احبار24
1یہُوواہنؔ ووٚن موسیٰؔ ہس بیٚیہِ،2"اسرائیل کٮ۪ن لوٗکن کر حکم زِ تِم أنن لگاتار خٲلص دِگنہٕ آمتہِ زیتونُک تیٖل مقدس خٟمس اندر زوٗرِ منٛز زالنہٕ خٲطرٕ، یُتھ زن تمہِ سٟتؠ زوٗر سارسےٕ وقتس دزونؠ روزن آسہ۔3ہارونؔس پزِ مقدس جایہِ ہنٛدِس پردس نیٚبرؠ کِنؠ برابر تتھ ژٲنگس میانہِ موجودگی منٛز حفاظت کرنؠ یُتھ زن رٲتؠ راتس دزوُن روزِ۔ اتھ قانونس پؠٹھ پزِ ہمیشہ خٲطرٕ عمل کرنؠ۔4کاہنن پزِ لگاتار تِمن ژٲنگؠن ہنٛز میانہِ حفاظت کرنؠ یِم میانہِ موجودگی منٛز دَزن چھِ۔5بیٚیہِ، ژٕ پزی کینٛہہ اوٚٹ أننُ تہٕ تتھ پریتھ ہفتہٕ سؠٹھاہ بَجہِ باہ ژوچہِ تیٖل لٲگتھ بناونہِ تہٕ پریتھ کانٛہہ ژوٚٹ گژھِ أڑس کلو مٲدس بناونؠ۔6تِم ژوٚچہِ لٲگ تتھ میزس پؠٹھ یوس مےٚ برونٛہہ کنہِ سۅن جریتھ چُھ، دوٚن لٲنن منٛز، پریتھ لٲنہِ منٛز تھو شے شے ژوٚچہِ۔7تتھ سۅنہٕ سنٛدِس میزس پؠٹھ تھو پریتھ لٲنہِ سٟتؠ سٟتؠ کینٛہہ خٲلص وُدٕ دَزوُن یۅسہ میانہِ خٲطرٕ ژوٚچہِ بدلہٕ اکھ نیاز آسہ۔8کاہنن پزن پریتھ سبتٕکس دوٚہس پؠٹھ نوِ ژوٚچہِ میزس پؠٹھ تھونہِ سُہ وعدہ ہاونہٕ خٲطر یوس نہٕ زانٛہہ تہِ ختم سپدِ، یوس مےٚ چٲنؠن اسرائیل کٮ۪ن لوٗکن دِیتُمُت چُھ۔9ییٚلہِ تِم ژوٚچہِ میزٕ پؠٹھ تُلنہٕ یِن تِمن ہنٛدؠ مٲلکھ آسن ہارونؔ بیٚیہِ تسنٛدؠ نیٚچوؠ۔ تِمن پزن تِم تتھ أکس جایہِ کھیٚنہِ یوسہِ امہِ مقصدٕ خٲطرٕ الگ چھِ، تکیازِ تِمہٕ چھِ نیازکؠ حصہٕ۔ تِم نیاز یِمن ہُنٛد مٲلکھ صرف بہٕ چُھس۔ تِم چھِ مےٚ زالنہٕ خٲطرٕ دِنہٕ یوان۔"10تتہِ اوس اکھ نفر یمؠ سنٛزِ ماجہِ ہُنٛد ناو اوس شیلومتھؔ۔ سۅ ٲس اکھ اسرائیلی زنان یمؠ سُنٛد مول اوس ڈبریؔ یُس دان قبیلس سٟتؠ تعلق اوس۔ تمس زانہِ ہُنٛدس نیٚچوؠ سُنٛد مول اوس مِصرُک۔ اکہِ دوٚہہ کٔر امی نفرن خٟمس اندر بییٚس اسرائیل کِس نفرس سٟتؠ لڑٲے شروع۔ لڑٲیہِ دوران ونؠ تمؠ نفرن یہُوواہسؔ بدرد۔12لہٰذا اسرائیل کیٚو لوٗکو کوٚر سُہ نفر بند یوٚت تام تِمن یہُوواہؔ سٕنٛدِ طرفہٕ فٲصلہٕ ظٲہر سپدِ زِ تِمن کیاہ پزِ تمس نفرس سٟتؠ کرُن۔13پتہٕ ووٚن یہُوواہنؔ موسیٰؔ ہس،14"تمس نفرس کریو گنٛڈ تہٕ کڈہُن خٟمہٕ منٛزٕ نیٚبر یمؠ مےٚ بدرد وُنؠ۔ یِمو تتہِ تہِ بوٗز یہِ تمؠ ووٚن، تِم گژھن تمؠ سنٛدِس کٔلس پؠٹھ پنٕنؠ اتھٕ تھاون یہِ ہاونہٕ باپتھ زِ سُہ چُھ مجرم، تہٕ سٲری لوٗکھ گژھن تس کنہِ لٲیتھ مارنؠ۔15اسرائیل کٮ۪ن لوٗکن وَن، "ہرگاہ کٲنسہِ اکؠ مےٚ بدرد ووٚن سُہ گژھِ نتیجہِ تُلنہٕ خٲطرٕ تیار روزُن۔16لہٰذا یُس تہِ مےٚ بدرد ونہٕ سُہ گژھِ قتل کرنہٕ یُن۔ سٲری لوٗکھ گژھن تس کنہِ کنہِ کرنؠ۔ چاہے سُہ اکھ ۅپر چھا یا اکھ اسرائیلی چھا۔ یُس تہِ مےٚ بدرد ونہِ سُہ گژھِ قتل کرنہٕ یُن۔17ہرگاہ کانٛہہ کٲنسہِ قتل کرِ لوٗکھ گژھن تمس تہِ قتل کرنؠ۔18تہٕ یُس اکھا بییس نفرٕ سنٛدِس گُپنس مارِ سُہ دِیہ أمِس گُپنس بدلہٕ زندٕ گُپن۔19ہرگاہ کانٛہہ نفر بییس نفرس زخمی کرِ، تمس زخمی نفرس چُھ اجازت زِ سُہ دِیہ تمس نفرس تہٕ تِتھے پٲٹھؠ زخم۔20ہرگاہ کانٛہہ نفر بییس نفر أڈجہ پُھٹرایہِ تمس نفرس چُھ اجازت زِ سُہ تہِ پُھٹرایہِ تمس أڈجہ۔ ہرگاہ کانٛہہ نفر بییس نفرس أچھ کڈِ تس نفرس چُھ اجازت زِ سُہ تہِ کڈِ تس أچھ۔ ہرگاہ کانٛہہ کٲنسہِ دند پُھٹرایہِ تس نفرس چُھ اجازت تمس دند پُھٹراونس۔ یُس یُتھ ووِ سُہ تہِ لوٗنہِ۔21یُس بیٚیہِ سُنٛد گُپن مارِ تس چُھ گُپن بدلہٕ دیُن، مگر لوٗکھ گژھن تمس قتل کرنؠ یُس بییس قتل کرنؠ۔22توٚہہِ اسرائیل کیٚن لوٗکن تہٕ ۅپرن گژھن ہیوی قۅنوٗن آسٕنؠ۔ بہٕ یہُوواہؔ تُہنٛد خدا یُس کُنے چُھ، چُھ یہِ حکم دِوان۔"23پتہٕ ووٚن موسیٰؔ ہن اسرائیل کٮ۪ن لوٗکن زِ تس نفرس سٟتؠ کیاہ پزِ کرُن یمؠ یہُوواہسؔ بدرد ؤنؠ، لہٰذا تِمو نیٚو سُہ نفر ڈیرٕ نیٚبر تہٕ کوٚرکھ کنہِ کنہِ کران ہلاک۔ تِمو کوٚر تیٖ یہِ یہُوواہنؔ اوس موسیٰؔ ہس تِمن ونُکھ حکم کوٚرمُت۔
Bridge Connectivity Solutions Pvt. Ltd.