احبار20
1یہُوواہنؔ ووٚن بیٚیہِ یہِ موسیٰؔ ہس:2"اسرائیل کٮ۪ن لوٗکن ون، "ہرگاہ کانٛہہ اسرائیل لُک نفر یا اسرائیلس منٛز روٗزن وول کانٛہہ تہِ ۅپر یُس مولکؔہ سنٛدِس پوٚتلسؠ پننؠس کٲنٛسہِ شُرِس قۅربٲنی ہنٛدس صورتس منٛز پیش کرِ سُہ گژھِ مارنہٕ یُن۔ تمہِ شہرکؠ لوٗکھ گژھن تمس کنہِ کنہِ کرٕنؠ۔3بہٕ کرکھ تیتھؠ لوٗکھ رد تہٕ تِمن دِمہٕ نہٕ تمہِ پتہٕ پننؠن لوٗکن سٟتؠ روزنہٕ تکیازِ تمؠ دِیُت مولکسؔ پننُ بچہٕ، امہِ سٟتؠ سپدِ میٲنؠ زمیٖن گندٕ تہٕ میٲنس مقدس ناوس دِیہ داغ۔4ہرگاہ تمؠ سنٛدِ شہر لوٗکھ تمس نفرس تمہِ وِزِ خیال تھون نہٕ ییٚلہِ سُہ مولکسؔ پننُ بچہ قربان کرن چُھ، تہٕ ہرگاہ تِم تمس نفرس قتل کرن نہٕ،5بہٕ دِمہٕ تمس نفرس تہٕ تمؠ سنٛدِس قبیلس پانے سزا۔ بہٕ دِمہٕ حکم زِ سُہ گژھِ نہٕ تمہِ پتہٕ میٲنؠن لوٗکن سٟتؠ روٗزن۔ تہٕ بہٕ کرٕ تِمن سٟتؠ تہِ ییہِ یِم مےٚ بے وفا چھِ کرن تہٕ مولکسؔ عبادت کرن۔6بہٕ کرکھ تِم رد یِم حوٗدگرن سٟتؠ مشورٕ کرن چھِ یا تِم یِم فال گرن نِشہ گژھتھ پننُ قسمت وچُھن چھِ۔ بہٕ کرکھ تِم لوٗکھ رد؛ تِم روٗزن نہٕ تمہِ پتہٕ میٲنؠن لوٗکن سٟتؠ۔7پننُ پان کریو میٲنہِ احترام خٲطرٕ الگ، یتھ توٚہؠ میٲنؠ ہیکیو بنتھ تکیازِ بہٕ چُھس یہُوواہؔ تُہنٛد خدا۔8تِمن سارنےٕ حکمن پؠٹھ پٔکیو ہوشہِ سان یِم مےٚ توٚہہِ دِیتمِت چھِ۔ بہٕ چُھس سُہ یہُوواہؔ یُس توٚہہِ باقی لوٗکو نِشہ الگ چُھ کرن یُتہ زن توٚہؠ مےٚ احترام کریو۔9ہرگاہ کانٛہہ پننس مٲلس یا ماجہِ وَہو کرِ سُہ گژھِ مارُن۔ سُہ آسہ پننہِ موتُک پانہٕ ذمہٕ دار۔10ہرگاہ کانٛہہ مرٕد بیٚیہِ کٲنسہِ مردٕ سنٛزِ زنانہِ سٟتؠ زنا کرِ پتہٕ پزن توٚہہِ تِم دوٚشوے، سۅ زنان تہٕ سُہ مرٕد قتل کرنٕؠ۔ تِمو چُھ زنا کرنُک جرم کوٚرمُت۔11ہرگاہ اکھ مرٕد پننس مٲلؠ سنٛزِ أکس زنانہِ نِشہ شۅنگہِ، تمؠ چُھ پننُ مۅل بے عزت کوٚرمُت۔ لہٰذا توٚہہِ پزن تِم دوٚشوے سُہ مرٕد تہٕ سۅ زنان، قتل کرٕنؠ؛ تِم آسن پننہِ موتٕکؠ پانہٕ ذمہٕ دار۔12ہرگاہ اکھ مرٕد پننہِ نوشہِ نِشہ شۅنگہِ، توٚہہِ پزن تِم دوٚشوے قتل کرٕنؠ۔ تِمو چھِ نیکی برُٲییٔ منٛز بٲگرٲمٕژ؛ تِم دوٚشوے چھِ موتٕکؠ حقدار۔13ہرگاہ زٕ مرٕد شۅنگن یکجا، تِمو کوٚر کہنؠ مکروہ کٲم۔ توٚہہِ پزن تِم دۅشوے قتل کرٕنؠ؛ تِم آسن پننہِ موتٕکؠ پانہٕ ذمہٕ دار۔14ہرگاہ اکھ مرٕد أکس زنانہِ بیٚیہِ تمؠ سنٛزِ ماجہِ دوٚشونےٕ سٟتؠ خٲندر کرِ، سۅ چھِ اکھ خراب کٲم۔ توٚہہِ پزن تِم تریشوے نارس منٛز زٲلتھ مارنؠ، یُتھ زن نہٕ توٚہہِ منٛز آینٛدٕ کانٛہہ اکھ تہِ یژؠ بُرٕ کٲم کرِ۔15ہرگاہ اکھ مرٕد أکس جانورس سٟتؠ جماع کرِ توٚہہِ پزن تِم دوشوے سُہ مرٕد تہٕ سُہ جانور قتل کرٕنؠ۔16یتھۓ پٲٹھؠ، ہرگاہ اکھ زنان أکس جانورس سٟتؠ جماع کرِ، توٚہہِ پزن تِم دوشوے سۅ زنان بیٚیہِ سُہ جانور، قتل کرٕنؠ۔ تِم آسن پننہِ موتٕکؠ پانہٕ ذمہٕ دار۔17ہرگاہ اکھ مرٕد پننہِ بیٚنہِ سٟتؠ جماع کرِ چاہے سۅ تمؠ سنٛزِ ماجہِ ہنٛز یا تمؠ سنٛدِس مٲلؠ سنٛز کور چھِ: ہرگاہ تِم یکجا شونٛگؠ مٕتؠ آسن، سۅ چھِ شرمہِ ہنٛز کتھ۔ تِم روٗزن نہٕ تمہِ پتہٕ میٲنؠن لوٗکن سٟتؠ۔ تکیازِ سُہ نفر شونٛگؠ پننہِ بیٚنہِ نِشہ، سُہ چُھ مجرم۔18ہرگاہ اکھ مرٕد أکس زنانہِ سٟتؠ ماہوٲری دوٗران جماع کرِ۔ تِمن دوشونے وُچھ تس زنانہِ چُھ خوٗن نیران، لہٰذا تِم گژھن نہٕ میٲنؠن لوٗکن سٟتؠ پتہٕ روٗزنؠ۔19کانٛہہ تہِ مرٕد گژھِ نہٕ پننہِ بیٚنہِ سٟتؠ جماع کرُن چاہے سۅ تس ماجہِ ہنٛز یا مٲلؠ سنٛز کور آسہ، سۅ چھِ شرمندگی تکیازِ تِمن چھِ قریب رشتہٕ دار۔ توٚہؠ دِیو تمس مرٕدس سٟتؠ سٟتؠ تس زنانہِ تہِ سزا۔20ہرگاہ اکھ مرٕد پننہِ پیٚچنہِ سٟتؠ جماع کرِ، تمؠ کوٚر پننُ پِتٕر بے عزت۔ یہِ کٲم تِمو کٔر تمیٛک ذمہٕ دار گژھن تِم پانے آسٕنؠ۔ ییٚلہِ تِم مَرن تِہنٛدین شُرین ییہِ نہٕ مٲلؠ سنٛزِ وراثتہٕ منٛز کہنؠ دِنہٕ۔21ہرگاہ اکھ مرٕد پننہِ بٔیؠ کاکنہِ سٟتؠ خٲندر کرِ، یہِ چُھ اکھ گناہ تکیازِ تمؠ کٔر پننِس بٲے سنٛدِس خٲندر بے عزتی۔ تِہنٛدین شُرین ییہِ مٲلؠ سٕنںز وراثت حٲصل کرنُک حق اتھٕ موٗرِتھ ننہٕ۔22میٲنؠن فرمانن تہٕ میٲنس شریعتس کریو ہوشہِ سان تٲبیدٲری، یتھ نہٕ توٚہہِ سُہ مُلکھ تراون پییہِ یتھ منٛز بہٕ توٚہؠ واتناون وول چُھس۔23تمہِ ملکہٕ کؠن تِمن لوٗکن ہنٛدین رسمن پؠٹھ مہَ کریو عمل یِم بہٕ تمہِ منٛز نیٚبر کڈن وول چُھس یُتھ توٚہؠ تتھ منٛز دٲخل سپدیو۔ بہٕ چُھس تِمن نفرت کرن تکیازِ تِمو چھِ تمہٕ سارے کامہِ کٔرِمیژٕ۔24مگر بہٕ ونو ژےٚ، "توٚہؠ کریو سُہ مُلکھ تِمن نِشہ حٲصل۔ بہٕ دِمہو سُہ توٚہہِ یتھ توٚہؠ تمیٛک وٲرث بنیو، سُہ مُلکھ چُھ سؠٹھاہ زرخیز۔ بہٕ چُھس یہُوواہؔ تُہنٛد خدا یمؠ توٚہؠ باقی قومن ہنٛدیو لوٗکو نِشہ الگ کٔروٕ۔"25لہٰذا توٚہہِ گژھیو شوٗژ تہٕ مکرین جانورن بیٚیہِ جاناوارن منٛز فرق کرین۔ پننُ پان مہَ کریو گندٕ تِم جاناوار یا جانور یا کانٛہہ تہِ چیز کھینہٕ سٟتؠ یُس زمیٖنہِ سٟتؠ کھوٚکھج کرن آسہ تِم چیز چھِ مٔکرٕؠ یِم مےٚ توٚہہِ ووٚنمِت چھِ۔26توٚہؠ گژھیو اکہِ قومٕکؠ پٲٹھؠ زندگی بسر کرین یِم مےٚ پننہِ احترام خٲطرٕ الگ کٔرمٕتؠ چھِ، تکیازِ بہٕ، یہُوواہؔ چُھس الگ پننہِ احترام خٲطرٕ چُھس پریتھ کانٛہہ کٲم کرن۔ مےٚ کڈوٕ توٚہؠ باقی قومو نِشہ نیٚبر، تکیازِ توٚہؠ چھیو میٲنؠ۔27یُس تہِ کانٛہہ مرٕد یا زٔنؠ جٲدؠ گر یا فعالہٕ گوٚر آسہ سُہ گژھِ لٲزمن قتل یُن کرنہٕ۔ تِم گژھن کنہِ کنہِ کرنہٕ ینؠ؛ تِم آسن پننہِ موتٕکؠ پانہٕ ذمہِ دار۔
Bridge Connectivity Solutions Pvt. Ltd.