لوق1
1"واریاہ لوٗکھ چھِ برونٛہہ پیٚٹھےَ تِمن چیزن متعلق لیٚکھان رودؠ مٕتؠ یِم اسہِ درمیان سَپدؠ۔2تِم چھِ رودؠ مٕتؠ تی درج کران یتھ لوٗکو گوٲہی دِژمٕژ ٲس یمو لوٗکو پانہٕ تِم واقات سپدان وُچھمٕتؠ ٲسؠ۔ تِم لوٗکھ چھِ ٲسؠ مٕتؠ گوڈٕ پٮ۪ٹھ تتہِ موجود ییٚتہِ تِم واقات پیش آے تہٕ تنہٕ پؠٹھٕ چھِ رودؠ مٕتؠ أکِس بیٚیس نِش سۅ دلیل بیان کران۔3مےٚ کٔر پانہٕ تِمن چیزن متعلق پرژھٕ غٲر یِم گۅڈٕ پیٚٹھےَ پیش آمٕتؠ ٲسؠ۔ توے نیٚو مےٚ فأصلہٕ زِ مےٚ پزِ اکھ صحیح تہٕ سلسلہِ وار دلیل عزتہٕ وٲلِس تھیُفِلسؔ خٲطرٕ لیکھنؠ۔4تھیو پلسسؔ اوس برونٹھے انجیلہِ ہنٛزن کتھن ہُنٛد علم مگر تمس اوس نہٕ تِمن واقاتن ہنٛدس پزر آسنس پؠٹھ پوٚرٕ پٲٹھؠ یقین۔ میٲنؠ تجویز چھِ زِ ژےٚ زانکھ تِمن چیزن ہنٛز اصلی حقیقت۔ بہٕ چُھس یژھان ژٕ گژھکھ تہِ زانُن یہِ لوٗکو توٚہہِ یسوعؔ ہس متعلق ونمُت چُھ زِ تہِ چھا پوٚز۔5ییٚلہِ ہیرودیسؔ یہُودیہ ہُک بادشاہ اوس، تمہِ وقتہٕ اوس تتہِ ذکریاہ ناوُک اکھ یہُودؠ کاہن تہٕ، ابیاہنؔ کاہن آسنُک سلسلہٕ۔ سُہ اوس ابیاہؔ سُنٛد زُر، تٔمؠ لٲج ہیکل کیٚن باقین کاہنن سٟتؠ خدمت کرٕنؠ یِم ابیاہؔ سنٛدؠ زُرؠ ٲسؠ۔ تٔمؠ سنٛزِ زنانہِ اوس ناو الیشِبعؔ۔ سۅ ٲس ہارونؔ سنٛدِ خاندانہٕ منٛزٕ تہٕ اوے ٲس سۅ تہِ کاہن فرقہٕ منٛزے۔6تِم دۅشوے بٲژ ذکریاہؔ تہٕ الیشِبعؔ ٲسؠ خدایس نزدیک راست باز تکیازِ تِم ٲسؠ ہمیشہ خدایہِ سنٛدین حکمن ہنٛز فرمانبردٲری کران۔7مگر تِمن اوس نہٕ کانٛہہ شُر، تکیازِ الیشِبعؔ ٲس نہٕ اولادن زایُن دِنس قٲبل۔ تہٕ تِم دوٚشوے بأژ ٲسؠ واریاہ بڈٕ زِ تِمن ہیٚکہ ہے نہِ وُنؠ شُر زیٚتھ۔8اکہ وقتہٕ آیہِ ابیاہؔ فرِیقس یروشلمسؔ منٛز خدمت کرنچؠ وٲرؠ، یہِ کٲم اوس ذکریاہؔ پانے بحثیتِ کاہن خدایہِ سٕنٛدِس خدمتس منٛز ادا کران۔9 کاہنو ژور ذکریاہؔ خداوند سٕنٛدِس گرس منٛز مشکہٕ تجہِ زالنہٕ خٲطرٕ۔ تِمو ژوٚر سُہ پننیٚو ریوایژو مطٲبق، چیٖرِ ترٛاونہٕ سٟتؠ، یہِ زٲنِتھ زِ خداین کمؠ سنٛدؠ دسؠ یٔژھ یہِ خاص کٲم کرناوُنؠ۔10ییٚلہِ مُشِک زالنہٕ وزِ، واریاہ لوٗکھ ٲسؠ ہیکل کس صحنس منٛز دُعا کران۔ یہِ صحن اوس مندرس نٮ۪بر۔11تمی وزِ، آو خداوندٕ سُنٛد فرشتہٕ ذکریاہسؔ نِش۔ سُہ رود قربان گاہس دٔچھنہِ انٛدٕ کھڑا یتِتھ سُہ مُشِک زالان اوس۔12ییٚلہِ ذکریاہنؔ فرشتہٕ وُچھ سُہ کھوٚژ تہٕ تمِس گوٚو ہٲبتھ۔13پوٚز فرشتن ووٚن تمِس، "ہے ذکریاہ مےٚ مہٕ کھۅژ ژٕ چُھکھ دُعا اوسمُت کران تہٕ خداین کوٚر چون دُعا قبول۔ چانہِ آشنہِ الیشِبعؔ زیوِ چون نیٚچو۔ ژٕ تھاوزِ تس یوحناؔ ناو۔14ییٚلہِ سُہ زایُن لبہِ، ژٕ گژھکھ سیٹھاہ خوش، تہٕ باقی واریاہ لوٗکھ تہِ گژھن خوش۔15 ژٕ تہٕ تِم گژھن خوش تکیازِ خدایس نِشہ آسہِ سُہ سارِوے کھۅتہٕ اثر وول۔ تمِس پزِنہِ زانٛہہ شراب چیٚون تہٕ نہ کانٛہہ نشہٕ کرُن۔ پاک روح کرِ ماجہِ ہندِ شکمہٕ منٛزے تس اثر تراوُن شروع۔16چون نیٚچو مانہِ راوِ واریہن اسرائیل ین گُنہو نِشہ دوٗر روزنہٕ باپتھ تہٕ تِمن کرِ پننِس خداوندٕ سنٛز فرمانبردٲری باپتھ بیٚیہِ تیار۔17 چون نیٚچو نیرِ خداوندس برونٛہہ برونٛہہ تہٕ تمسنٛدس روحَس آسہ ایلیاہؔ نبی سُنٛد ہیوٗ طاقت۔ سُہ پھرِ مالؠن ماجَن ہُنٛد دل دُبارٕ اولادن کنُ۔ سُہ پھرِ واریاہ نافرمان لوٗکن ہنٛدؠ دل خدا سنٛزِ فرمانبرداری کنُ تہٕ تِم گُذارَن گاٹہٕ جارچ تہٕ نیکی ہنٛز زندگی۔ سُہ کرِ یہِ اوے زِ خداوند سنٛدؠ لوٗکھ آسن تمہِ سٕنٛدِ خٲطرٕ تیار ییٚلہِ سُہ ییہِ۔18ذکریاہنؔ ووٚن فرشتس، "مےٚ کِتھٕ پٲٹھؠ ییہِ بھروسہٕ زِ یِم چیٖز ژےٚ ؤنِتھ تم کیاہ سپدن پٔزؠ پٲٹھؠ؟ بہٕ چُھس سیٹھاہ بُڈٕ تہٕ میٲنؠ زنانہ تہِ چھےٚواریاہ وٲنسہِ، لہٰذا چُھ میانہِ خٲطرٕ اتھ پؠٹھ یقین کرُن مشکل زِ یہِ کیا سپدِ۔"19 اتھ پٮ۪ٹھ وونس فرشتن یورٕ "بہٕ چُھس جبرائیل! بہٕ چُھس خدایس نِشہ اِستادٕ آسان! خداین سوزُس بہٕ یہِ رٕژ شیٚچھ ہیٚتھ ژےٚ نِش زِ ژےٚ سٟتؠ کیاہ سپدِ۔20وُنؠ بوز! یہِ مےٚ ژےٚ سٟتؠ کلامہٕ کوٚر تہِ سپدِ یقیٖنن تمہِ وقتہٕ یمیُک فاصلہٕ خداین کوٚرمُت چُھ۔ پوٚز ژےٚ کوٚڑُتھ نہِ میٛانین کتھن پؠٹھ بھروسہٕ، خدا کری ژےٚ زبان بنٛدی، ژٕ ہیککھ نہٕ تتھ دوٚہس تام کہینٛؠ ؤنِتھ یۅتام نہٕ چون نیٚچو زایُن لبہِ"21ہیکلس منٛز ذکریاہ تہٕ فرشتہٕ سنٛزِ کتھٕ دوران ٲسؠ لوٗکھ ذکریاہسؔ نیٚبرٕ کنہِ صحنس منٛز ذکریاہس نیٚبر نیرنس پراران۔ تِمن گوٚو تعجب زِ سُہ کیازِ بیوٗٹھ ییتِس کالس ہیکلس منٛز۔22پتہٕ درٛاو سُہ ہیکلہٕ منٛزٕ نیٚبر، پوٚز تٔمؠ ہیٚچ نہٕ تِمن سٟتؠ کتھ کٔرتھ۔ تکیازِ سُہ اوس نہٕ کتھےٕ کٔرتھ ہیکان۔ أمؠ ہوو تِمن اتھٕ کہ اِشارٕسٟتؠ تہِ یہِ انٛدرٕ سپدمُت اوس۔ امہِ سٟتؠ توٚر لوٗکن فِکرِ زِ خداین اوس تمِس اکھ رویا ہیکلس اندر سوزمُت۔23ییٚلہِ ذکریاہ سنٛدؠ خدمتٕکؠ دوٚہہ ہیکلس منٛز پوٗرٕ سپدؠ، سُہ درٛاو یروشلمہٕؔ منٛزٕ تہٕ گوٚو گرٕ پنُن واپس۔24امہِ پتہٕ کینٛہہ وقت گژھتھ، تس سنٛز زنانہ الیشِبعؔ روز گۅبہِ کھۅر، تہٕ پانٛژن ریتن روز سۅ لوٗکن نِشہ یہِ ؤنِتھ دور، زِ25 "خداوندن بنٲوس بہٕ گۅبہِ کھۅر روزٕنَس قٲبل۔ تمہِ سُنٛد شُکر، وُنؠ چُھنہٕ مےٚ لوٗکن منٛز ہٲنٹھؠ آسنٕچ رسوٲیی تُلٕنؠ۔"26ییٚلہِ الیشِبعؔ ہس گۅبہِ کھۅر روزنُک شیم رؠتھ ژاو، خداین سوز فرشتہٕ جبرائیل گلیل علاقہٕ کس ناصرت ناوٕ کِس أکِس شہرس منٛز۔27خداین سوز سُہ أکِس انہرؠ شہ کورِ سٟتؠ کتھ کرنہِ یمہِ سُنٛد ناو مریم اوس۔ تسَنٛدؠ مٲلؠ ماجہ اوس وعدہ کوٚرمُت زِ تٔمؠ سُنٛد خاندر ییہِ أکِس مردس سٟتؠ کرنہِ یمہِ سُنٛد ناو یوسف اوس، سُہ اوس بادشاہ داوود سنٛدِ خاندانہِ منٛزٕ۔28فرشتہ ووت تٔتھؠ جایہ یتؠن مریمؔ ٲس تہٕ ووٚننس، "اے برکتھ واجِنؠ! ژٕ چِھیٚکھ خداوندس سیٹھاہ خاص"29پوٚز ییٚلہِ تٔمؠ فرشتن یہِ ووٚن، سۅ گییہِ دُلہٕ مُلِس منٛز۔ سۅ لجٔ سونٛچنہِ زِ امہِ سلامہِ ہُنٛد مطلب کیاہ ہیٚکہ ٲسِتھ۔30پتہٕ ووٚن تٔمؠ فرشتن تمِس، "خدا چُھ یژھان ژےٚ برکتھ واجِنؠ بناوُن، اے مریمؔ، مٕہ کھۅژ!31 وُنؠ بوز، ژےٚ روٗزکھ بیٚیہِ زووٕ، تہٕ ژےٚ زیٚوی اکھ نیٚچو۔ تمِس تھاوکھ ژٕ یسوعؔ ناو۔32 سُہ بنہِ عظیٖم، تہٕ سُہ آسہ خدایہ سُنٛد عزتہٕ وول گۅبُر۔ خداوندٕ سُنٛد خدا بناوِ تمِس پننؠن لوٗکن ہُنٛد بادشاہ، یتھٕ پٲٹھؠ تمسُنٛد جَد داوود اوس۔33 سُہ روزِ اسرائیل کیٚن لوٗکن ہُنٛد ہمیشہ بادشاہ۔ سُہ کرِ تِمن پؠٹھ ہمیشہٕ بادشٲہی"34پتہٕ ووٚن مریمؔن فرشتس، "مگر بہٕ چھیٚس انہرِش۔ یہِ کِتھٕ پٲٹھؠ سپدِ"35فرشتن دِیُت جواب، "پاک روح سپدِ ژےٚ پؠٹھ نٲزل۔ خدایہ سنٛز قدرت آسہ ژےٚ پؠٹھ سایکؠ پٲٹھؠ نٲزل سپدان۔ لہٰذا یُس ژےٚ بچہ زییی سُہ آسہ پاک۔ سُہ ییہِ خدایہ سُنٛد نیٚچو گنٛزراونہٕ۔36بیٚیہِ بوز یتہِ۔ چٲنؠ رشتہٕ دار الیشِبعؔ تہِ چھےٚگۅبہِ کھۅرٕ، تمِس تہِ زیوِ اکھ نیٚچو۔ تکیازِ سۅ چھےٚ وٲنٛسہِ آمٕژ، لوٗکھ ٲسؠ زانان زِ سۅ ہیٚکہ نہٕ بچن زایُن دِتھ۔ مگر سۅ چھےٚ وُنؠ گۅبہِ کھۅر تقریبن شیٚمِس ریتس منٛز۔37 توٚہؠ چُھو وُچھان، خدا ہیٚکہ کینٛہہ تہِ کٔرِتھ"38پتہٕ ووٚن مریمؔن، بلکل ٹھیک۔ بہٕ چھیٚس خدایہ سنٛز نوکرٲنؠ۔ خدا ہیٚکہ تِم چیز میانہِ باپتھ بنٲوِتھ یِمن ہنٛز ژےٚ وضاحت کٔرتھ۔ "پتہٕ درٛاو فرشتہ تمِس نِشہ۔39تمہِ پتہٕ کمےٕ کٲلؠ، ؤژھ مریمؔ تہٕ گییہ جل جل تتھ شہرس منٛز یتہِ ذکرؔیاہ روزان اوس، سُہ شہر اوس یہُودیہ کیٚن کوہستانن منٛز۔40ذکرؔیاہ سُنٛد گرٕ أژتھ کٔر الیشِبعؔ یہِ سلام، یۅسہ ذکریاہؔ سنٛز زنانہ ٲس۔41یتُھے الیشِبعؔ ہن مریمٕنؠ سلام بوز، بچن تُج الیشِبعؔ سنٛدِس شکمس منٛز وۅٹھ۔ ؤلؠ ؤلؠ کوٚر پاک روحن الیشِبعؔ ہس منٛز کتھ کرنُک جوش پٲدٕ۔42تمہِ دِژ مریمسؔ زورٕ کرٛیکھ، "خداین چھےَ ژےٚ باقیو زنانو کھۅتہٕ زیادٕ برکتھ کرمژٕ، تہٕ تٔمؠ چُھے ژےٚ بچہ عطا کوٚڑمُت یَس ژٕ زایُن دِکھ!43بہٕ چھیٚس نہٕ اتھ لایق، زِ ژٕ میانِس خداوند سنٛز موج، آیہِ مےٚ نِش!44مےٚ چھےٚ سٲرےٕ پتاہ تکیازِ یتُھے مےٚ چٲنؠ سلام بوز، یُس بچہ میانِس شکمس منٛز چُھ تٔمؠ لوگ اورٕ یور کرُن تکیازِ سُہ اوس تیوٗت جوشش منٛز آمُت!45ژےٚ چھیٚکؠ بختہٕ بٔڈ تکیازِ ژےٚ کوٚڑُتھ تتھ پؠٹھ یقین یہِ خداوندن وُنےٕ، تہِ نیرِ پوٚز۔"46پتہٕ کٔرؠ مریمنؔ یہِ ونان خدایہِ سنٛدؠ تعریف زِ" او، بہٕ کِتھٕ پٲٹھؠ کرٕ خداوندٕ سنٛدؠ تعریف47 تہٕ بہٕ چھیٚس خدایس سیٹھاہ خوش، یُس مےٚ بچاوان چُھ!48 بہٕ چھیٚس خوش تکیازِ سُہ گوٚو مےٚ پؠٹھ مہربان، ییٚلہِ نہٕ بہٕ تتھ لایق ٲس سےٕ۔ یہِ کرِیو انٛدازٕ۔ أزؠ کہِ پؠٹھٕ، ونن پرٛیتھ زمانکٕؠ لوٗکھ زِ خداین چُھ مےٚ عنایت کوٚڑمُت!49تِم ووٚنُن یہِ تکیازِ خدا، یُس قُدرت تھاون وول تہٕ اکھ پاک ذاتھ چھےٚ، کرِ میانہِ باپتھ بجہِ بجہِ کامہِ۔50 سُہ چُھ پرٛیتھ زمانس منٛز تِمن لوٗکن پؠٹھ رحم دِل رودمُت یِمو تس احترام چھِ کران۔51 تٔمؠ چُھ لوٗکن ہوومُت زِ سُہ چُھ سیٹھاہ طاقتور۔ تٔمؠ چُھ تِمن شِکس دِتمُت یِمن پانس منٛز گُمنڈ اوس۔52 تٔمؠ چھےٚ حکمرانن حٲکمی نِمٕژ، پوٚز تٔمؠ چُھ پسماندٕ لوٗکن یزتھ بخشمُت۔53 تٔمؠ چھِ بۅچھِ ۂتؠ لوٗکھ رُت غذا کھیٲومٕتؠ یۅتام تِم سیر گے۔ پوٚز تٔمؠ چھِ امیر لوٗکھ اتھٕ چٔھنؠ کٔرمٕتؠ۔54تمؠ چُھ اسرائیلس مدد کوٚرمُت، تِمن لوٗکن یمو تس خدمت کٔر۔ واریاہ برونٛہہ کوٚر تٔمؠ سانیٚن جدن وعدہ زِ سُہ آسہ تِمن پؠٹھ رحم دِل۔ تٔمؠ چُھ سُہ وعدہ پُورٕ کوٚرمُت تہٕ سُہ آو ابرہامسؔ رحم دِلی سان پیش تہٕ تِہنزِ ذریٲژ پؠٹھ تہِ۔"56مریمؔ روز الیشِبعؔ سٟتؠ تقریبن ترٛین ریٚتن۔ تہٕ تمہِ پتہٕ گییہِ سۅ گرٕ۔57ییٚلہِ الیشِبعؔ ہس بچہ زیٚنُک وق ووت، تمِس زاو اکھ نیٚچو۔58ییٚلہِ تسنٕدیو ہمسایو تہٕ رشتہٕ دارو اتھ متعلق بوز زِ خداوندن کمہِ قسمُک نیٚچو اوس تمِس رحم دِلی سان عطا کوٚرمُت، تِم گےَ الیشِبعؔ پٮ۪ٹھ سیٹھاہ خوش۔59ٲٹھِ دوٚہؠ پتہ گےَ لوٗکھ تمِس بچس ختنُک رسم انجام دِنہٕ باپتھ جمع تہٕ یہِ ہاونہ باپتھ زِ سُہ اوس خدایہِ سُنٛد۔ یہِ اوس بچس ناو تھاونُک وق تہِ، لوٗکھ ٲسؠ یژھان تمِس ذکریا ناو تھاوُن تکیازِ سُہ اوس تسٕنٛدِس مٲلس ناو۔60پوٚز تٔمؠ سنٛزِ ماجہِ ووٚن، "نہٕ۔ امسُنٛد ناو مٕہ تھٲیِو ذکریاؔ۔ أمؠ سُنٛد ناو تھٲیِو یوحناؔ!61تتھ پؠٹھ ووٚن تمِس تِمو، "مگر یوحناؔ چُھنہٕ چانیو رشتہٕ دارو منٛزٕ کانٛسہِ أکِس تہِ ناو!"62پتہٕ کوٚر تِمو تسٕنٛدس مٲلس پننیٚو اتھو سٟتؠ اشارٕ زِ سُہ کیاہ چُھ تس ناو تھاوُن یژھان۔63تٔمؠ ہوو اشارٕ زِ تمِس دِیو لیکھنہٕ خٲطرٕ اکھ مشق۔ ییٚلہِ تِمو تمِس اکھ مشق دِژ، تٔمؠ لیٚوکھ تتھ پؠٹھ، "تسُند ناو یوحناؔ، "یِم لوٗکھ تتہِ ٲسؠ تِم سأری گییہِ حٲران!64تمہِ وزِ ہیٚچ ذکریاہنؔ دُبارٕ کتھ کٔرتھ، تہٕ سُہ لوٚگ خدایس تعریف کرنہِ۔65ییٚلہِ نکھٕ روزَن والیو لوٗکو یمَن چیزن متعلق بوز، تِمن منٛز گوٚو خدایہِ سُنٛد بڈٕ احترام پٲدٕ۔ تِمو ووٚن باقیو واریہن لوٗکن اتھ واقہٕ ہَس متعلق، تہٕ یہِ خبر پھہٲلییہِ یہُودیہ کیٚن تمام پہڑی علاقہٕ کین لوٗکن منٛز۔66ہر کانٛسہِ یمؠ تہِ یِمن چیزن متعلق بوز، روٗد یِمن متعلق سونٛچان۔ تِمو سونٛچ زِ، "یقیناً آسہ یہِ شُر بوٗڈ گژھتھ سؠٹھاہ خاص!" تِمو سونٛچ یہِ اوٕ مۅکھٕ تکیازِ تِمو وُچھ تہِ خداوند اوس تہنٛزِ زندگی منٛز طاقتور انٛدازس منٛز موجود۔67امہِ پتہٕ شُرؠ سُنٛد مول، ذکریاہؔ، کرِہے دُبارٕ کتھ، خدایہِ سنٛدؠ پاک روحن اوٚن ذکریاہؔ جوشش منٛز تہٕ تٔمؠ ونہِ خدایہِ سنٛدِ طرفہٕ یِمہٕ کتھٕ:68 "تعریف تمِس خداوندس، یَس خدایس، اسرائیل لٕکؠ لوٗکھ عبادت کران چھِ، تکیازِ سُہ چُھ پننٮ۪ن لوٗکن آزاد کرنہِ آمُت۔69 تٔمؠ چُھ کُستام سوزمُت یُس اسہِ؛ طاقتہٕ سان بچاوِ، کُستام یُس داوودنہِ ذٲژ منٛزٕ آسہ، یمِس سُہ بادشاہ ژارِ۔70واریاہ برونٛہہ اوس خداین پننؠن نبین وننُک معرفت عطا کوٚڑمُت زِ سُہ کرِ تِم چیٖز۔71 خدا چُھ یہِ واتناون وول اسہِ دُشمنو نِشہ بچاونہٕ باپتھ سوزان، تہٕ سُہ بچاوِ اسہِ پرٛتھ کانٛسہِ ۂنٛدِ ظُلمہٕ نِشہ یُس اسہِ نفرت کران چُھ۔72خداین چُھ یہِ کوٚڑمُت تکیازِ سُہ چُھ سانیٚن جَدن ہُنٛد وفادار تہٕ اوے چُھ سُہ پاک وادٕ نباوان یُس تٔمؠ تِمن سٟتؠ کوٚڑمُت چُھ۔73 یہِ چُھ سُہ وعدٕ یُس تٔمؠ ابرہامؔس قسم کھیٚتھ اسہِ متعلق کوٚڑمُت چُھ زِ سُہ کیاہ کرِ سانہِ خٲطرٕ۔74تٔمؠ چُھ وادٕ کوٚرمُت زِ سُہ بچاوِ اسہِ دُشمنَن ہنٛدِ ظلمہٕ نِشہ، تاکہِ أسؠ کرو تمؠ سنٛز خدمت کانٛسہِ کھۅژنہٕ وراے۔75تاکہِ تس سنٛزِ بارگاہِ منٛز گُذارو أسؠ سیٚزرٕکؠ تہٕ پزرٕکؠ دوٚہہ یۅتام ٲسؠ زندٕ روزیٚو۔"76 پتہٕ ووٚن ذکریاہنؔ پننِس بچس، "میانہِ گۅبریا، یوتتام زن چون تعلق چُھ، ژٕ آسکھ تمِس سارِوے کھۅتہٕ بٔڈِس خدایہِ سُنٛد اکھ نبی۔ ژٕ کرَکھ پنٕنؠ کٲم خداوند ینہٕ برونٛہہ شروع تاکہِ ژٕ کرہکھ لوٗکھ تسَنٛدِ باپتھ تیار۔77ژٕ وُنکھ خدایہِ سنٛدین لوٗکن زِ سُہ چُھ یژھان تِمن تِہنٛدؠ گناہ معاف کٔرِتھ نجات دیُن۔78خدا چُھ اسہِ یژھان بچاوُن تکیازِ سُہ چُھ رحم کرن وول تہٕ رحم دل۔ تمہِ سببہٕ چُھ سُہ اسہِ مدد کرنہٕ خٲطرٕ آسمانہٕ پؠٹھٕ پنُن یہِ نجات دِنہٕ وول سوزان۔79 یہِ نجات دِنہٕ وول ہاوِ تِمن پزرچ وتھ یمن نہٕ پتاہ چُھ، حتاکہ تِمن تہِ یمن نہٕ امِچ کینٛہہ خبر چھےٚ۔ سُہ ہاوِ اسہِ زندگی گُذارنچ سۅ وتھ یۅسہ خدایس خوش گژھِ۔"80وقت گذرنس سٟتؠ سٟتؠ گو ذکریاہؔ تہٕ الیشِبعؔ سُنٛد بچہ بوٚڈ تہٕ روحانی طور سپُد مظبوط۔ پتہٕ گوٚو سُہ أکِس وٲران علاقس کُن۔ سُہ رود تمہِ وزِ تہِ تٔتی ییٚلہِ تٔمؠ نٔنؠ پٲٹھؠ خدایہِ سنٛدین اسرائیلی لوٗکن تبلیغ کرُن شروٗع کوٚر۔
Bridge Connectivity Solutions Pvt. Ltd.