
Bridge Connectivity Solutions Pvt. Ltd.