یشوع7
1خداوند سُنٛد حکم اوس ز یرِیحُو شہرُک اکھ اکھ یہُوواہسؔ کُن منصوب چیز گژھِ یُن بُرباد کرنہٕ۔ یہِ کتھ درراونہٕ باپتھ زِ یِم ٲسؠ صرف تہٕ صرف خداوندٕ سٕنٛدؠ۔ مگر اتہِ اوس یہُوداؔ قبیلُک عکن ناوُک نفر تہِ یسُنٛد مول اوس کرمیؔ، بوٚڈ بب زبدیؔ تہٕ جدٕ بوٚڈ بب زارحؔ۔ تٔمؠ کٔر خداوند سٕنٛدِ حکمٕچ نافرمٲنی تہِ تھٲوِنؠ کینٛہہ چیٖز پانس کِتؠ۔ اتھ پٮ۪ٹھ سپُد خداوند سارنےٕ اسرائیل ین پٮ۪ٹھ برہم۔2یسوعنؔ سوزؠ پنٕنؠ کینٛہہ نفر یرِیحُو پٮ۪ٹھٕ عی شہرس کُن۔ یُس جو بیت ایلؔ کِس مشرِقس منٛز بیت آونسؔ نکھہٕ چُھ۔ تٔمؠ ووٚن تِمن" نیرِو عی شہرس کُن تہٕ ژھٲنٛڈِو یہِ سورےٕ علاقہٕ" اوے دراے تِم اور تہٕ ژھونٛڈُکھ سورےٕ علاقہٕ۔3واپس پھیرِتھ ووٚن تِمو یسوعسؔ اتیُک سورےٕ حال عی قصبس منٛز چھِ سٮ۪ٹھا کم لوٗکھ۔ لہٰذا سوزؠ وُکھ چھرا زٕ یا ترےٚ ساس سِپاہ تِمن حملہٕ کرنہٕ باپتھ۔ اور سٲری سِپاہ سوزنچ چھنہٕ کانٛہہ ضرورت۔4اوے وٲتؠ عی قصبس منٛز حملہٕ کرنہٕ باپتھ چھرا ترےٚ ساس نفر۔ مگر یِمو ہیوٚکنہٕ عی بالکُل تہِ تلفس تل أنِتھ۔ اکھتُے آے مُشکلنےٕ زُو زٔٹ بچٲوِتھ واپس ژٔلِتھ۔5دُشمنن ٲسؠ شییہ ترٕہ اسرائیلی ژھٕنمٕتؠ مٲرِتھ تہٕ باقین ٲسکھ شہرکیٚو دروازَو پٮ۪ٹھٕ بالہٕ دامنس تاں لار کٔرمٕژ تہٕ امہِ اپور تتھ جایہِ یتہِ لوٗکھ کنہِ بال پٹان ٲسؠ۔ ییٚلہِ اسرائیل یو یہِ حال وُچھ تِمن ژایہِ نَٹھ تہٕ سپٕدؠ بے ہمت۔6یِژھ ہار وُچِھتھ سپٕدؠ یسوعؔ تہٕ باقی اسرائیلی زِٹھؠ یِتھؠ دۅکھٕ زد زِ تِمو ژٔٹؠ نٲلؠ پلو تام۔ تِم سپٕدؠ تتھ مقدس خٟمس برونٛہہ کنہِ سر بسجوٗد یتھ منٛز مقدس صندوق تھاونہٕ آمُت اوس۔ تِم رودؠ أتھؠ حالتس منٛز اتہِ شامس ژیر تام۔ پننہِ اتھ شرمندگی تہٕ خجالتس پٮ۪ٹھ دۅکھل سپدِتھ لٔز تِمو پننٮ۪ن کلن لژھ تہِ۔7امہِ پتہٕ کٔر یسوعنؔ عبادت تہٕ کۅرُن ودان ودان التجا، ہے خداوند! سانہِ رچھن والہِ ژےٚ أنِتھ أسؠ یردن دریاوس حفاظتہٕ سان یپور تٲرِتھ۔ تیٚلہِ کیازِ چُھو وۅنؠ اسہِ یِمن امورؠؔ لوٗکن اتھہِ بُرباد کرُن یژھان؟ أسؠ ہیٚکو نا بدل فٲصلہٕ نِتھ تہٕ دریاوٕ اپارِ روزِتھ۔8ہے سانہِ رچھن والہِ خدایہ! ژےٚ کینٛہہ منٛگنس چُھم نہٕ تارےٕ وۅتھان۔ اسرائیلی آے ہٲرِتھ ژٔلِتھ۔ أسؠ آے خجل زَد ہیٚوؠ دُشمنس نِش تھَر پھِرتھ ژٔلِتھ۔ مےٚ چُھنہٕ فِکرے تران زِ بہٕ ونہٕ کیاہ۔9کنعٲنؠ تہٕ یتھ علاقس منٛز باقی سٲری روزن وٲلؠ بوزن یہِ سورےٕ سون گُدرُن۔ امہِ پتہٕ یِن یِم سٲری اسہِ پٮ۪ٹھ وۅگلِتھ تہٕ انُن اسہِ تلفس تل۔ امہِ پتہٕ کیاہ سنا کرکھ ژٕ پنُن یہِ عظمت وول ناو رچھنہٕ باپتھ؟10اورٕ ووٚنُس خداوندن "وۅتھ تھوٚد۔ تراو یہِ ربہِ تہٕ لژھِ سٟتؠ پنُن بُتھ مَتھُن۔11یِمو اسرائیلی لوٗکو کوٚر گناہ۔ توٚہہِ کٔرو میانٮ۪ن حکمن ہنٛز نافرمٲنی۔ یِمو وۅنےٕ ژےٚ اپُز۔ یِمو کٔر ژوٗر۔ یہِ یمو ژورٕ اوٚن تہٕ تھووہے پانس پننٮ۪ن چیزن سٟتؠ اتھ ژوٗرٕ مالس وۅرُن کرنہٕ باپتھ۔12اوے ہیوٚکنہٕ اسرائیل یو پنُن دُشمن ہارنٲوِتھ۔ اوے آے یِم ژٔلِتھ۔ تہٕ وُنؠ یِکھ ژٕتہِ اتھ بُربٲدی ہنٛدِس زَدس منٛز یوٚدوے ژٕ تہِ کرَکھ نہٕ یہِ بہٕ حکم کرے تہٕ تہِ سورے کرکھ بُرباد یہِ توٚہہِ یریخو پٮ۪ٹھٕ تھَپہِ اوٚنو۔ بہٕ کرے نہٕ یمہِ اپور رَژھ تہِ مدد۔13وُنؠ وۅتھ تہٕ ون یِمن سارنے اسرائیلی لوٗکن زِ پگاہ باپتھ کرن تِم پنُن پان الگ تیار۔ پان شوژراون تہٕ خداوند سٕنٛدِ باپتھ گژھن تیار۔ توٚہہِ رۅٹو سُہ مال پانس یُس خداوندن توٚہہِ بُرباد کرُن ووٚنمُت اوس۔ یِمہٕ ٲسؠ امہِ لِکھہٕ مےٚ کُن تراوٕنؠ۔ اسرائیل ین ہُنٛد خدا وند چُھ ونان "توٚہؠ ہیٚکِو نہٕ ہرگِز پننِس دُشمنس پوشِتھ یوٚتام نہٕ توٚہؠ تِمو ساروےٕ چیٖزَو نِشہ اتھہٕ چھلیٚو یِم توٚہہِ یریخو پٮ۪ٹھٕ اوٚنتھ پننِس مالس ستؠ مِلنٲوِتھ ژوٗرِ تھٲیِو۔14پگاہ صبحٲے گٔژھِو سٲری قبیلہٕ وار مےٚ برونٛہہ کنہِ پیش تہٕ یُس قبیلہٕ بہٕ قرعہ ترٲوِتھ ژارن سُہ ییہِ پنُن سورےٕ خاندان ہٮ۪تھ مےٚ برونٛہہ کُن۔ یُس خاندان بہٕ ژارن سُہ ییہِ پنُن سورےٕ ونٛڈٕ ہٮ۪تھ۔ تہٕ یُس ونٛڈٕ بہٕ ژارن سُہ ییہِ اکھ اکھ بٲژبیوٚن بیوٚن مےٚ برونٛہہ کُن۔15تہٕ سُہ نفر یمؠ میانہِ باپتھ ناو ناوِ الگ کڈنہٕ آمٕتؠ چیز پانس رٔٹؠ سُہ ییہِ نارس ترٲوِتھ بُرباد کرنہٕ۔ سُہ تہٕ تسُنٛد پرٮ۪تھ کانٛہہ چیٖز ییہِ زالنہٕ تکیازِ تٔمؠ چُھ سُہ وعدہ تہِ محاہدٕ پھُٹرومُت یُس خداوندن اسہِ سارٕنے سٟتؠ کوٚرمُت اوس۔ تہٕ تٔمؠ اکؠ زٔنؠ چُھ اسہِ سارِنےٕ اسرائیل ین منٛز اکھ انتہٲیی ذلت آمیز گۅناہ کوٚرمُت۔16دویمہِ دوٚہہ صُبحٲے ووٚن یسوعنؔ سارِنےٕ اسرائیل ین عبادت چہِ جایہِ نکھہٕ واتنہٕ باپتھ، قبیلہٕ پتہٕ قبیلہٕ۔ ییٚلہِ تِمو تہِ کوٚر، یہُوواہنؔ دِیُت اِشارٕ زِ یہُوداؔ قبیلُک اکھ نفر اوس منتخب کرنہٕ آمُت۔17پتہٕ کوٚر یہُوداؔ قبیلہٕ کیٚو پنُن پان پیش، تہٕ یہُوواہنؔ کوٚڈ زارہ ونڈُک زبدیؔ ناوُک گرٕ ونہِ۔18امہِ خاندانُک اکھ اکھ بٲژ آو خداوندس برونٛہہ کُن تہٕ خداوندن کوٚڈ ونہِ امہِ گرُک عکنؔ نٲوؠ بٲژ۔ عکن اوس کرمیؔ سُنٛد نیٚچو یُس پانہٕ زبدیؔ سُنٛد اوس تہٕ زبدیؔ اوس زارحؔ سُنٛد نیٚچو19یسوعنؔ ووٚن أمِس عکنس، "گۅبرا۔ ون سورےٕ پوٚز پوٚز اسرائیلی خداوندس برونٛہہ کنہِ۔ کینٛہہ مٕہ تھاو ژوٗرِ تہٕ ون کیاہ کۅرتھ"20عکننؔ ووٚنُس اورٕ، "مےٚ کوٚر پزی اسرائیلی خدایس خلاف گٔژھِتھ گناہ۔ امِچ رویداد چھے یتھٕ پٲٹھؠ21ییٚلہِ ٲسؠ یریحو شہرکِس منٛز ٲسؠ، لوٗٹہٕ مالس منٛز وُچھ مےٚ اکھ نفیس بابٕلؠ چۅغہٕ، سۅاد زٕ کِلو گرام روٚپھ تہٕ شے ہتھ گرام سۅنہٕ چٲٹؠ۔ مےٚ درایہِ کل یِم چیٖز پانس رَٹنٕچ۔ اوے تُلِم رٲسے تہٕ دۅبرٲوِم پننِس خٟمس تل۔ یِم سٲری چیٖز چھِ وُنہِ تہِ أتی ژوٗرِ۔ رۅپھ چُھ سارِوٕے چیٖزَو تلہٕ کنہِ" 22یسوعنؔ سوزؠ پنٕنؠ کینٛہہ نفر یہٕ ژوٗرٕ مال وُچھنہِ پننِس اتھ خٟمس منٛز۔ مال اوس پزی أتی۔ رۅپھہِ ۂن ٲس تلہٕ کنہِ۔23تِمو اوٚن یہِ سورےٕ کٔڈِتھ یسوعسؔ برونٛہہ کنہِ سارنےٕ اسرائیل ین دیدمان تہٕ ترووُکھ خداوندس برونٛہہ کُن نزرانہٕ رٔنٛگؠ۔24یسوعؔ تہٕ باقے تمام اسرائیلیٚو وول زارحؔ سٕنٛدِس نیٚچوِس عکنسؔ عکوز وادی منٛز مکان تہِ ؤٹِتھ اوٚنُکھ عکنسؔ سٟتؠ سٟتؠ تہِ سورےٕ سمبرٲوِتھ ؤٹِتھ عکننؔ اوس۔ مال جایداد خر، گُپن، تیٖر، تسٕنٛدؠ شُرؠ بٲژ، زنان، کور، شُرؠ، حالانکہ تسٕنٛدؠ خٟمہٕ خرگاہ تٲنؠ پانس سٟتؠ25یسوعنؔ ووٚن عکنسؔ یہِ مصیبت کیازِ اوٚنُتھ ژےٚ اسہِ؟ رَٹھ وُنؠ انَے ژےٚ پانہٕ خداوند مصیبت تُلِتھ۔ امہِ پتہٕ دیُت ساروٕے اسرائیلیٚو تس تہٕ تسٕنٛدٮ۪ن گرٕکٮ۪ن کنہِ کنہِ کٔرِتھ سارے گرٕوٮ۪ٹھ نار۔26یہنٛدس سوٗرس پٮ۪ٹھ کھول لوٗکو اکھ کنہِ انبار۔ یِم وُنہِ تہِ اتہِ چھِ۔ اوے چھِ اتھ از تہِ لوٗکھ عکوز وادی ونان یعنی وصیتچ وادی ۔ امہِ پتہٕ اوس نہٕ یہُوواہؔ وۅنؠ اسرائیلی لوٗکن ناراض۔
Bridge Connectivity Solutions Pvt. Ltd.