یشوع20
1پتہٕ ووٚن اکہِ دوٚہہ خداوندن یسوعسؔ،2"اسرائیلی لوٗکن فرماو زِ تِم کرن تِنن کینٛژن شہرن ۂنٛز ژٲر یور کُن لوٗکھ محفوظ روزنہٕ باپتھ دورن، یتھٕ پٲٹھؠ زن مےٚ موسیٰؔ ہَس ووٚنمُت اوس کرنہٕ خٲطرٕ۔ 3اگر کانٛہہ شخص کٲنسہِ دوٚیمِس شخصس غلطی سان مارِ کُنہِ اِرادٕ بغٲر تہٕ سُہ شخص ہیٚکہِ یِمو شہرَو منٛز کُنہِ أکِس شہرس کُن دوٗرِتھ تہٕ محفوظ روزِتھ۔4ییٚلہِ سُہ شخص یمو شہرو منٛزٕ کُنہِ أکِس دروازس پٮ۪ٹھ واتہِ تہٕ تمِس پزِ اتہِ ٹھہراو کٔرِتھ امہِ شہرکٮ۪ن زِٹھٮ۪ن تہِ ونُن یہِ سپدیاو۔ اگر تِم اتھ پٮ۪ٹھ یقین کرن، تہٕ تِمن پزِ أمِس شخصس شہرس منٛز اژنُک اجازت دیُن، تہٕ تِمن پزِ أمِس شخصس پانس درمیان روزنہٕ خٲطرٕ جاے دِنؠ۔5اگر مرن وٲلؠ سُنٛد کانٛہہ رِشہٕ دار بدلہٕ نِنہِ اتھ شہرس منٛز آو تہٕ امہِ شہرکٮ۪ن زِٹھٮ۪ن پزِ زِ تِم دِن نہٕ یمن رِشہٕ دارن قٲتلس نِنُک اجازت تکیازِ یہِ سپدیاو تہِ اوس حٲدثٲتی۔ سُہ اوس نہٕ أمِس شخصس سٟتؠ نفرت کران۔ أمؠ چُھنہٕ سُہ زٲنِتھ مٲنِتھ قتل کوٚرمُت۔6یمؠ شخصن بیٚیہِ کانٛہہ دوٚیِم قتل کوٚر تمِس پزِ شہرس منٛز تۅتام روزُن یوٚتام نہٕ شہرُک منصف اتھ پٮ۪ٹھ مقدِمہ چلایہِ۔ صرف اتھ صوٗرتس منٛز ییٚلہِ جج فٲصلہٕ کرِ زِ یُس شخص امہِ شہرٕ منٛز ژوٚل أمؠ کوٚر نہٕ دوٚیِم شخص زٲنِتھ مٲنِتھ قتل، کیا سُہ دیا أمِس اتھ شہرس منٛز روزنُک اجازت، تہٕ تمِس پزِ تتھ وقتس تام اتھ شہرس منٛز روزُن یۅتام نہٕ سردار کاہن مَرِ یُس جُرمہٕ وقتہٕ خدمت اوس کران۔ ییٚلہ سُہ نفر بحفاظت پنُن گھرٕ واپس ہیٚکہِ گٔژھِتھ۔7چنانچہ اسرائیل یو ژٲرؠ تِم شہر بننہٕ خٲطرٕ ییٚتہِ لوٗکھ محفوظ روزنہٕ خٲطرٕ ژٔلِتھ ہیٚکہٕ ہن: جلیل کِس علاقس منٛز قادِس، تہٕ کوٚہستٲنؠ مکلس منٛز ییٚتہِ نفتٲلؠ خاندان روزان اوس۔ کوٚہِستٲنؠ ملکس منٛز سِکم ییٚتہِ افرائیمُک خانٛدان اوس روزان۔ تہٕ قریتؔ اربعؔ یتھ ؤنؠ حبرونؔ چھِ ونان کوٚہستٲنؠ ملکس منٛز ییٚتہِ یہُوداؔ سُنٛد خاندان اوس روزان۔8دریائے یردن کہِ مشرقہٕ طرفہٕ یریحُو نزدیک، بیابانن منٛز بصرؔ ییٚتہِ روبنؔ خاندان روزان اوس۔ جِلعادکِسؔ علاقس منٛز راموتؔ، تتھ زمینہِ منٛز ییٚتہِ جدُک خاندان اوس روزان۔ تہٕ بسنؔ کِس علاقس منٛز جولانؔ ییٚتہِ منسیؔ خاندان روزان اوس۔9کانٛہہ تہِ اسرائیلی یا کانٛہہ تہٕ غٲر ملکے یُس یِمن درمیان روزان اوس یمؠ الغٲب کانٛہہ قتل اوس کوٚرمُت، تمِس اوس یِمو شہرو منٛزِ کُنہِ أکِس کُن ژَلنُک اجازت۔ تتہِ روزِ سُہ کٲنٛسہِ مرن وٲلؠ سنٛزٕ رِشتہٕ دارس نِش محفوظ تہٕ أمِس بدلہٕ نِنہٕ باپتھ کرِتٔمِس قتل۔ سُہ ہیٚکہِ اتھ شہرس منٛز تۅتام روزِتھ یوٚتام نہِ یہِ فٲصلہٕ کرنہٕ خٲطرٕ أمِس پٮ۪ٹھ مقدِمہ چلاونہٕ ییہِ نہٕ زِ کیاہ سُہ چھا پوٚز ونان ییٚلہِ زن سُہ یہِ ونان چُھ زِ تٔمؠ کوٚر نہٕ سُہ شخص زٲنِتھ مٲنِتھ قتل۔
Bridge Connectivity Solutions Pvt. Ltd.