یشوع22
1اسرائیلی قبیلو کٔرؠ یردن دریاوکِس مغربس منٛز زمین فتح کرنہٕ پتہٕ یسوعنؔ طلب روبنی، جدین تہٕ منسیؔ کٮ۪ن اڈٮ۪ن خاندانن ہنٛدؠ زِٹھؠ۔2تٔمؠ ووٚن تِمن، "توٚہہِ چُھو سورےٕ کینٛہہ کوٚرمُت یہِ موسیٰؔ ہنؔ توٚہہِ کرنہٕ خٲطرٕ حکم چُھ دیُتمُت۔ توٚہہِ چُھ تی کوٚرمُت یہِ توٚہہِ مےٚ حکم چُھو دِتمُت۔ 3واریہس وقتس تام چُھو توٚہہِ دوٚیمن خاندانن تہنٛدٮ۪ن دشمنن شکس دِنہٕ باپتھ مدد کوٚرمُت۔ توٚہہِ کٔرٕو خداوندٕ سٕنٛدِ تمہِ حکمٕچ تٲمیٖل یۅسہ خداوندن توٚہہِ ہٮ۪چھنٲو تہٕ توٚہہِ کرنہٕ خٲطرٕ حکم دِتوٕ۔4تٔمؠ اوس تہنٛدٮ۪ن اسرائیلی سٲتھین امنُک وعدہ دیُتمُت، تہٕ تٔمؠ کوٚر پنُن وعدہ پوٗرٕ۔ یتھٕ پٲٹھؠ ہکیٚو توٚہؠ ؤنؠ پننٮ۪ن گرن واپس گٔژھِتھ، تتھ زمیٖنہِ منٛز یۅسہ توٚہہِ موسیٰؔ دِژممژ ٲسٕو، دریائے یردن کِس مشرقس منٛز۔5موسیٰؔ ہن چُھ توٚہہِ یہِ حکم تہِ دیُتمُت زِ توٚہؠ کٔریٚو پننِس خداوند یہُوواہؔ ہس سٟتؠ محبت۔ تہٕ پنٕنؠ زندگی گُزٲرِو تِتھٕ پٲٹھؠ یتھٕ پٲٹھؠ سُہ یژھان چُھ۔ تٔمؠ وٚنو توٚہہِ زِ توٚہؠ کٔریٚو تمِسنٛدٮ۪ن حکمن ہنٛز تعمیل، أمِس پٮ۪ٹھ کٔریٚو بھروسہٕ تہٕ باقی ترٲؠ ووکھ۔ یہِ کٔریٚو تِتھٕ پٲٹھؠ زن چُھو توٚہؠ تمہِ سنٛز عبادت کران تہٕ پرٮ۪تھ تتھ چیٖزس سٟتؠ یہِ توٚہؠ سونچان چُھ تہٕ یہِ توٚہؠ کران چُھو تمسٕنٛدِس خدمتس منٛز۔ 6پتہٕ دِیُت یسوعنؔ تِمن دُعا تہٕ کٔرِن رخصت، یتھٕ پٲٹھؠ گۓ تِم پننٮ۪ن خٲمن منٛز واپس۔7موسیٰؔ ہن اوس یردن دریاوکِس مشرقُک بسنؔ علاقہٕ منسیؔ کِس أڈِس خاندانس حصہٕ رٔنٛگؠ دیُتمُت۔ تہٕ یسوعنؔ ٲس دریائے یردن کہ مغرب طرفچ زمین امہِ خاندان کِس باقی أڈِس خاندانس دِژمٕژ۔ ییٚلہِ یسوعنؔ تِم پننٮ۪ن خٲمن منٛز سوزؠ، تٔمؠ ووٚن خداوندس تِمن برکتھ کرنہٕ خٲطرٕ۔8تٔمؠ ووٚن تِمن، "پننٮ۪ن خٟمن منٛز گٔژھِو واریاہ رۅپیہ، واریاہ جانور چٲنٛدؠ، سۅن، پیتل، شِستٕر تہٕ واریاہ خوبصورت پلو ہٮ۪تھ واپس۔ مگر توٚہہِ پزیٚو پننٮ۪ن دُشمنن نِش حٲصِل کٔرمٕژ دولت پننٮ۪ن باین تہٕ بٮ۪نٮ۪ن منٛز بٲگراوٕنؠ۔" 9چنانچہ روبن، جد تہٕ منسیؔ خاندانکیو اڈیٚو لوکو ترٲوؠ دوٚیِم اسرائیلی کنعان کِس علاقہٕ شیلوہسؔ منٛز۔ تِم آے جلعادؔ کِس علاقس منٛز واپس یُس تُہنٛد اوس، تکیازِ موسیٰؔ ہن اوس خداوند سنٛزِ حکمہٕ مطٲبق سُہ تِمن دیُتمُت۔10تِم وٲتؠ کنعانؔ چہِ سرِزمینہِ منٛز دریائے یردن کِس مغربی بٔٹھِس پٮ۪ٹھ۔ تتہِ بنٲو روبنؔ، جد تہٕ منسیؔ کیٚ اڈیو خاندانو ہنٛدیٚو لوٗکو اکھ قربان گاہ یۅسہ واریاہ بٔڈ تہٕ شاندار قربان گاہ ٲس۔11اسرائیل کیٚو باقیو لوٗکو بوز اتھ قربان گاہس متعلق۔ تِم ٲسؠ اتھ معاملس منٛز فکرمند زِ روبن، جد اور منسیؔ کیٚو اڈیو خاندانو ہنٛدیٚو لوٗکو کیاہ اوس بنوُمُت۔ یہِ ٲس کنعان ملکہٕ کِس دروازس پٮ۪ٹھ اکھ قربان گاہ۔ یہِ اوسُکھ یردنس نزدیک جیلیلوتؔ شہرس منٛز تتھ جایہِ بنوومُت یُس اسرائیلی سرِزمینہِ ہُنٛد حصہٕ اوس۔12اسرائیل یو بوز یہِ تہٕ لوٗکن ۂنٛز سٲرےٕ جماعر گٔیہٕ شیلوہسؔ منٛز جمع۔ تِمو کوٚر امہِ قربان گاہ کہِ وجہ تِمن خلاف جنگ کرنُک فٲصلہٕ۔13مگر سارِوےٕ کھۅتہٕ گۅڈٕ، اوس سوزمُت اسرائیل یو الِیعزرؔ سُنٛد نیٚچو فینحاسؔ تہٕ سٲرِی کٲہنی زِٹھؠ روبن، جد تہٕ منسیؔ کٮ۪ن لوٗکن سٟتؠ کتھ کرنہٕ باپتھ۔14تِمو سوز دریاے یردن کِس مغربس منٛز اسرائیلی دہَو خاندانو منٛزٕ پرٮ۪تھ کُنہِ منٛزٕ اکھ اکھ زیُٹھ تہِ۔ پرٮ۪تھ کُنہِ خاندانُک زیُٹھ اوس پننہِ پننہِ خاندانُک اکھ اہم رہنما۔15تِم زِٹھؠ وٲتؠ جلعادؔ کِس علاقس منٛز روبن، جد تہٕ منسیؔ خاندانکٮ۪ن لوٗکن سٟتؠ کتھ کرنہٕ باپتھ۔ تِمو ووٚن،16"باقی سٲری اسرائیلی چھِ پرژھان، "یہِ کیاہ چُھو توٚہہِ کوٚرمُت؟ توٚہہِ چھیٚو خداوند سٕنٛدِ حکمٕچ نافرمٲنی کٔرمٕژ۔ توٚہؠ چُھو یَتھ جایہِ پنٕنؠ قربان گاہ بناوِتھ خداوندس خلاف گٔمٕتؠ۔ توٚہہِ چھیٚو یہُوواہسؔ خلاف بغاوت کٔرمٕژ۔17کیاہ توٚہہِ چُھوا مٔشتھےٕ گومُت ییٚلہِ اسہِ خداوند سنٛز عبادت کرٕنؠ ترٲو تہٕ دویمٮ۪ن معبودن ہنٛز عبادت کرنہِ لٔگؠ تہٕ خداوندن کُس سزا دیُت اسہِ؟ خداوندن سوز اسرائیلس منٛز اکھ مہلِک بٮ۪مٲرؠ تہٕ تمہِ سٟتؠ مودؠ واریاہ لوٗکھ۔18بنان چُھ زِ توٚہہِ آسیٚو یہِ قربان گاہ امہِ موجُب بنٲومٕژ زِ توٚہہِ ترٲوٕو خداوند سنٛز عبادت کرٕنؠ۔ اگر یہِ پوٚز چُھ تہٕ تیٚلہِ چھیٚو توٚہہِ خداوند سنٛز یتھٕ پٲٹھؠ بغاوت کٔرمٕژ تہٕ سُہ آسہ اسرائیل کٮ۪ن تمام لوٗکن ناراض۔19"اگر توٚہہِ باسان چُھو زِ خداوند چُھنہٕ تہنٛز زمین یتہِ عبادت کرنہٕ باپتھ ٹھیک سمجھان، تہٕ یِیو پننِہِ زمیٖنہِ پٮ۪ٹھ واپس، یتہِ خداوند سُنٛد مقدس خٲمہٕ چُھ۔ أسؠ چھِ یژھان پنٕنؠ زمین توٚہہِ سٟتؠ بٲگراوٕنؠ۔ مگر خداوندس یا اسہِ سٟتؠ مٕہ کٔریٚو بغاوت سٲنِس خداوندٕ سٕنٛدِ خٲطرٕ بیاکھ قربان گاہ بنٲوِتھ20توٚہہِ آسیٚو بلکل یاد زِ تمہِ وزِ کیاہ اوس گومُت ییٚلہِ زارحؔ سٕنٛدؠ نیٚچوؠ عکنؔن یریحوہسؔ منٛز پٮرٮ۪تھ کانٛہہ چیز تباہ کرنہٕ باپتھ خداوند سٕنٛدِ حکمٕچ نافرمٲنی ٲس کٔرمٕژ؟ أمؠ اکؠ نفرن کٔر خداوند سٕنٛدِ حکمٕچ نافرمٲنی، مگر باقی واریہن اسرائیل ین آو أمؠ سٕنٛدِس کٔرؠ مٕتِس پٮ۪ٹھ سزا دِنہٕ۔ 21رُوبِنؔ، جدؔ تہٕ منسیؔ کہِ اڈِ خاندانکیو زِٹھیٚو دیُت جواب،22"یہُوواہؔ، قدرت وول خداوند چُھ زانان زِ اسہِ کیازِ کوٚر تہِ، تہٕ أسؠ چھِ یژھان زِ ژٕتہِ زان۔ اگر نہٕ اسہِ خداوند سنٛز خدمت کرنُک پنن وعدہ وفا کوٚر تہٕ اسہِ پٮ۪ٹھ مٕہ کٔریٚو رحم بلکہ ہیٚکو امہِ دوٚہہ اسہِ مٲرِتھ۔23یوٚدوے اسہِ یِم قربان گاہ امہِ باپتھ بنایہِ زِ أسؠ تراوو خداوند سنٛز فرمانبردٲری کرٕنؠ، یا اگر اسہِ یِم قربان گاہ قربٲنی، پھلُک نذرانہٕ یا أمِس سٟتؠ یارانہٕ کرنٕکہِ وعدہ باپتھ، امہِ باپتھ دِیِن اسہِ خداوند سزا یا نِین سانہِ زندگی پانہٕ۔24نَہ، اسہِ بنایہِ یِم قربان گاہ امہِ باپتھ تکیازِ اسہِ اوس خوف زِ مستقبلس منٛز کرن تہنٛدؠ بچہٕ اکہ دوٚہہ سانٮ۪ن زُ سٟتؠ کتھ تہٕ پرٕژھنَکھ، "تُہنٛد کیاہ تعلق چُھ اسرائیل ین ہنٛدِس خداوند سٟتؠ؟"25أسؠ چھِ کھوٚژان زِ تِم ونن سانٮ۪ن بچن، "خداوندن بنوودریاے یردن سرحد اسہِ تہٕ توٚہہِ جد کٮ۪ن لوٗکن درمیان تہٕ توٚہہِ روبن کٮ۪ن لوٗکن درمیان۔ توٚہہِ چُھو نہٕ خداوندن سٟتؠ کہین کرُن۔ تہٕ تہنٛدؠ بچہٕ ہیٚکن سانٮ۪ن بچن خداوند سنٛز عبادت کرنہٕ نِشہ رکٲوِتھ۔26یتھٕ پٲٹھؠ ووٚن اسہِ، "ؤنؠ بناوو أسؠ اکھ قربان گاہ، مگر نَہ کہِ کُنہِ قربان کرنہٕ خٲطرٕ یا نذرانہٕ خٲطرٕ۔27امہِ بدلہٕ، چھِ أسؠ ہژھان زِ یِم بنن پننپِ خٲطرٕ، سانہِ خٲطرٕ تہٕ پننہِ پانہٕ خٲطرٕ اکھ یادگار، زِ أسؠ چھِ پزی خداوند سنٛز عبادت کران۔ أسؠ چھِ پزی تٔمؠ سنٛز عبادت کران پنہٕ نیٚو دزمژو قربٲنیو سٟتؠ، پنہٕ نیٚو قربٲنیو سٟتؠ تہٕ أمِس سٟتؠ یارانُک وعدہ کرنہٕ خٲطرٕ۔ اسہِ بنٲوؠ یِم قربان گاہ تاکہِ تہنٛدؠ اولاد ونن نہٕ سانٮ۪ن اولادن زانہٛہ یہِ، "خداوندن دیُتو نہٕ توٚہہِ یتھ مُلکس منٛز کانٛہہ تہِ حصہٕ۔ توٚہؠ چُھو نہٕ یَتھ زمیٖنہ سٟتؠ تعلق تھاوان۔"28مستقبلس منٛز، اگر تہنٛدؠ اولاد یہِ ونن، سٲنؠ اولاد ہیٚکن ؤنِتھ، "یہِ قربان گاہ وُچھِو یس سانیو بزرگو بنومُت اوس۔ یہِ چُھ بلکل شیلوہسؔ منٛز خداوند سنٛز قربان گاہٕکؠ پٲٹھؠ، مگر أسؠ چھِنہٕ اتھ پٮ۪ٹھ قربٲنی زالان۔ یہِ چھےٚ اکھ یادگار یمیُک مطلب چُھ زِ أسؠ تہٕ توٚہؠ کرو رٔلِتھ میلِتھ خداوند سنٛز عبادت!29أسؠ چھِنہٕ یقینن یہُوواہسؔ خلاف بغاوت کرٕنؠ یژھان یا یہِ کرُن بنٛد کرُن یژھان یہِ سُہ یژھان چُھ۔ یہِ قربان گاہ ٲسنہٕ امہِ اِرادٕ خٲطرٕ زِ آٹچہِ قربٲنی کیاہ یِن زالنہٕ یا باقی قربٲنیو خٲطرٕ استعمال کرنہٕ۔ اسہِ چھےٚ پتاہ زِ سٲنِس خدا یہُوواہسؔ خاطرٕ چُھ صرف اکھ حقیقی قربان گاہ تہٕ یہِ چُھ مقدس خٟمس برونٹھہٕ کنہِ۔"30ییٚلہِ فینحاسؔ کاہن تہٕ اسرائیل ین ہنٛدؠ باقیو داہَو زِٹھیٚو بوز زِ روبنؔ، جد تہٕ منسیؔ کیٚو لوکو کیاہ ووٚن تہٕ تِمہٕ گے خوش۔31پتہٕ ووٚن فینحاسیٚو تِمن، "ؤنؠ چھِ، أسؠ زانان زِ خداوند چُھ اسہِ سارنےٕ اسرائیل ین سٟتؠ تہٕ ییٚلہِ توٚہہِ تِم قربان گاہ بنایمژٕ آسو تہٕ توٚہؠ ٲسِو نہٕ تمِس سٟتؠ بغاوت کران۔ تکیازِ یہِ توٚہہِ کوٚرو، توٚہہِ پھُٹرٲیو نہٕ خداوند سٕنٛدؠ قانون، اسہِ چُھ یقین زِ سُہ دِیہ نہٕ اسہِ سزا۔"32پتہٕ دراے فینحاسؔ تہٕ اسرائیلی زِٹھؠ روبنؔ تہٕ جد خاندانٕکؠ لوٗکھ جلعادؔ علاقس منٛز ترٲوِتھ تہٕ گے واپس کنعانؔ۔ تتہِ ووٚن تِمو باقی اسرائیل ین زِ کیاہ اوس سپُدمُت۔33تِم گے خوش تہٕ کوٚرُکھ خداوند سُنٛد شُکر۔ تِمو کٔر نہٕ مزید کتھ روبنؔ تہٕ جادؔ خاندان کٮ۪ن لوٗکن خلاف لڈنٕچ یا تہنٛدِ ملکُک پرٮ۪تھ کانٛہہ چیز تباہ کرنس متعلق۔34روبنؔ تہٕ جادؔ خاندان کیٚو لوٗکو تھوو پنَیہِ نیہِ قربان گاہ "یاد دِہٲنی" ناو تہٕ ونُکھ، "یہِ چھےٚ اسہِ سارٕنےٕ باپتھ یاد دِہٲنی زِ یہُوواہؔ چُھ خداوند۔"
Bridge Connectivity Solutions Pvt. Ltd.