احبار1
1موسیٰؔ یمہِ وِزِ مقدس خٟمہ کِس دروازس نکھٕ استادٕ اوس، یہُوواہنؔ دیُت تمس خٟمہ اندرٕ آلو۔ تمؠ ووٚن موسیٰؔ ہس2اسرائیل کؠن لوٗکن ون یہِ:" ییٚلہ توٚہہ منٛزٕ کانٛہہ یہُوواہسؔ نیاز پیش کرِ سُہ گژھِ پننیٚو تیٖرو، ژھاولیو یا چاروایو منٛزٕ اکھ پیش کرُن۔3ہرگاہ توٚہہ اکھ دٲند آسہ پیش کرُن سُہ گژھِ قربان گاہس پؠٹھ مکمل پٲٹھؠ بٔزُن، بیٚیہِ گژھِ سُہ نۅقصہ بغٲر آسُن۔ توٚہہِ چُھ سُہ مقدس خٟمہ کس دروازس پؠٹھ کھالُن یُتھ زن سُہ ہیٚکہ یہُوواہسؔ قٲبلِ قبول ٲسِتھ۔4توٚہہِ چھیو پننٕؠ اتھٕ دٲندٕ سٕنٛدِس کٔلس پؠٹھ تھٲونؠ۔ ییٚلہِ یہِ توٚہؠ کریو، یہُوواہؔ کرِ تمؠ سنٛز قۅربٲنی تُہنٛدین تِمن گناہن ہنٛد کفار قبول یِم توٚہہِ کرِمٕتؠ چھیو۔5یہُوواہسؔ برونٛہہ کنہِ چُھ توٚہہِ اکھ ووٚژھ ذبح کرُن۔ پتہٕ تُلین کاہن، ہارونؔنٕؠ نیٚچوؠ سُہ رتھ تہٕ چھکُن مقدس خٟمہ کس دروازس نکھٕ قربان گاہس أنٛدؠ أنٛدؠ سارنےٕ طرفن۔6توٚہؠ چھیٚو تمس جانورس بستہٕ والٕنؠ تہٕ سُہ ٹٔکراون۔ بیٚیہِ تمس دٲندٕ سٕنٛدؠ أنٛدرِم تان تہٕ تمؠ سنٛزٕ زنٛگہٕ چھلنہِ۔7پتہٕ تراون ہارونؔ سٕنٛدؠ نیٚچوؠ قربان گاہس پؠٹھ زیُن تہٕ نارس پؠٹھ زیُن لٲگنُک کرن سنٛز۔8پتہٕ لٲگن تِم مٲز پھلؠ کٔلہِ تہٕ چرب ہیٹھ نارس پؠٹھ ترتیبس منٛز۔9اکھ کاہن بٔزِ تتھ سٲرسےٕ قربان گاہس پؠٹھ تہِ تمچؠ رٔژ خوشبو آسہ یہُوواہسؔ پسند۔10ہرگاہ توٚہؠ اکھ تیوٗر یا ژھاوُل آسہ پیش کرُن سُہ گژھِ نرَ کُنہِ نۅقصہٕ بغٲر آسُن۔11توٚہہِ چُھو سُہ یہُوواہسؔ برونٛہہ کنہِ شمالہٕ کہِ انٛدٕ ذبح کرُن تہٕ سورےٕ رتھ رٔٹیو اکِس بانس منٛز۔ پتہٕ چھکُن ہارونؔ سٕنٛدؠ نیٚچوؠ سُہ رتھ قربان گاہس ساروےٕ أنٛدو۔12توٚہہِ چُھ سُہ جانور نِکراوُن۔ تمؠ سٕنٛدؠ أنٛدرِم تان تہٕ تمؠ سنٛز زنٛگہٕ چھِ چھلنہِ۔ پتہٕ لاگن کاہن پھٔلین کٔلہٕ تہٕ چرب ہٮ۪تھ نارس پؠٹھ ترتیبس منٛز۔13پتہٕ تُلہِ کاہنو منٛزٕ اکھ کاہن تہِ سورےٕ تہٕ زالہِ تتھ سٲرسےٕ قربان گاہس پؠٹھ پوٚرٕ پٲٹھؠ۔ تہٕ دٔزونؠ قۅربٲنی ہُنٛد رُت مُشِک ییہِ یہُوواہسؔ پسند۔14ہرگاہ توٚہہِ اکھ جاناوار یہُوواہسؔ نیاز کرِو، توٚہہِ چُھ اکھ قُمیُر یا اکھ کوتر بچہ نیاز کرُن۔15اکھ کاہن نیٚیہ تمس قربان گاہس پؠٹھ تہٕ مٔرِس کٔلہٕ۔ کٔلہٕ زالہِ سُہ قربان گاہس پؠٹھ۔ جاناوارِ سُنٛد رتھ کٔڈِ قربان گاہس کُن۔16پتہٕ کٔڈِ جاناوارس بوس بیٚیہِ یہِ تمس انٛدرٕ چُھ نیٚبر پتہٕ ترٲوِ قربان گاہس مشرقکہ طرفہٕ یتٮ۪ن تِم سوٗر تراون چھِ۔17پتہٕ کرِ سُہ جاناوارِ سنٛزن پکھن تھپ تہٕ کھوٚلِس أڑلیوکھے سورے نہٕ کینٛہہ۔ پتہٕ زالِس قربان گاہس پؠٹھ پوٚرٕ پٲٹھؠ۔ تہٕ سُہ مُشِک ییہِ یہُوواہسؔ پسند۔
Bridge Connectivity Solutions Pvt. Ltd.