یشوع21
1یوٚدوے زن اسرائیلی وُنی سیلا شہرسےٕ منٛز ٲسؠ، لاوی قبیلٕکؠ زِٹھؠ آے سیلا الِیعزرؔ کاہن، نون سٕنٛدِس نیٚچوِس یسوعؔس تہٕ باقے اسرائیلی قبیلن ہنٛدٮ۪ن زِٹھٮ۪ن سٟتؠ کتھ باتھ کرنہِ۔2یِمو ووٚن تِمن، "یہُوواہؔ ہن اوس موسیٰؔ ہس حکم دیُتمُت زِ اسہِ لاوے قبیلس یِن دِنہٕ سیلا شہر ییٚتہِ أسؠ روزِتھ ہیٚکو تہٕ ییٚتہِ سٲنؠ کٹھ گُپن گاسہٕ بیترِ کھیٚتھ ہیٚکن 3اسرائیلی زِٹھیٚو مون یہِ خداوند سُنٛد فرمان۔ یہُوواہؔ سٕنٛدِ طرفہٕ میلہِ مٕتیو شہرو منٛزٕ تھٲوؠ تِمو لاوی قبیلس آیہِ تن شہر تہِ تہٕ گھاسہٕ مٲدان تہِ4گۅڈٕ تراوِ اسرائیلی زِٹھیٚو چیٖرِ تاکہِ قہاتؔ سنٛدٮ۪ن اولادن میلن کینٛہہ شہر۔ یِم ٲسؠ تِم خاندان یِم ہارونؔ سٕنٛدِ نسلہٕ منٛزٕ ٲسؠ۔ تِمو دِتؠ تِمو علاقو منٛز ترُواہ شہر یِم یہُوداؔ، شمعون تہٕ بنیمِینؔ خاندانن نِش ٲسؠ۔5اسرائیلی زِٹھیٚو کٔرؠ قہاتس سٟتؠ تعلق تھاون وٲلؠ باقی خاندانن ہنٛدِ خٲطرٕ افرائیمؔ تہٕ دان خاندانو منٛزٕ داہ شہر مقرر، سٟتؠ منسیؔ خاندان منٛزٕ سُہ حصہ یُس دریائے یردن کہِ مغرب پاسہٕ کِس بٔٹھِس پٮ۪ٹھ روزام ٲسؠ۔6اسرائیلی زِٹھیٚو کٔرؠ جیرسونؔ سٟتؠ تعلق تھاون والٮ۪ن خاندانن ہنٛدٮ۪ن لوٗکن خٲطرٕ ترۅہن شہرن تِم علاقہٕ تفویض یِم اشکارؔ، آشرؔ تہٕ نفتٲلی ہنٛدٮ۪ن خاندانن ہنٛدِس قبضس منٛز ٲسؠ، سٟتؠ سٟتؠ بسن علاقس منٛز أڈِس منسیؔ خاندانس تہِ۔7مراریؔ خاندانس سٟتؠ تعلق تھاون والٮ۪ن لوٗکن دِتؠ اسرائیلی زِٹھیٚو تِمن علاقن ہنٛدؠ باہ شہر یِم روبنؔ، جدؔ تہٕ زبولونؔ خاندانن نِش ٲسؠ۔8یتھٕ پٲٹھؠ دِتؠ اسرائیلی زِٹھیٚو لٲویؔ خاندانن شہر تہٕ چرایہ، یتھٕ پٲٹھؠ زن خداوندن موسیٰؔ ہس حکم اوس دیُتمُت یہِ کرنہٕ باپتھ۔9یِم چھِ تِمن شہرن تہٕ انٛدؠ پٔکؠ کٮ۪ن چراین ہنٛدؠ ناو یِم اسرائیلی زِٹھیٚو لاوی خاندانن تتھ منٛز مقرر کٔرؠ ییٚتہِ شمعونؔ تہٕ یہُوداؔ سٕنٛدؠ خاندان روزان ٲسؠ۔10گۅڈٕ دِتؠ اسرائیلی رہنماہن قہاتسؔ سٟتؠ تعلق تھاون والٮ۪ن کینٛژھن خاندانن شہر، یِم ہارونؔ سٕنٛدِ نسلٕکؠ خاندان ٲسؠ، یِم لاوی خاندانٕکؠ ٲسؠ، یِم خدمت ٲسؠ کران۔ اسرائیلی زِٹھیٚو تراوِ قیاتؔ کٮ۪ن یِمن خاندانن خٲطرٕ گۅڈٕ چیٖرِ۔11اسرائیلی زِٹھیٚو دیُت تِمن یہُوداؔ کہِ کوٚہستٲنؠ ملکہٕ منٛزٕ قریتؔ اربعؔ یَتھ ؤنؠ حبرونؔ چھِ ونان۔ اربعؔ اوس عناقؔ سُنٛد مول۔ تِمو دِژٕ أندؠ پٔکؠ چہِ جرایہِ تہِ۔12تاہم آسہ اسرائیلی زِٹھیٚو گۅڈَے قریتؔ اربعؔ انٛدؠ پٔکیُک زمین تہٕ گام کالب بن یفُنّہ ہَس پشراومژ۔13یتھٕ پٲٹھؠ دیُت اسرائیلی زِٹھیٚو حبرونؔ ہارون کاہن سٕنٛدِس اولادس۔ ہبرُونؔ اوس تِمو شہرو منٛزٕ اکھ ییٚتہِ لوٗکھ غلطی سببہٕ کٲنٛسہِ مارنس پٮ۪ٹھ ژٔلِتھ ہیٚکہٕ ہن۔ ہارونؔ سٕنٛدِس اولادس دیُت تِمو لبناہؔ شہر۔14یتیِرؔ پننٮ۪ن چراین سٟتؠ، تہٕ اِشتِموع پننٮ۪ن چراین سٟتؠ،15اسرائیلیٚو دِژٕ حولُونس تمہِ سنٛزٕ چرایہِ تہٕ دبِیرس تہِ تمہِ سنٛزٕ چرایہِ۔16عَینؔ، یُوطہؔ تہٕ بیت شمسؔ یِم نَو شہر ٲسؠ تتہِ یتہِ یِم زٕ خاندان روزان ٲسؠ۔17اسرائیلی زِٹھیٚو دِتؠ ہارون سٕنٛدِس اولادس تمہِ علاقٕکؠ کینٛہہ شہر تہِ یِم بنیمِینؔ خاندانس نِش ٲسؠ: جِبعونؔ، جِبعؔ،18عنتوتؔ، تہٕ علموؔن۔ ژور شہر چرایو سان۔19اتہِ ٲسؠ کُلہُم ترُواہ شہر أندؠ پٔکؠ چٮ۪ن چراین سان یِمہٕ اسرائیلی زِٹھیٚو کاہنن یعنی ہارون سنٛدٮ۪ن اولادن دِتۍ مٕتؠ ٲسؠ۔20قہاتس سٟتؠ تعلق تھاون وٲلؠ دوٚیِمٮ۪ن خاندانن میلیاے افرائیمؔ کہِ خاندانہٕ منٛزٕ ژور شہر۔21تِمن آیہِ افرائیمؔ کہِ کوٚہستٲنؠ علاقہٕ منٛزٕ سِکمؔ تہٕ امچہِ چرایہِ دِنہٕ، یہِ تہٕ چرایو سان جزرؔ ٲسؠ تمہِ سٕنٛدِ خٲطرٕ چھپَن جایہِ ہنٛدؠ شہر یُس کٲنٛسہِ بےٚ گناہ قتل اوس کران۔22قبِضَیمؔ تہٕ بیت حورُونؔ۔ ژور شہر چرایو سان۔23قہاتسؔ سٟتؠ تعلق تھاون والٮ۪ن یِمن مخصوص خاندانن میلیاے ژور شہر تہِ یِمن انٛدؠ پٔکؠ چہِ چرایہِ اتھ علاقس منٛز آسہ یِمہٕ دان خاندانس نِش آسہ۔ یِم ٲسؠ اِلِتقیہؔ، جِبّتوؔن شہر،24ایالونؔ، تہٕ جات رِمون۔ ژور شہر اتپ چیو چرایو سان۔25قہات کیٚو یِمو دوٚیو خاندانو رٔٹؠ زٕ شہر یِم منسیؔ خاندانس نِش ٲسؠ۔ یِم شہر ٲسؠ تعانکؔ تہٕ جات رِمون۔ یِمن دوٚن شہرن آسہ سارے چرایہ۔26اتہِ ٲسؠ کُلہُم دہا شہر أندؠ پٔکؠ چیو چرایو سان یِمہٕ قہات کٮ۪ن یِمن مخصوص خاندانن میلیمژٕ آسہ۔27اسرائیلی زِٹھیٚو تہِ تراوِ چیٖرِ تاکہِ شہر تہٕ امہِ چہِ انٛدؠ پٔکؠ چہِ چرایہِ یِن جیرسونؔ پٮ۪ٹھٕ یِنہٕ والٮ۪ن خاندانن دِنہٕ۔ یِم خاندان تہِ ٲسؠ لاوی نسلہٕ منٛزٕ۔ یِمو خاندانو رٔٹؠ منسیؔ خاندانس میلن والہ علاقہٕ منٛزٕ زٕ شہر یعنی سُہ اوڈ خاندان یُس دریاے یردن کِس مشرقس منٛز آباد اوس۔ تِمہٕ شہر ٲسؠ بسس علاقس منٛز جولانؔ، یُس یِمو شہرو منٛزٕ اکھ اوس یوٚت لوٗکھ ژٔلِتھ ہیٚکہٕ ہَن، تہٕ بعستراہؔ یعنی زِ شہر یِمن چرایہِ آسہ۔28یِمو خاندانو تہِ رٔٹؠ امہِ علاقہٕ منٛزٕ کینٛہہ شہر تہِ یِم اشکارؔ خاندانس نِش ٲسؠ۔ تِم شہر ٲسؠ قِسیونؔ، دبرتؔ،29یرموؔت تہٕ عین جنیِمؔ۔ ژور شہر چرایو سان30یِمو خاندانو رٔٹؠ کینٛہہ شہر تمہِ علاقہٕ منٛزٕ یِم آشرؔ خاندانس نِش ٲسؠ۔ تِم شہر ٲسؠ مِسالؔ، عبدونؔ،31خِلقتؔ تہٕ رحوبؔ۔ ژور شہر اتہِ چیو چرایو سان۔32یِمو خاندانو رٔٹؠ کینٛہہ شہر تمہِ علاقہٕ منٛزٕ یِم نفتالیؔ خاندانس نِش ٲسؠ۔ یِم شہر یعنی قادِسؔ ٲسؠ جلیلؔ علاقس منٛز یِمو شہرو منٛزٕ اوس اکھ شہر سُہ یوٚت لوٗکھ ژٔلِتھ ہیٚکہٕ ہن یوٚدوے تِم کٲنٛسہِ الغاب مارٕہن، چریاو سان ترےٚ شہر یعنی حماتؔ دورؔ تہٕ کرتانؔ۔33جیرسونیٚو رٔٹؠ کُلہُم پٲٹھؠ ترُواہ شہر انٛدؠ پٔکؠ چو چاروایو سان۔34اسرائیلی زِٹھیٚو دِتؠ باقی لاویٮ۪ن تہِ شہر، یعنی مراری خاندانس سٟتؠ تعلق تھاون وٲلؠ لوٗکھ۔ یِمن خاندانن میلیاے یِمو علاقو منٛزٕ تِم شہر یِم زبولونؔ خاندانس نِث ٲسؠ۔ یِم شہر ٲسؠ یقنِعام، کرتاہؔ،35دِمنہؔ، تہٕ نحلاؔل۔ ژور شہر اتہِ چیو چرایو سان۔36مراری پٮ۪ٹھٕ یِنہٕ والٮ۪و خاندانو رٔٹؠ تمہِ علاقٕکؠ شہر تہِ یِمہٕ روبن خاندانس نِش ٲسؠ۔ یِم شہر ٲسؠ بصرؔ، یحزؔ،37کدیموتؔ تہٕ مفاتؔ اتہِ چیو چرایو سان ژور شہر۔38مراری پٮ۪ٹھٕ یِنہٕ والٮ۪و خاندانو رٔٹؠ تمہِ علاقٕکؠ شہر تہِ یِمہٕ جد خاندانس نِش ٲسؠ۔ یِم شہر ٲسؠ راموتؔ تہٕ محنایمؔ۔ راموتؔ اوس سُہ شہر یوٚت تِمہٕ لوٗکھ ژلِتھ ہیٚکہٕ ہن یِم غٲراِرادٕ طور کٲنٛسہِ قتل کرہن۔39اتہِ ٲسؠ یعزیرؔ تہٕ حسبونؔ شہر یعنی کُلہُن ژور شہر اتہِ چیو چرایو سان۔40مراری کٮ۪ن سارنےٕ خاندانن میلیاے باہ شہر تکیازِ اسرائیلی زِٹھیٚو آسہ تہنٛدِ باپتھ چیٖرِ تراوِمژٕ41چنانچہ لاویو ٲسؠ کُلہُم پٲٹھؠ امہِ علاقہٕ منٛزٕ ارتٲجی شہر رٔٹؠ مٕتؠ یِم اسرائیل کٮ۪ن دوٚیمٮ۪ن خاندانن نِش ٲسؠ تہٕ سٟتی تِمن شہرن ہنٛزٕ چرایہِ تہِ۔42یِمن آسہ پرٮ۪تھ کُنہِ شہرس چرایہِ۔43یہِ اوس یتھٕ پٲٹھؠ زِ خداوندن اوس اسرائیل ین یہٕ سٲرےٕ زمین دِنُک تہنٛدٮ۪ن پتمیٚن پیٖرٮ۪ن سٟتؠ وعدہ دیُتمُت۔ اسرائیل یو کوٚر یِمن علاقن پٮ۪ٹھ قبضہ تہٕ گے أتی آباد۔44یتھٕ پٲٹھؠ زن تٔمؠ تہنٛدٮ۪ن جدٕ اجدادن سٟتؠ وعدہ اوس کوٚرمُت، خداوندن دیُت یِمن اہنٛدٮ۪ن دشمنن سٟتؠ سکون حٲصِل کرنُک اجازت یمؠ تِم گیٖر ٲسؠ کٔرؠ مٕتؠ۔ یہنٛدؠ کٲنٛسہِ دُشمنن دیُت نہٕ یِمن شکس۔ خداوندن کوٚر اسرائیل ین پنٕنؠ سٲری دُشمن ہارناونس منٛز مدد۔45خداوندن کوٚر اسرائیلی لوٗکن سٟتؠ وعدہ۔ پرٮ۪تھ کانٛہہ وعدہ گو پوٗرٕ۔
Bridge Connectivity Solutions Pvt. Ltd.