یشوع6
1یرِیحُو شہرُک پرٮ۪تھ دروازٕ آو بنٛد کرنہٕ تکیازِ اتِکؠ لوٗکھ ٲسؠ اسرائیلی فوجس سخ کھوٚژان۔ شہرس اندر نٮ۪بر نیرُن اوس بالکُل بنٛد۔2خداوندن ووٚن یسوعسؔ، "روز وُچھان۔ بہٕ کرٕ کیاہ۔ یرِیحوُ شہر دِمے بہٕ ژےٚ۔ یہِ شہر روزِ یمہِ اپور وۅنؠ چٲنِس اختیارس منٛز۔ اتہِ کِس بادشاہس تہٕ تسٕنٛدٮ۪ن وۅلہٕ ویٖرن سان۔3ژٕ پھیرکھ گۅڈٕ یریحو شہرچہِ قلایہ نٮ۪برؠ پوٗرٕ اکہِ لٹہِ۔ چٲنؠ سٲری جنگجو پھیرن اتھ انٛدؠ انٛدؠ اکہِ اکہِ لٹہِ دوٚہس پوٗرٕ شٮ۪ن دوٚہُن۔4پننٮ۪ن ستن کاہنن تہِ ون یِمنےٕ ستؠ نیرُن۔ یِم ولہ ویر روزن برونٛہہ برونٛہہ خداوند سُنٛد مقدس صندوق ہٮ۪تھ بِگُل بجاوان بجاوان۔ سٔتمہِ دوٚہہ دِن یِم وۅلہٕ ویٖر قلایہ انٛدؠ انٛدؠ ستتھ چکر تہٕ کاہن روزن یِمن برونٛہہ بروہنٛہ تھَدِ پنٕنؠ تُرے بجاوان۔ ییٚلہِ یِم پنٕنؠ ستتھ گتھ قلایہ انٛدؠ انٛدؠ مکمل کرن۔5کاہنن پزَن پننہِ کٹہ ہینگ تُرے یہ سٮ۪ٹھا سٮ۪ٹھا تھَدِ بجاونہِ۔ ییٚلہِ باقے اسرائیلی لوٗکھ اتھ بوزن تِمن پزن بڈِ بڈِ ہَٹہِ نعرٕ دِنؠ تہٕ أتھؠ سٟتؠ ییہِ شہرُک دیوار وٮ۪سرِتھ۔ چٲنؠ لوٗکھ اژن بڈٕ آرام سان سیٚود شہرس منٛز۔6نُونؔ سٕنٛدؠ نیٚچوؠ یسوعنؔ أنؠ کاہن ناد دِتھ تہٕ ووننکھ۔ "ژور کاہن تُلِو خداوند سُنٛد مقدس صندوق تہٕ ستتھ کاہن روزِیو کٹہ ہٮ۪نگہٕ تُرے بجاوان صندوقس برونٛہہ برونٛہہ۔"7امہِ پتہٕ أنِن باقی لوٗکھ تہٕ دِتُن سپہن تہٕ کاہنن حکم زِ اسہِ چُھ سارنےٕ مقدس صندوقس پتہٕ پتہٕ شہرچہِ قلایہ اکھ چکر کرن۔ صرف پکن کینٛہہ اسلاح بردار صندوقس برونٛہہ برونٛہہ۔8سورےٕ سپُد یسوعؔ سٕنٛدِ حکمہٕ حِسابے۔ ستتھ کاہن رودؠ تُرے بجاوان مقدس صندوقس برونٛہہ برونٛہہ یِتھ کِنؠ زن یہُوواہنؔ تِمن حکم دیُتمُت اوس۔ کینٛہہ اسلاح بردار رودؠ اتھ یہُوواہؔ سٕنٛدِس صندوقس پتہٕ پتہٕ۔ ییٚلہِ تِم شہرس أنٛدؠ پٔکؠ پکان ٲسؠ، کاہنو دیُت پننٮ۪ن توٚرین پھۅکھ۔ یِمو یہُوواہؔ سُنٛد پاک صندوق تُلمُت اوس پٔکؠ تِمن پتہٕ پتہٕ۔9باقی کاہن تہٕ عام اسرائیلی لوٗکھ ٲسؠ اسلاح بردار سِپاہ روٗدؠ تِمن کاہنن برونٛہہ یِم تُرے بجاوان ٲسؠ۔ صندوقس پتہٕ پتہٕ رودؠ سِپاہ تہِ تہٕ لوٗکھ تہِ تہٕ کاہن رودؠ لگاتار تُرے بجاوان۔ مگر باقے ستؠ پکن وٲلؠ لوٗکھ رودؠ یسوعؔ سٕنٛدِ فرمانہٕ کِنؠ ژھۅپہٕ۔10تٔمؠ اوسُکھ ووٚنمُت یِنہٕ کانٛہہ جنگی نعرٕ بیترِ دیِو یِنہٕ کریکہٕ یا چِکہٕ دِیو یا بدل کینٛہہ ؤنِو تتھ دوٚہس تام ییٚلہِ بہٕ کرٮ۪کہٕ دِنہِ ونیو۔ تمہِ دوٚہہ ہکیٚو توٚہؠ بے پھروک جنگی نعرٕ دِتھ۔ سٲری لوٗکھ رودؠ یسوعؔ سٕنٛدِس حکمس پٮ۪ٹھ۔11تِمو لوگ پرٮ۪تھ دوٚہہ اکھ اکھ چکر دیُن شہرچہِ قلایہ نٮ۪بٕرؠ نٮ۪بٕرؠ۔ امہِ پتہٕ روٗدؠ تِم واپس پننس پڑاوس منٛز راتھ گُذاران12دویمہِ دوٚہہ ؤتھؠ سٲری، یسوعؔ تہٕ کاہن، سُلے تہٕ تلُکھ مقدس صندوق۔13کٹہٕ ہینگہٕ توریہ بجاوان ستتھ کاہن رودؠ مقدس صندوق تُلن والٮ۪ن برونٛہہ برونٛہہ۔ تِم رودؠ پکان پکان بڈِ تُرے بجاوان۔ سِپاہ رودؠ یمن برونٛہہ برونٛہہ تہِ پکان تہٕ اردلس منٛز تہِ۔ کاہن روٗدؠ برابر بجاوان14دوٚیمہِ دوٚہہ تہِ دیُت تِمو شہرکہِ دیوارُک اکھ چکر تہٕ آے واپس پننِس پڑاو پٮ۪ٹھ۔ شٮ۪ن دوٚہُن کوٚر یِمو برابر یی۔15سٔتمہِ دوٚہہ ؤتھؠ اسرائیلی سُلہِ گاش پھۅلنَے۔ امہِ دوٚہہ دیُت یِمو سارِوٕے باقین دوٚہُن ہنٛزِ ترتیٖبہِ سانےٕ دیوارُک چکر۔ ؤنؠ گو امہِ دوٚہہ دِتؠ یِمو خداوند سٕنٛدِ حکمہٕ موجُب ستتھ چکر۔16سٔتِم چکر دِوان دِوان بجٲو کاہنو تُرے سٮ۪ٹھہےٕ زُو زٮ۪تہٕ سان تہٕ بڈِ ہَٹہِ۔ أتھؠ ستؠ دیُت یسوعنؔ باقی لوٗکن حکم زورٕ شورٕ سان نعرٕ دِنُک۔ خداوند چُھ توٚہہِ یہِ شہر بخشُن یژھان۔17خداوندن چُھ اعلان کوٚرمُت زِ گٔژھیٚو وٲلِو یہِ شہر چھلہِ چھلہِ تہٕ کٔریٚو امہِ کِس پرٮ۪تھ چیٖزس ڈُبہٕ ڈاس۔ تاکہِ پتاہ لگہ زِ شہر چُھ فقط خداوند سُنٛد۔ چھرا ہیٚکہِ راحب، پاژھِنؠ پنُن زُو بچٲوِتھ۔ بیٚیہِ تِم سٲری تہِ یِم امسنٛدِس گھرس منٛز آسن تکیازِ امہِ دِژ سانٮ۪ن سوزؠ مٕتٮ۪ن جاسوٗسن پننہِ گھرِ چھپَن جاے۔18خداوند سُنٛد فرمان چُھ امہِ شہرُک پرٮ۪تھ کانٛہہ چیٖز چُھ بُرباد کرُن لہٰذا تُلہِ زیٚو نہٕ اتہِ کانٛہہ چیٖز تہِ۔ یوٚدوے تُلِو، خداوند کرِوٕ سورےٕ اسرائیلی پڑاوےٕ سمہٕ سُتُر تہٕ کرِیٚو مصیبتن منٛز گیٖر۔19مگر سورےٕ سۅن، رۅپھ تہٕ شِستٕر تہِ چیز یِم تہِ توٚہؠ لٔبِو تھٲوؠ زیٚو خداوند سٕنٛدِ باپتھ۔ یِم چیٖز ترٲؠ زیٚو خداوند سٕنٛدِس خزانس منٛز۔20تِمو کوٚر تی یہِ تِمن یسوعنؔ ووٚن۔ ییٚلہِ کاہنو زیوٹھ شہہ تُرے بجٲوؠ، لوٗکو دِتؠ زورٕ شورٕ نعرٕ تہٕ شہرچ دلایہ آیہِ وٮ۪سرِتھ پتھرِس لاینہٕ۔ اسرائیلی ژاے سیٚودے شہرس منٛز۔ یپٲرؠ تہِ یُس اوس تہٕ یپٲرؠ تہِ وتھ آیہ تہٕ کوٚرُکھ شہرس قبضہٕ۔ 21تِمو اوٚن پرٮ۪تھ کانٛہہ زِنٛدٕ زُو تلفس تل تہٕ ترٲوِکھ مرد زِنٛدٕ نَہ زنان، نَہ لوٚکُٹ نَہ بوٚڈ، تیٖر، گُپن تہٕ خر تام نِیکھ کترٲوِتھ۔22امہِ پتہٕ ووٚن یسوعنؔ شہرچ جاسوٗسی کرن والٮ۪ن دوٚن زنٮ۪ن "نیرِو تمِس پاژھنہِ ہُنٛد گھرٕ تہٕ انؠ ہون سۅ پنٕنؠ سٲری گرٕوٲلؠ ہٮ۪تھ یوٚرؠ۔ یہِ زن توٚہہِ تس سٟتؠ وعدہ کوٚرمُت چُھو۔23شہرس ژرژن وٲلؠ دوٚنوے زٔنؠ دراے تہٕ أنِکھ پانس ستؠ راحب۔ تِمو أنؠ تس ستؠ روزن وٲلؠ سٲری۔ تسُنٛد مول، موج، بیٚنہِ، بوے تہٕ باقی رِشتہٕ دار تہِ پننس پڑاوس دوٗرے پہن بیٚیِس أکِس جایہِ۔24امہِ پتہٕ دِتُکھ سٲرسےٕ شہرس نار تہٕ زولُکھ تہِ سورےٕ یہِ اتھ منٛز پتھ کُن کینٛہہ رودمُت اوس۔ چھرا بچووُکھ سۅن، رۅپھ تہٕ سرتل تہٕ شِسترو بانہٕ بٹھٕ یِم اسرائیل یو خداوند سٕنٛدِس خزانس ترٲوؠ۔25یسوعنؔ دیُت چھرا راحب، پاژھنہِ تہٕ امسنٛدٮ۪ن گرٕوالٮ۪ن یعنی مٲلِس ماجہِ تہٕ سٟتؠ بٲژن زِنٛدٕ روزنہٕ۔ أمؠ سٕنٛدؠ پوت وٲلؠ زُرؠ بیترِ چھِ از تہِ اسرائیلس منٛز لسان بسان تکیازِ أمؠ دِژ یسوعؔ سنٛدٮ۪ن یرِیحو شہرس ژرژنہ سوزن والٮ۪ن تِمن دوٚن جاسوٗسن چھپَن جاے۔ یِمو تس زندگی بخشنُک وعدہ دیُتمُت اوس۔26اتھ موقعس پٮ۪ٹھ تُل یسوعنؔ قسم۔ خدا وند سنٛز لعنت ؤسِن تِمن پٮ۪ٹھ یِم یرِیحوہس دُبارٕ بساونچ کوشش کرن۔ اتھ شہرس گۅڈنِچ کٔنؠ لاگن وٲلِس مٔرِن پنُن آدنُک لڑکہٕ۔ تہٕ ییٚلہِ سُہ شہرُک دیوار تعمیر کٔرِتھ مۅکلہِ تمہِ وزِ مٔرؠ نس کونٛس ہیٚو نیٚچو۔27خداوند رود یسوعسؔ ستؠ تہٕ اتھ کنعٲنؠ ملکس منٛز روزن وٲلؠ پرٮ۪تھ زِنٛدٕ زُوون زون یسوعؔ کُس تہٕ کیاہ اوس۔
Bridge Connectivity Solutions Pvt. Ltd.