یشوع11
1ییٚلہِ حصورکؠؔ بادشاہ یابیننؔ تہِ سورےٕ بوز یِمن سارنےٕ چیزن متعلق یہِ سپدیاو تٔمؠ سوز مدونؔ کِس بادشاہ یُوبابؔ، سِمروؔن کِس بادشاہس تہٕ اکشاؔف کِس بادشاہس پٲغام تہٕ کوٚرنکھ تُہنٛد فوج مدتہٕ خٲطرٕ سوزنہٕ باپتھ عرض تاکہِ تِم کرن تِمن اسرائیل ین خلاف جنگس منٛز مدد کٔرِتھ۔ 2تٔمؠ سوز شمٲلی کوٚہستٲنی بادشاہن تہِ پٲغام بیٚیہِ نشیب کہِ مٲدٲنی علاقہٕ کٮ۪ن بادشاہن، سمندر جنوبہٕ پاسہٕ تہِ ملکہٕ بونمہِ پاسہٕ۔ تٔمؠ سوز مغرب کہِ بلند ملک دورؔ کہِ رازس تہِ پٲغام۔ 3کنعانِؠؔ رازن دوٚشوٕنؠ مشرق تہٕ مغرب، اموریؔ، حِتیو، فِرزی تہٕ بیٚیہِ یبوسینؔ یِ کوٚہستٲنؠ ملکس منٛز رودؠ، تہٕ بیٚیہِ حوی مونٹ حرمون مِصفاہؔ کِس حِصس منٛز۔4تِمن سارنےٕ رازن ہُنٛد فوج سمیاو یِکہٕ وٹہٕ۔ تہنٛدؠ نفر ٲسؠ تیٖتیا زن أسؠ سمندر بٹھِکؠ سیٚکہِ ڈھیر۔ تِم آے گُرٮ۪ن تہٕ رتھن سان واریہس تعدادس منٛز۔5تِم سٲری بادشاہ سمکھے أکِس مقرر وقتس پٮ۪ٹھ تہٕ تھووُکھ پنُن فوج میرُومؔ نٲوؠ جِھیلس پٮ۪ٹھ أکِس کمپس منٛز تیار اسرائیل ین سٟتؠ لڑنہٕ باپتھ۔6پتہٕ ووٚن خداوندن یسوعسؔ، "تِمن مٕہ کھوٚژ، تکیازِ صُبحس یمے وقتہٕ بہٕ دمِکھَے تِم ژےٚ۔ ژٕ ہارناوہِکھ تِم تہٕ مارہَکھ سٲری۔ پتہٕ پزنے ژےٚ تہنٛدؠ سٲری گُرؠ لنٛگؠ کرٕنؠ تہٕ زالٕنؠ تہنٛدؠ سٲری رتھ نارس منٛز۔7لہٰذا آے یسوعؔ تہٕ تمسُنٛد فوج میرُومؔ تِمن پٮ۪ٹھ ہٲوی گژھنہٕ باپتھ تہٕ کوٚرُکھ دشمنن پٮ۪ٹھ آگٲہی ورٲے حملہٕ۔8خداوندن کٔرؠ تِم اسرائیل ین ہنٛدس قبضس منٛز۔ تِمو کوٚر تُہنٛد شکار شہر صیداؔ، مِسرفات المائِمؔ تہٕ اور مشرقس منٛز مِصفاہؔ تام۔ تِمو کوٚر تِمن پٮ۪ٹھ تۅتام حملہٕ یبوٚتام نہٕ تِم سٲری مٲرِکھ۔9پتہٕ کوٚر یسوعنؔ تہٕ یہِ خداوندن تٕن کرنہٕ خٲطرٕ ووٚن۔ تٔمؠ کٔرؠ دُشمنن ہنٛدؠ گُرؠ لنٛگؠ تہٕ زٲلِنؠ تہنٛدؠ رتھ نارس منٛز۔10یسوعؔ تہٕ تمسُنٛد فوج وٲتؠ شہر حصوُر واپس تہٕ کوٚرُکھ گیرٕ، تہٕ مورُکھ تُہنٛد بادشاہ۔ ساروٕے سلطنتو منٛز اوس حصور تِمو شہرو منٛز اکھ اہم شہر یِمو اسرائیلس خلاف لوٚڈ۔11حصورسؔ منٛز یِتہِ اوس تِمو کوٚر تہِ سورےٕ بُرباد، تہٕ پتہٕ زولُکھ شہر تہٕ بنووہس سوٗر12یسوعؔ سٕنٛدؠ فوجن کوٚر تِمن سارِنےٕ شہرن گیرٕ تہٕ مٲرِکھ تہنٛدؠ سٲری بادشاہ۔ تِمو کوٚر تی یہِ موسیٰؔ ہن یمؠ خداوند سنٛز خوب خدمت کٔر تِمن حکم دیُت کرنہٕ خٲطرٕ۔13یسوعؔ سٕنٛدیو نفرو زول حصور، مگر تِمو زول نہٕ باقی کانٛہہ شہر یِم ٹینگن پٮ۪ٹھ بنِتھ تہٕ دیوار سٟتؠ گٔنٛڈِتھ ٲسؠ۔14اسرائیلیٚو نی پانس خٲطرٕ چاروٲے یِم تِمو کھہَن منٛز وُچھ تہٕ بیٚیہِ تمام قٟمتی چیز۔ مگر شہرن منٛز مٲرؠ تِمو تمام انسان تہٕ تمام جاندار چیز۔15یتھٕ پٲٹھؠ خداوندن موسیٰؔ ہس حکم اوس دیُتمُت کرنہٕ خٲطرٕ، تِتھے پٲٹھؠ دیُت موسیٰؔ ہن یسوعسؔ تہِ۔ تہٕ یسوعنؔ کوٚر تہِ سورےٕ یہِ خداوندن موسیٰؔ ہس حکم دیُت کرنہٕ خٲطرٕ۔16یسوعؔ سٕنٛدؠ فوجن ہارنٲوؠ تمام لوٗکھ یِم اتھ زمیٖنہِ پٮ۪ٹھ روزان ٲسؠ۔ تِمو کوٚر کوٚہستٲنی ملک تہٕ جنوبی یہُوداؔ کِس صحراوس، جشن کِس سٲرؠ سےٕ علاقس، جنوبی علاقہٕ تہٕ مٲدٲنی یردن کٮ۪ن علاقن پٮ۪ٹھ قبضہٕ۔ تِمو کوٚر اسرائیل کٮ۪ن تمام پہاڑن تہٕ پہاڑس نزدیک تمام نشیبی علاقن پٮ۪ٹھ قبضہٕ۔17تِمو کوٚر عدومؔ کِس جنوبس منٛز کوہِ حلق پٮ۪ٹھٕ شمالس منٛز لبنانؔ علاقس نزدیک وادی منٛز بلعالؔ تام کوہِ حرمونس نزدیک تمام زمینہِ پٮ۪ٹھ قبضہٕ۔ تِمو رٔٹؠ امہِ علاقٕکؠ تمام بادشاہ تہٕ مٲرکھ۔18یسوعؔ سٕنٛدیو نفرو لوٚڈ تِمن سارِنےٕ رازن خلاف واریہس وقتس تام19اتہِ اوس اکُے شہر یِمؠ اسرائیل ین سٟتؠ امنُک معاہدٕ کوٚر۔ تِم لوٗکھ ٲسؠ حویکؠ یِم جِبعونسؔ منٛز روزان ٲسؠ۔ اسرائیلیٚو کوٚر باقے تمام شہرن پٮ۪ٹھ قبضہٕ۔20خداوندن بنٲوؠ تِمو سارِوےٕ جمٲژو منٛزٕ لوٗکھ سختی ہنٛدؠ بٲعِث۔ یمکہِ وجہ سٟتؠ تٔمؠ اسرائیلی فوجس خلاف لوٚڈ۔ تہٕ امہِ خٲطرٕ کوٚر خداین تِم تباہ کرنہٕ خٲطرٕ اسرائیلی فوجُک استعمال۔ خداین رُکیوو نہٕ اسرائیلی فوج دشمنن مکمل تباہ کرنہٕ نِشہ۔ یہِ چُھ تی یہِ خداوند موسیٰؔ ہس حکم دیُت کرنہٕ خٲطرٕ۔21یسوعؔ سٕنٛدؠ فوجن لوٚڈ عناقؠ دیون سٟتؠ تہِ یِم حبرونؔ، دبِیر تہٕ عناہؔ کٮ۪ن نزدیکی کوٚہِستانن منٛز روزان ٲسؠ۔ تِمو لوٚڈ تِمن لوٗکن سٟتؠ تہِ یِم یہُوداؔ تہٕ اسرائیل کٮ۪ن کوٚہستٲنؠ علاقن منٛز روزان ٲسؠ تہٕ تِمو مٲرؠ تِم تمام لوٗکھ تہٕ کٔرِتھ تہنٛدؠ شہر تباہ۔ 22نتیجتاً اوس نہٕ عناقسؔ کانٛہہ تہِ اولاد یُس اسرائیلس منٛز زندٕ رود۔ صرف رودؠ غزہؔ، جاتؔ تہٕ اشدودسؔ منٛز کینٛہہ زِنٛدٕ۔23یسوعؔ سٕنٛدؠ فوجن کوٚر سٲرؠ سےٕ زمینہِ پٮ۪ٹھ قبضہٕ، یتھٕ پٲٹھؠ خداوندن واریاہ کال برونٛہہ موسیٰؔ ہس ووٚنمُت اوس۔ خداوندن دِژ یہِ زمین اسرائیل ین، تکیازِ تٔمؠ اوس تِمن سٟتؠ وعدہ کوٚرمُت۔ پتہٕ بٲگراو یسوعنؔ زمین اسرائیلی قبیلن منٛز۔ تہٕ امہِ پتہٕ گو مُلکس منٛز امن قٲیِم۔
Bridge Connectivity Solutions Pvt. Ltd.