یشوع9
1یردن دریاوکِس مغربی بٔٹھِس پٮ۪ٹھ ٲسؠ حِتی، امورؠؔ، کنعانؔؠ، فِرزی، حوی تہٕ یبوسؠ بادشاہ۔ یہُنٛد راج پہٲڑی علاقن، دوٗر مغربس کُن بنؠ مٮ۪ن بالن کھیٚن تام تہٕ بحیرہ رومسؔ کُن مٲدٲنی علاقن تام پھٔہلِتھ اوس عیؔ شہرُک گُدرُن بوز یِمو سورےٕ۔2یِمو سمبرٲوؠ پنٕنؠ سٲری سِپاہ کٲنٛسہِ اکؠ سٕنٛدِس حکمس تل، یسوعسؔ تہٕ اسرائیل ین خلاف جنگ کرنہٕ باپتھ۔3ولیکن یمہِ وزِ جِبعونؔ کیو بسکین درو بوز زِ یسوعؔ سٕنٛدیو سِپاہو أنؠ یرِیحُو تہٕ عیؔ شہر تلفس تل۔4تِمو کۅر فٲصلہٕ زِ تِم گِنٛدن اسرائیل ین خلاف بدل کھیل۔ تِمو سوزؠ پنٕنؠ کینٛہہ نفر تِمن نِش ٲکھِتھ مٲکھِتھ سفیر بنٲوِتھ۔ یِمَو نفرو أنؠ سمبرٲوِتھ کینٛہہ پرانہِ ژھیٚنہِ مژٕ شرابہٕ مشکہٕ یِمن ٹیبہٕ آسہ دِنہٕ آمژٕ تہٕ بریٚکھ یمہ خرن پٮ۪ٹھ5پانس لاجکھ ٹیبہٕ کٔڈؠ کٔڈؠ ژھیٚنہِ مژٕ چپنہِ تہٕ نٲلؠ زچہِ تہٕ تُجکھ سفرٕ باپتھ ہوٚچھٕ تہٕ کرُچہِ گٲمژٕ ژۅچہِ6تِم وٲتؠ أتھؠ بظٲہِر خستہٕ حالژ منٛز جِلجالؔ یتہِ یسوعؔ تہٕ باقی اسرائیلی پڑاو دِتھ ٲسؠ تہٕ وونُکھ یِمن، "أسؠ چھِ سیٹھاہ منٛزِل کٔڈِتھ آمٕتؠ۔ مہربٲنی کٔرِتھ کرِیٚو اسہِ سٟتؠ امن معاہدٕ7اسرائیلی زِٹھیو ووٚن یِمن جلدی زٲنِتھ ییٚلہِ زن یِم حویؔ ٲسؠ "توٚہؠ ما چُھو نکھے روزان؟ ٲسؠ کِتھٕ پٲٹھؠ کرو توٚہہِ ستؠ کانٛہہ معاہدٕ۔ توٚہؠ ہَے اسہِ نکھے روزان چُھو۔8اورٕ ووٚن یِمو یسوعسؔ بڈٕ عٲجزی سان، "أسؠ چھِ تہنٛزِ خدمتہٕ باپتھ آمٕتؠ۔ یسوعنؔ پرٕژھُکھ یورٕ، "توٚہؠ چُھو کمہٕ تہٕ ٲخٕر آیہِ وٕ کتہِ پٮ۪ٹھٕ9یِمو جِبعونؔ کیو وونُس درجواب، "أسؠ چھِ تُہنٛدؠ خٲدِم بنُن یژھان۔ أسؠ آے بڈٕ دوٗر دراز علاقہٕ پٮ۪ٹھٕ تُہنٛدِس خداوند سنٛز شہرت بوزِتھ۔ اسہِ بو تہِ سورےٕ یہِ أمؠ مِصرس منٛز کوٚر۔10اسہِ چُھ تہِ سورےٕ تہِ بوزمُت یہِ أمؠ امورکیٚن یردن دریاے یَرن کِس مشرقس منٛز راجت کرن والٮ۪ن دوٚن بادشاہن حسبونؔ کِس سیحونؔ تہٕ بسنؔ کِس عوجؔ بادشاہس ستؠ کوٚر۔ یُس عستارات روزان اوس۔11زِ اوے ووٚن اسہِ پننیٚو زِٹھیٚوِ" یہِ غذا تُلیو ستؠ تہٕ نیرِیو اسرائیل ین ستؠ سمجھوتہٕ کرنہِ۔ تِمن ؤنِو، "أسؠ چھِ یژھان تُہنٛدؠ خٲدِم بنٕنؠ لہٰذا کٔرِو اسہِ ستؠ معاہدٕ12وُچھیٚو سٲنؠ یہِ ژوٚٹ۔ یہِ ٲس بالکُل تازٕ تہٕ گرم ییٚلہِ أسؠ پننیٚو گرو نیرتھ یورکُن دراے۔ ؤنؠ چھےٚ یہِ ژوٚٹ ہوٚچھمٕژ تہٕ برسیمٕژ13وُچھیٚو یِم سانہِ شراب مشکہٕ۔ یِم آسہ بالکُل نیہِ ییٚلہِ سفرس نیروُن یِمن منٛز شراب بوٚر۔ ؤنؠ چھےٚ یِم پھُچمَژٕ تہٕ لِتھونہٕ آمژٕ۔ یتھ یورتام زیچھِ سڑکہِ پکان پکان چھِ ؤنؠ سٲنؠ پلو تہِ رُنیمٕتؠ تہٕ چینہٕ تہِ گسہِ آمژٕ۔14اسرائیلی زِٹھیٚو کوٚر کینٛہہ غذا یہُنٛد قبوٗل تہٕ کھیوکھ اکھ کال یِمن ستؠ معاہدٕ مکمل کرنہٕ باپتھ۔ یمو زون نہٕ یہِ ضرورتھےٕ زِ تِم کرن پننِس خداوندس ستؠ اتھ کتھہِ پٮ۪ٹھ کانٛہہ مشورٕ15یتھٕ پٲٹھؠ مون یسوعنؔ یِمن ستؠ امن معاہدٕ کرُن۔ اسرائیلیٚو کوٚر جِبعونؔ کٮ۪ن لوٗکن ستؠ یہِ معاہدٕ یمیُک اکھ شق یِتہِ اوس زِ تِم کرن نہٕ یِمن انزان لوٗکن قتل۔ سارِوےٕ اسرائیلیٚو کوٚر یہِ معاہدٕ پزِ دٕلہٕ سنٛجیدگی سان قبوٗل۔16ترٮ۪ن دوٚہُن انٛدر انٛدرےٕ زون اسرائیلیٚو زِ یِم لوٗکھ ٲسؠ نزدیکھےٕ جِعونؔ پٮ۪ٹھٕ آمٕتؠ۔17لہٰذا دراے تِم تور کن یتہِ جِعونٕکؠ لوٗکھ روزان ٲسؠ۔ ترٮ۪ن دوٚہُن ہُنٛد سفر کڈنہٕ پتے وٲتؠ یِم تیٚنٛدٮ۪ن جِبعونؔ، کفرہؔ، بیروتؔ تہٕ قریتؔ یعریمؔ شہرن نکھہٕ18ؤنؠ گو اسرائیلیٚو کوٚر نہٕ یِمن شہرن پٮ۪ٹھ حملہٕ تکیازِ تِمو اوس قسم تُلمُت یِمن ستؠ امنہٕ سان روزنُک۔ تہٕ تہنٛدِس وعدس پٮ۪ٹھ اوس پانہٕ خداوند گواہ۔ پننٮ۪ن زِٹھٮ۪ن ہنٛدِس یتھ وتاولی منٛز کرنہٕ آمتِس وعدس پٮ۪ٹھ رودؠ سٲری اسرائیلی أنٛدری خمان19مگر زِٹھیو ونُکھ اسہِ کوٚر یِمن ستؠ امنہٕ سان روزنُک وعدہ تہٕ سٲنؠ خداوندن بزو پانہٕ یہٰ سون وعدہ۔ ؤنؠ ہیٚکو نہٕ أسؠ یِمن کانٛہہ اِزا واتنٲوِتھ۔20یوٚدوے أسؠ یِمن مارو، خدا سپدِ اسہِ پٮ۪ٹھ ناراض۔ سُہ دِیہ اسہِ وعدہ پھُٹراونُ سزا یُس اسہِ قسم تُلِتھ یورٕ سنٛجیدگی سان یمن لوٗکن دیُتمُت چُھ۔ ؤنؠ گو أسؠ ہیٚکو یِمن ستؠ یمہِ آیہِ روزِتھ۔21أسؠ دِمو یِمن زِنٛدٕ روزنہٕ مگر یِم روزن سٲنؠ خٲدِم بنِتھ۔ یِم ژٹن سارنےٕ لوٗکن باپتھ زیُن تہٕ سارن آب۔ یی سپُد یہِ زن زِٹُھیو سونچ۔22امہِ پتہٕ انہٕ نٲو یسوعنؔ جِلعونؔ شہرٕکؠ لوٗکھ ناد دِتھ تہٕ پرھژھنکھ، "توٚہہِ کیاز، ووٚنو اسہِ اپُز۔ تُہنٛدؠ گرٕ چھِ سٲنِس پڑاوس نکھَے۔ توٚہؠ چُھو نکھے بسان۔ مگر توٚہہِ ووٚنو زِ توٚہؠ چُھو سٮ۪ٹھا دوٗر علاقہٕ پٮ۪ٹھٕ آمٕتؠ۔23توٚہہِ چُھو ؤنؠ میٲنِس شافس تل روزُن۔ توٚہؠ روزیٚو ہمیشہٕ باپتھ سٲنؠ خٲدِم توٚہؠ ژٔٹیٚو سانِس خداوند سٕنٛدِس گھرس خٲطرٕ زیُن تہٕ سٲریٚو آب۔ 24جِعونؔ کیٚو لوٗکو ووٚنُس درجواب، "اسہِ ووٚنو توٚہہِ اپُز تکیازِ اسہِ اوس پھرٮ۪ٹھ توٚہؠ کٔرِو اسہِ قتل۔ اسہِ اوس بوزمُت زِ یہُوواہؔ تہنٛدؠ خداین چُھ پننس بندس موسیٰؔ ہس ووٚنمُت زِ سُہ کرِ توٚہہِ پوٗرٕ مدد اسہِ سارنےٕ مارنہٕ باپتھ کنعانس منٛز، تہٕ سُہ دِیہ توٚہہِ سٲنؠ زمین۔25ؤنؠ پزِ توٚہہِ فٲصلہٕ کرُن زِ توٚہؠ کیاہ کٔریٚو اسہِ ستؠ۔ کٔریوٚ اسہِ ستؠ تی یہِ توٚہؠ بہتر تہٕ رُت زٲنیٚو۔26یسوعنؔ بچٲوؠ جِبعونٕکؔؠ لوُکھ مارٕ گژھنہٕ نِشہ أمؠ دیُت نہٕ اسرائیلی لوٗکن یِمن کانٛہہ اِذا واتناونہٕ۔27امہِ بدلہٕ بنٲوؠ تٔمؠ یِم زبردستی جِبعونی خٲدم اسرائیل ین ہنٛدؠ۔ تِم رودؠ زیُن تہٕ زالُن ژٔٹِتھ انان تہٕ یہنٛدِ باپتھ آب ساران۔ یُس خداوندٕ سٕنٛدِ قربان گاہ باپتھ ضروٗری اوس۔ تہٕ جِبعونٕکؔؠ لوٗکھ چھِ برابر یی ازتام کران۔
Bridge Connectivity Solutions Pvt. Ltd.