یشوع3
1یسوعؔ تہٕ باقی اسرائیلی ؤتھؠ دوٚیمہِ دوٚہہ صُبحس سُلے تہٕ دراے شطِیم کہِ پننہِ فوجی پڑاوٕ پٮ۪ٹھٕ برونٛہہ کُن دریاے یردنس کُن تہٕ ترووُکھ عارضی پڑاو أتی۔2اتھ جایہِ رودؠ تِم برابر ترٮ۪ن دوہن۔ تریٚیہِ دوٚہؠ دراے اسرائیلی زِٹھؠ لشکرٕ منٛزؠ۔3تِمو دیُت لوٗکن حکم، "یُتھےٕ توٚہؠ لاوی قبیلٕکؠ کاہن، یہُوواہؔ تہنٛدِس خداوند سُنٛد مقدس صندوق ہٮ۪تھ نیران وُچھِو، فوراً زٲنؠ زیٚو زِ یِمن پتہٕ پتہٕ نیرنُک تُہنٛد وقت ووت۔4تقریباً اکھ کلومیٹر دوٗر روزِزیٚو امہِ صندوقہٕ نِشہ یِنہٕ ہرگِز اتھ نزدیک یِیو۔ أتی تگہِ توٚہہِ زانُن زِ گژھُن کور چُھ۔ توٚہؠ ما چُھو یمو وتو امہِ برونٛہہ زانہٛہ پٔکؠ مٕتؠ۔5یسوعنؔ ووٚن یِمن لوٗکن، "پنُن پان شیرِو تہٕ کٔرِو پاک تہٕ صاف تاکہِ یہُوواہسؔ کھٔسِو توٚہؠ ٹارِ، تکیازِ پگاہ ترایو سُہ توٚہہِ حٲرتس منٛز پننیٚو کامیٚو سٟتؠ۔6پتہٕ ووٚن یسوعنؔ یِمن کاہنن کُن، "یہِ صندوق تُلِو تہٕ پٔکِو لوٗکن برونٛہہ برونٛہہ۔ "پس تُل تِمو یہِ مقدس صندوق تہٕ دراے لوٗکن برونٛہہ برونٛہہ۔7امہِ پتہٕ ووٚن یہُوواہنؔ یسوعسؔ، "یوٚہے چُھ سُہ دوٚہہ ییٚلہِ بہٕ سارِنےٕ اسرائیل ین برونٛہہ کنہِ ژےٚ تھَزر تہٕ بجر بخشَے۔ ادے زانن تِم زِ بہٕ چُھس ژےٚ سٟتؠ سٟتؠ ڈَکھس یتھٕ پٲٹھؠ بہٕ موسیٰؔ ہسؔ سٟتؠ اوسُس۔8یہِ مقدس صندوق پکناون والٮ۪ن کاہنن ؤنؠ زِ ییٚلہِ توٚہؠ یردن دریاوکِس اپٲرمِس بٔٹھِس نَکھہٕ وٲتیٚو تِم کرن آبس منٛزےٕ قرار۔"9پتہٕ ووٚن یسوعنؔ اسرائیل ین، "ؤلِو ہنا نَکھہٕ تہٕ بوزِو یہُوواہنؔ تُہنٛدؠ خداین کیاہ حکم سوز،10ؤنؠ تریو توٚہہِ فِکرِ زِ پُرقوت تہٕ پرٮ۪تھ چیٖزس پٮ۪ٹھ حٲوی خدا چُھ توٚہہِ درمیان۔ ؤنؠ وُچھِو توٚہؠ پانے زِ سُہ خدا کِتھٕ پٲٹھؠ نِیہِ توٚہہِ دیدمان کنعٲنؠ، حِتی، حویّوںؠ، فرزیوّؠ، جِرجاسؠ، امورؠؔ تہٕ یبوسؠ لوٗکن زیر کٔرِتھ تِہُنٛد اقتدار تہٕ تِہنٛز زمیٖن تہٕ بخشیٚو توٚہہِ۔11وُچھِو! یہِ مقدس صندوق یُس زن ساری دُنیا کِس مالک خداوند سُنٛد چُھ، ییہِ توٚہہِ برُونٛہہ کنہِ یردن دریاوس اپور تارنہٕ۔12پس توٚہؠ ژٲرِو اسرائیلی قبیلہٕ منٛز باہ نفر، اکھ اکھ نفر پرٮ۪تھ قبیلہٕ منٛزٕ۔13ییٚلہِ مقدس صندوق ہٮ۪تھ کاہن آبس وسن، یردن دریاوُک وسہٕ وُن آب گژھِ روزِتھ تہٕ روزٕ آبہٕ ڈیر ہیٚو بے حرکت۔14ییٚلہِ اسرائیلیٚو یردن دریاو کِس تارس کُن پکُن لوگ، مقدس صندوق رود تِمن برونٛہہ برونٛہہ رہنمٲیی کران۔15تہٕ یُتھےٕ کاہن یردن دریاوکِس بٔٹھِس نَکھہٕ وٲتؠ تہٕ آبس کھوٚر ترووُکھ۔ یہِ اوس وۅنؠ موٚت سونٛتہٕ کال، ییٚلہِ آب اوس بٹھیٚو پیٚٹھؠ پکان،16تہٕ آب گو روزِتھ تہٕ روٚٹُن ہیٚور کُن درٕ۔ یردن دریاوس پوٚک نہٕ ضرتانسؔ نَکھہٕ آدمؔ نٲوؠ شہرٕ پٮ۪ٹھٕ مردار سٕدرس تام اکھ سِرسٲے تہِ آب بوٚن کُن۔ یتھٕ پٲٹھؠ لوٚگ اسرائیلی لوٗکن یریحُو شہرس نکھٕ دریاوس تار۔"17یِمو کاہنو یہُوواہؔ سُنٛد مقدس صندوق تُلمُت اوس، تِم روٗدؠ یردن دریاوس درمیان خشک زمینہِ پٮ۪ٹھ کھڑا تۅتام یوٚتام تمام اسرائیلی خشک زمینہِ پیٚٹھؠ دریاوٕ اپور تٔرؠ۔
Bridge Connectivity Solutions Pvt. Ltd.