احبار23
1یہُوواہنؔ ووٚن موسیٰؔ ہس،2"اسرائیل کٮ۪ن لوٗکن ون یہُوواہؔ سنٛدین جشنن مطلق، تِمن دوٚہُن پزِ تِمن سارنۓ یکجا جمع سپدتھ پاک محفلن ہُنٛد مقرر وقتن پؠٹھ پریتھ ورؠ یہِ کرُن، یِمن جشنن منٛز کرن تِم میٲنؠ عبادت۔3پریتھ ہفتہٕ ہیکیو توٚہؠ شیٚن دوٚہُن کٲم کرِتھ، مگر سٔتمہِ دوٚہہ پزِ نہٕ توٚہہِ کانٛہہ تہِ کٲم کرنؠ۔ توٚہہِ پزِ آرام کرُن۔ یہِ چُھ اکھ مقدس دوٚہہ ییٚلہِ توٚہہِ پزِ جمع سپدتھ میٲنؠ عبادت کرنؠ۔ توٚہہِ پزِ تتھ دوٚہس پؠٹھ آرام کرُن ییٚتہِ تہٕ توٚہؠ زندگی ٲسیٚو بسر کران۔4یِم عیذ چُھس بہٕ تُہنٛدِ خٲطرٕ قٲیِم کران۔ یِم آسن مقدس دوٚہہ ییٚلہِ توٚہہِ پزِ جمع سپدتھ میٲنؠ عبادت کرنؠ۔5گوٚڈنچؠ عید چھِ فصح۔ سۅ عید گژھِ پریتھ بہارس منٛز مقرر کٔرمٕتس تٲریخس پؠٹھ شامس سُلے شروع تہٕ دوٚیمہِ دوٚہہ واتہِ انٛد۔6دوٚیمہِ دوٚہہ گژھِ عیدِ فطیر شروع یوٚسہٕ سٔتن دوٚہُن جٲری روزِ۔ تتھ دوٗران پزِ توٚہہِ کھیینہٕ خٲطرٕ خٔمیٖرِ ورٲے ژوٚٹ بناونؠ۔7گوٚڈنکہِ دوٚہہ پزِ توٚہہِ پننٕؠ معمولچ کٲم بند کرِنؠ تہٕ میٲنؠ عبادت کرنہٕ باپتھ جمع سپدُن۔8سٔتن دوٚہُن کریو توٚہؠ واریاہ جانور نیازِ رنگؠ مےٚ پیش یِم قربان گاہس پؠٹھ پوٚرٕ پٲٹھؠ زالنہٕ یِن۔ سٔتمس دوٚہس کریو توٚہؠ سٲری پننٕؠ معمولچ کٲم بند تہٕ مےٚ عبادت کرنہٕ باپتھ گژھیو جمع۔"9یہُوواہنؔ ووٚن بیٚیہِ موسیٰؔ ہس10اسرائیل کٮ۪ن لوٗکن وَن باقی بٔڈین دوٚہُن مطلق۔ "ییٚلہِ توٚہؠ تتھ ملکس منٛز دٲخل سپدیو یُس بہٕ توٚہہِ دِنہٕ وول چُھس، تہٕ ییٚلہِ توٚہؠ تتہِ گوڈنچہِ لٹہِ پننٕؠ فصل لونیو تہٕ تمہِ گوٚڈنکہِ فصلہٕ منٛز أنیو کینٛہہ پھل کاہنس نِشہ۔11سبت دوٚہہ پتہٕ دوٚیمہِ دوٚہہ تلہِ تتھ کاہن ہیٚور کُن مےٚ کُن مخصوص کرنہٕ باپتھ یُتھ بہٕ سُہ اکہِ توفہٕ رنگؠ قبول ہیٚکہٕ کرِتھ۔12تمی دوٚہہ پزِ توٚہہِ وٲرشُن اکھ نۅقصہٕ ورٲے کٹھ مےٚ قربان کرُن۔ توٚہہِ پزِ سُہ قربان گاہس پؠٹھ پوٚرٕ پٲٹھؠ زالُن۔13توٚہہِ پزِ اکہِ آٹیٚک نیاز تہِ زالُن۔ تتھ نیازس منٛز گژھِ ساڑ ژور کلو مٲدٕ، پیسمٕتؠ دانہٕ تیٖل رلٲوتھ آسٕنؠ۔ تِمن چیزن ہنٛدِ دزنُک مُشِک ییہِ مےٚ سیٹھاہ پسند۔ تتھ سٟتؠ گژھیٚو توٚہؠ اکھ لیٹر شراب تہِ نیاز کرنؠ یُس اکھ ٲبی نیاز آسہ۔14تتھ دوٚہس مہٕ کھیٚیو کانٛہہ ژوٚٹ یا بزمُت پھل یا بٕزنے پھل یۅتام نہٕ توٚہؠ تِم نیاز مےٚ، تُہنٛدس خدایس، نِشہ واتنایو۔ توٚہہِ تہٕ تُہنٛدین ینہٕ والین نسلن پزِ ہمیشہ یِمن حکمن پؠٹھ عمل کرنؠ، ییٚتہِ توٚہؠ زندگی بسر کریو۔15ییٚلہِ کاہن مےٚ سۅ پھلن ہنٛز گؠڈؠ نیاز پیش کرِ، تمہِ پتہٕ گنزرٲیو ستھ ہفتہٕ تہٕ اکھ دوٚہہ۔16سٔتمہِ سبتہٕ پتہٕ اکہِ دوٚہہ، گژھِ پریتھ کانٛہہ گرٕ نوِ فصلُک پھلہٕ منٛز مےٚ اکھ نیاز پیش کرُن۔17توٚہؠ انیو پننیٚو گرو منٛزٕ کاہنس نِشہ زٕ ژوٚچہِ یِم سُہ ہیٚور کنُ اکہِ نیازکس صورتہٕ مےٚ کُن تُلہِ تہٕ کرِ تِمن مےٚ کُن مخصوص۔ تِم ژوٚچہِ گژھن ساڑ ژوٚر کلو مٲدس بناونہِ ینہِ تِمن گژھِ خمیٖر رلٲوتھ آسٕنؠ۔ سۅ ژوٚٹ آسہ تمہِ کنکہٕ منٛز مےٚ اکھ نیاز یوس توٚہؠ پریتھ ورؠ یہِ گۅڈنتھ لونیو۔18تِمن ژۅچن سٟتؠ گژھیٚو توٚہؠ نۅقصہٕ ورٲے وٲرشِنؠ ستھ برٕ، اکھ ہکھر، تہٕ زٕ کٹھ مےٚ پیش کرنؠ۔ تِم گژھن قربان گاہس پؠٹھ پوٗرٕ پٲٹھؠ زالنہٕ یِنؠ۔ تِم سٲری نیاز، یِمن سٟتؠ اوٚٹ تہٕ شراب شٲمل چُھ گژھِ زالُن، تہِ یِمن سارنے ہنٛز دزنٕچ خۅشبو ییہِ مےٚ سؠٹھاہ پسنٛد۔19پتہٕ پزِ توٚہہِ أکس ژھاولِس پننؠن گنہَن خٲطرٕ اکہ نیازٕ رنٛگؠ خش کرُن تہٕ زٕ وٲرشِنؠ کٹھٕ برٕ سلامتی باپتھ نیاز کرنؠ۔20کاہن تُلہ تِمن نیازن مےٚ مخصوص کرنہٕ باپتھ ہیٚور کُن۔ سُہ کرِ بیٚیہِ گوٚڈنچ فصلچ ژوٚٹ تہِ پیش یُس توٚہؠ لونیٚو۔ تِم نیاز چھِ میانہٕ خٲطرٕ خاص مگر تِم چھِ کاہنن ہنٛدِ خٲطرٕ۔21تمہِ دوٚہہ پزِ توٚہہِ پننٕؠ معمولچ کٲم بنٛد کرنؠ تہٕ میٲنؠ عبادت کرنہٕ باپتھ جمع سپدُن۔ توٚہہِ تہٕ تُہنٛدین ینہٕ والین نسلن پزِ ہمیشہ یِمن حکمن پؠٹھ عمل کرنؠ، ییٚتہِ توٚہؠ روٗزن ٲسیٚو۔22ییٚلہِ توٚہؠ پننؠن کھہَن منٛز فصٕل لوٗنو، کھہَن ہنٛدین اندن سٟتؠ گژھِ نہٕ فصٕل لوٗنن تہٕ سُہ پھل مہَ تُلیو یوس لوٗنن والین ؤسؠ پییٚہِ۔ سُہ ترٲیو تِمن غریب لوٗکن تہٕ مسافرن ہنٛدِ خٲطرٕ یِم توٚہہِ سٟتؠ روٗزان چھِ۔ تہِ مہَ مشرٲیو زِ یہِ چُھس بہٕ یہُوواہؔ تُہنٛد خدا، یُس یِم حکم چُھ دِوان!"23یہُوواہنؔ ووٚن بیٚیہِ موسیٰؔ ہس24اسرائیل کٮ۪ن لوٗکن دِ یِم ہدایات:" پریتھ ورؠ یہِ، سٔتمہِ رؠتکہِ گوٚڈنکہِ دوٚہہ پزِ توٚہہِ سارنے سُہ دوٚہہ مناون یتھ پؠٹھ توٚہؠ پوٚرٕ پٲٹھؠ آرام کریو۔ توٚہہِ پزِ نہٕ تمہِ دوٚہہ کانٛہہ تہِ کٲم کرنؠ۔ ییٚلہِ کاہن پننٕؠ بگل زورٕ سان واین، توٚہؠ سارنےٕ پزِ پاک مجلسِ منٛز میٲنؠ عبادت کرنہٕ باپتھ جمع سپدن۔25توٚہہِ سارنے پزِ نہٕ تمہِ دوٚہہ کانٛہہ تہِ معمولچ کٲم کرنؠ۔ امہِ بدلہٕ پزِن توٚہہِ تِم نیاز پیش کرنؠ یِم قربان گاہس پؠٹھ زالنہٕ یِن۔"26یہُوواہنؔ ووٚن بیٚیہِ موسیٰؔ ہس،27توٚہہِ پزِ اکھ دوٚہہ سُہ مناون یتھ پؠٹھ توٚہؠ عرض کریو زِ بہٕ بخشہٕ تُہنٛدؠ تِم گناہ یِم توٚہہِ کرمٕتؠ چھِیو۔ سُہ دوٚہہ آسہ تمہِ پتہٕ نووِ دوٚہؠ ییٚلہِ کاہن بگل واینچ محفلہِ ہنٛد سنٛز کرن۔ تمہِ دوٚہہ چُھ توٚہہِ فاقےٕ روٗزن۔ توٚہہِ پزِ جمع سپدتھ مےٚ عبادت کرنؠ تہٕ تِم نیاز پیش کرنؠ یِم قربان گاہس پؠٹھ زالنہٕ یِن۔28توٚہہِ پزِ نہٕ تتھ دوٚہس پؠٹھ کانٛہہ تہِ کٲم کرنؠ، تکیازِ یہِ چُھ کفارُک دوٚہہ، ییٚلہِ کاہن تُہنٛدین گناہن ہنٛد کفارٕ دِنہٕ خٲطرٕ قۅربٲنیہِ مےٚ پیش کرِ۔29یُس اکھ تتھ دوٚہس پؠٹھ فٲقے روزنہٕ تُہنٛد گژھِ سُہ پننیٚو لوٗکو منٛز نیٚبر کڈُن۔30بہٕ کرن سُہ نفر فنا یُس تتھ دوٚہس پؠٹھ کُنہِ تہِ قسمٕچؠ کٲم کرِ۔31توٚہہِ پزِ نہٕ کُنہِ تہٕ حالس منٛز کٲم کرنؠ! توٚہہِ تہٕ تُہنٛدین سارنے نسلن چھِ یِمن حکمن پؠٹھ عمل کرنؠ، چاہے توٚہؠ کُنہِ تہِ جایہِ بسان ٲسیٚو۔32سُہ دوٚہہ آسہ توٚہہِ سارنے ہنٛدِ خٲطرٕ پوٚرٕ پٲٹھؠ آرام کرنُک دوٚہہ، تہٕ تمہِ دوٚہہ پزِ توٚہہِ فاقےٕ روزُن یہِ ہاونہٕ باپتھ زِ توٚہہِ چُھ پننؠن کٔر مٕتین گناہن پؠٹھ افسوس کرن۔ سُہ آرام کرنُک دوٚہہ تہٕ فاقےٕ روزُن گژھِ تمہِ دوٚہہ برونٛہہ اکھ دوٚہہ شامن شروع ییٚلہِ توٚہؠ پننٕؠ گناہ بخشنہٕ باپتھ ونو، تہٕ یہِ واتہِ دوٚیمہِ دوٚہہ شامن انٛد۔"33یہُوواہنؔ ووٚن بیٚیہِ موسیٰؔ ہس،34"اسرائیل کٮ۪ن لوٗکن وَن زِ تِم مناون پریتھ ورؠ یہِ خٟمچ عیٖد۔ یوس کُفارٕ کہِ دوٚہہ پتہٕ پانژِ دوٚہہ شروع سپدِ۔ یہِ عیٖد روزِ سٔتن دوٚہُن جٲری۔35تمہِ عیٖد ہنٛدِ گوٚڈنکہِ دوٚہہ سپدن لوٗکھ میٲنؠ عبادت کرنہٕ باپتھ جمع، تہٕ تِم کرن نہٕ پننٕؠ معمولچ کانٛہہ تہِ کٲم۔36تِمن سٔتن دوٚہُن گژھن تِم پریتھ دوٚہہ مےٚ اکھ جانور نیاز کرنؠ یوس قربان گاہس پؠٹھ زالنہٕ ییہِ۔ ٲٹھمہِ دوٚہہ گژھن تِم دبارٕ اکھ پاک مجلس منٛز جمع سپدتھ میٲنؠ عبادت کرنؠ تہٕ بیاکھ اکھ جانور گژھن تِم پیش کرنؠ یوس قربان گاہس پؠٹھ زالنہٕ ییہِ۔ یہِ تہِ آسہ اکھ مقدس مجلس تہٕ تِم گژھن نہٕ اتھ دوٚہس پؠٹھ کانٛہہ تہِ کٲم کرنؠ۔37مختصرن، یمہٕ چھِ تِم عیٖدٕ یِم مےٚ مقرر چھِ کرِمژٕ۔ یِم عیٖدٕ منٲیو جمع سپدتھ یُتھ زن توٚہؠ تِم سارنےٕ قسمن ہنٛدؠ قربان أنیو یِم قربان گاہس پؠٹھ زالنہٕ یِن، یِم چھِ جانورن ہنٛز قۅربٲنی، أٹچؠ قۅربٲنی، سلامتی ہنٛز قۅربٲنی، شرابچ قۅربٲنی۔ ہر کانٛہہ قۅربٲنی گژھِ تمی دوٚہہ أننؠ یمیٛک مےٚ اشارٕ کوٚرمُت چُھ۔38سبت دوٚہُن پؠٹھ میٲنؠ عبادت کرنہٕ علاوٕ پزن توٚہہِ یِم عیٖزٕ مناونؠ۔ تہٕ توٚہہِ پزن تِمو سارنےٕ نذرانو علاوٕ تِم نذرانہٕ دِنؠ یِم لوٗکھ پانے دِنکؠ فٲصلہٕ کرن چھِ تہٕ تِمن ہدین علاوٕ یِم لوٗکھ پننؠن پۅختہٕ وعدہ نبھاونہٕ باپتھ دِوان چھِ۔39خٟمچ عیٖز مطلق میٲنؠ ہدایات چھِ زِ توٚہہِ گژھیو یہِ عیٖد سٲری فصٕل لوٚننہٕ پتہٕ مناونؠ۔ تتھ عیٖد ہنٛدس گوٚڈنکس دوٚہس تہٕ ٲخری دوٚہس پؠٹھ پزِ توٚہہِ پوٚرٕ پٲٹھؠ آرام کرُن۔40پوٚز گوٚڈنکہِ دوٚہہ چُھ توٚہہِ کُلیو پؠٹھ میٚوٕ والنُس اجازت۔ توٚہؠ ہیکیو کٔھزر کُلن ہنٛز لنجہِ وٲلِتھ، پننہٕ دار لنجہِ تہِ ہیکیو باقی کُلین وٲلِتھ، تہٕ کوٚلن نکھٕ یڑِ کُلن منٛز بناویو تتھ ہفتس روزنہٕ خٲطرٕ پناہ گاہ۔ پتہٕ تِمن سٔتن دوٚہس روزیٚو میانہِ موجودگی منٛز خوش۔41یہِ عیٖد چھۓ توٚہہِ پریتھ ورؠ یہِ سٔتمَس ریٚتس منٛز سٔتن دوٚہُن مناونؠ۔ توٚہہِ تہٕ تُہنٛدین نسلن پزِ ہمیشہ یِمن حکمن پؠٹھ عمل کرنؠ ییٚتہِ توٚہؠ زندگی بسر کریو۔42عیٖز ہنٛدین تِمن سٔتن دوٚہُن دوران چُھ توٚہہِ سارنےٕ اسرائیل کٮ۪ن لوٗکن پناہ گاہن منٛز روزُن۔43یہِ عیٖد آسہ ہمشہ تُہنٛدین نسلن یاد پاون زِ تِہنٛدؠ جد ٲسؠ واریہن ورؠ ین پناہ گاہن منٛز روٗزان ییٚلہِ تِم مےٚ مِصرٕ منٛز بچٲوتھ أنؠ۔ تہِ گژھِ نہٕ مشراون زِ بہٕ یہُوواہؔ تُہنٛد خدایہ چُھ سُہ یُس توٚہہِ یہِ حکم چُھ دِوان۔"44لہٰذا موسیٰؔ ہن دِیتؠ عیٖذن مطلق تِم سٲری ہدایات اسرائیل کٮ۪ن لوٗکن یِم یہُوواہؔ اوس یژھان اوس زِ تِم گژھن پریتھ ورؠ یہِ مناونؠ۔
Bridge Connectivity Solutions Pvt. Ltd.