یشوع13
1ییٚلہِ یسوعؔ بُڈٕ گو تہٕ خداوندن ووٚن تمِس، "یسوعؔ، ؤنؠ چُھکھ ژٕ بُڈٕ گومُت، مگر وُنہِ چھےٚ چٲنِس فوجس واریاہ زمین قبضہٕ کرنہٕ خٲطرٕ۔2تِمن زمینن ہُنٛد فہرست چُھ یِتھٕ کِنؠ: فلستینینؔ ہُنٛد علاقہٕ تہٕ سُہ جسُورؔ ین ہُنٛد سورےٕ علاقہٕ۔3شیحورؔ پٮ۪ٹھٕ، یُس مِصر کِس مشرقس منٛز واقع چُھ، تہٕ شمالس منٛز عقرونؔ تام، کنعانینؔ ہُنٛد علاقہ؛ فلستینٮ۪نؔ ہنٛدؠ شہر غزہؔ، اشدودؔ، اشکلونؔ، جات تہٕ عقرونؔ کہِ پانٛژوٕنی عوی ین ہُنٛد علاقہٕ۔4جنوبس منٛز پزیو توٚہہِ وُنہِ تہِ یِمن علاقن پٮ۪ٹھ قبضہٕ کرُن ییٚتہِ کنعانٕکؠؔ لوٗکھ روزان چھِ۔ تہٕ عراہؔ یُس صیدونینؔ ہُنٛد چُھ افیکؔ پٮ۪ٹھٕ، اموریؔ سرحدس تام۔5جبلین ہنٛز زمین، تمام لبنانؔ، مشرق طرفہٕ، حرمون کوہ بوٚنمہِ طرفہٕ بعلؔ جدؔ پٮ۪ٹھٕ لبو حماتسؔ تام۔6تِم لوٗکھ چھِ وُنہِ رٹہٕ نےَ یِم لبنان مِسرفات المائِمؔ تام کوہساتانی علاقن منٛز روزان چھِ۔ صیداؔ شہرکؠ تمام لوٗکھ ہٮ۪تھ۔ بہٕ کڑکھ یِم چانہِ فوجہٕ برونٛہہ کِنؠ۔ ییٚلہِ ژٕ یِمن منٛز زمیٖن بٲگراوکھ تہٕ سُہ علاقہ دِیہ زِ اسرائیل کٮ۪ن لوٗکن ضروٗر۔ یُس زن مےٚ ژےٚ حکم چُھمے دیُتمُت کرنہٕ خٲطرٕ۔7"سۅ سٲرےٕ زمین بٲگراو نون خاندانن تہٕ منسیؔ کِس أڈِس خاندانس منٛز میراث رٔنٛگؠ۔"8منسیؔ کِس أڈِس خاندانس سٟتؠ کٔر روبنیوؔ تہٕ جدیوؔ تہِ پنٕنؠ ملکِیت حٲصِل، کیازِ کہِ موسیٰؔ ہن، یُس خداوند سنٛز بےٚ وایہِ خدمت اوس کران ٲس گۅڈَے دریائے یردن کہِ مشرق طرفچ زمین تِمن دِژمٕژ۔9عروعیرؔ پیٚٹھٕچ یہِ زمین یۅسہ ارنونؔ وادی بٔٹھِس پٮ۪ٹھ چھےٚ تتھ شہرس سان یُس وادی منٛزباگ واقع چُھ پٮ۪ٹھٕ مدیباؔ کہِ سارے سطح مرتفعؔ تام پھٔہلِتھ ٲس تہٕ دیبون شہر تام پھٔہلِتھ ٲس۔10یِمن علاقن منٛز ٲسؠ امورٕکؠؔ بادشاہ سیحونؔ سٕنٛدؠ شہر تہِ شٲمل۔ یُس حسبونسؔ پٮ۪ٹھ راج اوس کران تہٕ تِم ٲسؠ عمونیؔ سرحدن تام پھٔہلِتھ۔11جِلعادؔ تہٕ جسُورؔ ین تہٕ معکاتنؔ ہُنٛد علاقہٕ بشمول سٲری کوہِ حرمونؔ تہٕ بسنُک سورےٕ علاقہٕ یُس سلقہؔ شہر تام پھٔلِتھ چُھ۔12بسنؔ علاقس منٛز عوجچ سٲرےٕ بادشاہ دٲری، یمؠ عستارات تہٕ ادرعیؔ کٮ۪ن شہرن منٛز راج کوٚر یِم چھِ تِمے یِم رفایم منٛزٕ باقی بچیمٕتؠ ٲسؠ۔ یِم لوٗکھ ژلرٲوؠ موسیٰؔ تلوارِ سٟتؠ حملہٕ کٔرِتھ۔13مگر اسرائیل یو ژھٕنؠ نہٕ جسُورؔ تہٕ معکاتی کنعانہٕ زبردستی کٔڈِتھ۔ امہِ بجایہ چھِ یِم لوٗکھ موجودٕ وقتس منٛز تہِ اسرائیل ین سٟتؠ روزان۔14لٲویٚن میجؠ نہٕ زمیٖنہِ ہنٛز کانٛہہ کٲم۔ سُہ اوس واحد خاندان یِمن نہٕ زمین میجؠ۔ موسیٰؔ ہَن دیُت نہٕ تِمن کانٛہہ تہِ چیٖز۔ اسرائیل ین ہنٛدؠ خداوندن ووٚن تِم زِ تمسنٛدِ خٲطرٕ یِم قربٲنی پیش یِن کرنہٕ تِم آسن تہنٛدِ خٲطرٕملکیت۔15موسیٰؔ ہن ٲس رُوبِن کٮِس پرٮ۪تھ خاندانس زمین دِژمٕژ۔16یتھٕ پٲٹھؠ اوس تُہنٛد علاقہٕ عروعیرؔ تام پھپٔلیومُت یُس ارنونؔ دریاوٕ چہِ وادی ہنٛدِس بٔٹھِس پٮ۪ٹھ چُھ۔ تہٕ سُہ شہر یُس وادی منٛزباگ چُھ تہٕ تتھ منٛز چُھ مدیباہسؔ نزدیک تٔھدؠ مٲدٲنی علاقہٕ تہِ شٲمل۔17اتھ منٛز چھِ حسبونؔ تہٕ امِکؠ سٲری شہر تہِ شٲمل یِم پلیٹو وسؔ منٛز چھِ۔ یِمن منٛز دیبونؔ، بامات بعلؔ تہٕ بیت بعلؔ میونؔ تہِ شٲمل چھِ۔18تہٕ یحزؔ، کدیموتؔ، تہٕ مفاتؔ،19تہٕ قریتؔ یائمؔ، تہٕ سبمہؔ تہٕ زارتؔ شہر یُس وادی منٛز أکِس کوہس پٮ۪ٹھ چُھم۔20اتھ علاقس منٛز چھِ بیت فعورؔ، کوہ پِسگہ ہٕکؠ ڈھلوانؔ، بیت یسیموتؔ،21پلیٹووسؔ سٟتؠ واقع سٲری شہر تہٕ امورؠؔ ین ہنٛدؠ بادشاہ سیحونُک سورےٕ رازُت تہِ شٲمل یمؠ تتہِ حسبونسؔ منٛز راج اوس کوٚرمُت، یۅسہ موسیٰؔ ہن کٔر۔ مِدیان کٮ۪ن زِٹھٮ۪ن سٲتؠ ہورُن یِم سیحونٕکؠ بادشاہ عویؔ، رقمؔ، صُورؔ، حورؔ تہٕ ربعؔ ٲسؠ یِم تتہِ راج ٲسؠ کران۔22اسرائیل یو مور بعورؔ سُنٛد نیٚچو بلعامؔ تلوارِ سٟتؠ، یُس پیشن گویی کران اوس۔ اسرائیل یو مٲرؠ باقی لوٗکھ تہِ تلوارِ سٟتؠ۔23روبن خاندان کٮ۪ن کوٗکن ہُند سرحد چُھ دریائے یردن۔ یہِ اوس سُہ میراث یُس روبن کٮ۪ن کوٗکن دِتمُت اوسُکھ۔ تہٕ ٲسٕکھ تہنٛدٮ۪ن سارِنےٕ خاندانن دِژمٕژ۔ تِم رودؠ تتہِ پننٮ۪ن شہرن تہٕ گامن منٛز۔24موسیٰؔ ہن دِژ جد کٮ۪ن خاندانن، جادکٮ۪ن لوٗکن تہِ زمین، تہٕ یہنٛدٮ۪ن خاندانن منٛز دِژٕکھ سۅ زمین پرٮ۪تھ کٲنٛسہِ یتھ پٮ۪ٹھ تِمن روزنٕچ ضرورت ٲس۔25تِم ٲسؠ روزان یعزیرؔ س نکھہٕ جلعاد کٮ۪ن سارنےٕ شہرن منٛز تہٕ نیصف ملکس منٛز ییٚتہِ عمونیؔ روزان ٲسؠ، عروعیرؔ تام یُس ربہؔ کہِ مشرقس منٛز اکھ شہر چُھ۔26تہنٛز زمیٖن ٲس حسبونؔ پٮ۪ٹھٕ رامت المصفاہؔ تہٕ بطُونیم تام پھٔلِتھ، محنایمؔ تہٕ دبِیرؔ علاقس تام۔27تہنٛز زمین تہِ ٲس وادی منٛز: بیت حرم بیت نمرہؔ تہٕ سُکات تہٕ صفون یعنی حسبوؔنُک بادشاہ سیحون یُس حسبونُک بادشاہ اوس۔ تٔمؠ سُنٛد راج اوس دریائے یردنس متصل تہٕ دریائے یردن کہِ مشرقہٕ طرفہٕ بحیرہ گلیل کِس بونہِ مِس حِصس تام پھٔہلِتھ۔28یہِ چُھ جد کٮ۪ن لوٗکن ہُنٛد میراث یُس تِمن دیُتمُکھ اوسُکھ تہنٛدٮ۪ن خاندانن ہنٛزِ ضرورٔژ مطٲبق شہرن تہٕ گامن سان یٚتہِ تِم روزان ٲسؠ۔29موسیٰؔ ہن دِژ نیصف خاندانس زمین روزنہٕ باپتھ میراث رنگؠ۔ یہِ دِتُکھ منسیؔ کِس أڈِس خاندانس تہنٛزٕ و ضرورژو مطٲبق۔30تُہنٛد علاقہٕ اوس محنایمؔ تام، بشمول بسنُک سورےٕ علاقہٕ، بسنکِس بادشاہ عوجؔ سنٛز سٲرےٕ سلطنت تہٕ یائیرٕکؠؔ تمام سٲری شہر یِ بسنس منٛز چھِ۔ اتھ علاقس منٛز ٲسؠ شیٹھ شہر۔31اہنٛزِ زمیٖنہِ منٛز اوس جلعادُکؔ اوٚڈ علاقہٕ تہِ شٲمل تہٕ سٟتؠ عستارات تہٕ ادرئیکؠ شہر، کُنہِ کُنہِ ساعتہٕ ٲسؠ یِمن بسنس منٛز عوجِکؠ شٲہی شہر تہِ ونان۔ یِم ٲسِکھ منسیؔ سنٛدِس نیٚچوِس مکیر سنٛدٮ۪ن لوٗکن عطا کٔرؠ مٕتؠ، تہٕ اتھ منٛز ٲسؠ مکِیر سنٛدؠ أڈؠ اولاد شٲمل، یِم اہنٛدِ ضروٗرژٕ مطٲبق پننٮ۪ن خاندانن خٲطرٕ مقرر ٲسِکھ کٔرمٕتؠ۔32یہِم آسہ تِم زمیٖنہٕ یِم موسیٰؔ ہن اسرائیل ین موآبؔ کِس مٲدانس منٛز بٲگراوِ، ییٚلہِ تِم بلکل یریحوؔ کِس مشرقس منٛز یردن اپارِ ٲسؠ۔33مگر لاوی سٕنٛدِس خاندانس دیُت نہٕ موسیٰؔ ہن کانٛہہ میراث۔ یہُوواہؔ، یُس اسرائیل ین ہُنٛد خدا چُھ، کوٚر یِمن سٟتؠ وعدہ زِ سُہ آسہ یہُنٛد میراث۔
Bridge Connectivity Solutions Pvt. Ltd.