قٲضؠ1
1یسوع سنٛدِ یمہِ عالمہٕ نیرنہٕ پتہٕ پرُژھ اسرائیل یو یہُوواہسؔ، "اسہِ منٛزٕ کُس اکھ قبیلہٕ کرِ گۅڈٕ کنعانیٚن پٮ۪ٹھ حملہٕ؟"2یہُوواہنؔ ونُکھ اورٕ، "یہُوداؔ قبیلہٕ کٮ۪ن لوٗکن پزِ گۅڈٕ حملہٕ کرُن۔ بہٕ بناون یہُوداؔ قبیلہٕ کنعانیٚن تلفس تل اننس لایق۔"3یہُوداؔ فرد گۓ پننٮ۪ن اسرائیلی باجیٚن شمعون قبیلہٕ کٮ۪ن فردن نِش تہٕ ووٚن ہکھ، "ؤلِو اسہِ کٔرِو کنعانین سٟتؠ جنگس منٛز مدد تاکہِ أسؠ کڈو تہنٛدِ قبضہٕ تلہٕ سۅ زمین یۅسہ اسہِ یہُوواہنؔ بخش۔ یوٚدوے توٚہؠ یہِ کٔرِو، أسؠ تہِ نیرو توٚہہِ سٟتؠ تہٕ کرو سۅ زمین زیننس منٛز مدد یۅسہ یہُوواہنؔ توٚہہِ دِنُک وعدٕ کوٚرمُت چُھ۔ "اوے تہِ دراے شمعون قبیلٕکؠ فرد یہُوواہؔ قبیلہٕ کٮ۪ن فردن سٟتؠ۔4ییٚلہِ یِمو دوٚیو قبیلکیٚو لوٗکو حملہٕ کوٚر، یہُوواہنؔ بنٲوؠ تِم دہن ساسن کنعانیٚن تہٕ بزق شہرس منٛز فرزین شکس دِنس لایق۔5لڑایہِ دوران کوٚڈ تِمو ونہِ شہرُک زیُٹھ ادُونی بزق۔6ادُونی بزقن کٔر ژلنچ ژھل بل۔ مگر اسرائیلی دورییِس پتے تہٕ روٚٹُکھ، پتہٕ ژٔٹؠ ہس بٔڈؠ ٹینٛڈؠ۔7ادُونی بزقن ونُکھ، "میٲنؠ فوجن رٔٹؠ برونٛہہ کالہِ ستتھ بادشاہ۔ اسہِ ژٔٹؠ تِمن نٮ۪ٹھ تہٕ کھۅرٕ ٹینٛڈؠ۔ امہِ پتہٕ کٔرؠ تِم اسہِ مجبور پننٮ۪ن میزن انٛدؠ پٔکؠ پیٚمٕتؠ ژھۅٹہٕ پھٔلؠ کھیٚنس پٮ۪ٹھ۔ یہِ دیُت مےٚ خداین پننہِ کرنُک ماوضہٕ۔ "پتہٕ نِیو یہُوداؔ لوٗکو ادُونی بزق یروشلم، تہٕ ییٚتہِ سُہ مود۔8یہُوداؔ فوجیو لوٚڈ یروشلم کٮ۪ن لوٗکن سٟتؠ تہٕ اوٚنُکھ شہر قبضس تل۔ امہِ شہرٕکؠ بسکین کٔرِکھ تلوارِ بُزؠ تہٕ زٲلِکھ شہرٕکؠ گرٕ۔9امہِ پتہٕ دراے یہُوداؔ لوٗکھ پہٲڑی علاقن کُن روزن والٮ۪ن کنعانین سٟتؠ جنگس، یِم جنوبی یہُوداؔ وٲرانن تہٕ مغربی بالہٕ دامنن منٛز لسان بسان ٲسؠ۔10یہُوداؔ لوٗکھ تہِ دراے تِمن کنعانین سٟتؠ لڑنہِ یِم حبرون شہرس منٛز روزان ٲسؠ یتھ گۅڈ ناو اوس قریتؔ اربعؔ۔ تِمو أنؠ تلفس تل سیسیؔ، اخِیمان تہٕ تلمیؔ نٲوؠ بادشاہن ہنٛدؠ سِپاہ تہِ۔11یہِ علاقہٕ ترٲوِتھ دراے تِم دبِیر شہر یتھ گۅڈٕ ناو اوس قریتؔ سِفر کیٚن لوٗکن سٟتؠ لڑنہِ۔12شہرس پٮ۪ٹھ حملہٕ کرنہٕ برونٛہہ ونُکھ کالبن، "یُس اکھ قریتؔ سِفر شہرس پٮ۪ٹھ حملہٕ کرِ تہٕ اتھ زمینہِ بہٕ دِمہٕ تمِس پننہِ عکسہؔ نٲوؠ کورِ سٟتؠ نیتھٕر کرنُک اجازت۔" 13غتنی ایلؔ یُس نیٚچو اوس قنزؔ نٲوؠ کالبہٕ سنٛدِس کٲنژِس بٲے سُنٛد گوو کامیاب شہر تلفس تل اننس منٛز۔ اوے دِژ کٲلبن پنٕنؠ کور عکسہؔ تس نیتھرس منٛز۔14ییٚلہِ عکسؔہ ہن غُتنی ایلسؔ سٟتؠ نیتھٕر کوٚر تٔمؠ ووٚن زِ سُہ منٛگہ تسنٛدِس مٲلِس اکھ کھاہ یپٲرؠ درایہ سۅ پانہٕ خرس پٮ۪ٹھ مٲلؠ سُنٛد گرٕ۔ ییٚلہِ سۅ خرٕ پٮ۪ٹھٕ بوٚن ؤژھ، مٲلؠ کالبنؔ پرُژھُس، "ژےٚ گٔژھی کیا؟" 15عکسہنؔ دیُت یورٕ مٲلِس جواب، "بہٕ چھیٚس یژھان زِ ژٕ کرکھ مےٚ پٮ۪ٹھ اکھ مہربٲنی۔ ژےٚ چُھتھ مےٚ دیُتمُت جنوبی یہُودؠ مٲدانن ہنٛد زمین۔ مگر سُہ چُھ واریاہ خشک۔ اوے دِتہٕ مہربٲنی کٔرِتھ کم کینٛژا زمین یتھ منٛز ناگ تہِ آسہ ہن۔ اوے دِژ کالبن أمِس تھزرس کُن سۅ زمین یتھ منٛز ناگ اوس تہٕ کینٛہہ زمین سٟتؠ وٲرانن کُن یتھ منٛز نہٕ ناگ اوس۔16موسیٰؔ سٕنٛدِ ہیرٕ بابہٕ سنٛدؠ زُرؠ قینی لوکھ دراے یریخو شہر منٛز یتھ گۅڈٕ کھزر کُلٮ۪ن ہُنٛد شہر ونان ٲسؠ۔ تِم گۓ کینٛہہ یہُوداؔ لوٗکن سٟتؠ عراد شہرس نکھہٕ جنوبی یہُوداؔ مٲدانن منٛز روزنہِ۔ 17یہُوداؔ قبیلہٕ کیٚو لوٗکو تہٕ تہنٛدیٚو اسرائیلی باجیٚو یِم شمعون قبیلہٕ منٛز ٲسؠ دِژ صفت شہرس منٛز روزن والٮ۪ن کنعانین شِکس۔ تِمو کوٚر شہرس پرٕ تلُک پٮ۪ٹھ۔ تہٕ دیُت ہس نوو ناو 'حُرمہ' یمیُک معنی چُھ مکمل تبٲہی۔ 18یہُوداؔ لوٗکو أنؠ تلفس تل غزہ، اسقلونؔ تہٕ عقرون شہر تہٕ یِمن انٛدؠ پٔکؠ سٲری علاقہٕ۔19یہُوواہنؔ کوٚر یہُوداؔ کٮ۪ن لوٗکن یہِ بٲلؠ علاقہٕ تلفس تل اننس منٛز مدد۔ مگر تِم ہیٚکؠ نہٕ پاتھلٮین منٛز لسن بسن والٮ۪ن پنُن علاقہٕ تراونس پٮ۪ٹھ واتہٕ نٲوِتھ۔ تکیازِ یِمن ٲسؠ بہتر ہتھیار۔ مزید ٲسؠ یِمن شِستروو رتھ۔20حبرون شہر آو کٲلبس دِنہٕ۔ تکیازِ موسیٰؔ ہن اوس تمِس وعدٕ دیُتمُت زِ سُہ ہیٚکہِ یہِ شہر پانس رٔٹِتھ تہٕ کالبن کٔڑؠ عناقؔ سنٛدٮ۪ن زُرٮ۪ن ہنٛدؠ ترےٚ قبیلہٕ اتہِ ملکہٕ نٮ۪بر۔21مگر بنیمِینؔ سُنٛد قبیلہٕ ہیوٚک نہٕ یروشلم شہرس منٛز روزن والٮ۪ن یبوسین ژلنٲوِتھ۔ امہِ وقتہٕ پٮ۪ٹھٕ چھِ یِم یبوسی أتی یروشلم شہرس منٛزےٕ۔ بنیمِینؔ لوٗکن سٟتؠ ازتام برابر روزان۔22افرائیمؔ تہٕ منسیؔ قبیلہٕ دراے جنگس بیت ایل شہرٕ کیٚن لوٗکن سٟتؠ تہٕ یہُوواہنؔ کوٚرُکھ اتھ منٛز مدد۔23تِمو سوزؠ کینٛہہ جاسوٗس بیت ایل شہرُک سورےٕ حال زاننہٕ باپتھ یتھ گۅڈٕ لُوزؔ اوس ناو۔24جاسوٗسو کوٚڑ شہرٕ نٮ۪بر نیرن وول اکھ نفر ونہِ۔ تِمو ووٚن أمِس، "یوٚدوے ژٕ اسہِ شہرس منٛز اژنچ وتھ ہاوکھ، أسؠ روزٕ ووے ژےٚ مہربان تہٕ مارووتھ نہٕ کینٛہہ۔25اوے تہِ ہٲو أمؠ نفرن یِمن شہرس منٛز ژوٗرِ ژھٮ۪پہِ اژنچ وتھ۔ افراہیم تہٕ منسیؔ قبیلٕکؠ لوٗکھ ژاےشہرس منٛز تہٕ مٲرِکھ تلوارِ سٟتؠ اتِکؠ سٲری بسکین۔ مگر تِمن اور اژنچ وتھ ہاون وول نفر مورُکھ نہٕ کینٛہہ تہٕ نہ مورُکھ تٔمؠ سُنٛد ٹبر۔26سُہ نفر گوو تتھ علاقس کُن یتہِ حِتی سنٛدؠ زُرؠ روزان ٲسؠ تہٕ بنووُن اکھ شہر۔ یتھ تٔمؠ ناو تھوو لُوزؔ تہٕ تتھ شہرس چُھ از تہِ یوٚہے ناو۔27کنعٲنؠ ٲسؠ روزان بیت شانؔ۔ تعانکؔ، دورؔ، اِبلیعامؔ تہٕ مجِدوؔ ناوٕ کٮ۪ن شہرن منٛز تہِ یِمن انٛدؠ پٔکؠ گامن منٛز۔ منسیؔ قبیلہٕ کیٚو لوٗکو ہیٚکؠ نہٕ مجبور کٔرِتھ پنٕنؠ شہر تراونہٕ باپتھ تکیازِ، کنعٲنؠ رودؠ اورٕ دٔرِتھ أتی روزنہٕ باپتھ۔28کینژِ کٲلؠ پرٲو اسرائیلیٚو قوت تہٕ کٔرِکھ کنعٲنؠ مجبور پنٕنؠ غلامی کرہٕ باپتھ۔ مگر تِمو کٔرؠ نہٕ سٲری کنعٲنؠ مجبور پنٕنؠ زمین تراونہٕ باپتھ۔29افرائیمؔ قبیلہٕ کیٚو لوٗکو کٔرؠ نہٕ مجبوز جزر شہرس منٛز بسن وٲلؠ کنعٲنؠ شہر بدر گژھنہٕ باپتھ۔ او رود کنعٲنؠ افرائیمؔ قبیلہٕ کٮ۪ن لوٗکن سٟتؠ لسان بسان۔30زبولون قبیلہٕ کیٚو لوٗکو کٔڑؠ نہٕ قطرون تہٕ نہلال شہرس منٛز روزن وٲلؠ کنعٲنؠ۔ تِم رودؠ أتی تہٕ زبولون قبیلہٕ والٮ۪ن سٟتؠ زُووان کران۔ وۅنؠ گوو زبولون قبیلہٕ کیٚو لوٗکو بنٲوؠ یِم جبرن پنٕنؠ غلام۔31آشرؔ قبیلہٕ کیٚو لوٗکو کٔرؠ نہٕ عکو، صیدا، احلاب، اکزیؔب، حلبہ، افیق تہٕ رحوبؔ شہرکؠ کنعٲنؠ شہر بدر۔32اوے رودؠ آشرؠؔ لوٗکھ کنعانین سٟتؠ یِم یِمن شہرن منٛز پتھ کُن بچیمٕتؠ ٲسؠ تہٕ یِم لوٗکھ کٔڑِکھ نہٕ اتہِ۔33نفتٲلی قبیلہٕ کیٚو لوٗکو تہِ کٔرؠ نہٕ مجبور بیت شمسؔ تہٕ بیت عناتؔ شہرس منٛز روزن وٲلؠ نیرنہٕ باپتھ تنگ۔ اوے رودؠ یِم لٔگؠ تھےٕ یِمن شہرن منٛز کنعانین سٟتؠ زُووان کران۔ وۅنؠ گو نفتالیٚو کٔرؠ یِم کنعٲنؠ مجبور پنٕنؠ غلام بننہٕ باپتھ۔34امورؔ یو کٔرؠ دان قبیلٕکؠ لوٗکھ مجبور بالن کُن لسنس بسنس پٮ۪ٹھ۔ یِمو دیُت نہٕ تِمن بوٚن وسنہٕ تہٕ پاتھلؠ علاقن منٛز بسنہٕ۔35اموریؔ رودؠ ڈٔٹِتھ حرس بالس پٮ۪ٹھ۔ تہٕ ایالونؔ تہٕ شسعلبیم شہرس منٛز۔ مگر یُتھےٕ اسرائیلیٚو طاقت لوٚب تِمو کٔرؠ اموریؔ پنٕنؠ غلام بننس پٮ۪ٹھ مجبور۔36سُہ علاقہٕ یتہِ اموریؔ روزان ٲسؠ اوس پھہلِتھ عقربیمؔ در پٮ۪ٹھٕ مغربس منٛز سیلہ اپور ہیٚور بالن تام۔
Bridge Connectivity Solutions Pvt. Ltd.