یشوع10
1تٔمہِ وقتہٕ بوز یہِ شیٚچھ یروشلم شہرٕکؠ بادشاہ ادُونی صدقنؔ زِ یسوعؔ سٕنٛدؠ فوجن اوٚن عیؔ شہر تلفس تل تہٕ تھووُن اتہِ سٲرؠ سےٕ ڈُبہٕ ڈاس کٔرِتھ۔ یتھٕ پٲٹھؠ تٔمؠ یرِیحُو تہٕ اتہِ کِس رازس ستؠ کوٚرمُت اوس۔ تٔمؠ بوز مزید پتہٕ زِ جِبعونکیوؔ لوٗکو چُھ أمِس ستؠ امنُک معاہدٕ کوٚرمُت تہٕ ؤنؠ ٲسؠ تِم اسرائیل ین ستؠ روزان بسان2یہِ بوزِتھ ژاے یروشلمٕکؠؔ لوٗکھ شرُکنٮ۪ن تکیازِ جِبعونؔ اوس اکھ اہم شہر۔ تِمن باقی شہرن ہنٛدؠ پٲٹھؠ یِمن پنُن بادشاہ تہٕ راجُت اوس۔ بلکہ اوس یہِ عیؔ شہرٕ کھۅتہٕ تہِ بوٚڈ تہٕ بیٚیہِ ٲسؠ اتِکؠ سِپاہ ژٔرؠ تجربہٕ کار۔3لہٰذا سوزؠ شیٚچھِ وٲلؠ یروشلمٕکؠؔ بادشاہ ادُونی صدقنؔن پنُن پٲغام ہٮ۪تھ حبرون کِس بادشاہ ہُوہامسؔ نِش، یرموتؔ کِس پِیرامس، لکِیسؔ کِس بادشاہ یافیعؔ ہس تہٕ عجلُون کِس بادشاہ دبِیرسؔ4پٲغامس منٛز ووٚننکھ زِ مہربٲنی کٔرِتھ یِیو مےٚ جِبعونسؔ پٮ۪ٹھ حملہٕ کرنس منٛز مدد کرنہِ تکیازِ یِمو جِبعونؔ کیو لوٗکو چُھ یسوعؔ تہٕ اسرائیل ین ستؠ امن معاہدٕ کوٚرمُت۔5لہٰذا آے یِم اموریؔ پٮ۪ٹھٕ راجُت کرن وٲلؠ پانٛژوے یروشلم، حبرون، یرموتؔ، لکِیسؔ تہٕ عجلُونٕکؠ بادشاہ سمِتھ جِبعونؔ شہرس پٮ۪ٹھ پنٕنؠ سٲری لشکر ہٮ۪تھ وولِتھ تہٕ کوٚرُکھ شہرس گیرٕ اتھ پٮ۪ٹھ حملہٕ کرنہٕ باپتھ۔6جِبعونؔ کیو لوکو واتنٲو یہِ شیٚچھ یسوعسؔ جِلجالؔ کِس پڑاوس منٛز۔ تِمو ووٚنُس۔ أسؠ چھِ چٲنؠ خٲدِم لہٰذا مٕہ تراو اسہِ لہٰذا وٲتیٚو ؤلؠ ؤلؠ مدتس تہٕ بچٲیو اسہِ۔ اسہِ کٔریو مدد تکیازِ اموریؔ بادشاہ چھِ سمُت کٔرِتھ اسہِ پٮ۪ٹھ ووغلِتھ آمٕتؠ۔7یسوعؔ تہِ تسُنٛد فوج، سِپاہ تہٕ تسٕنٛدؠ بہترین جنگجو دراے جِلجالؔ کہِ پڑاوٕ پٮ۪ٹھٕ۔8خداوندن ووٚن یسوعسؔ یِنہٕ تہنٛدِس فوجس ہرگِز کھوٚژِو۔ بہٕ دِمو توٚہہِ تِمن پٮ۪ٹھ فتح۔ تیٚہُنٛد کانٛہہ فوجی تہِ درِ نہٕ توٚہہِ برونٛہہ کنہِ۔9یسوعؔ سُنٛد فوج رود رٲتی راتس پکان تہٕ سُلہِ صُبحٲے وٲتؠ تِم جِلجالؔ پٮ۪ٹھٕ تہٕ کوٚرُکھ امورؠؔ ین پٮ۪ٹھ اچانک حملہٕ۔10خداوندن کٔرؠ تہنٛدؠ دماغ اسرائیلی فوج وُچِھتھ منتشِر۔ یسوعؔ سنٛزِ رہنمٲیی منٛزٕ کٔرؠ اسرائیلی فوجن اموریؔ فوج تلفس تل اوٚنتھ بے وایہِ قتل جِبعونؔ کِس شہرس منٛز تہٕ دورییہِ باقین بیت حورُونؔ کُن ژلن والٮ۪ن سٕہَن پتہٕ۔ یِتھَے پٲٹھؠ م رِکھ عزیقاؔہ تہٕ مقیدہؔ کُن ژلن وٲلؠ تہِ۔11یمہِ وزِ تِم اسرائیلی فوجہٕ برونٛہہ کِنؠ ژلؠ، خداوندن واجہ یِمن پٮ۪ٹھ ڈوٹھہٕ ترٹہٕ۔ زیادٕ تر مودؠ اسرائیلی تلوارو بدلہٕ امی ڈوٹھہٕ سٟتؠ۔12یمہِ دوٚہہ خداوندن اسرائیل ین اموریؔ فوجس پٮ۪ٹھ غلبہٕ بخُش، یسوعنؔ کوٚر دعا خداوندس، "ہے! افتابہٕ۔ جِبعونؔ کِس نبس پٮ۪ٹھ روز قٲیِم دٔرِتھ أتی۔ تہٕ ژٕ ہے زوٗنی! ٹھہراو قدم ایالونؔ چہِ گھاٹی پیٚٹھےٕ۔ 13تہٕ آفتاب گو تھامہِ تہٕ زوٗن روزِتھ یوٚتام اسرائیلی فوجن دُشمن سیاہ تلفس تل أنؠ۔ کیا یی چُھنا آشرؔ نٲوؠ کتابہِ منٛز درج۔ آفتاب گو منٛز دوٚہس تھامہِ اکسےٕ جایہِ تہٕ سٲرؠ سےٕ دوٚہس ڈوٚل نہٕ رژھ تہِ۔ 14امہِ دوٚہہ کوٚر خداوندن اکھ معجزٕ یُتھ کانٛہہ دوٚہہ اوسنہٕ امہِ برونٛہہ نَہ آو یُتھ کانٛہہ دوٚہہ امہِ پتہٕ ونیُک تام۔ ییٚلہِ خداوندن أکِس انسان سٕنٛدِس وننس پٮ۪ٹھ یُتھ ہیٚو معجزٕ کوٚر۔ امہِ دوٚہہ دراو پزی پانہٕ خداوند اسرائیل ین ستؠ ستؠ جنگس۔15یسوعؔ تہٕ تسٕنٛدؠ سٲری اسرائیلی وٲتؠ واپس جِلجالؔ کِس پڑاوس پٮ۪ٹھ۔16پانٛژوے اموریؔ بادشاہ ژٔلؠ لٔٹھؠ ہٲوِتھ تہٕ ژھٲرٕکھ چھپَن جاے مقیدہؔ شہرکِس أکِس گۅپھہِ منٛز۔17کٔمؠ تام واتنٲو یہِ شیٚچھ یسوعسؔ نِش، "اسہِ وُچھ، تِم پانٛژھ بادشاہ پانہٕ مقیدہؔ چہِ گۅپھِ منٛز۔18یہِ خبر بوزِتھ ووٚن یسوعنؔ پننٮ۪ن لوٗکن، "گٔژھیٚو والیٚو ڈولہٕ کنہِ پل اتھ گۅپھہِ ہنٛدِس گٔلِس پٮ۪ٹھ تہٕ روزیٚو کینٛہہ سِپاہ پہرٕ دِتھ۔19ؤنؠ گو باقےسٲری سِپاہ روزؠزیو نہٕ أتی۔ دشمنن لگیٚو پتے۔ یِتہٕ تِمن پننٮ۪ن شہرن کُن ژلنہٕ دِیو۔ تُہنٛد خداوند دِیو توٚہہِ یِمن پٮ۪ٹھ فتح تہٕ غلبہٕ۔20یسوعؔ سٕنٛدؠ فوجن کوٚر تی یہِ وننہٕ آکھ۔ تِمو مٲرؠ تقریباً سٲری دشمن اسرائیلی فوجی۔ ؤنؠ گو صرف کینٛہہ دشمن فوجی وٲتؠ یتھٕ تِتھٕ بٔچِتھ پننٮ۪ن شہرن تہِ۔21یسوعؔ سٕنٛدؠ فوجی وٲتؠ امہِ پتہٕ یسوعسؔ نِش واپس۔ سُہ اوس وُنہٕ مقیدہؔ کِس پڑاوس پیٚٹھےٕ۔ امہِ پتہٕ وۅتھ نہٕ کٲنٛسہِ تارےٕ اسرائیلی فوجس خلاف۔22امہِ پتہٕ دیُت یسوعنؔ حکم، "تُلیٚو اتھ گۅپھہِ گٔلِس یِم دولہٕ کنہِ پل تہٕ کٔڑِتھ انؠ ووکھ تِم پانٛژوے بادشاہ مےٚ نِش۔23سِپہَو أنؠ تِم پٲنژٛھ گۅپھہِ منٛز ژامٕتؠ بادشاہ یروشلم، حبرون، یرموتؔ، لکِیسؔ تہٕ عجلُون شہرن ہنٛدؠ بادشاہ نٮ۪بر کٔڑِتھ۔24ییٚلہِ یِم بادشاہ أنِکھ تہٕ زمیٖنہِ پٮ۪ٹھ دراز دِتھ تھٲوِکھ، یسوعنؔ أنؠ پنٕنؠ سٲری سِپاہ ناد دِتھ تہٕ ووٚنُن فوجی عہدٕدارن، "ؤلِو تہٕ رٔٹیٚو یِمن بادشاہن ہنٛزٕ گردنہٕ پننٮ۪ن کھۅرن تل" عہدٕ دارو کوٚر یی۔25امہِ پتہٕ ووننکھ یسوعنؔ، "پننس کٲنٛسہِ دُشمنس مٕہ کھوژیو۔ نَہ مٕہ ہٲرِو حوصلہٕ۔ بہادُر تہٕ ہٮ۪متہٕ وٲلؠ بٔنیٚو۔ خداوند کرِ تِمن دُشمنن ستؠ یی یِمن ستؠ توٚہہِ لڈُن پیٚیہِ۔26امہِ پتہٕ کٔرؠ یِم پانٛژوے بادشاہ یسوعنؔ پننہِ تلوارِ سٟتؠ قتل۔ تہٕ تہنٛدؠ جسم تراوِنؠ پانٛژن کُلین اویزان۔ آفتاب لوسنس تام تراوٮ۪ن تہنٛزٕ لاشہِ اویزان۔27آفتاب لوسہٕ وُن ووٚنُن پننٮ۪ن سِپہن یِمہٕ لاشہِ ترودِ والنہٕ باپتھ تہٕ یِمہٕ تٔتھؠ گۅپھِ منٛز دٲرِتھ دِنہٕ باپتھ یتہِ تِم بادشاہ ژور بیٹھمٕتؠ ٲسؠ۔ سِپہو کوٚر یی۔ امہِ پتہٕ تھٲوِکھ گۅپھِ گٔلِس بیٚیہِ پل دولہٕ۔ ازتام چھِ یِمن بادشاہن ہنٛدؠ کرنٛز أتی گۅپھِ منٛز۔28یِتھَے پٲٹھؠ اوٚن یسوعنؔ مقیدہؔ شہر تہِ حملہٕ کٔرِتھ اتھس منٛز۔ تِمو مور اتیُک بادشاہ ہٮ۪تھ باقی سٲری لوٗکھ تہِ۔ تِمو تروو نہٕ اکھ زِنٛدٕ زُو تہِ پتھ کُن۔ تِمو کوٚر اتکِس بادشاہس سٟتؠ تہِ تی یہِ تِمو یریحُو کِس بادشاہس سٟتؠ کوٚرمُت اوس۔29امہِ پتہٕ دراو یسوعؔ پنُن اسرائیلی لشکر ہٮ۪تھ مقیدہؔ کِس جنوب شہرس کُن تہٕ کوٚرُکھ لبناہؔ شہرس پٮ۪ٹھ حملہٕ۔30خداوندن بنٲوؠ اسرائیلی اتھ قٲبل زِ تِم انُن یہِ شہر تہٕ اتیُک بادشاہ تلفس تل۔ یسوعن مٲرؠ اتِکؠ سٲری لوٗکھ تہٕ باقی زِنٛدٕ زُو۔ تٔمؠ تروو نَہ اتیُک اکھ فرد تہِ زِنٛدٕ۔ امہِ لبناہؔ شہرُک بادشاہ تہِ مورُن یریحُو شہرکِس رزٕ سٕنٛدؠ پٲٹھؠ۔31یسوعؔ تہٕ أمؠ سُنٛد فوج دراو لبناہؔ پٮ۪ٹھٕ جنوبس منٛز لکِیسؔ شہرس کُن۔ اتھ شہرس ترووُن گیرٕ تہٕ لٲجٕن اتھ خلاف لڈایہ32دوٚیمہِ دوٚہہ بخُش یہِ شہر خداوندن اسرائیل ین تہٕ تِمو لوٚب فتح۔ اتھ منٛز یِتہِ اوس سُہ کوٚرُکھ بُرباد۔ اتِکؠ لوٗکھ ہٮ۪تھ۔ لکیسسؔ تہِ کوٚر تٔمؠ تی یہِ لبناہؔ شہرس کوٚرُن۔33جزرُکؔ بادشاہ ہُورمؔ آو پنُن فوج ہٮ۪تھ لکیسؔ کِس فوجس مدتس مگر یسوعؔ سٕنٛدؠ فوجن دیُت ہُورم تہٕ تمسنٛدِس فوجس شِکس، تروو نہٕ تِمو منٛزٕ اکھ تہِ پتھ کُن زِنٛدٕ۔34امہِ پتہٕ دراو یسوعؔ لکیسؔ کِس مغربس منٛز عجلُونؔ شہرس کُن۔ تِمو تروو اتھ گیرٕ تہٕ کوٚرہس حملہٕ۔35امی دوٚہہ لٔب تِمو شہرس پٮ۪ٹھ فتح تہٕ مٲرِکھ سٲری یہِ زن یِمو لکیسؔ شہرس منٛز کوٚر۔36یسوعؔ تہٕ تسُنٛد فوج دراو امہِ پتہٕ عجلُونؔ پٮ۪ٹھٕ حبرونؔ کٮ۪ن بالن کُن تہٕ کوٚرُکھ اتھ خلاف جنگ37تہٕ زیونُکھ یہِ شہر تہِ۔ عجلُونؔ شہرٕکؠ پٲٹھؠ کوٚرُکھ اتیُک بادشاہ ہٮ۪تھ اتھ شہرس ڈُبہٕ ڈاس۔ اکھ زوٚن تہِ ترووُکھ نہٕ ناو ہٮ۪نہٕ باپتھ زِنٛدٕ۔38امہِ پتہٕ پھیور یسوعؔ پنُن فوج ہٮ۪تھ سیٚودے دبِیرؔ شہر کُن تہٕ لوگُکھ اتھ خلاف جنگ۔39شہر تہٕ اتیُک بادشاہ اوٚنُکھ قبضس منٛز سٟتؠ أنِکھ انٛدؠ پٔکِکؠ کینٛہہ گام تہِ۔ امہِ پتہٕ ترووُکھ نہٕ کانٛہہ تہِ زِنٛدٕ زُو مارنہٕ روٚس۔ ناو ہٮ۪نس لایق تہِ نہٕ کانٛہہ زِنٛدٕ پتھ کُن۔ اتھ شہرس تہِ گُدرووُکھ تی یہِ حبرونؔ تہٕ لبناہؔ شہرس گُدرووُکھ40امی آنہٕ تہٕ انمانہٕ کوٚر یسوعنؔ تہٕ تسٕنٛدؠ فوجن سورےٕ جنوبی کنعان زیر۔ تِمو ہارنٲوؠ اتِکؠ بادشاہ یِم راجت کران ٲسؠ پہٲڑے علاقن، جنوبی نجب کٮ۪ن صحراون، مغرب کیٚن بالہٕ دمٕنؠ علاقن تہٕ سٔنوٲرؠ علاقن پٮ۪ٹھ تہٕ پننس خداوند سنٛدِ حکمہٕ مطٲبق مٲرِکھ یِمن علاقن ہنٛدؠ سٲری زٕنٛدٕ زُو۔41یسوعؔ سٕنٛدؠ فوجن کٔرؠ قادِس برنِیع پٮ۪ٹھٕ غزہؔ تام تہٕ جشن کہِ تمام علاقہٕ پٮ۪ٹھٕ جِبعونؔ تام سٲری لوٗکھ۔42چونکہِ خداوند اوس پانہٕ اسرائیل ین سٟتؠ سٟتؠ۔ تِمو کٔرؠ اکسےٕ حملس منٛز زیر یِم سٲری بادشاہ تہٕ تہنٛدؠ علاقہٕ۔43امہِ پتہٕ پھیور یسوعؔ پنُن فوج ہٮ۪تھ واپس تہٕ ووت پننِس جِلجالؔ کِس پڑاوس پٮ۪ٹھ۔
Bridge Connectivity Solutions Pvt. Ltd.