احبار22
1یہُوواہنؔ ووٚن بیٚیہِ موسیٰؔ ہس،2"ہارونسؔ بیٚیہِ تمؠ سنٛدین نیٚچوٮ۪ن کر وضاحت زِ تِمن کر پزِ نہٕ سُہ غذا کھیوٚن یا تتھ اتھٕ لاگُن یوس لوٗکو اکہِ قربانہٕ رنگؠ مےٚ مخصوص کران چھِ۔ تِم گژھن نہٕ مےٚ یا میانس ناوس بے حرمتی کرنؠ۔ بہٕ چُھس یہُوواہؔ۔3تِمن وَن زِ سارسےٕ ینہٕ وٲلِس زمانہٕ خٲطرٕ، ہرگاہ تِم یا تِہنٛزِ ذرؠ یٲژ منٛز کانٛہہ کُنہِ وجہ کِنؠ کاہن سنٛز کٲم کرنس لایق روٗزن نہٕ، تِم گژھن نہٕ تتھ کُنہِ تہِ چیزس نکھٕ گژھنؠ یوس اسرائیل کیٚو لوٗکو میانہِ باپتھ قربان کوٚرمُت آسہ۔ یُس اکھ یتھ قۅنونس خلاف ورزی کرِ سُہ روزنہٕ میانؠن لوٗکن منٛز پتہٕ شٲمل۔ بہٕ چُھس یہُوواہؔ۔4ہرگاہ ہارونؔ سنٛزِ ذرؠ یٲژ منٛز کٲنٛسہِ تہِ مٔسلس اکھ لٲگدار بٮ۪مٲرؠ آسہ یا سٔلٲن آسس، تمس چُھنہٕ توٚت تام مقدس نیاز منٛز کینٛہہ تہِ کھینُک اجازت یوٚت تام نہٕ سُہ ٹھیک سپدِ۔ سُہ روزنہٕ پننہِ کامہِ لایق ہرگاہ تمؠ تتھ چیزس اتھٕ لوٚگمُت آسہ یوس أکس لاشہِ کُن لُگمُت آسہ، یا ہرگاہ تس نفرس کُن اتھٕ لاگہِ یِس منی نیران آسہ،5یا زمیٖنہِ پؠٹھ کھوٚکھج کرن وٲلِس جانورس اتھٕ لاگہِ، یا تس نفرس سٟتؠ اتھٕ لاگہِ یُس تمس پننہِ کامہِ لایق تھٲوِ نہٕ۔6یُس کاہن کُنہِ ناپاک چیزس اتھٕ لاگہِ سُہ روزِ شام تام ناپاک۔ سُہ گژھِ نہٕ پاک چیزو منٛز کانٛہہ اکھ چیز تہِ کھیٚوٚن، یوٚت تام سُہ سران کرِ۔7شامہٕ پتہٕ ہیٚکہ سُہ مقدس نیازو منٛزٕ کھیٚتھ، تکیازِ سُہ چھِ وۅنؠ تمؠ سُنٛد غذا یُس تمس کھیٚون چُھ۔8مگر سُہ گژھِ نہٕ سُہ کانٛہہ تتھ چیز کھیٚون یُس پانے مودمُت آسہ یا یُس وحشی جانورن مورمُت آسہ، تکیازِ ہرگاہ تمؠ تہِ کوٚر، سُہ روزنہٕ پننہِ کامہِ لایق۔ یِمن چیزن ہنٛد حکم چُھس بہٕ یہُوواہؔ کران۔9کاہن گژھن میانؠن حکمن ہؠٹھ عمل کرنؠ؛ تِم گژھن نہٕ انکار کرنؠ، یا تِم سپدن مجرم بیٚیہِ مٔرن۔ بہٕ چُھس سُہ یہُوواہؔ یُس توٚہہِ پننہِ احترام خٲطرٕ الگ چُھ کرن۔10یوس نہٕ کاہن سنٛدِس خاندانس سٟتؠ تعلق آسہ تھوان تس چُھنہٕ مقدس نیاز منٛز کھیٚنُک اجازت۔ سُہ کاہنس نِشہ ینہٕ ووٚل نفر ٲستن یا تمؠ سُنٛد مُزوٗر ٲستن، کٲنسہِ أکس تہِ چُھنہٕ یہِ کھیٚنُک اجازت۔11پوٚز ہرگاہ اکھ کاہن اکھ غلام مٔلؠ ہیوٚت یا ہرگاہ اکھ غلام تسنٛدس گرس منٛز تھٔنہٕ پٔیوو، تمس غلامس چُھ سُہ غذا کھیٚنُک اجازت۔12ہرگاہ کاہن سنٛزِ کورِ أکس تس نفرس سٟتؠ خٲندر کوٚر یُس نہٕ کاہن چُھ، تس چُھنہٕ تمہِ پتہٕ سُہ مقدس غذا کھیٚنُک اجازت یوس یہُوواہسؔ ٲسؠ نیازِو رنگؠ دِنہٕ یوان۔13ہرگاہ أکس کاہن سنٛز کور گییہِ شُرِ ورٲے مونٛڈ یا طلاق سپدیوس تہٕ آیہِ پننس مٲلؠ سنٛدِس گرس منٛز واپس روزنہٕ خٲطرٕ یتھٕ پٲٹھؠ سۅ لۅکچارس منٛز تتہِ روزان ٲس۔ تتھ صورتس منٛز ہیٚکہِ سۅ سُے غذا کھیٚتھ یُس تسنٛد مول کھیوان چُھ۔ پوٚز باقی کٲنسہِ نفرس چُھنہٕ امہِ منٛز کینٛہہ تہِ کھینُک اجازت۔14ہرگاہ کانٛہہ نفر مقدس نیاز منٛز ان زٲنؠ منٛز کینٛہہ کھیٚہِ سُہ نفر گژھِ سُہ غذا کاہنس واپس کرُن تہٕ تتھ پؠٹھ تمیٛک پٲنژم حصہٕ علاوٕ دیُن۔15ییٚلہِ کاہن مےٚ نِشہ تِم نیاز أنن یِم مقدس نیاز اسرائیلٕکؠ لوٗکھ تِمن نِشہ أنن چھِ، تِم گژھن نہٕ تِمن نیازن بے حرمتی کرنؠ؛16لوٗکھ گژھن نہٕ تمس کٲنسہِ تہِ نفر تِمو نیازو منٛز کینٛہہ تہِ کھییٚنہٕ دِنؠ یُس نہٕ اکھ کاہن آسہ۔ ہرگاہ تِمو تہِ کوٚر تِم بنن مجرم۔ بہٕ چُھس سُہ یہُوواہؔ یُس توٚہہِ اسرائیل کٮ۪ن لوٗکن چُھ پننہِ پاک احترام خٲطرٕ الگ کرن۔"17یہُوواہنؔ ووٚن بیٚیہِ موسیٰؔ ہس،18"ہارونسؔ، تمؠ سنٛدین نیٚچوٮ۪ن تہٕ اسرائیل کیٚن سارنے لوٗکن کر خطاب تہٕ تِمن وَن یہِ، "ہرگاہ توٚہہِ اسرائیل کیٚو لوٗکو منٛز کانٛہہ نفر یا اسرائیلس منٛز کانٛہہ ۅپر روٗزن وول مےٚ نِشہ اکھ جانور مُراد پوٚرٕ سپدنٕچ ہنٛز قۅربٲنی یا مرضی ہنٛز قۅربٲنی رنگؠ أننہِ سۅ گژھِ قربان گاہس پؠٹھ پوٚرٕ پٲٹھؠ زالنہٕ یِن،19توٚہؠ گژھیو پننیٚو چاروایو منٛز نۅقصہٕ ورٲے اکھ تیوٗر یا ژھاول أننؠ یُتھ سُہ بہٕ قبول ہیکن کرِتھ۔20سُہ جانور مہَ أنیو یمِس کانٛہہ نۅقص آسہ تکیازِ بہٕ کرن نہٕ سُہ قبول۔21یتھۓ پٲٹھؠ، ییٚلہِ کانٛہہ اکھ پننیٚو چاروایو منٛز یا تیوٗر یا ژھاول مُراد پوٚرٕ کرنہٕ باپتھ یا پننہِ مرضی قربان انہِ سُہ گژھِ عٲبہٕ یا نۅقصہٕ ورٲے آسن یتھ سُہ بہٕ قبول کرن۔22سُہ جانور مہَ کریو مےٚ نیاز یُس اوٚن یا لوٚنگ لیٚوژ، یا خٲرشہِ وول یا لاگہِ وول آسہ۔23توٚہؠ ہیکیو مےٚ پننہِ مرضی ہنٛز قربٲنی اکھ سُہ دانٛد یا کٹھ پیش کرِتھ یوس زخمی سپدمُت آسہ یا لیٚوژ آسہ، مگر امہِ سٟتؠ سپدنہٕ تُہنٛد مُراد پوٚرٕ۔24تِم جانور گژھن نہٕ مےٚ نیاز کرنؠ یِم آختہٕ کرنہٕ آسن آمٕتؠ یا کھتہِ کڈنہٕ آمٕتؠ آسن، یا ژٹنہٕ آسن آمٕتؠ۔ توٚہہِ پزن نہٕ یِم خسارٕ لد جانور یہُوواہسؔ نیاز کرنؠ ییٚتہِ توٚہؠ زندگی بسر کرن چھیو،25تہٕ توٚہہِ پزن نہٕ امہِ قسمٟکؠ جانور أکس ۅپرس نِشہ مٔلؠ ہنؠ۔ توٚہہِ پزن نہٕ تِم میانہِ غذا باپتھ نیاز کرنؠ۔ امہِ قسمٟکؠ جانور آسن نہٕ مےٚ قبول، تکیازِ تِمن چھِ عٲب یا بدصورت۔"26یہُوواہنؔ ووٚن موسیٰؔ ہس بیٚیہِ،27"ییٚلہِ اکھ وُژھ یا برٕ یا ژھاولؠ پوٗت پٲدٕ گژھِ، سُہ گژھِ پننہِ ماجہِ سٟتؠ سٔتن دوٚہُن روزُن۔ تمہِ پتہٕ آسہ سُہ مےٚ اکہِ قربٲنی خٲطرٕ قبول یۅسہ زالنہٕ ییہِ۔28اکھ گاو یا تیوٗر تہٕ تمؠ سُنٛد بچہ مہَ کریوکھ أکی دوٚہہ ذبح۔29ییٚلہِ توٚہؠ میانہٕ شکرانہٕ خٲطرٕ اکھ جانور قربان کریو، سُہ کرہُن تمی اندازٕ قربان یتھٕ کِنؠ بہٕ سُہ قبول آسہ۔30ماز گژھِ تمی دوٚہہ کھیوٚن۔ صبحس تام گژھِ نہٕ کہنؠ تہِ پتھ روٖزن۔ یہِ چُھس بہٕ یہُوواہؔ توٚہہِ حکم کران۔31بہٕ یہُوواہؔ چُھسو توٚہہِ حکم دِوان زِ توٚہؠ کریو میٲنؠن سارنۓ حکمن پؠٹھ عمل۔32تِمن ہنٛز بے قدری کرنہٕ سٟتؠ مہَ کریو مےٚ ناپاک۔ توٚہہِ اسرائیل کٮ۪ن لوٗکن پزِ مانُن زِ بہٕ، یہُوواہؔ چُھس پاک، تہٕ یہِ چُھس بہٕ یُس توٚہہِ پاک بناون چُھ۔33سُہ چُھس بہٕ یمؠ توٚہؠ مِصرٕ منٛز نیٚبر کڈوٕ یُتھ زن بہٕ یہُوواہؔ تُہنٛد خدا بنہٕ۔"
Bridge Connectivity Solutions Pvt. Ltd.