یشوع24
1یسوعنؔ أنؠ سکِم شہرس منٛز اسرائیلی قومٕکؠ زِٹھؠ، سردار، مُصنف تہٕ باقی منصب دار سمبرٲوِتھ تہٕ سپٕدؠ سٲری پیش خداوند سٕنٛدِس حضورس منٛز۔2یسوعنؔ ووٚن یِمن سارِنےٕ "اسہِ اسرائیل ین ہُنٛد خا چُھ فرماوان توٚہہِ سارِنےٕ واریاہ کال برونٛہہ ییٚلہِ تہنٛدؠ جد اجداد یِمن منٛز ابرہامؔ سُنٛد مول تارح تہٕ تسُنٛد کونٛژھ بوے نحورؔ تہِ اوس، دریاے فرات کہِ اپارِ بٹھِ دوٗر أکِس علاقس منٛز روزان ٲسؠ۔ اتہِ ٲسؠ تِم واریہن خداین ہنٛز پوٗزا کران۔ 3مگر مےٚ اوٚن تُہنٛد جَد ابرہامؔ اتہِ کٔڈِتھ تہٕ واتہٕ نووُم فراتہٕ اپور کنعانؔ کِس زمیٖنس منٛز۔ مےٚ بخش تمِس اضحاقؔ سٕنٛدؠ نسلہٕ واریاہ زُرؠ تہٕ پر زُرؠ4پانہٕ اضحاقسؔ بخشُم یعقوبؔ تہٕ عیسو زٕ گۅبر۔ عیسو ہس دِتِم شِعیرُک کوٚہستٲنؠ علاقہٕ روزنہٕ باپتھ ییٚلہِ زن یعقوبؔ تہٕ تسٕنٛدؠ شُرؠ مِصرس کُن سوزِم یٚتہِ تِم واریہن ؤرین رودؠ۔5مےٚ سوزؠ موسیٰؔ تہٕ تسُنٛد بوے ہارونؔ تہِ مِصرٕ۔ مِصرٕ کیٚن لوٗکن پٮ۪ٹھ سوزؠ مےٚ واریاہ عذاب تہٕ تاون۔ امہِ پتہٕ أنؠ مےٚ تہنٛدؠ لوٗکھ مِصرٕ منٛزٕ نٮ۪بر کٔڈِتھ۔6ییٚلہِ مےٚ یِم تہنٛدؠ جَد اجداد مِصرٕ نٮ۪بر کٔڈؠ تِم وٲتؠ بحرِ قُلزمؔ کِس بٔٹھِس پٮ۪ٹھ۔ مِصری فوج دوریو یِمن پتے رتھن تہٕ گُرٮ۪ن پٮ۪ٹھ۔ برابر اتھ نرکانؠن ہٛدِس سٕدرس تام"7یسوعؔ رود کتھ جٲری تھٲوِتھ، "ییٚلہِ توٚہہِ یہُوواہسؔ متہٕ باپتھ زارٕ پارٕ کوٚرو، تٔمؠ یہُوواہنؔ کوٚر یِمن اسرائیلی لوٗکن تہٕ مِصری فوجس درمیان انہِ گوٚٹ کھڑا۔ تہٕ مِصری فوج وولُن ژۅاپٲرؠ سۅدرکہِ آبہٕ سٟتؠ تہٕ پھاٹنووُن تُہنٛد دُشمن أتھؠ آبس منٛز۔ "یہِ چُھو توٚہہِ یہُوواہؔ ژٮ۪تس پاوان "یہِ مےٚ یِمن مِصری ین سٟتؠ کوٚر تہِ وُو توٚہہِ پانے۔ امہِ پتہٕ رودیو توٚہؠ واریاہ کال صحراوس منٛز۔8امہِ پتہٕ واتنٲیو مےٚ توٚہؠ اموریؔ لوٗکن ہنٛدِس ملکس منٛز یِم یردن دریاو کِس مشرقس منٛز روزان ٲسؠ۔ تِم آیہ وٕ اورٕ جنگس۔ مگر مےٚ دِژٕو توٚہہِ یِمن پٮ۪ٹھ فتح تہٕ یِم أنِم تلفس تل توٚہہِ اوٚنو یہُنٛد ملک اتھس منٛز۔ یہِ اوسُس بےٕ یمؠ یِم تلفس تل أنؠ تہٕ مےٚ ہووٕو توٚہہِ یہِ دیدمان زِ مےٚ کیاہ کیاہ کوٚر تہنٛدِ باپتھ۔9امہِ پتہٕ آو توٚہہِ پٮ۪ٹھ وۅتلِتھ صفورؔ سُنٛد نیٚچو بلقؔ موآبؔ ملکُک بادشاہ تہٕ توٚہہِ پٮ۪ٹھ یہُوواہؔ سُنٛد بد دُعا حٲصِل کرنہٕ خٲطرٕ اوٚن أمؠ بعورؔ سُنٛد نیٚچو بلعامؔ ناد دِتھ۔ 10مگر مےٚ بوز نہٕ بلعامؔ سُنٛد رَژھ تہِ۔ اکھتُےٕ مانرووُم سُہ تسٕنٛدِ باپتھ رُت کانٛچھن وول۔ تہٕ توٚہؠ رٔچھؠ مو تسٕنٛدِ بد دُعا نِشہ۔11امہِ پتہٕ آیہِ وٕ توٚہہِ یردن دریاوٕ تٔرِتھ یرہحُو شہرس منٛز یریحُو شہرٕکؠ زِٹھؠ ؤتھؠ توٚہہِ خلاف جنگس۔ یتھٕ پٲٹھؠ زن اموریؔ، فِرزی، کنعانیؔ، حِتی، جِرجاسیؔ، حوی تہٕ یبوسیؔ فوج توٚہہِ خلاف وۅتلِتھ آو۔ مگر مےٚ أنؠ یِم سٲری تہنٛدِس اتھس منٛز۔ مےٚ بنٲیو توٚہؠ تہنٛدِ کھۅتہٕ زیادٕ طاقت ور تہٕ توٚہہِ دِتُو تِمن شِکس۔12بےٕ اوسُس تمن انتشار تُلان۔ تِم ژٔلؠ زنٛتہٕ تِمن بد روح پتہٕ ٲسؠ۔ تہٕ توٚہہِ ژلہٕ نٲؠوٕ زٕ اموریؔ بادشاہ ییٚلہِ تہنٛدؠ فوجن برونٛہہ پٔکِتھ یِمن ژٮ۪ل اوٚن۔ مگر یہِ سپُد نہٕ تہنٛزو تلوارو تہٕ ہارنجو سٟتؠ بلکہ اوسُس ژَکہِ بہٕ خداوند توٚہہِ لرِ لوٚر پانہٕ لڈان۔13مےٚ دِژٕو توٚہہ زمیٖن یۅسہ نہٕ توٚہہ پانہٕ شیرمٕژ ٲسو تہٕ نَہ وٲیمٕژ مٕژ تمہ مزید دِتمو تِم شہر یم نہٕ توٚہہِ پانہٕ تعمیر کرمٕتؠ ٲسیٚو۔ توٚہہِ تُجو کھیٚنہٕ باپتھ دچھِ رٲنٛٹھو پٮ۪ٹھٕ دچھ یِمنہ توٚہہ رونمژٕ آسو تہٕ کھیٚیو زیتون کُلیٚن ہُنٛد تیٖل یِم نہٕ توٚہہِ لٲگمٕتؠ ٲسیٚو۔14یسوعنؔ تھووُکھ جٲری، "وۅنؠ کھوٚژِو یہُوواہؔ تہٕ تسٕنٛدِ عظمتس برونٛہہ کنہِ روزیٚو کلہٕ نۅمرِتھ۔ نیک نیتی سان کٔریٚو أمؠ سنٛز عبادت تہٕ ییٚلہِ تس سٟتؠ کانٛہہ عہد کٔرِیو وفادٲری سان نبٲیو سُہ عہد۔ تِم پۅتٕلؠ ژھٕنیٚو دٲرِتھ یمن تہنٛدؠ اجداد یردن کہِ اپارِ بٹھِ دور۔ تہٕ مِصرس منٛز روزِتھ پوٚزان ٲسؠ۔ چھرا کٔرِیو خداوند سنٛز عبادت۔15یوٚدوے توٚہہِ یہُوواہؔ سنٛز عبادت کرٕنؠ چھیٚنہٕ تیٚلہِ کٔرِو أزؠ فٲصلہٕ زِ توٚہہِ کمن خداین ہنٛز عبادت چھےٚ کرٕنؠ۔ یِژھِ کُنہِ تہِ حالٕژ منٛز پزِ توٚہہِ فٲصلہٕ کرُن زِ توٚہہِ چھا پننٮ۪ن جدن ہنٛدٮ۪ن خداین پوٗزُن، یِمن تِم یردن دریاو اپارِ پوٗزان ٲسؠ۔ یا چھا توٚہہِ اموریؔ لوٗکن ہندٮ۪ن خداین پوزن یِمن تِم یتھ زمیٖنس پٮ۪ٹھ پوٗزان ٲسؠ یتھ پٮ۪ٹھ توٚہؠ از روزان چُھو۔ مگر یوٚتام یہِ میون تہٕ میانہِ خاندانُک سوال چُھ۔ أسؠ روزو بس یہُوواہؔ سنٛزےٕ عبادت کران۔16اسرائیلیٚو دِتُس یورٕ جواب، "أسؠ تہِ کرو ہمیشہٕ یہُوواہؔ سنٛزےٕ عبادت۔ أسؠ چھِ وعدہ کران أسؠ کرَو زانہٛہ تہِ بیٚیہِ کٲنٛسہِ ہنٛز پوٗزا۔17یہِ اوس چھرا یہُوواہؔ یِم أسؠ مِصرٕ منٛزٕ نٮ۪بر کٔڈِتھ أنؠ۔ تٔمؠ أنؠ أسؠ تتہِ بچٲوِتھ ییٚتہِ أسؠ غلام ٲسؠ۔ اسہِ وُچھ دیدمان سُہ معجزٕ کران۔ سفرس دوران تہِ کٔر تٔمؠ اسہِ رٲچھ۔ أسؠ یوٚت تہِ گے تٔمؠ کٔر رٲچھ۔ تٔمؠ رٔچھؠ أسؠ واریہن رازن ہنٛدِ فوجہِ نِشہ۔ أسؠ بنیاے اکۍ عظی قوم تہٕ ژایہِ یتھ زمیٖنس منٛز۔18یہُوواہنؔ کھٲلؠ اسہِ برونٛہہ کنہِ سٲری لوٗکھ۔ تٔمؠ ہارنٲوؠ اموریؔ یِم یتھ زمیٖنس منٛز روزان ٲسؠ۔ أسؠ کرو بس یہُوواہؔ سنٛز عبادت تہٕ أمسےٕ برونٛہہ کنہِ تراوو پنُن کلہٕ تکیازِ سُے چُھ سون خداوند۔ 19یسوعنؔ ونُکھ یورٕ، "توٚہؠ ہیٚکِو نَہ یہُوواہؔ سنٛز بندگی کٔرِتھ؛ سُہ چُھ اکھ مقدس پاد خدا تہٕ سُہ دِیو نہٕ کٲنٛسہِ بیٚیِس خدایہِ سنٛز عبادت کرنہٕ۔ پنُن قانون پھُٹراوُن یا کانٛہہ گناہ کرُن کریو نہٕ سُہ زانہٛہ معاف۔20یوٚدوے توٚہؠ یہُوواہؔ ترٲؠ وُن تہٕ باقی خدا پوزہکھ اگر سُہ مشراوہن۔ سُہ گژھیٚو ناراض تہٕ تِتھے پٲٹھؠ واتہٕ وایو نقصان یتھٕ پٲٹھؠ تٔمؠ تہنٛدٮ۪ن دُشمنن واتہٕ نوو۔ سُہ زالیٚو نارس منٛز۔ سُہ کٔریٚو یہِ سورےٕ یوٚت خٲر کرنہٕ پتہٕ تہِ یوٚدوے توٚہؠ تس نِش ژٔلِو۔21مگر لوٗکو ووٚن یورٕ یسوعسؔ، "ہرگِز نہٕ۔ أسؠ کرو بس یہُوواہؔ سنٛز عبادت"22امہِ پتہٕ ونُکھ یسوعنؔ، "توٚہؠ چُھو پانے پنٕنؠ گواہ زِ توٚہہِ ژوروُن یہُوواہؔ تہٕ وعدہ کوٚرو تٔسؠ یوت عبادت کرنُک۔ "تِمو ووٚنُس اور، "آ۔ اسہِ دیُت پنُن وعدہ"23امہِ پتہٕ ونُکھ یسوعنؔ، "توٚہہِ پزن پنٕنؠ سٲری سٟتؠ تُلؠ مٕتؠ پوٚتٕلؠدوٗر دٲرِتھ دٕنؠ تہٕ پننہِ پوٗرٕ قوت سٟتؠ پزیٚو توٚہہِ یہُوواہسؔ کُن پھیرُن تہٕ تٔسؠ پنُن خدا زٲنِتھ عبادت کرٕنؠ۔" 24لوٗکو ووٚنُس یور، "أسؠ کرو چھرا یہُوواہؔ سنٛز عبادت یُس سون خدا چُھ تہٕ تٔسؠ سٕنٛدؠ حکم مانَو أسؠ۔"25امے دوٚہہ کوٚر یسوعنؔ لوٗکن سٟتؠ اکھ وعدہ۔ أتی سکِم شہرس منٛزےٕ لیٚکھؠ یسوعنؔ ٲئین تہٕ قانون یِم یہُوواہنؔ یِمن ماننُک حکم دیُت۔26تٔمؠ لیٚچھِ تِمہٕ سارے کِتھہٕ یِم خداوند سنٛزِ قانونچہِ کتابہِ منٛز آسہ۔ تٔمؠ تُل اکھ کنہِ پل تہٕ کوٚرپن اِستادٕ سکِم شہرس منٛز تتھ جایہِ یتہِ تھَس یہُوواہؔ سنٛزِ عبادت باپتھ مخصوص جایہِ نکھہٕ شاہ بلعوپک کُل اوس۔27یسوعنؔ ووٚن سارنےٕ لوٗکن، "بوزِو۔ یہِ کنہِ پل روزِ یَتھ جایہِ سانہِ عہدُک گواہ۔ یہِ چھےٚ سۅ جاے یتہِ نس اسہِ وعدہ کوٚر زِ أسؠ کرو یہُوواہؔ سنٛز بندگی۔ یہِ پل روزِ اسہِ یہُوواہسؔ سٟتؠ کرنہٕ آمتِس وعدس ژٮ۪تس پاونٕچ جاے تہٕ مذید پاوِ یِتہِ ژٮ۪تس زِ خداوندس سٟتؠ کُنہِ وعدہ خلٲفی ہُنٛد نتیجہٕ کیاہ آسہ۔28امہِ پتہٕ سوزؠ یسوعنؔ لوٗکھ پننٮ۪ن پننٮ۪ن کامین کُن۔29یِمو واقاتو پتہٕ گو نونؔ سُنٛد نیٚچو یسوعؔ دوٚیمِس عالمس کُن روانہٕ۔ سُہ اوس امہِ وزِ اکھ ہَتھ تہٕ داہ وۅہُر۔30تِمو کوٚر سُہ اوسودٕ تمنت نسرہ پنہٕ نسےٕ جایدادس منٛز۔ یہِ جاے چھےٚ جعسؔ بالہٕ کِس شمالس منٛز افرائیمؔ کِس کوٚہستٲنؠ ملکس منٛز۔31اسرائیلیٚو کٔر یہُوواہؔ سنٛز عبادت بس یسوعؔ سٕنٛدِس صحبتس منٛز روزن والٮ۪ن زِٹھٮ۪ن نیریس مرنس تامےٕ۔ یِموےٕ اوس دیدمان وُچھمُت زِ یہُوواہنؔ کیاہ کیاہ کوٚر یِمن اسرائیل ین ہنٛدِ باپتھ۔ 32یوسفؔ سنٛزٕ أڈجہ یِم یِمو مِصرٕ منٛزٕ کٔڈِتھ انمژٕ آسہٕ آیہِ سکِم شہرس منٛزے تتھ جایہِ اوسودٕ کرنہٕ یۅسہ یعقوبنؔ سٮ۪ٹھا برونٛہہ سکِم سٕنٛدِ مٲلِس حمورسؔ رویہِ ہنٛدٮ۪ن ہتن سِکن مٔلؠ ہٮ۪ژمٕژ ٲس۔ یہِ زمیٖنہِ ٹُکرہٕ بنییہِ یعقوبؔ سنٛدٮ۪ن زُریٚن ہنٛز مستقل ملکِیت۔ 33ہارونؔ سُنٛد نیٚچو الِیعزرؔ تہِ سپٕدؠ أتھؠ دوران دوٚیمِس عالمس کُن روانہٕ پتہٕ آو افرائیمؔ کِس کوٚہستٲنؠ علاقس منٛزے پننِس نیٚچوؠ فینحاسؔ سٕنٛدِس جباہؔ ناوکِس شہرس منٛزےٕ اوسودٕ کرنہٕ۔
Bridge Connectivity Solutions Pvt. Ltd.