احبار25
1یہُوواہنؔ ووٚن موسیٰؔ ہس کوہِ سیناہس پؠٹھ،2"اسرائیل کٮ۪ن لوٗکن وَن زِ یہُوواہؔ چُھ تِمن یِم حکم دِوان: ییٚلہِ توٚہؠ تتھ مُلکس منٛز دٲخل سپدیو یوس بہٕ توٚہہِ دِنہٕ وول چُھس، پریتھ ستہِ ؤہرؠ پزِنہٕ توٚہہِ میانہِ باپتھ زمیٖنہِ پؠٹھ کانٛہہ تہِ فصل لاگُن۔ توٚہؠ دِیو زمیٖنہِ آرام کرنہٕ۔3شیٚن ورؠ ین لٲگیو توٚہؠ پننؠن کھہَن منٛز فصل، پننؠن دچھِ کوٚجؠن کریو شاخ ترٲشی، تہٕ پننٕؠ فصل لوٚنیو۔4مگر سٔتمس ورؠ یس منٛز دِیو توٚہؠ یہُوواہؔ سنٛدِس احترامس منٛز زمیٖنس آرام۔ پننؠن کھہَن منٛز مہَ لٲگیو بیوٚل یا دچھِ کوٚجؠن مہَ کریو شاخ ترٲشی سٔتمس ورؠ یس منٛز۔5سٔتمس ورؠ یس منٛز گژھن نہٕ مُزوٗر جمع کرنؠ یِم سُہ فصل ؤٹن یوس تُہنٛدین کھہَن منٛز ۅپدیومُت آسہ؛ توٚہؠ گژھیو نہٕ مُزوٗر جمع کرنؠ یِم تِم دچھ رٲٹن پؠٹھ دچھ ژٔٹن۔ توٚہہِ پزِ أکس ورؠ یس زمیٖنہِ آرام کرنہٕ دیُن۔6مگر توٚہہِ چُھ اجازت تِم فصل کھینُک یِم تتھ ورؠ یس منٛز ۅپدیمٕتؠ آسن۔ توٚہؠ تہٕ تُہنٛدؠ مرد تہٕ زنانہٕ نوٚکر بیٚیہِ مُزوٗر بیٚیہِ کانٛہہ تہِ ۅپر یُس توٚہہِ سٟتؠ زندگی بسر کران چھِ ہیکن تِم سٲری چیز کھیٚتھ۔7تہٕ تُہنٛدؠ چاروٲے بیٚیہِ وحشی جانور تہِ ہیکن تتھ ورؠ یس منٛز تِم کیٚتھ۔8کُنونزا وری پوٚرٕ سپدن پتہٕ پزِ توٚہہِ اکھ بوٚڈ بارٕ جشن مناوُن۔ دوٚیمہِ ورؠ یکس دہمہِ ریٚتہ کِس دہمس تٲریخس پؠٹھ وایناو سارسے مُلکس منٛز کفارٕ دِنُک دوٚہہ مناونُک بگل۔10سُہ وری کر یہُوواہسؔ احترام کرنہٕ باپتھ الگ۔ ژےٚ پزی پریتھ جایہِ سارنے لوٗکن اعلان کرُن زِ یہِ چُھ سُہ وری ییٚلہِ سۅ زمیٖن ییہِ تِمن خاندانن واپس کرنہٕ یِم تمیٛک مٲلکھ تمہِ ساعتہٕ ٲسؠ ییٚلہِ یہُوواہنؔ ٲسؠ تِہنٛدس مُلکس منٛز واتنٲوؠ۔ یہِ آسہ سُہ وقت ییٚلہِ یہُوواہؔ سٕنٛدؠ تِم لوٗکھ یِن آزاد کرنہٕ یِم غلام چھِ۔11یہِ وری چُھ پنژٲہن ورؠ ین ہُنٛد جشن، یہِ آسہ سُہ اکھ وری پزِ خوش سپدن تہٕ یہُوواہؔ سنٛدین خاص ہدایتن پؠٹھ عمل کرنؠ۔ تتھ ورؠ یس مہَ درٲنٹھیو کانٛہہ تہٕ چیز تہٕ مہَ لوٗنیو تِم فصل یا دچھِ یِم توٚہؠ اکثر پانے لوٚنان چھیو۔12یہِ آسہ سُہ اکھ وری یتھ منٛز توٚہؠ پنژٲہن ورؠ ین ہنٛز خوشی سپدِ۔ توٚہؠ زٲنیٚو یہِ آسہ خاص وری، تہٕ تیٖ کھیٚیو یوس پانے ۅپدیومُت آسہ۔13اتھ پنژٲہن ورؠ ین ہُنٛد جشن مناونس دوران کرِ پریتھ کانٛہہ پننُ جاییٔداد تمہِ کس اصلی مٲلکس واپس۔14ہرگاہ ژےٚ پننِس اسرائیلی بٲیس پننٕؠ زمیٖن کٕنکھ یا تمو منٛز کانٛسہِ ہنٛز زمیٖن ہیٚکھ، ژےٚ پزی تمس نفرس سٟتؠ اصل پٲٹھؠ پیش یُن۔15ہرگاہ ژےٚ زمیٖن مٔلؠ ہیکھ تمیٛکہِ قٟمتُک دار مدار آسہ دوٚیمس شادمٲنی مناونہٕ کؠن ورؠ یِن ہنٛدس شمٲرس تام۔ ہرگاہ کانٛہہ اکھاہ ژےٚ زمیٖن کٔنی، سُہ ہیییٖ سُہ قٟمت یوس دوٚیم شادمٲنی مناونس تام ورین ہُنٛد شمٲر آسہ، ییٚلہِ سٲری زمیٖن ییہِ تِمیٛکؠن اصلی مٲلکن واپس کرنہٕ۔16ہرگاہ دوٚیم شادمٲنی مناونس آسن واریاہ وری تیلہِ آسہ قٟمت زیادٕ۔ ہرگاہ کمےٕ وری آسن تیلہِ آسہ قٟمت کم۔ ژےٚ ہیککھ ونتھ زِ سُہ چُھ اصلی شادمٲنی مناونس تام کؠن ورین ہنٛد فصل شمٲر کریتھ کنان۔17اکھ أکس مہَ دِیو دوٚکھٕ۔ تمہِ بدلہٕ کریو یہُوواہسؔ احترام۔ یہِ چُھ یہُوواہؔ یمِس ٲسؠ اسرائیلٕکؠ لوٗکھ عبادت چھِ کران، سُہ چُھ اسہِ یِم کامہِ کرنُک حکم دِوان۔18میٲنس شریعتس پؠٹھ کریو ہوٚشہِ سان عمل۔ ہرگاہ توٚہؠ تہِ کریو، توٚہؠ روزیٚو پننِس مُلکس منٛز حفاظتہٕ سان زندگی بسر کران۔19زمیٖنس پؠٹھ وۅپدن فصل اصل پٲٹھؠ، تہٕ توٚہہِ آسہ کٲفی مقدارس منٛز کھیٚن دستیاب۔20پوٚز ژےٚ وُننکھ، "ہرگاہ سٔتمس ورؠ یس دوران ییٚلہِ ٲسؠ پننؠٕ فصل نہٕ ؤویو یا لوٚنو، ٲسؠ کیاہ کھیٚمو؟"21یہُوواہؔ چُھ توٚہہِ جواب دِون زِ سُہ تراوِ شیمس ورؠ یس منٛز توٚہہِ پؠٹھ پننٕؠ برکتھ، أتی دِیو سُہ توٚہہِ ترین ورؠ یِن ہُنٛد فصٕل تُہنٛدِ غذا باپتھ۔22أتی وُوِ توٚہؠ أٹھمہِ ورؠ یس منٛز پننُ بیول تہٕ کریو فصٕل تیار سپدنُک انتطار، توٚہؠ کھیٚو سوۓ غذا یوس توٚہہِ شیمس ورؠ یس منٛز وپدومُت چُھ؛ توٚہؠ کھیٚو سوۓ غذا یوٚت تام نوِمس ورؠ یس منٛز پننُ فصٕل لونیو۔23زمیٖن گژھِ نہٕ ہمیشہِ باپتھ کننہٕ ینؠ تکیازِ زمیٖن چھِنہٕ تُہنٛز۔ یہِ چھِ اصلی میٲنؠ، تہٕ توٚہؠ چُھو اتھ پؠٹھ عارضی طور روٗزان تہٕ میانہٕ باپتھ کاشت کٲری کران۔24سورےٕ مُلک یوس توٚہہِ نِشہ آسہ توٚہہِ پزِ یاد تھون زِ ہرگاہ کانٛہہ ژےٚ زمیٖن کٔنہِ، تس چُھ اجازت زِ سُہ ہییٚہِ تتھ ژےٚ نِشہ کُنہِ تہِ وقتہٕ واپس۔25ہرگاہ اسرائیل لُک چون بوے محتاج سپدِ تہٕ پننہِ زمیٖنہٕ منٛز کٕنہِ کینٛہہ تمؠ سنٛدِس سؠٹھاہ قریبی رشتہِ دارس چُھ اجازت سۅ زمیٖن واپس ہینس۔26ہرگاہ کٲنسہِ نفرس چُھ نہٕ کانٛہہ اکھ یُس سۅ زمیٖن مٔلؠ ہییٚہِ، مگر ییٚلہِ سُہ دبارٕ امیٖر سپدِ تہٕ سُہ ہیٚکہ سۅ زمیٖن واپس مٔلؠ ہٮ۪تھ،27تمس پزن شادمٲنی ہنٛدس ورؠ یس تام ورؠ ین شمٲر کرُن۔ پتہٕ گژھِ سُہ نفر تمس زمیٖن ہینہٕ وٲلِس نِشہ تیوٚت قٟمت وصول کرُن یوٚتاہ اکھ نفر تِمن ورؠ ین ہنٛدِ فاصٕلن تتھ زمیٖنس پؠٹھ کمومُت آسہ ہے۔28ہرگاہ اصلی مٲلکس واپس دِنچ رقم دستیاب آسہ نہٕ أتی کننہٕ آمٕژ زمیٖن روزِ ہینہٕ وٲلِس نِشہ دوٚیمس شادمٲنی ہنٛدس ورؠ یس تام۔ تتھ ورؠ یس منٛز کرِ سُہ دبارٕ پننٕؠ زمیٖن حٲصل تہٕ کرِ تتھ پؠٹھ بیٚیہِ کاشت کٲری۔29ہرگاہ کانٛہہ نفر پننُ اکھ مکانہٕ شہرس منٛز کٟنہِ یتھ اندؠ اندؠ اکھ دیوار آسہ، سُہ ہیٚکہ تتھ دوٚیمہِ ورؠ یہِ ہینہٕ وٲلِس نِشہ واپس ہٮ۪تھ۔30ہرگاہ تمؠ تتھ ورؠ یس اندر ہیژ نہٕ سۅ مٔلؠ، سۅ روزِ ہمیشہِ تمؠ سنٛز یمؠ سۅ مٔلؠ ہیژمٕژ چھِ تہٕ تمؠ سٕنٛدؠ نسٕل بنن تمیٛک مٲلکھ۔ تمس ہینہٕ وٲلِس چھِ نہٕ سۅ شادمٲنی ہنٛدس ورؠ یس منٛز اصلی مٲلکس واپس کرنچ ضروٗرت۔31مگر گامس منٛز روزن جایہِ یِمن أنٛدؠ أنٛدؠ دوٚسہ چھیٚنہٕ تِم یِن کھہَن ہنٛدؠ پٲٹھؠ ماننہٕ۔ لہٰذا اگر کانٛہہ تِمو جایو منٛز اکھ کٲنسہِ کٟنہِ، تس چُھ سۅ مکانہٕ کُنہِ وقتہٕ واپس مٔلؠ ہیننُک اجازت۔ اگرچہِ سُہ تتھ واپس مٔلؠ ہییٚہِ نہٕ، سُہ ہیٚکہ شادمٲنی ہنٛدس ورؠ یس منٛز تتھ پؠٹھ دبارٕ قبضہٕ کرِتھ۔32لاوی یِن ہنٛدؠ نسلن ہُنٛد چُھ خاص ماملہٕ۔ ہرگاہ تِم شہرس منٛز پننُ مکانہٕ کٟنن تِم چُھ اجازت زِ تِم ہیکن کُنہِ تہِ وقتہٕ تتھ واپس مٔلؠ ہٮ۪تھ۔33پوٚز ہرگاہ تِمو تِم مکانہٕ ہیٚکؠ نہٕ واپس مٔلؠ ہٮ۪تھ، تِم ہیٚکن شادمٲنی ہنٛدس ورؠ یس منٛز تِمن ہنٛدؠ مٲلکھ بنتھ، تکیازِ تِم مکانہٕ چھِ تَہنٛدین شہرن منٛز تتھ زمیٖنہِ پؠٹھ یوس باقی اسرائیل کیٚو لوٗکو تِمن دژمٕژ ٲس۔34پوٚز یِم گاسہٕ مٲدان تُہنٛدین شہرن نکھٕ چھِ تِم گژھنہٕ کٟنہٕ ینؠ۔ تِم گژھن اصلی مٲلکن ہنٛدؠ ملکِیت ہمیشہِ روٗزنؠ۔35ہرگاہ اسرائیل لُک اکھ چون بوے غریب سپدِ تہٕ سُہ چُھنہٕ ہیکن پننٕؠ ضروری چیز مٔلؠ ہٮ۪تھ، ژٕ تہٕ باقی گژھن تمس تمی طریقہٕ مدد کرٕنؠ یتھٕ پٲٹھؠ ژٕ وۅپرن ہُنٛد مدد چُھکھ کران یِم ژےٚ سٟتؠ عارضی پٲٹھؠ زندگی بسر کران چھِ۔36ہرگاہ ژٕ تس پۅنسہ وۅزُم دِکھ تمس ہیہ زیٚنہٕ کُنہِ قسمٕک سوٗد۔ تمہ بدلہٕ ہاو زِ ژٕ چُھکھ پننس خدایس احترام کران؛ ژٕ کر تس نفرس مدد یُتھ سُہ ژےٚ سٟتؠ زندگی بسر کرِ۔37ہرگاہ ژےٚ تمس پۅنٛسہِ ووٚزم دِکھ تہٕ سوٗد مہَ ہس؛ تہٕ ہرگاہ ژےٚ تس غذا کٕنکھ تمس ہے تیٖ یتھ ژےٚ مٔلؠ چھی۔ تمہِ منٛز مہَ کڈ کانٛہہ نفع۔38تیٖ مہٕ مشراو زِ یہِ چُھ یہُوواہؔ، چون خدا یوس ژےٚ یِم حکم چُھے دِوان؛ یہِ چُھ تمہِ پتہٕ تہِ سوۓ یہُوواہؔ یمؠ ژےٚ مِصرٕ منٛزٕ کڈتھ أننکھ تہٕ ملکہ کنعان کوٚرنی عطا۔39ہرگاہ چون اسرائیل لُک بوے غریب سپد تہٕ پننُ پان چُھے ژےٚ کٟنان تہٕ سُہ مہَ کرُن أکس غلام سٕنٛدؠ پٲٹھؠ کٲم کرنس پؠٹھ مجبور۔40تمس سٟتؠ کر سوے سلوک یوس ژےٚ پننٕؠ مُزوٗرن سٟتؠ کرن چُھکھ یا تمس نفرس سٟتؠ یُس چٲنس مُلکس منٛز أکس مسافر سٕنٛدؠ پٲٹھؠ روزان چُھ۔ سُہ گژھِ چٲنؠ کٲم صرف شادمٲنی ہنٛدس ورؠ یس تام کرُن۔41تمہِ ورؠ یہِ پزی ژےٚ سُہ یلہٕ تراون یُتھ سُہ پننِس عیال منٛز واپس گژھِ تہٕ پننٕؠ جدن ہنٛز ملکِیت سنبالہِ۔42زن تہٕ ٲسؠ سٲری اسرائیلٕکؠ لوٗکھ چھِ یہُوواہؔ سٕنٛدؠ غلام، یِم تمؠ مِصرچہِ غلامی نِشہ آزاد کٔرؠ۔ اوے گژھِ نہٕ توٚہہِ منٛز کانٛہہ اکھ تہِ غلام سٕنٛدؠ پٲٹھؠ کٟننہٕ یُن۔43یُس اسرائیل لُک نفر ژےٚ مٔلؠ ہیکھ تمس مہَ کر ظلم۔ تمہِ بدلہٕ کر یہُوواہسؔ، پننِس خدایس احترام۔44ہرگاہ ژےٚ غلام مٔلؠ ہینؠ چُھکھ یژھان، ژےٚ چُھے اجازت تِم ہمسایہِ قومو منٛز مٔلؠ ہینس۔45ژےٚ چُھے تِم ۅپر لوٗکھ مٔلؠ ہیٚنس اجازت یِم ژےٚ سٟتؠ زندگی بسر کران چھِ، بیٚیہِ ہیککھ تِمن ہنٛدین قبیلن نفر مٔلؠ ہٮ۪تھ یِم چٲنس مُلکس منٛز پٲدٕ سپدمٕتؠ ٲسؠ۔46تِم آسن ژےٚ تا عمر غلام تہٕ چانہِ مرنہٕ پتہٕ آسن تِم چانؠن شُرین ہنٛدؠ تہِ غلام۔ پوٚز ژےٚ پزی نہٕ پننٕؠ اسرائیل کٮ۪ن باین سٟتؠ ظلم کرُن۔47ہرگاہ توٚہہِ سٟتؠ اکھ ۅپر روزن وول امیٖر بنہِ تہٕ اکھ اسرائیل لُک چون بوے غریب سپدِ تہٕ سُہ کٟنہِ پننُ پان تمس ۅپرس یا تمؠ سنٛدِس قبیلہٕ کس کانٛسہِ أکس نفرس،48کٲنٛسہِ أکس چُھ پۅنسہِ دِتھ سُہ موکلاونس اجازت۔ تمؠ سنٛدِس کٲنٛسہِ تہِ رشتہٕ دارس چُھ سُہ رقم ادا کرِتھ آزاد کرنس اجازت۔49تمؠ سنٛدِ قبیلہٕ منٛز اکھ پِتٕر یا اکھ پِتٕر بوے ہیٚکہ رقم ادا کرتھ یُتھ سُہ آزاد سپدِ۔ یا، ہرگاہ سُہ امیٖر سپدِ، تس چُھ اجازت رقم ادا کرِتھ پننُ پان آزاد کرنس۔50یُس نفر تمؠ سنٛزِ آزٲدی باپتھ رقم ادا کرِ تس پزِ دوٚیمس شادمٲنی ہنٛدس ینس تام ورؠ یِن ہُند شمار کرُن تہٕ تمی مطٲبق سپدِ سۅ رقم مقرر یۅسہ باقی ورؠ یِن أکس مُزورس تِمن ورؠ یِن دِنہٕ ییہِ۔51ہرگاہ شادمٲنی ہنٛدس ورؠ یس تام آسن واریاہ وری، تیلہِ چھِ تمس سؠٹھاہ بٔڈؠ رقم ادا کرنؠ۔52ہرگاہ شادمٲنی ہنٛدس ورؠ یس تام آسن صرف کینٛہہ وری، تیلہِ چُھے تمس آزاد سپدنہٕ باپتھ اکھ لۅکُٹ رقم ادا کرنؠ۔53یِمن ورؠ ین سُہ تمس مٔلؠ ہنہٕ وٲلِس نِشہ کٲم کرن آسہ سُہ ہینہٕ وول گژھِ تس باقی مُزوٗرن ہنٛدؠ پٲٹھؠ سلوک کرُن تہٕ توٚہہِ سارنےٕ گژھِ یقین آسُن زِ سُہ مٲلک چُھنہٕ تمس پؠٹھ سختی کرن۔54ہرگاہ یمؠ أکؠ اسرائیلی نفرن پننُ پان أکس امیٖر نفرس کُنمُت آسہ تہٕ پننُ پان ہیٚکہ نہٕ کُنہِ تہِ طریقہٕ موکلٲوتھ، سُہ تہٕ تمؠ سٕنٛدؠ شُرؠ گژھن دوٚیمس شادمٲنی ہنٛدس ورؠ یس منٛز آزاد کرناونہٕ یِنؠ،55تکیازِ زن تہِ چھیو توٚہؠ میٲنؠ خٲدم یمؠ یہُوواہنؔ تُہنٛدؠ خداین، توٚہؠ مِصرٕ منٛز غلامی نِشہ آزاد کٔروٕ۔"
Bridge Connectivity Solutions Pvt. Ltd.