احبار2
1ہرگاہ توٚہؠ یہُوواہسؔ اوٚٹ نیاز أنیو سُہ گژھِ اصل اوٚٹ آسُن تہٕ تتھ پؠٹھ گژھِ تیٖل تراون بیٚیہِ کینٛہہ مشکہٕ تجہِ،2سُہ نِیو اکِس کاہنس نِشہ یُس تمہِ منٛزٕ اکھ مُۅٹھ تُلہِ تتھ سٟتؠ تُلہِ تیٖل تہٕ مشکہِ تُج تہٕ تتھ زالہِ قربان گاہس پؠٹھ۔ سُہ حصہٕ ہاوِ زِ یہِ سورےٕ چُھ پٔزؠ پٲٹھؠ یہُوواہسؔ سُنٛد نیاز۔ تہٕ تمچؠ خوشبو ییہِ یہُوواہسؔ پسند۔3یوس اوٚٹ زالنہٕ ییہِ نہٕ تٔمکؠ مٲلک چھِ ہارونؔ بیٚیہِ تمؠ سٕنٛدؠ نیٚچوؠ تکیازِ یہِ چُھ تمہِ نیازِ منٛز سُہ حصہٕ الگ کرنہٕ آمُت یوس توٚہؠ یہُوواہسؔ دِوان چُھو۔4ہرگاہ ژٕ اکھ نیاز توٚندرس منٛز تیار کرنہٕ آمٕژ أنکھ سۅ گژھِ اصل پٲٹھؠ پشمِتِس اوٹس بناوِن۔ ژےٚ انَ خمیرِ بغٲر ژوچہِ یِمن زیتون تیٖل سٟتؠ آسہ یا فٔلکہِ یِم زیتون تیٖلس منٛز تلنہٕ آمژٕ آسن، مگر تِم تہِ بناوکھ خمیرِ ورٲے۔5ہرگاہ ژےٚ نیاز تاوِ پؠٹھ تیار کرنہٕ آمتِس اوٚٹِس بناوکھ سُہ گژھِ اصل پٲٹھؠ پشنہٕ آمتِس اوٚٹِس زیتون تیٖلہِ سٟتؠ خمیرِ ورٲے بناوِن۔6تِم پُھٹراوکھ تہٕ تِمن تراو زیتون تیٖل پؠٹھٕ سُے آسہ اوٚٹِس تیار کرنہٕ آمٕژ چون نیاز۔7ہرگاہ چون نیاز آسہ کڑٲیہِ منٛز تلنہٕ آمتِس اوٚٹِس بناونہٕ آمُت سُہ گژھِ اصل مٲدٕ ٲٹِس سٟتؠ زیتون تیٖل رلٲویتھ بناون۔8یہُوواہسؔ انَ پننُ اوٹِس بنٲوتھ نذرانہٕ سُہ دِ کاہنس یُس تتھ قربان گاہس پؠٹھ کھالہِ۔9سُہ تُلہِ امہِ منٛز اکھ حصہٕ یہِ ہاونہٕ خٲطرٕ زِ یہِ سورے چُھ یہُوواہؔ سُنٛد۔ پتہٕ زالہِ سُہ تتھ حصس قربان گاہس پؠٹھ تہٕ امِچ نارٕ دراو رژ خوشبو ییہِ یہُوواہسؔ پسند۔10آٹہِ کہِ نذرانہٕ منٛزٕ یُس حصہٕ زالنہٕ ییہِ نہٕ سُہ آسہ ہارونؔنُ بیٚیہِ تمؠ سنٛدین نیٚچوٮ۪ن ہُنٛد۔ یہِ چُھ سُہ چیز یُس خدایہِ سٕنٛدِ خٲطرٕ تمہِ نذرانہٕ منٛزٕ نارس منٛز زالنہٕ نِشہ الگ کرنہٕ آمُت چُھ یُس یہُوواہسؔ دِنہٕ آو۔11یُس تہِ کانٛہہ ٲٹِس بناونہٕ آمُت نذرانہٕ ژےٚ یہُوواہسؔ پیش کرکھ سُہ گژھِ فصلٕکؠن دانن ہُنٛد خمیرِ روس آسُن، تکیازِ ژےٚ چھیے نہٕ یہُوواہؔ سٕنٛدِس کُنہِ تہِ نذرانس خمیر یا مٲنچھ تراون یتھ کاہن قربان گاہس پؠٹھ زالن۔12ژےٚ أنکھ پننہِ فصلکُ لونُک گوٗڈنکؠ حصہ یہُوواہسؔ اکھ نذرانہٕ، مگر سُہ نذرانہٕ چُھ نہٕ قربان گاہس پؠٹھ زالنُ یتھ اکھ رُت مُشِک نیرِ زِ یہُوواہسؔ ییہِ پسند۔13ٲٹِس بناونہٕ آمتیٚن سارنے نذرانن تراو ژےٚ نوٗن یُس تمہِ مہادچؠ نمایندگی کرن چُھ یُس خداین ژےٚ سٟتؠ کوٚر، لہٰذا یاد تھو زِ ژےٚ مشراوکھ نہٕ زانٛہہ ٲٹِس بناونہٕ آمتیٚن نذرانن نوٗن تراون۔14پننہِ گوٗڈنتھ لوٗنمِتہِ فصلہِ منٛز ہرگاہ ژےٚ یہُوواہسؔ نذرانہٕ أنکھ تمہِ منٛز کر نذرانہٕ کینٛہہ نوی دانہٕ یِم پھڑرٲوتھ تہٕ نارس منٛز بزنہٕ آسن آمٕتؠ۔15تتھ پؠٹھ تراو زیتون تیٖل تہٕ مُشکہٕ تجہِ تہٕ سوے آسہ چون آٹہِ سٟتؠ بناونہٕ آمُت نذرانہٕ۔16کاہن تُلہِ تمہِ منٛز اکھ حصہ یُس یہِ ہاوِ زِ سورے نذرانہٕ چُھ یہُوواہؔ سُنٛد۔ سُہ زالہِ تتھ حصس قربان گاہس پؠٹھ، یُس نارس منٛز زالنہٕ سٟتؠ یہُوواہسؔ ییہِ نذرانہٕ پیش کرنہٕ۔
Bridge Connectivity Solutions Pvt. Ltd.