قٲضؠ3
1امہِ وقتہٕ آسہٕ وُنہِ تہِ واریاہ لُکہٕ جمٲژٕ کنعانس منٛز۔ یہُوواہنؔ تراوِ یِمہٕ جمٲژ أتی اسرائیلی لوٗکن آزماونہٕ باپتھ توٕ کِنؠ زِ کنعانس منٛز بسان واریہو اسرائیلی لوٗکو اوسنہٕ کُنہِ تہِ پتمِس جنگس منٛز حصہٕ نِمُت۔2اوے کوٚر یہُوواہنؔ یہِ تاکہِ سُہ ہٮ۪چھناوِ اتھ نٔوِس اسرائیلی نسلس جنگ کِتھہٕ پٲٹھؠ چھِ لڑان۔3اسرائیل ین ازماونہٕ باپتھ یہُوواہؔ سٕنٛدؠ دٔسؠ پتھ کُن تراونہٕ آمژن لُکہٕ جمٲژن ہُنٛد فہرست چُھ یہِ: فلستینی تہٕ تہنٛدؠ پانٛژھ زِٹھؠ صیدان شہرس نکھہٕ علاقس منٛز روزن وٲلؠ لوٗکھ، کنعان سٕنٛدؠ زُرؠ، تہٕ بیٚیہِ حوی یِم لبنان کٮ۪ن بالن پٮ۪ٹھ بسان ٲسؠ کوھہِ بعلؔ حرمون تہٕ لبو حماتسؔ درمیان۔4یہُوواہنؔ تراوِ یِمہٕ لُکہٕ جمٲژ أتی اسرائیل ین آزماونہٕ باپتھ۔ یہِ وُچھنہٕ باپتھ زِ یِم ماننا میٲنؠ حکم یِم تٔمؠ موسیٰؔ ہس دِتؠ مٕتؠ ٲسؠ۔5اسرائیلی رودؠ کنعانؠ، حِتی، امورؠؔ، فِرزی، حوی تہٕ یبوسی لُکہٕ جمٲژن درمیانےٕ لسان بسان۔6وۅنؠ گوو اسرائیل یو انہِ یِمن لُکہٕ جمٲژن ہنٛزٕ کورِ پانس نیتھٕرؠ تہٕ پننہِ کور دِژکھ یِمن لوٗکن یورٕ نیتھرس منٛز۔ تہٕ یِمن جمٲژن ہنٛدٮ۪ن دیوتاہن لٲجِکھ پوٗزا کِنؠ۔7اسرائیل یو کٔرؠ تٕتھؠ کار یِمن یہُوواہنؔ ووٚن کۅ کار۔ تِمن گو مشتھےٕ یہُوواہؔ پنُن خدا تہٕ لٲجِکھ پوٗزا کرٕنؠ پۅتلٮ۪ن یِم بال دیوتا تہٕ یسیرت دیوی ہنٛدؠ نمایندٕ ٲسؠ۔ 8اوے کِنؠ اوس یہُوواہؔ اسرائیل ین پٮ۪ٹھ سخ ناراض تہٕ دِتِن یِم طاقتور بادشاہ کوشن رِسعتِیم سٕنٛدِس تلفس تل یس مسوپتامیہؔ ہس منٛز ارم نہریم جایہِ ہُنٛد بادشاہ اوس۔ اسرائیلی لوٗکو کٔرؠ ٲٹھن ؤرین رِسعتِیم سنٛز غلامی۔ 9مگر ییٚلہِ تِمو یہُوواہنؔ مدتہٕ باپتھ زارٕ پارٕ کوٚر تٔمؠ سوز یِمن اکھ وتہٕ ہاوُک غلامی تلہٕ بچاونہٕ باپتھ۔ سُہ اوس غتنی ایلؔ کالب سنٛدِس لۅکٹِس بٲیس قنزؔ سُنٛد نیٚچو۔10یہُوواہؔ سٕنٛدؠ روحن دیُت أمِس طاقت تہٕ ہُشیٲری تہٕ بنیو یہِ یہُند زیُٹھ۔ یہِ بنیاو اکہِ فوجُک سالار تہٕ آو کوشن رِسعتِیم سٕنٛدِس فوجس پٮ۪ٹھ وۅتلِتھ۔ غنی ایلن دِژ یِمن شِکس۔11امہِ پتہٕ رود اتھ اسرائیل مُلکس منٛز ژتجہن ؤرین امن غتنی ایلؔ سنٛدِس مرنس تام۔12امہِ پتہٕ کٔرؠ اسرائیل یو بیٚیہِ تِتھؠ چیز یِمن یہُوواہنؔ ٹھاکھ اوس کوٚرمُت، چیز یِم بد ٲسؠ۔ یہُوواہنؔ دیُت موآبؔ کِس بادشاہ عجلُون سنٛدِس فوجس زُو زٮ۪تہٕ یُتھ تِم اسرائیل ین تلفس تل انن۔13عجلُونن أنؠ بنی عمونؔ تہٕ بنی عمالیق وۅٹہِ پننِس فوجس سٟتؠ رلنہٕ باپتھ یُتھ تِم اسرائیل ین پٮ۪ٹھ حملہٕ آور سپدن۔ یِمو اوٚن تلفس تل یریخو یتھ تِم ونان ٲسؠ کھزر کُلٮ۪ن ہُنٛد شہر۔ 14موآبٕکؠ بادشاہ عجلُونن کٔر اسرائیل ین پٮ۪ٹھ اردہن ؤرین حکومت۔15وۅنؠ کٔر اسرائیل یو یہُوواہسؔ بیٚیہِ منٛگ منٛگ مدتہٕ باپتھ۔ اوے اوٚن أمؠ بیاکھ زیُٹہھ یِمن بچاونہٕ باپتھ۔ یہِ اوس جیرا سُنٛد نیٚچو اہودؔ اکھ کھوٚشؠ نفر بنیمِینؔ سُنٛد زُر۔ اسرائیل یو سوز سُہ موآبؔ کِس بادشاہ عجلُونس نِش خراج ہٮ۪تھ تاکہِ سُہ کرِ نہٕ تِمن پٮ۪ٹھ حملہٕ۔16اہودسؔ ٲسؠ سٟتؠ اوٚڈ میٹر زیٹھ زٕ دھار واجِنؠ کرتل یۅسہ تٔمؠ پلوَو تٔلؠ رانہِ کُن بند ٲس تھاومٕژ۔ 17تٔمؠ دیُت پونٛسہٕ موآبؔ کِس بادشاہ عجلُونس یُس سٮ۪ٹھا موٚٹ دروٚٹ اوس۔18اوٕ پتہٕ ہیوٚت اہوُدؠ گرٕ کُن نیرُن دویمِس نفرس سٟتؠ یُس یورٕ پونٛسہٕ ہٮ۪تھ اوس۔19ییٚلہِ تٔمؠ جِلجال جایہِ کنہِ کھانٮ۪ن نکھہٕ وٲتؠ تٔمؠ ووٚن أمِس نفرس برونٛہہ کُن پڑُر پڑُر دیُن۔ مگر پانہٕ پھیور پتھ تہٕ دراو موآبؔ کِس بادشاہس کُن۔ ییہِ سُہ مجلسہِ منٛز ووت تٔمؠ ووٚن بادشاہس، "عٲلی جناب، مےٚ چُھ تہنٛدِ باپتھ اکھ خُفیہ پٲغام۔ اوے ووٚن پادشاہن پننٮ۪ن نوکرن لۅتہِ روزنہٕ باپتھ تہٕ سوزِن تِم دربارٕ نٮ۪بر۔20اوٕ پتہٕ ییہِ رجلون کُنےٕ زوٚن پننِس ریٚتہٕ کالہ محلہٕ کِس ہیرمِس پورس منٛز اوس۔ اہودؔ آو أمِس نکھہٕ تہٕ ووننس، "مےٚ چُھ تہنٛدِ باپتھ خدایہِ سُنٛد اکھ پٲغام۔ امی وِزِ ووٚتھ بادشاہ تھوٚد پننہِ تختہٕ پٮ۪ٹھٕ۔21یُتھےٕ بادشاہ تھوٚد ووٚتھ، اہودؠ پِلنوو پنُن کھوٚر اتھ رانہِ گنٛڈِتھ کرتلہِ تہٕ وٲجن بادشاہس یڈ۔22تٔمؠ وٲج یہِ یوٗتاہ انٛدر زِ یہِ وٲژ بادشاہس شِکمس منٛز۔ اہودؠ لوٚم نہٕ اتھ کرتلہِ نٮ۪بر کینٛہہ۔ تٔمؠ ترٲو یہِ أتی کرتلہِ ہنٛز تھف۔ بادشاہ سنٛز چربی منٛز دفن۔23اہودؠ تروو دیوان خان تہٕ گوو برانٛدس کُن۔ دیوان خانٕکؠ بر کرِن بنٛد تہٕ کرنکھ ہانکل۔24تسنٛدِ نیرنہٕ پتہٕ آے بادشاہ عجلون سٕنٛدؠ نوکر واپس مگر اتہِ وُچھِکھ دیوان خانٕکؠ بر بند ہانکلہٕ کٔرؠ کٔرؠ۔ تِمو ووٚن، "بادشاہ آسہ انٛدرمِس کمرس منٛز فراغت حٲصل کران۔"25اوے تہِ رودؠ تِم پراروٕنؠ مگر ییٚلہِ بادشاہن دیوان خانٕکؠ بر یلےَ ترٲوؠ نہٕ تِم ہیٚتِنؠ پریشان سپدٕنؠ۔ تِمو اننٲو کُنٛز تہٕ مُژرٲوِکھ بر تہٕ وُچھُکھ زِ تُہنٛد بادشاہ اوس مۅردٕ فرشس پٮ۪ٹھ پیوٚمُت۔26أتھؠ دوران ژوٚل اہود۔ سُہ دراو کنہِ کانو کِنؠ تہٕ ووت سعیرت بٲلؠ علاقس منٛز ییٚتہِ افرائیمؔ سٕنٛدؠ زُرؠ لسان بسان ٲسؠ۔27اتہِ بجوو أمؠ نرسنگا سارنےٕ یہِ وننہٕ باپتھ زِ تِمن پزِ تس سٟتؠ رٔلِتھ موآبؔ کٮ۪ن لوٗکن سٟتؠ جنگس نیرُن۔ اوے تہِ دراے اسرائیلی افرائیمؔ بالو والو پیٚٹھؠ ؤسؠ ؤسؠ أمِس سٟتؠ رلنہِ۔ تِم ؤتھؠ یرسدن درؠ یاوس کُن۔ اہود اوسُکھ برونٛہہ برونٛہہ۔28تٔمؠ ووٚن یِمن نفرن، "یہُوواہؔ چُھ اسہِ پننٮ۪ن دشمنن موآبؔ کٮ۪ن لوٗکن تلفس تل اننُک اجازت دِنہٕ وول اوے تہِ پکِو مےٚ پتہٕ پتہٕ۔ "لہٰذا رودؠ تِم أمِس پتہٕ پتہٕ یردن دریاوس تام۔ تِمو تھٲوؠ کینٛہہ نفر أتھؠ جایہِ یتہِ لوٗکھ درؠ یاوس تار لبن۔ تاکہِ تِم مارن تِمن موآبؔ کٮ۪ن لوٗکن یِم درؠ یاوس تٔرِتھ ژلنُک ژھل کرن۔29امہِ وقتہٕ مٲرؠ اسرائیل یو داہ ساس لوٗکھ موآبؔ ملکٕکؠ۔ یوٚدوے تِم سٲری طاقتور تہٕ کینٛہہ کرنس کراونس لایق ٲسؠ مگر اکھ تہِ ہیوٚک نہٕ بٔچِتھ ژٔلِتھ۔30امہِ خاص دوٚہہ لٔب اسرائیل یو فتح موآبؔ کٮ۪ن لوٗن پٮ۪ٹھ۔ امہِ پتہٕ رود اتھ زمینس پٮ۪ٹھ شیٖتن ؤرین امن۔31ییٚلہِ اہود مود، عناتؔ سُنٛد نیٚچو شمجر بنیو یہُند بیاکھ زیُٹھ۔ تٔمؠ بچٲوؠ فلستینیو نِشہ اسرائیلی۔ أکِس لڑایہِ منٛز مٲرؠ أمؠ شےٚ ہتھ فلستینی پننہِ گاڈٕ کوو ہتھیار سٟتؠ۔
Bridge Connectivity Solutions Pvt. Ltd.