یشوع4
1وۅنؠ ییٚلہِ سورےٕ اسرائیلی قوم یردن دریاوکِس تارس توٚر یہُوواہنؔ ووٚن یسوعس،2"ژارُکھ باہ نفر پرٮ۪تھ کُنہِ قبیلہٕ منٛزٕ اکھ اکھ، تہٕ ونُکھ زِ پرٮ۪تھ کانٛہہ زوٚن تُلِو دریاو منٛزٕ اکھ اکھ پل تمہِ جایہِ پٮ۪ٹھ یتِتھ یِم کاہن "خشک" دریاوس منٛز کھڑا چھِ۔3یِم پل واتہٕ نٲوِو تتھ جایہِ یتِتھ ازِچ راتھ گُذارن وٲلؠ چُھو۔"4یسوعنؔ ژٲرؠ امہِ حکمہٕ مطٲبق باہ نفر۔ اکھ اکھ نفر پرٮ۪تھ قبیلہٕ منٛزٕ تہٕ أنِن سمبرٲوِتھ5تہٕ ووٚنُن تِمن، "گٔژِھو یتھ یردن دریاو کِس "فلحال" خشک پتھرِس تام۔ یتنس مقدس صندوق ہٮ۪تھ تہنٛدؠ کاہن وۅدٕنؠ چھِ یُس یہُوواہنؔ تہنٛدؠ خداین توٚہہِ دِتُو۔ توٚہہِ پزِ پرٮ۪تھ أکِس ہیٚکتہٕ حِسابہٕ اکھ اکھ پل تلُن۔ ژٮ۪تس تھٲیِو۔ پرٮ۪تھ قبیلہٕ منٛزٕ چھرا اکھ زوٚن۔ باہ کنہِ بہَن اسرائیلی قبیلن ہنٛزٕ۔ تہٕ اکھ اکھ پل پرٮ۪تھ زٔنِس پھیٚکِس پٮ۪ٹھ۔6یِم پل آسن سارنےٕ ۂنٛدِ باپتھ اکھ یادگار۔ یِنہٕ وٲلِس کالس منٛز پرٕژھن توٚہہِ پنٕنؠ شُرؠ "ٲخٕر یِمن پلن ہُنٛد معنہِ مطلب کیاہ؟"7تِمن ؤنؠ زیٚو ییٚلہِ یہُوواہؔ سُنٛد دیُتمُت مقدس صندوق ہٮ۪تھ کاہن یردن دریاوس تران ٲسؠ یہِ آب گو روزِتھ تہٕ أسؠ تٔرؠ خشک پتھرِ پیٚٹھؠ اتھ دریاوس۔ یِم یتھ جایہِ تھاونہ آمٕتؠ پل چھِ تمی دوٚہکؠ تہٕ تمی سپدنٕچ یادگار یس یہُوواہؔ سٕنٛدؠ کِنؠ ممکن سپُد۔8اسرائیل یو کوٚر تی یہِ یسوعؔ سُنٛد حکم اوسُکھ۔ ژارنہٕ آمٕتؠ باہ نفر گے تہٕ أنِکھ یردن دریاوکہِ خشک پتھرِ پٮ۪ٹھ قبیلہٕ تعداد حسابہٕ اکھ اکھ پل۔ یتھٕ پٲٹھؠ زن یہُوواہنؔ یسوعسؔ ووٚنمُت اوس۔ یِم کنہِ انہِ یِمو پننہِ قرارکہ جایہ ییٚتہِ تِم راتس رودؠ تہٕ تھاویٚکھ أتی۔9اوٕ پتہٕ تُجہ یسوعنؔ باہ بدل کنہِ تہٕ تراوٮ۪ن یِم یردن دریاو کس پتھرِس پٮ۪ٹھ یتھ جایہِ مقدس صندوق ہٮ۪تھ کاہن وۅدٕنؠ ٲسؠ۔ یِم کنہِ چھےٚ وُنہِ تہِ اتہِ یادگارٕ رٔنٛگؠ موجود۔10کاہن رودؠ مقدس صندوق ہٮ۪تھ یردن دریاوس منٛزےٕ ییتِس کالس سٲری لوٗکھ تارس تٔرؠ، یتھٕ پٲٹھؠ زن یہُوواہنؔ یسوعسؔ تِمن کرنہٕ باپتھ ووٚنمُت اوس۔ یی اوس موسیٰؔ ہنؔ تہِ یسوعسؔ حکم دیُتمُت۔ لوٗکھ تٔرؠ ؤلؠ ؤلؠ تارٕ۔11یُتھے سٲری لوٗکھ اپور وٲتؠ یہُوواہؔ سُنٛد دیُتمُت صندوق ہٮ۪تھ تٔرؠ کاہن تہِ یِمن پتے۔ لوٗکھ روٗدؠ یِمن اپارِ بٹھِ وُچھان۔12روبنؔ، جدؔ تہٕ منسیؔ قبیلکہِ نیصف حِصٕکؠ ہتھیار بنٛد فرد تٔرؠ باقی اسرائیل یو برونٛہہ یردن دریاو اپور۔ یتھٕ پٲٹھؠ زن یِمن موسیٰؔ سُنٛد حکم اوس۔ یِم روٗدؠ أکِس منظم فوجی چھۅکہِ ہنٛدؠ پٲٹھؠ صفہٕ بنٛد۔13ژتجی ساس روبنؔ، جدؔ تہٕ منسیؔ قبیلکؠ فرد دراے یہُوواہسؔ برونٛہہ کِنؠ۔ یِم ٲسؠ سٲری ہتھیار بنٛد تہٕ جنگہٕ باپتھ تیار۔ یریحوکس مٲدانس کن پکوُنؠ یتہِ تمن لڑُن اوس۔14امہِ دوٚہہ وُچھ ساروٕے اسرائیلیٚو زِ یہُوواہؔ بخشہِ یسوعؔس سرفرٲزی۔ تِمو تہِ کوٚر یسوعؔ سُنٛد احترام تِتھے پٲٹھؠ یتھٕ پٲٹھؠ تِم موسیٰؔ سُنٛد کران ٲسؠ۔15یہُوواہنؔ ووٚن یسوعسؔ،16"یِمن مُشترکہٕ عہدُک صندوق سنبالن والٮ۪ن کاہنن دِ وۅنؠ حکم زِ تِم کھسن امہِ یردن دریاوٕ کہِ خشک پتھرِ پٮ۪ٹھٕ ہیٚور۔"17تہٕ یسوعنؔ دیُت یوٚہَے حکم یِمن کاہنن زِ تِم کھسن امہِ خشک یردن دریاوٕ کہِ پتھرِ ہیٚور بٔٹھِس پٮ۪ٹھ۔18امہِ حکمہٕ پتہٕ کھٔتؠ موسیٰؔ ہسؔ یہُوواہؔ سٕنٛدِ طرفہٕ میلن وٲلؠ داہ احکام ہٮ۪تھ مقدس صندوق تُلِتھ کاہن بٔٹھِس۔ تہٕ یُتھےٕ یِم یردن دریاوچ خشک پتھٕر ترٲوِتھ ہیٚور کھٔتؠ، دریاوس ووٚتھ کُنے یُپ تہٕ لوٚگ برونٛٹھِم پٲٹھؠ پوٗرٕ زورٕ سان آب پکنہِ۔19امہِ ؤریکہِ گۅڈنکہِ رٮ۪تہٕ کہِ دٔہمہِ دوٚہہ تٔرؠ اسرائیلی یردن دریاوس اپور تہٕ ترووُکھ یرِیحُو شہرکِس مشرِکس منٛز جِلجاؔل جایہِ ڈیرٕ۔20أتی جِلجاؔل جایہِ کٔرؠ یسوعنؔ یردن دریاوٕ منٛزٕ کھالنہٕ آمٕتؠ باہ کنہِ پل کھڑا۔21أمؠ ووٚن اسرائیل ین زِ یِنہٕ وٲلِس کالس منٛز ییٚلہِ تُہنٛدؠ زُرؠ توٚہہِ پرٕژھن "یِمہٕ کنہِ پل کِتھؠ تہٕ کیاز، چھِ یتہِ؟"22ؤنِو تِمَن "یہےَ گییہِ سۅ جاے یپٲرؠ اسرائیلی یردن دریاوچہِ خشک پتھرِ اپور تٔرؠ۔"23یہُوواہؔ، تہنٛدؠ خداین، یہنٛز توٚہؠ عبادت کران چُھو رُکوو یردن دریاوُک آب تہنٛدِ باپتھ یوٚتام توٚہؠ اتھ اپور تارٕ تٔریٚو ییٚلہِ یہُوواہنؔ ہوٚکھروو یِتھے پٲٹھؠ بحرِ قُلزمک آب یوٚتام تمہِ وزِ اسہِ سارنےٕ قُلزمسؔ تار لوٚگ۔24یہُوواہنؔ کوٚر یہِ سورےٕ چھرا اوٕ مۅکھٕ تاکہِ دُنیہِکؠ سٲری لوٗکھ زانن زِ یہُوواہؔ کوتاہ طاقتہٕ وول چُھ تہٕ لوٗکھ کرن ہمیشہٕ أمؠ سُنٛد احترام پزنہٕ پٲٹھؠ۔"
Bridge Connectivity Solutions Pvt. Ltd.