یشوع12
1اسرائیلی لوٗکو کوٚر تتھ زمیٖنہِ پٮ۪ٹھ قبضہٕ یۅسہ یردن دریاو کِس مشرقس منٛز جنوبس منز دریائے ارنونؔ چہِ گھاٹی پٮ۪ٹھٕ شمالس منٛز کوہ حرمون تام، یردنس سٟتؠ میدانکہِ مشرقہٕ طرفہٕ زمین ٲس۔2سِیحوُنؔ اوس امورؠؔ ین ہُنٛد بادشاہ۔ سُہ اوس حسبونؔس منٛز روزان تہٕ کوٚرُن عروعیرؔ قصبہٕ پٮ۪ٹھٕ دریائے ارنونؔ چہِ گھاٹی سٲتؠ سٲتؠ شمالس منٛز دریائے یبوقسؔ تام راج۔ تٔمؠ سنٛز زمین گییہِ گھاٹی منٛزؠ شروع یۅسہ تمہِ سنٛزِ زمیٖنہِ تہٕ عمونینؔ ہنٛزِ زمیٖنہِ درمیان سرحد اوس۔ سیحوننؔ تہِ کوٚر جلعادؔ سٕنٛدِس نیصف علاقس پٮ۪ٹھ راج۔3سیحوننؔ کوٚر یردنس سٲتؠ سٲتؠ مشرقی مٲدانس منٛز گلیلؔ کہِ سمندر پٮ۪ٹھٕ بحیرہ مردار تام زمینہِ پٮ۪ٹھ تہِ راج۔ أمؠ کوٚر بحیرہ مردارؔ کِس مشرقس منٛز بیت یسیموتؔ پٮ۪ٹھٕ پِسگہ کوہس تام تہِ راج۔4دویِم بادشاہ یمِس اسرائیلی فوجن شِکس دیُت، سُہ اوس بسن علاقُک بادشاہ عوجؔ۔ سُہ اوس رفایم کیو دیو قامت لوٗکن ہنٛدیو اولادو منٛزٕ ٲخری نفر۔ سُہ اوس عستارات تہٕ ادرعیؔ شہرن منٛز روزان۔5تٔمؠ کوٚر شمالس منٛز کوہہِ حرمونؔ تہٕ سلقہؔ قصبہٕ پٮ۪ٹھٕ مشرقس منٛز سارِنےٕ بسنؔ پٮ۪ٹھ تہٕ مغربس منٛز جسُورؔ تہٕ معکاتنؔ ہنٛدٮ۪ن سرحدن تام راج۔ عوجنؔ کۅر جلعادؔ کِس نیصف حِصس پٮ۪ٹھ راج، یوٚت تام ملکہٕ کِس سرحدس تام حسبونٕکؠ بادشاہ سیحوننؔ راج کوٚر۔6موسیٰؔ، یمؠ خداوند سنٛز وفادٲری کٔر تہٕ سارے اسرائیلی فوجن اوس تِمن رازن ہُنٛد فوج ہارنوومُت۔ پتہٕ دِژ موسیٰؔ ہن سۅ زمیٖن روبنؔ تہٕ جدؔ کٮ۪ن قبیلن تہٕ منسیؔ سٕنٛدِس أڈِس قبیلس۔ 7یسوعؔ تہٕ اسرائیلی فوجن ہارنٲوؠ تِم بادشاہ یِم دریائے یردن کہِ مغربی بٹھِ چہِ زمینہِ پٮ۪ٹھ راج ٲسؠ کران۔ سۅ زمین ٲس لبنانسؔ نزدیک وادی منٛز بعلؔ جدس درمیان کوہ ہلاکس تام یۅسہ عدومؔ گژھان ٲس۔ یسوعنؔ دِژ اسرائیل کٮ۪ن خاندانن زمین تاکہِ تِم کرن اتھ پٮ۪ٹھ قبضہ۔8کوٚہستٲنؠ ملک، نشیبی علاقہٕ، یردن بٔٹھؠ بٔٹھؠ مٲدان، کوٚہ دامٕنؠ، بیاباننؔ تہٕ خدایہِ سنٛدٮ۪ن بیاباننؔ منٛز، حِتی، امورؠؔ، کنعٲنؠؔ، فِرزی، حوی اور یبوسیینؔ ہُنٛد ملک۔9اسرائیل یو یِم بادشاہ زینؠ یا فتح کٔرؠ تِم ٲسؠ یِمن شہرن ہنٛدؠ یرِیحُو، عی یِم بیت ایلؔ نزدیک ٲسؠ،10یروشلم، حبرونؔ،11یرموتؔ، لکِیسؔ،12عجلُون، جزرؔ،13دبِیرؔ، جدرؔ14حُرمہؔ، عرادؔ،15لبناہؔ، عدُلام،16مقیدہؔ، بیت ایلؔ،17تفُوحؔ، حفرؔ،18افِیقؔ، لشروؔن،19مدونؔ، حصور،20سِمرون مرونؔ، اکشاؔف،21تعانکؔ، مجِدوؔ22قادِسؔ، کرملؔ یقنِعام،23دور مُرتفعؔ علاقُک دورؔ، گلگلؔ علاقس منٛز گوئمؔ،24تہٕ تِرضہؔ۔ یِم ٲسؠ کُل اکترٕہ بادشاہ یِم اسرائیلی فوجن ہارنٲوؠ۔
Bridge Connectivity Solutions Pvt. Ltd.