احبار21
1یہُوواہنؔ ووٚن بیٚیہِ موسیٰؔ ہس، "ہارونؔنؠ نیٚچوٮ۪ن سٟتؠ کر کتھ یِم کاہن چھِ، تہٕ تِمن وَن،2توٚہؠ کاہن گژھیو نہٕ پننُ پان کٲنٛسہِ موٚردس اتھٕ لانگنہٕ سٟتؠ میٲنؠ کٲم کرنہٕ خٲطرٕ نااہل بناونؠ۔ توٚہہِ چُھ اجازت صرف پننِس قریبی رشتہٕ دار سنٛزِ لاشہِ اتھٕ لاگنس، مثلن تُہِنٛزِ ماجہِ ہنٛز، مٲلؠ سنٛزِ، نیٚچوؠ سنٛزِ، کورِ ہنٛزِ یا بٲے سنٛزِ۔3توٚہؠ ہیکیو بیٚیہِ بیٚنہِ ہنٛزِ لاشہِ اتھٕ لٲگتھ ہرگاہ سۅ خٲندرِ ورٲے آسہ تہٕ تُہنٛدس گرس منٛز چھِ روٗزان، تکیازِ تس چُھ نہٕ خاوند یُس تس دفن کرِ۔4توٚہؠ کاہن گژھیو نہٕ باقی رشتہِ دار سنٛزِ لاشہِ اتھٕ لاگنؠ یمہِ سٟتؠ توٚہؠ پننُ پان نااہل بنٲیو۔5توٚہہِ کاہنن پزنہٕ پننؠن کٔلن ہنٛد مس کٲسن یا پننؠن دٲڑن ہنٛدؠ اند کٲسن؛ توٚہہِ پزِ نہٕ کٲنسہِ ہنٛدس مرنس پؠٹھ ماتم کران پنٕنؠ جسم زخمی کرنؠ۔6توٚہہِ پزِ تمی اندازٕ کٲم کرنؠ یِس بہٕ، تُہنٛد خدا تُہنٛدِ خٲطرٕ موزوٗن مانہٕ، میٲنیو کاہنو؛ توٚہہِ پزِ نہٕ مےٚ سٟتؠ اختلاف کرُن۔ توٚہؠ چھیو تِم یِم مےٚ نیاز پیش کرن یِم توٚہؠ زٲلیو۔ یِم نیاز گژھن آسن تُہنٛدِ غذا منٛزے۔ لہٰذا توٚہہِ پزِ اصل پٲٹھؠ عمل کرنؠ، تکیازِ توٚہؠ چھیو میون عزت۔7توٚہہِ کاہنن پزِ نہٕ گانؠن یا ووٚرزن زنانن سٟتؠ خٲندر کرُن، تکیازِ توٚہؠ کاہن چھیو خدایہ سٕنٛدِ خٲطرٕ الگ آمٕتؠ کرنہٕ۔8توٚہہِ پزِ یاد تھون زِ مےٚ چھیو توٚہؠ مٲنؠ عبادت کرنہٕ باپتھ الگ کٔریمٕتؠ۔ زن تہِ چھِ تُہنٛدؠ نیاز میٲنہِ باپتھ غذا۔ پننٕؠ پان سمجِھو میٲنؠ ملکِیت تکیازِ توٚہؠ بنٲوٕ مےٚ یہُوواہنؔ کاہن تہٕ مےٚ تہٕ بُرٲییٔ چُھنہٕ کانٛہہ تہِ واسط، بہٕ چُھس پاک۔9ہرگاہ أکس کاہن سنٛز کور اکھ گٲنؠ بنہِ، سۅ چھِ پننِس مٲلس بے عزت کرن تہٕ سۅ گژھِ نارس منٛز زالنہٕ یِنؠ۔10بوٚڈ کاہن چُھ سُہ یُس پننیٚو بایو منٛزٕ تمہِ کامہِ باپتھ تمؠ سنٛدِس کٔلس پؠٹھ زیتون تیٖل ملنہٕ سٟتؠ ییہِ مقرر کرنہٕ آمُت چُھ۔ تمس چُھ سُہ پوشاک لاگن یُس یہُوواہسؔ احترام کرنہٕ باپتھ الگ بناونہٕ آمُت چُھ۔ سُہ گژھِ پننُ مس شیرُن، تہٕ سُہ گژھِنہٕ پننٕؠ پلو ژٔٹنُ ییٚلہِ کٲنسہِ ہنٛد ماتم آسہ کران۔11سُہ گژھِ نہٕ تتھ جایہِ منٛز دٲخل سپدُن یتھ منٛز مۅردٕ آسہ۔ تہِ کرنہٕ سٟتؠ ہیٚکہ نہٕ سُہ پننہِ کامہِ لایق روٗزتھ، ہرگاہ سۅ لاش ٲسؠ تن، تمؠ سنٛدِس مٲلؠ سنٛز یا تمؠ سنٛزِ ماجہِ ہنٛز۔12ماتم کرن والین منٛز شٲمل سپدنہٕ خٲطرٕ گژھنہٕ سُہ مقدس خٟمہٕ منٛز نیٚبر نیرُن، تکیازِ سُہ روزنہٕ پننہِ کامہِ لایق بیٚیہِ سپدِ مقدس خٟمہٕ گندٕ۔ سُہ گژھِ نہٕ تمہِ وقتہٕ مقدس خٟمہٕ منٛزٕ نیٚبر نیرُن، تکیازِ تمس چُھ زیتون تیٖل کٔلس متھنہٕ آمُت یتھ سُہ مقدس خٟمس اندر خدایہِ سنٛز خدمت کرِ۔ بہٕ یہُوواہؔ چُھس یہِ حکم دِوان۔13کاہن گژھن انہرشین زنانن سٟتؠ خٲندر کرنؠ۔14توٚہیہ کاہنن پزِ نہٕ مونڈن یا گٲنین یا موٗکلاونہٕ آمژن زنانن ستٟؠ خاندر کرُن ہرگاہ توٚہیہ تہِ کریو تہٕ پتہٕ آسن توٚہیہ نیٚچوؠ تِم ہیکن نہٕ تُہندیو لوٗکو منٛزٕ کاہن مقرر سپدتھ۔ توٚہیہ پزِ پننیٚو لوٗکو منٛزٕ صرف انہرشین ستٟؠ خاندر کرُن۔ بہٕ چھس یہُوواہؔ یوس پننہِ احترام خٲطرٕ کاہن الگ کرن یِم مےٚ عبادت کرن۔16یہُوواہنؔ ووٚن بیٚیہِ موسیٰؔ ہس،17"ہارونسؔ ون یہِ: آینٛدٕ سٲرسےٕ وقتس منٛز گژھِ نہٕ چانہِ ذرے یٲژ منٛزٕ کٲنسہِ تہِ تمس نفرس قربان گاہس نکھٕ میانہِ باپتھ غذاہس ہشؠ قۅربٲنی پیش کرنہٕ خٲطرٕ اجازت دِنہٕ یُن یمِس جسمس پؠٹھ کُنہِ قسمٕک نۅقص آسہ۔18چاہے سُہ اوٚن یا لوٚنگ یا بدہییٚت یا یمِس بُتھ بدصورت آسہ،19یا سُہ نفر یمِس أکس کھوٚرس لنجر آسہ یا سُہ یمِس اکھ اتھٕ ناخیز آسہ،20یمِس نفرس کوٚب آسہ یا یُس ٹھنگنہٕ آسہ، یمِس أچھن نۅقص آسہ، یمِس مٔسلس خٲرش آسہ یا یُس آختہٕ کرناونہٕ آمُت آسہ۔21ہارونؔ میٖرِ کاہن، سنٛزِ ذرؠ یٲژ منٛز یُس نۅقصہٕ لد آسہ تس گژھِ نہٕ پننس خدایس قربان گاہس کُن قربان زالنہٕ خٲطرٕ ینُک اجازت دِنہٕ یُن۔22نۅقصہٕ لد کاہنن چُھ تِم واریہن قسمن ہُنٛد پاک غذا کھیٚنُک اجازت یِم مےٚ پیش کرنہٕ یوان چھِ۔23عٲبدار آسنہٕ کَنؠ پزِ نہٕ تِمن مقدس خٟمس اندر پردس نکھٕ یا قربان گاہس نکھٕ گژھن، ہرگاہ تِمو تہِ کوٚر تیلہِ کرن تِم میٲنس مقدس خٟمس بےحرمتی۔ بہٕ چُھس یہُوواہؔ، یُس یِمن جاین چُھ پننہِ باپتھ تہٕ پننہِ عزتہٕ باپتھ الگ کرن۔"24لہٰذا موسیٰؔ ہن ووٚن یہِ ہارونسؔ بیٚیہِ تمسٕنٛدین نیٚچوٮ۪ن بیٚیہِ اسرائیل کٮ۪ن سارنےٕ لوٗکن۔
Bridge Connectivity Solutions Pvt. Ltd.