یشوع23
1واریہو ؤرؠ یو پتہٕ، یوٚت تام خداوندن اسرائیل ین امنہٕ سان روزنُک اجازت دیُتمُت اوس، کٲنٛسہِ دشمن سٕنٛدِ خوفہٕ ورٲے یسوعؔ اوس واریاہ بزرگ گوٚمُت۔2یسوعنؔ بلٲے اکہِ دوٚہہ اسرائیل لٕکؠ تمام بزرگ تہٕ زِٹھؠ، پنٕنؠ جج تہٕ افسر امہِ خٲطرٕ زِ تِم یِن تہٕ بوزن امسنٛزٕ کتھ۔ ییٚلہِ تِم آے تہٕ تٔمؠ کٔر کتھ کرٕنؠ شروع: "ؤنؠ چُھس بہٕ عُمر رسیدٕ گوٚمُت۔3اسہِ ساروٕے وُچھ زِ خداوندن کیا کیا کوٚر یتھ ملکس منٛز سارنےٕ قومن سٟتؠ۔ سٲنؠ خداوندن لوٚڈ سانہِ باتھ۔4مےٚ چھِ توٚہہِ تِم قوم دِتؠ مٕتؠ یِم باقی چھِ۔ تہنٛزٕ زمیٖنہٕ تہِ آسن تہنٛدِ مستقل ملکِیت اسرائیلی خاندانن ہنٛدِ خٲطرٕ، بلکل تِتھے پٲٹھؠ ییٚلہِ بہٕ تہنٛز قیادت اوسُس کران تہٕ یمن لوٗکن ہنٛزٕ زمیٖنہٕ سانیٚو لوٗکو تباہ کرِ، تِم سٲری باقی قوم یِم اسرائیلیٚو مشرقہٕ منٛز یردن دریاوٕ پٮ۪ٹھٕ مغربس منٛز بحیرِ رومؔ تام تباہ کٔرؠ ییٚلہِ بہٕ زیُٹھ اوسُس۔5خداوند کڈِ تِمن باقےٕ رودؠ مٕتٮ۪ن لوٗکن تہنٛزِ زمیٖنہِ منٛزٕ نٮ۪بر۔ سُہ چھیٖنہِ تِمن نِشہ تہنٛز زمیٖن تاکہِ توٚہؠ گٔژھیٚو تِمن ملکن منٛز آباد۔ یہِ چُھ تی یہِ تٔمؠ توٚہہِ سٟتؠ کرنُک وعدہ چُھ کوٚرمُت۔6خبردار روزیٚو تاکہِ توٚہؠ کٔرِو موسیٰؔ سنٛزِ لٮ۪چھمژِ شریعتچہِ کتابہِ پٮ۪ٹھ عمل۔ تہنز مٕہ کٔرِو نافرمٲنی تہٕ نہ مہٕ بدلٲیو تِمو منٛزٕ کینٛہہ۔7اگر توٚہؠ موسیٰؔ سنٛدٮ۪ن قانونس پٮ۪ٹھ عمل کٔرِو تہٕ توٚہؠ رلاؠ ووکھ نہٕ سانٮ۪ن لوٗکن سٟتؠ تِمن لوٗکن ہنٛزٕ جماعتہٕ۔ تہنٛدٮ۪ن خداین ہنٛدؠ ناو تہِ مٕہ ہیٚیِو تہٕ ییٚلہِ توٚہؠ وعدہ کٔرِو یا قسم ہٲیِو تہٕ تہنٛدٮ۪ن خداین ناو کٔریو استعمال۔ تِمن دیوتاہن ہنٛز عبادت مٕہ کٔرِو تہٕ بیٚیہِ مٕہ کٔرِو تِمن سجدٕ۔8خداوندس سٟتؠ کٔرِو محبت تہٕ تمِس پٮ۪ٹھ کٔرِو بھروسہٕ یتھٕ پٲٹھؠ توٚہؠ کران ٲسِو۔ تمؠ سنٛز عبادت کرٕنؠ مٕہ کٔرِو بنٛد۔9خداوندن کٔرؠ بٔڈؠ تہٕ طاقتور قوم مجبور تہنٛز وتھ اختیار کرنہٕ باپتھ۔ کانٛہہ اکھ تہِ چُھو نہٕ توٚہہِ رُکاونس قٲبل۔ 10توٚہہِ منٛزٕ آسہ ژلنہٕ باپتھ کانٛہہ اکھ سِپاہ تہنٛدٮ۪ن دشمنن ہنٛدِس فوجہٕ منٛز أکِس ساسس نفرس لڑٲے ہیاوناونس قٲبل، تکیازِ تُہنٛد خداوند چُھ تہنٛدِ خٲطرٕ لڑان۔ سُہ چُھ تی یہِ تٔمؠ کرنُک وعدہ چُھ کوٚرمُت۔11بس توٚہؠ کٔرِو خداوندس سٟتؠ محبت کرنہٕ خٲطرٕ پرٮ۪تھ کینٛہہ۔12یوٚدوے توٚہؠ تہِ کرُن ترٲیِو یہِ خداوند یژھان چُھ؛ اگر توٚہؠ تِمن لوٗکن ساتھ دِیو یِم سانٮ۪ن لوٗکن سٟتؠ جنگ کٔرِتھ بچامٕتؠ ٲسؠ، یا اگر توٚہؠ تِمن سٟتؠ خاندر کٔرتھ تہنٛدؠ دوس بنیو، تہٕ اگر تِم توٚہہِ سٟتؠ یارانہٕ لاگن،13تیٚلہِ تھٲیِو توٚہؠ یقین زِ سون خداوند کٔریٚو نہٕ توٚہہِ زبردستی مدد تِمن زمینہِ منٛزٕ کڑنہٕ باپتھ۔ تِم بنن پھندن ہنٛدؠ پٲٹھؠ یِم توٚہہِ رٹن۔ تِم آسن کوڈن ہنٛدؠ پٲٹھؠ یِم ژےٚ کمرس پٮ۪ٹھ لاینَے تہٕ کنٛڈٮ۪ن ہنٛدؠ پٲٹھؠ یِم چانٮ۪ن أچھن منٛز گژھن لٲرِتھ۔ چانہِ قومٕچ جماعت روزِ کمزور گژھان یوٚت تام نہٕ توٚہؠ یتھ ملکس منٛز مٔریٚو، یِژھِ اصل زمییٖنہِ منٛز یۅسہ سٲنؠ خداوندن اسہِ دِژمٕژ چھےٚ۔ 14یہِ چُھ میانہِ مرنُک وق۔ یِتھٕ پٲٹھؠ باقی سٲری مران چھِ۔ توٚہؠ چُھو پننہِ اندرون مطٲبق زانان زِ پرٮ۪تھ کانٛہہ کٲم یۅسہ خداوندن توٚہہِ خٲطرٕ کرنُک وعدہ اوس کوٚرمُت۔ تٔمؠ کوٚر تہِ۔15تٔمؠ دِتؠ نو توٚہہِ تِم سٲری چیز یمیُک تٔمؠ وعدہ اوس کوٚرمُت۔ یِتھَے پٲٹھؠ باقی چیٖز یمیُک تٔمؠ وعدہ اوس کوٚرمُت، تِم چیز یِم نہٕ ٹھیک چھِ، اگر توٚہؠ بُرٲیی کٔریٚو تِم تہِ گژھن۔ اتھ صوٗرتس منٛز نِیہِ سُہ توٚہہِ نِش تہنٛز زمیٖن تہٕ تہنٛدؠ زُو چھینِتھ۔16یوٚدوے توٚہؠ خداوندس تہٕ توٚہہِ درمیان عہدٕچ تعمیل کٔرِو نہٕ تہٕ تمِس ترٲوِتھ کٔریٚو دوٚیمٮ۪ن معبودن سجدٕ تہٕ اتھ پٮ۪ٹھ گژھِ توٚہہِ خداوند تِتھٕ پٲٹھؠ ناراض یتھٕ پٲٹھؠ نارٕ بریہہ وۅتھان چھےٚ۔ سُہ نِیو جلدی تہنٛدؠ زُو، تہٕ یہِ اصل کنعٲنؠ زمین نِیو توٚہہِ نِش چھیٖنِتھ، سوٚے زمیٖن یۅسہ ؤنؠ تٔمؠ توٚہہِ دِژمٕژ چھیٚنو۔"
Bridge Connectivity Solutions Pvt. Ltd.