قٲضؠ2
1یہُوواہؔ سُنٛد فرشتہٕ کھوٚت جِلجال پٮ۪ٹھٕ تتھ جایہِ یتھ اسرائیلی کمےٕ کال گٔژھِتھ بوکِیم وننہِ لگن۔ تمؠ ووٚن اسرائیلی لوٗکن، "مےٚ أنؠ تہنٛدؠ جد اجدا مِصرٕ منٛزٕ یور ملکِ کنعان کٔڈِتھ۔ مےٚ واتنٲوؠ تِم یتھ زمینہِ منٛز یۅسہ مےٚ تہنٛدٮ۪ن بزرگن دِنُک دوٚر وعدٕ اوس کوٚرمُت۔ "مےٚ ووٚن تِمن، "بہٕ پھُٹراونہٕ پنُن توٚہہِ سٟتؠ عہد زانہٛہ تہِ"2وۅنؠ گو یوٚتام تُہنٛد معاملہٕ چُھ۔ توٚہہِ پزِ نہٕ ہرگز تہِ مانُن کانٛہہ پانہٕ وٲنؠ امن مہادٕ یتہِ روزن والیٚن لوٗکن سٟتؠ۔ توٚہہِ پزن تِم قربان گاہ لوٚہراوٕنؠ ییٚتہِ تِم پننٮ۪ن پۅتلٮ۪ن قربٲنی پیش کران چھِ۔ وۅنؠ گوو توٚہؠ ما کٔرِو میٲنؠ تابعدٲری۔ 3اوے تہِ چُھسو توٚہہِ ونان زِ بہٕ کھالکھ نہٕ توٚہہِ برونٛہہ برونٛہہ تہنٛدؠ دشمن۔ تِم روزن کنٛڈؠ ہِیوؠ توٚہہِ دٔچِھنؠ تہٕ کھووٕرؠ۔ تہٕ تِم روزن ژھل بل کران توٚہہِ پننٮ۪ن پۅتلٮ۪ن ہنٛز پوٗزا کرناونہٕ کِس زالس لاگنہٕ باپتھ۔4ییٚلہِ سارنےٕ اسرائیل ین تٔمؠ یہِ بوو۔ تِم لٔگؠ تھدِ ہٹہِ ودنہِ رِیوٚنہِ۔5اتھ جایہِ کوٚر تِمو ناو بوکِیم یمیُک معنی ودُن چُھ۔ اتہِ کٔر تِمو یہُوواہسؔ قربٲنی ہیش۔6ییٚلہِ یسوعن اسرائیلی لوٗکن رۅخصت کوٚر۔ پرٮ۪تھ کانٛہہ جماتھ درایہِ تتھ زمینس قبضہٕ کرنہِ یۅسہ تِمن ہمیشہٕ باپتھ دِنہٕ آیہِ۔7یِمو کٔر یہُوواہؔ سنٛز تابعدٲری چھرا یسوع سنٛدِ یمہِ عالمہٕ نیرنس تامےٕ تہٕ ییتِس کالس یہنٛدؠ زِٹھؠ جد بیترِ زنٛدٕ رودؠ یِمو اسرائیلیٚو باپتھ یہُوواہؔ سُنٛد سٮ۪ٹھاہ رُت کرُن کراوُن وُچھمُت اوس۔8امہِ پتہٕ دراو یمہِ عالمہٕ یہُوواہؔ سُنٛد بندٕ یسوع۔ پننہِ نیرنہٕ وِزِ اوس سُہ اکھ ہتھ تہٕ داہ وۅہُر۔9تِمو دفنوو سُہ تِمنت حرس جایہِ تتھ زمینس منٛز یۅسہ تٔمؠ موسیٰؔ ہس نِش رٔٹمٕژ ٲس یۅسہ کوہ جعسؔ کِس جنوبس کُن تتھ علاقس منٛز چھےٚ ییٚتہِ افرائیمؔ سٕنٛدؠ زُرؠ لسان بسان ٲسؠ۔10ییٚلہِ یسوع سنٛدِس کالس منٛز زُوون وٲلؠ تِم سٲری لوٗکھ مودؠ یمو تہِ نوو نسٕل سپُد بالغ یِم نہٕ یہُوواہسؔ زانان ٲسؠ تہٕ نہ اوسُکھ وُچھمُت زِ یہُوواہنؔ کمہٕ عظیم کامہِ کرٕ اسرائیلی لوٗکن ہنٛدِ باپتھ۔11تِمو کٔرؠ تِتھؠ کار یتھ یہُوواہنؔ کۅ کار ووٚن۔ تِمو کٔر پوٗزا پۅتلٮ۪ن ہنٛز۔ یِم بعلؔ تہٕ زرخیزی وۅپزٲیشہٕ ہنٛزٕ دیوی عستارات سنٛدؠ نمایندٕ زاننہٕ ٲسؠ یِوان۔ تِمو لٲجؠ پوٗزا کرٕنؠ پانس أنٛدؠ پٔکؠ روزن والٮ۪ن ہنٛدِس دیوی دیتاہن ہنٛز۔ تِمو مشرٲو یہُوواہؔ سنٛز عبادت کرٕنؠ۔ خداوند یمؠ سنٛز عبادت یہنٛد جد اجداد کران ٲسؠ تہٕ یمؠ یہنٛدؠ زِٹھؠ مِصرٕ منٛز مۅکلٲوِتھ أنمٕمتؠ ٲسؠ۔ أمؠ کوٚر یہُوواہؔ یِمن پٮ۪ٹھ ناراض۔14اوٕ کِنؠ زِ یہُوواہؔ گوو ژکھ۔ تٔمؠ أنؠ باقے جمٲژن ہنٛدؠ لوٗکھ یِمن پٮ۪ٹھ وۅگلٲوِتھ تہٕ یہنٛد فضل تہٕ جانور ژور نِنُک موقعہ۔ یِم ٲسؠ نہٕ پننٮ۪ن دشمنن بُتھِ وۅتھنس لایقےٕ رودؠ مٕتؠ تہٕ یہُوواہنؔ دیُت یِمن انٛدؠ پٔکؠ سارٕنےٕ دشمنن یِم تلفس تل اننُک موقعہ تہِ۔15ییٚلہِ ییٚلہِ اسرائیلی پننٮ۪ن دشمنن بُتھِ لٔگؠ، یہُوواہؔ رود یِمن مخٲلف تہٕ دیاونوونکھ دُشمنن اتھہِ شِکس۔ یہِ زن تٔمؠ کرنُک ووٚنمھت اوس۔ اوے ٲسؠ اسرائیلی واریاہ پریشان۔16اوٕ پتہٕ أنؠ یہُوواہنؔ یہنٛدؠ زِٹھؠ ناد دِتھ۔ یِمو زِٹھیٚو بچٲوؠ اسرائیلی وۅگلِتھ یِنہٕ والیٚو نِشہ۔ 17وۅنؠ گوو اسرائیلی ٲسؠ نہٕ توتہِ یِمن زِٹھٮ۪ن مازان۔ اتھ اُلٹہٕ تروو تِمو پۅتلیٚو بدلہٕ یہُوواہؔ۔ باقےٕ دیوتاہو بدلہٕ کریکھ پاژھنہِ پسند تہٕ پۅتلٮ۪ن ہنٛز لٲجِکھ پوٗزا۔ تِم ٲسؠ نہٕ پننٮ۪ن جدن اجدادن ہِوؠ۔ یہنٛدؠ جد اجداد ٲسؠ یہُوواہؔ سنٛدٮ۪ن حکمن کلہٕ دٲرِتھ مگریہِ نوو نسٕل اوس پننہِ ویوہارٕ کِنؠ یِمن جد اجدادن تہِ بُتھ پھِرِتھ۔18ییٚلہِ زانہٛہ تہِ یہُوواہنؔ یِمن کُن کانٛہہ زیُٹھ سوز، تٔمؠ کوٚر أمِس زِٹھِس اتھہٕ روٚٹ تہٕ سُہ بنووُن یِم اسرائیلی پننیٚو دشمنو نِش بچاونس لایق۔ تٔمؠ کوٚر یہِ تیٖتِس کالس ییٖتِتِس کالس سُہ زیُٹھ یِمن منٛز زُووان رود۔ یہُوواہسؔ اوس رحم یِوان ییٚلہِ یِم چیکہٕ دِوان ٲسؠ۔ تکیازِ یِمن اوس عذاب یِوان کرنہٕ تہٕ اوسُکھ عِذا تلُن پیٚوان۔19مگر یُتھُے سُہ زیُٹھ یمہِ عالمہٕ نیرِہا۔ لوٗکھ ٲسؠ زورٕ زورٕ کۅ کارن منٛز اژان پننیٚو جدو اجدادو نٮ۪سبتہٕ۔ یِم ٲسؠ باقےٕ دیوی دیوتاہن پوٗزان تہٕ تِمن نمان تہٕ ٲسؠ تِم سٲری چیز کرن یِم یہنٛدؠ کِنؠ یِم دیوتا یژھان ٲسؠ۔20اوے اوس یہُوواہؔ یِمن اسرائیل ین پٮ۪ٹھ سخ ناراض۔ تِمو ووٚن یِمو لوٗکو پھُٹروو سُہ عہد یُس مےٚ یہنٛدٮ۪ن جدن سٟتؠ کوٚرمُت اوس۔ یِمو کوٚر نہٕ تہِ یہِ مےٚ یِمن ونیاو۔21اوے تہِ کھالکھ نہٕ بہٕ تِمہٕ غٲر اسرائیلی لوٗکہٕ جمٲژ بنہ یمہِ یسوعن اتہِ پتھ کُن تراومژٕ آسہٕ ییٚلہِ سُہ یمہِ عالمہٕ دراو۔22بہٕ کرکھ یِمہٕ لوٗکھ استعمال اسرائیل ین آزماونہٕ باپتھ زِ آیا تِم کرنا تہِ یہِ بہٕ یژھٕ یتھٕ پٲٹھؠ زن یہنٛدؠ جد ٲسؠ کران۔23یہُوواہنؔ دیُت یِمن لُکہٕ جمٲژن اتی أتھؠ زمینہِ پٮ۪ٹھ روزنہٕ اسرائیلی لوٗکن ہنٛدِ اور واتنہٕ پتہٕ واریہس کالس۔ تٔمؠ کٔڑؠ نہٕ یِم یسوع تہٕ باقے لوٗکن یِمن تلفس تل اننس لایق بنٲوِتھ۔
Bridge Connectivity Solutions Pvt. Ltd.