احبار19
1بیٚیہِ ووٚن یہُوواہنؔ موسیٰؔ ہس،2اسرائیل کٮ۪ن سارنےٕ لوٗکن کر خطاب تہٕ تِمن وُن یہِ: توٚہؠ گژھیو پاک آسن تکیازِ یہُوواہؔ تُہنٛد خدا چُھ پاک، تہٕ سُہ چُھ یژھان توٚہؠ تہِ گژھیو تمؠ سٕنٛدؠ پٲٹھؠ پاک آسن۔3توٚہہِ منٛزٕ گژھِ ہر کانٛہہ پننِس مٲلس ماجہِ احترام کرُن۔ تہٕ توٚہؠ گژھیو سبتہٕ کؠن دوٚہُن احترام کرنؠ۔ یہِ چُھ یہُوواہؔ تُہنٛد خدا، یُس توٚہہِ یِم کامہِ کرنہٕ خٲطرٕ حکم چُھ دِوان۔4پوٚتٔلین مہَ کریو عبادت، یِمن منٛز کہنؠ چُھ، یا پننہِ باپتھ مہَ بنٲیو دیوتاہن ہنٛدؠ دھاتکؠ بُت۔ یہُوواہؔ چُھ تُہنٛد خدا، یُس توٚہہِ یہِ ونان چُھ۔ سُہ چُھ کُنےٕ اکھ یمِس توٚہؠ گژھیو عبادت کرنؠ۔5یہُوواہؔ چُھ بیٚیہِ یہِ ونُن:" ییٚلہِ توٚہؠ سلامتی ہنٛز اکھ نیاز أنیو، سُہ گژھِ اکہِ خاص طریقہٕ پیش کرُن یُتھ بہٕ سُہ قبول کرٕ۔6ماز گژھِ تمی دوٚہہ کھیٚنہٕ یُن یمہِ دوٚہہ توٚہؠ سُہ قربان کریو، پوٚز توٚہؠ ہیکیو تمہِ منٛز کینٛہہ دوٚیمہِ دوٚہہ تہِ کھیٚتھ۔ بہرحال، توٚہؠ گژھیو تریمس دوٚہس تام تمیٛک سورےٕ بَچاومُت زالنؠ۔7امہِ منٛز یہِ تریمہِ دوٚہہ کھیٚنہٕ ییہِ تہِ چُھنہٕ مےٚ پسند، تہٕ بہٕ کرٕ نہٕ سُہ نیاز قبول۔8بہٕ دِمہٕ تمس سزا یُس اکھ یہِ دوٚیمہِ دوٚہہ پتہٕ کھییٚہِ، تکیازِ سُہ کرِ نہٕ تتھ عزت یتھ بہٕ پاک ونُن چُھس۔ تہٕ تمس نفرس گژھِ نہٕ تمہِ پتہٕ میٲنؠن لوٗکن سٟتؠ شٲمل سپدنُک اجازت دِنہٕ یُن۔9ییٚلہِ توٚہؠ پننُ فصل لونیو کھہَن ہنٛدین انٛدن تہٕ کونن پؠٹھ گژھِ فصل ووٚدنہِ تھاون۔ تِم ہؠلؠ مہَ تُلیو یِم زمیٖنس پؠٹھ آسن وسؠ پیمٕتؠ۔10ییٚلہِ توٚہؠ پننٕؠ دچھ والیٚو پتہ گژھِ نہٕ دوٚیمہِ لٹہِ بیٚیہِ والنچؠ کوٚشش کرنؠ، بیٚیہِ گژھن نہٕ تِم دچھ تُلنؠ یِم زمیٖنس پؠٹھ آسن وسؠ پیمٕتؠ۔ تِم چیز ترٲییو غریب لوٗکن ہنٛدِ خٲطرٕ بیٚیہِ ۅپر لوٗکن ہنٛدِ خٲطرٕ یِم توٚہہِ سٟتؠ زندگی بسر کران چھِ۔ بہٕ، یہُوواہؔ تُہنٛد خدا، چُھس توٚہہِ یِمن کامنؠ ہنٛد حکم کران۔11ژوٗر مہَ کریواپُز مہَ وُنوِ۔ اکھ أکس مہَ دِیو دوٚکھٕ۔12میٲنؠ دٔرے مہَ ہٲوو ہرگاہ توٚہؠ زانن چھیو زِ تہِ چُھ اپُز۔ ہرگاہ توٚہؠ یہِ کریو، توٚہؠ کریو مےٚ بے عزت۔ یہِ مہَ مشرٲیو زَ بہٕ چُھس یہُوواہؔ، تُہنٛد خدا۔13مہَ کریو کٲنسہِ ٹھگلؠ یا ژوٗرِ مہَ نیو کٲنٛسہِ۔ ہرگاہ توٚہہِ پننیٚن مُزوٗرن رؠتہِ کس ٲخرس پؠٹھ مُزورؠ ادا کرُن مونمُت چھیو، سُہ وعدہ کریو پوٚرٕ۔ سۅ مُزورؠ مہَ رٹ دوٚیمس دوٚہس تام۔14زٔرین لوٗکن مہِ وُن بدرد، بیٚیہِ انٮ۪ن لوٗکن ہنٛزٕ وتہِ پؠٹھ مہَ تراو تِم چیز یِمن سٟتؠ تِمن کھوٚند لگہ۔ یہِ حکم چُھس بہٕ یہُوواہؔ دِوان۔15لوٗکن ہنٛدؠ فٲصلہٕ کریو اصل پٲٹھؠ۔ نہٕ کریو غریب لوٗکن ہنٛز راۓ نہٕ امیرِ لوٗکن ہنٛز راۓ۔16باقی لوٗکن متلق مہَ پھہلٲیو اپُز افواہ۔ عدالتس منٛز مہَ کریو ژھپہِ ہرگاہ تُہنٛز گۅٲہی بَچاوِ أکس بے قصور نفرس قتل سپدنہٕ نِشہ۔ یہِ حکم چُھس بہٕ یہُوواہؔ دِوان۔17نفرت مہَ کر کٲنسہِ۔ تمہِ بدلہٕ، کر ایماندٲری سان تمس تنقید یمِس تنقید شوٚبہِ کرُن، یُتھ نہٕ ژٕ تہٕ مجرم سپدکھ۔18کٲنسہِ بدلہٕ ہینچؠ کۅشش مہَ کر یا زیادٕ کٲلس مہَ تھو کٲنسہِ ہنٛز شرارت۔ تمہِ بدلہٕ بر لوٗکن تیتھۓ پٲٹھؠ لول یتھٕ پٲٹھؠ ژٕ پانس لول بران چُھکھ۔ یہِ حکم چُھس بہٕ یہُوواہؔ چوٗن خدا دِوان۔19میانہِ شریعتچؠ کر تٲبیدٲری۔ دوٚن مختلف قسمٕکؠن جانورن مہَ دِ پانہٕ وٲنؠ بستی کرنُک اجازت۔ أکسی کھہَس منٛز مہَ وَو دوٚے قسمٕکُ بیول۔ دوٚے قسٕمکُ کپٔرِ گژھِ نہٕ لاگُن۔20ہرگاہ اکھ مرٕد أکس تس نوکرٲنؠ نِشہ شۅنگہِ یمِس بیٚیہِ کٲنسہِ مرٕدس سٟتؠ گنڈتھ آسہ، پوٚز ہرگاہ تمؠ مرٕدن آسہ نہٕ سۅ مٔلؠ ہیژمژ تہٕ ونہِ چھِ اکھ نوکرٲنؠ، تِمن دوشونے گژھِ سزا دِنہٕ یُن۔ مگر سۅ ٲس ونہِ تہِ اکھ نوکرٲنؠ، تمس تہٕ تس مرٕدس یُس تمس نِشہ شۅنگ گژھن نہٕ قتل ینؠ کرنہٕ۔21بہرحال، سُہ مرٕد گژھِ مقدس خٟمکس دروازکس جگہس پؠٹھ اکھ کٹھ خش کرنہٕ باپتھ أننُ، یُس اکھ نیاز آسہ یُتھ زن نہٕ سُہ برونٛہہ کُن پننہِ گناہکُ مجرم آسہ۔22کاہن کرِ سُہ کٹھ مےٚ پیش۔ پتہٕ دِمہٕ بہٕ تمس مرٕدس تتھ گناہس معٲفی یُس تمؠ کوٚر۔23ییٚلہِ توٚہؠ تتھ مُلکس منٛز دٲخل سپدیو یمیٛک مےٚ توٚہہِ دِنکُ وعدہ دِیتُمُت چُھ، پتہٕ ییٚلہِ توٚہؠ واریاہ قسمٕکؠ میٚوٕ کٔلؠ درانٹھیو، ترٛین ورؠ ین گژھِ نہٕ تِمن ہنٛد اکھ میٚوٕ تہِ کھیوٚن۔24ژوٚرِمہِ ورؠ یہِ گژھِ تِہنٛد سورےٕ میٚوٕ الگ یُن کرنہٕ یمیٛک مٲلکھ بہٕ چُھس، توٚہؠ گژھیو سُہ پاک پٲٹھؠ الگ کرنؠ، یُس توٚہؠ میٲنہِ ثناہ خٲنی ہنٛد اکھ نیاز دِیو۔25پوٚز پوٗنژمہِ ورؠ یہِ ییہِ توٚہہِ تِمن ہُنٛد میٚوٕ کھینُک اجازت دِنہٕ۔ ہرگاہ توٚہؠ تہِ کریو، تُہنٛدین کُلین نیرِ سؠٹھاہ میٚوٕ۔ بہٕ، یہُوواہؔ تُہنٛد خدا چُھس سُہ وعدہ کران۔26سُہ ماز مہَ کھییٚو یتھ منٛز ونہِ تہِ جانور سُنٛد خوٗن آسہ۔ جادو گرن نِشہ مہَ گژھیو یہِ زانہٕ خٲطرٕ زِ پگاہ کیاہ چُھ سپدن وول، جوٗد گری پؠٹھ مہَ کریو عمل۔27پننؠن کلن اندؠ اندؠ مہَ کٲسیو مس یتھٕ پٲٹھؠ بت پرست لوٗکھ کرن چھِ۔28کٲنسہِ نفرٕ سنٛدِس مرنس پؠٹھ ماتم کران مہَ کریو پننٕؠ جسم زخمی، بیٚیہِ پننؠن جسمن پؠٹھ مہَ کھنیو نشانہٕ۔ یہِ حکم چُھس بہٕ یہُوواہؔ تُہنٛد خدا دِوان۔29پننہِ کورِ مہَ کرہوٗکھ گانہِ بننس پؠٹھ مجبوٗر۔ ہرگاہ توٚہؠ تِم گانہِ بنٲوٕ، ملکس منٛز ہورِ گانیٚن ہنٛد تعداد تہٕ باقی سٲری لوٗکھ یِن بدکٲری منٛز ہننہٕ۔30میٲنؠن سبتہٕ کؠن دوٚہُن کریو احترام بیٚیہِ کریو مقدس خٟمُک تعظیٖم، تکیازِ بہٕ چُھس یہُوواہؔ۔31تِمن مہَ ہیوٚو مشورٕ یِم مرِمٕتین لوٗکن ہنٛدین روحن مشورٕ ہنچؠ کۅشش چھِ کرن۔ ہرگاہ توٚہؠ تہِ کریو، بہٕ کرہو نہٕ توٚہؠ تمہِ پتہٕ قبول۔ بہٕ چُھس یہُوواہؔ تُہنٛد خدا۔32استادٕ سپدیو ییٚلہِ بُزرگ لوٗکھ سپدن کمرس منٛز دٲخل، بیٚیہِ ہایو زِ توٚہؠ چھیو تِمن احترام کرن۔ توٚہؠ گژھیو بیٚیہِ مےٚ احترام کرنؠ، بہٕ چُھس تُہنٛد خدا یُس بہٕ چُھس۔33ییٚلہِ ۅپر توٚہہِ سٟتؠ تُہنٛدس ملکس منٛز بسان آسہ، تِمن سٟتؠ گژھِنہٕ بد سلوٗکی کرنؠ۔34توٚہؠ گژھیو تِمن سٟتؠ سوےٕ سلوک کرنؠ یُس توٚہؠ پننؠن سٲتھین سٟتؠ سلوک کرن چھیو۔ تِمن بریو لول یتھٕ پٲٹھؠ توٚہؠ پانس برن چھیو، تہٕ تُہنٛد گژھِ نہٕ تہِ مشراون ییٚلہِ اکہِ وقتہٕ توٚہؠ مِصرس منٛز ۅپر ٲسیٚو تہِ مِصرٕکؠ لوٗکھ ٲس توٚہہِ سٟتؠ بدسلوٗکی کرن۔ بہٕ یہُوواہؔ تُہنٛد خدا چُھس بہٕ توٚہہِ یہِ حکم دِوان۔35ییٚلہِ توٚہؠ چیزن ہنٛز پیمٲیش ٲسیٚو کران، یہِ وچھیو تِم کٔتہِ کالکؠ چھِ یا تِمن کوتاہ وزن چُھ یا تِم کٔژ چھِ،36پیمٲیش کرنہٕ باپتھ کریو صحی پیمانہٕ گز تہٕ وزن کرنہ باپتھ کریو ٹوکٔر تہٕ باقی پیمٲیش کرن وٲلؠ بانہٕ استعمال۔ بہٕ چُھس یہُوواہؔ تُہنٛد خدا یمؠ توٚہؠ مِصرٕ منٛز کٔڈتھ أنوٕ۔37میٲنؠن سارنےٕ فرمانن تہٕ میٲنس شریعتس کریو ہوشہِ سان تٲبیدٲری۔ یہِ چُھس بہٕ یہُوواہؔ یُس توٚہہِ یِمن کامنؠ ہنٛد حکم چُھ دِوان۔
Bridge Connectivity Solutions Pvt. Ltd.