لوق13
1تمہِ وقتہٕ، ووٚن یسوعسؔ ہجومس منٛز موجود کینٛژو نفرو تتھ متعلق یہِ حال حالے کینٛژن گلیلہٕ کین روزن والیٚن سپدمُت اوس۔ رومکؠؔ گورنر، پیلاطسؔ اوس سِپہن حکم کوٚرمُت زِ گلیلٕکؠ لوٗکھ گژھن تمہِ وزِ قتل کرنہٕ یِنؠ ییٚلہِ تِم یروشلم کِس ہیکلس منٛز آسن قربٲنی پیش کران۔2یسوعؔن دیُت تِمن جواب، "کیاہ توٚہؠ چُھوا سونچان زِ یہِ سپد گلیل کیٚن تِمن لوٗکن سٟتؠ یِم گلیل کیٚو باقیو لوکو کھۅتہٕ زیادٕ گناہ گار ٲسؠ؟3بہٕ چُھسو توٚہہِ یقین دِوان زِ سُہ اوس نہٕ تمیٚک وجہ! تمہِ بدلہٕ دِیہ خدایہِ توٚہہِ سارِنےٕ یتھے پٲٹھؠ سزا ہرگاہ توٚہؠ پانہٕ گناہ کرنہٕ نِشہ توبہٕ کٔرِو۔4یا تِمن ارداہ 18 نفرن مطلق کیاہ چُھ یِم شیلوخس منٛز بُرُجِ پؠٹھٕ پؠنہٕ سٟتؠ مارٕ سپدؠ؟ توٚہؠ چُھوا سونچان زِ یہِ سپد تِمن تکیازِ تِم ٲسؠ باقیو یروشلمس منٛز روٗزن والیٚن ہُنٛدِ کھۅتہٕ زیادٕ گناہ گار؟5بہٕ چُھس توٚہہِ یقین دِوان، زِ سُہ اوس نہٕ وجہ! پوٚز چُھ تمہِ بدلہٕ یہِ، توٚہہِ چُھ احساسُک ضرورت زِ خدایہِ دِیہ توٚہہِ سارنےٕ یتھے پٲٹھؠ سزا ہرگاہ توٚہؠ گناہ کرنہٕ نِشہ لوٗب روزیٚو نہٕ!"6 پتہٕ ؤنؠ یسوعؔن تِمن یہِ دلیل" اکؠ نفرن دِیتُ پننِس باغس منٛز اکھ انجیر کلُ۔ پرٛیتھ ورؠیہِ آو سُہ تتھ انجیر تلُنہِ، مگر تتھ اوس نہٕ کانٛہہ آسان۔7پتہٕ ووٚن تٔمؠ باغوانس، یتھ کُلس کنُ وُچھ! بہٕ روٗدُس اتھ ترٛیو ورؠیو پؠٹھٕ پرٛیتھ ورؠیہِ میٚوٕ ژھانڈان، مگر اتھ درٛاو نہٕ کانٛہہ انجیر۔ یہِ ژٕھنن ژٹتھ۔ یہٕ چُھ صرف میٚژِ منٛز غذائی اجزا کُنہٕ چیزٕ خٲطرٕ استعمال کران۔8پوٚز تٔمؠ باغوانن دِیتُ جواب، "جناب، ترٛاون دویمِس ورؠ یس پؠٹھ۔ بہٕ کرٕ اتھ گُڈٲے بیٚیہِ تراوس پاہ۔9ہرگاہ اتھ دوٗیمہِ ورؠیہِ انجیر درایہِ، أسؠ تھاوٕہن! پوٚز یہِ دِیہ نہٕ کانٛہہ میٚوٕ تیلہِ ہیٚکہ ہن ژٕ یہِ ژٔٹتھ۔"10أکِس یہُودؠ سبت دوٚہس پؠٹھ اوس یسوعؔ ہیکلس منٛز لوٗکن تعلیم دِوان۔11تتہِ ٲس اکھ زنان یمِس اردہو ورؠیو پؠٹھٕ بدروحن معذور کٔرمٕژ ٲس۔ تسَ اوس کوٚب دراومُت۔ سۅ ٲس نہٕ ہیکان سؠود کھڑا روٗزتھ۔12ییٚلہِ یسوعؔن سۅ وُچھِ، تٔمؠ أنؠ سۅ پانس نِش ناد دِتھ۔ تٔمؠ ووٚن تسَ، "خاتونی، ژےٚ سُپدۓ امہِ بٮ۪مارِ نِشہ شفا!"13تٔمؠ تٔھوؠ تسَ پؠٹھ پنُن اتھٕ۔ سۅ ؤژھ ؤلؠ ؤلؠ تھوٗد گییہِ اِستادٕ تہٕ لٔجؠ خدایہِ سنٛدؠ تعریف کرنہِ!14 مگر ہیکلکس سردارس کٔھژ شرارت تکیازِ یسوعؔن اوس تسَ یہُودؠ سبتکہٕ دوٚہہ شفا بخشمُت۔ لہٰذا تٔمؠ ووٚن لوٗکن، "پرٛیتھ ہفتس منٛز چُھ اسہِ پنُن شریعت شین دوٚہُن کٲم کرنُک اجازت دِوان۔ ہرگاہ توٚہہِ شفا آسہ ضرورت، تِمن دوٚہُن منٛز واتیو ہیکلس منٛز کٲنسہِ أکِس نِشہ شفا حٲصٕل کرنہٕ باپتھ۔ سبتکہٕ دوٚہہ مہَ واتیو!"15پتہٕ ووٚن یسوعؔن تمِس، "ژٕ تہٕ چٲنؠ مذہبی سردار چُھو ریاکار! توٚہہِ منٛز چُھ پرٛتھ اکھ سبتکہِ دوٚہہ کانٛہہ کٲم کران! مثلن، توٚہؠ چُھو پنُن دانٛد یا خر ٹِکلہِ منٛز ییٚلہِ تراوان پتہٕ نِوان تتھ جایہِ ییٚتہِ سُہ ترٛیش ہیٚکہ چیٚتھ۔16یہِ زنان چھِ اکھ یہُودؠ، ابرہامؔ سنٛز کور! پوٚز شیطانن ٲس یہِ اردہن ؤرین معذور کٔریتھ تھٲومٕژ، زن تہِ گنڈتھ آسٕنؠ تھٲومٕژ! ژٕ مانکھ یقیٖنن زِ یہِ چُھ ٹھیک زِ مےٚ کٔر سۅ امہِ ناکارٕ بٮ۪مارِ نِشہ آزاد، ہرگاہ بہٕ یہِ سبتکہِ دوٚہہ تہِ کرٕ!"17یمہٕ کتھٕ وننہٕ پتہٕ تٔمؠ سنٛدؠ مُخٲلف ٲسؠ پانے شرمنٛدٕ سپدان۔ مگر باقی لوٗکھ ٲسؠ تٔمؠ سنٛزن شاندار کامؠنؠ پؠٹھ خوش سپدان یِم زن تٔمؠ سنٛدؠ دٔسؠ سپدان آسہ۔18پتہٕ ووٚن تٔمؠ، "بہٕ چُھس یژھان وضاحت کرٕنؠ زِ خدایی بادشٲہی کٔتھٕ پٲٹھؠ چھِ آسان۔ بہٕ دِمہٕ توٚہہِ اکھ نقشہٕ یُس زن توٚہہِ سمجھنس منٛز مدد کرِ۔19یہِ چُھ تِلہٕ گۅگل بیول ہیٚو آسان یُس زن اکؠ نفرن پننِس کھہَس منٛز دروٗنٛٹھ۔ سُہ کھوٚت یوٚت تام سُہ بوٗڈ گوٚو، بنیو اکھ کُل۔ یہِ گوٚو تیوٚت بوٗڈ زِ جاناوارو ییرؠ پنٕنؠ ٲلؠ امہِ چؠن لنجن پؠٹھ۔"20پتہٕ ووٚن تٔمؠ دُبارٕ، "بہٕ وننہٕ توٚہہِ بیٚیہِ اکہ طریقہٕ زِ خدٲیی بادشٲہی کٔتھٕ پٲٹھؠ چھِ آسان۔21یہِ چھِ خٔمیٖرِ ہنٛزِ اکہ رٔژھِ ہُنٛدؠ پٲٹھؠ آسان یۅسہ اکھ زنان پنژٕ کلو ٲٹسِ سٟتؠ رَلاؤتھ سُہ سورےٕ خٔمیٖرے بنیو۔"22یسوعؔن تھوو یروشلمسؔ کنُ سفر جٲری۔ سُہ ٹھہروو تِمن تمام شہرن تہٕ گامن منٛز یِم وُتہِ منٛز یوان ٲسؠ تہٕ دِژن لوٗکن تعلیم۔23کٔمؠ تام پرُوژھ تسِ، "خداوندٕ، کیاہ خدا دِیا کینٛژن لوٗکن نجات؟" یسوعؔن دِتس جواب تاکہِ تتہِ ہؠکہِ ہر کانٛہہ بوزِتھ،24"توٚہہِ چھےٚ تنگ دروازٕ کِنی اژنہٕ خٲطرٕ سخت محنت کرنٕچؠ ضروٗرت، تکیازِ یہِ چُھ سیٹھاہ مشٕکل۔ بہٕ وُنہٕ توٚہہِ زِ واریاہ لوٗکھ کرن اژنٕچ کوٗشش، مگر تِم ہؠکن نہٕ دٲخل گژھتھ۔25ییٚلہِ گرٕک مٲلکھ ووٚتھ تہٕ کوٚرن دروازٕ بنٛد، ژٕ روٗزک نیٚبر پتہٕ کرکھ دروازس ٹُھک ٹھُک۔ ژٕ کرکھ مٲلکس زارٕپارٕ تہٕ وُننہِ ہس، خداوند، سانہِ خٲطرٕ مٔژاو دروازٕ! پوٚز سُہ دِیہ جواب، "ناہ، بہٕ مُژراونہ، تکیازِ بہٕ زانٛتھ نہٕ ژٕ، بیٚیہِ چُھنہٕ مےٚ معلوم زِ ژےٚ کٔتکُ چُھکھ!26پتہٕ ووٚننکھ ژٕ، ژےٚ ٲسی تہِ ضرور مٔشد گوٚومُت، اسہِ کھیو کھؠن ژےٚ سٟتؠ، تہٕ ژےٚ پرنٲیِتھ أسؠ سانؠن شہرکؠن کوچن منٛز!27 پوٚز سُہ وُنؠ ژےٚ، بہٕ چُھسے ژےٚ دُبارٕ ونن، مےٚ چھِنہٕ خبر ژٕ کٔتکُ چُھکھ۔ توٚہؠ سٲری چُھو بدکار لوٗکھ! ییٚتہِ گژھِ دفاہ!"28پتہٕ روٗد یسوعؔ ونان، "ژٕ وُچھہَن دورے ابرہامؔ، اضحاقؔ بیٚیہِ یعقوبؔ، سٲری نبی یِم سیٹھاہ برونٛٹھ زندٕ ٲسؠ، خدٲیی بادشٲہی منٛز روٗزان۔ پوٚز ژٕ آسکھ نیٚبرٕ کٔنہِ ودان بیٚیہِ افسوس کران!29 پوٚز تتہِ آسن دنیاہکہِ پرٛیتھ کُنہِ جایہِ ہُنٛدؠ لوٗکھ، یِمن منٛز غیٖر یہُودؠ لوٗکھ تہِ شٲمل آسن۔ تِم سٲری آسن یکجا خدٲیی بادشٲہی منٛز جشن مناوان۔30یتھ متعلق سونٛچو: کینٛہہ لوٗکھ یِم از کم ترین باسن چھِ پتہٕ آسن سیٹھاہ اہم، تہٕ باقیو کینٛہہ یِم از اہم باسان چھِ پتہٕ آسن کم تر۔"31تمی دوٚہہ آیہِ کینٛہہ فریسی تہٕ ووٚننکھ یسوعؔ ہس، "ییٚتہِ نیر، تکیازِ حٲکم ہیرودیسؔ چُھےٚ یژھان ژےٚ قتل کرُن!"32تٔمؠ دیتُ تِمن جواب، "گژھو تہٕ ؤنو تمِس مکار نفرس، یُس سونچان چُھ زِ مےٚ ہیٚکہ زَرر واتنووُتھ پوٚز سُہ ہیٚکہ نہٕ تہِ کٔریتھ، تسَ واتنٲیو یہِ میٲنؠ شیٚچھؠ: بوٗزو! وُنہِ کؠن چُھس بہٕ بدروح نیٚبر کڈان بیٚیہِ معجزٕ ہاوان، بہٕ روٗزٕ یہِ کران کٔمےٕ وقتس۔ تمہِ پتہٕ، واتہِ میٲنؠ کٲم انٛد۔33پوٚز مےٚ چُھ بیٚیہِ ینہِ والیٚن دوٚہُن دوٗران پنُن سفر یروشلمسؔ کنُ جٲری تھاون ضروری یہُودؠ سردارو چھِ تنہِ پؠٹھٕ ہمیشہِ یہِ کران آمٕتؠ یہِ چُھنہٕ موزوٗن زِ اکھ رسول ییہِ یروشلمہٕؔ وراۓ بیٚیہِ کُنہِ جایہِ قتل کرنہٕ۔34ہے، یروشلمسؔ منٛز بسن والیو لوٗکو! توٚہہِ کروٕ تِم نبی قتل یِم واریاہ برونٛہہ زندٕ ٲسؠ۔ پتہٕ کروٕ توٚہہِ تِم قتل یِم خداین تُہنٛدِ خٲطرٕ سوٗزمٕتؠ ٲسؠ۔ توٚہہِ کروٕ تِم سنگ سار۔ مےٚ یژھوو کٲتیاہ لٹہِ زِ بہٕ کرہو توٚہؠ یکجا سپدتھ حفاظت، یتھٕ پٲٹھؠ اکھ کۅکرٕ پننؠن پوٗتؠن پکھن تل یکجا حفاظت چھِ کران۔ پوٚز توٚہہِ یژُھو نہٕ تہِ یہِ بہٕ کرہا۔35وۅنؠ وچھِو! خدایہ بچاوِ نہٕ وۅنؠ توٚہہِ یروشلم کیٚن لوٗکن۔ بہٕ ووٚن ہو توٚہہِ بیٚیہِ یتہِ: بہٕ اژٕ تُہنٛدس شہرس منٛز صرف اکہ لٹہِ۔ توٚہؠ وچھو نہٕ مےٚ تمہِ پتہٕ توٚت تام یوٚت تام بہٕ واپس یمہٕ، پتہٕ ووٚنوِ توٚہؠ مےٚ متعلق، مبارک چُھ أمِس انسانس یُس خدایہِ سٕنٛدِ حکمہٕ سٟتؠ یوان چُھ!"
Bridge Connectivity Solutions Pvt. Ltd.