یوحنا4
1کینژِ کٲلؠ بوز فریسِیو زِ یسوعسؔ چھِ بیشان ژٔرؠ شٲگرد بپتسمہ دِنہٕ وٲلِس جان یوحنا سنٛدِ کھۅتہٕ تہٕ سُہ چُھ یوحنا سٕنٛدِ کھۅتہٕ زیادٕ لوٗکن بپتسمہ دِوان۔ یسوعسؔ سپدیا و تپِ معلوم زِ فرِیسِیو بوز یہِ سورےٕ۔2ژکہِ اوس نہٕ یسوعؔ کٲنٛسہِ بپتسمہ دِوان بلکہ ٲسؠ امسنٛدؠ شٲگرد یہِ کٲم گلیل تہٕ یہُوداہسؔ منز کران۔3ییٚلہِ تٔمؠ بوز زِ فرِیسِی چھِ یہِ زانان۔ یسوعنؔ تروو یہُوداؔ علاقہٕ تہِ پھیور واپس اکہ لٹہِ بیٚیہِ گلیل کُن۔4مگر گلیل کُن واپس پھیرنہٕ باپتھ اوس أمِس سامریہ کہِ علاقہٕ منٛزؠ نیرن۔5لہٰذا وٲتؠ یِم سامریہ کِس علاقس سُوخارؔ شہرٕ منٛزؠ۔ سُوخارؔ اوس تتھ زمیٖنہِ ٹُکرس نکھے یُس یعقوبؔن برونٛہہ کالہِ یوسفسؔ بخُش مُت اوس۔6یعقوبؔ سُنٛد کریوٗر تہِ اوس أتی۔ سُوخارؔ واتان واتان اوس یسوعؔ امہِ زیٹھِ سفرٕ کِنؠ واریاہ تھوٚکھمُت۔ اوے بیوٹھ سُہ یعقوبؔ سٕنٛدِس کریٖرِس نکھے موس کڑنہِ۔ یہِ اوس ؤنؠ دوٚپہرچہِ باہ بجے۔7اکھ سامریہ زنان آیہِ اتھ کریٖرِس پٮ۪ٹھ اتھ منز رز گٔنِڈِتھ بالٹین ترٲوِتھ آب کڑنہٕ باپتھ۔ یسوعنؔ ووٚن أمِس، "مہربٲنی کٔرِتھ دِ مٮ۪تہِ تریشہِ داما۔8تٔمؠ ووٚن أمِس زنانہِ تکیازِ تسنٛد شٲگرد ٲسؠ تس أتی ترٲوِتھ شہر کُن کینٛہہ کھیٚن چٮ۪ن مٔلؠ اننہِ گٲمٕتؠ۔9تہٕ امہِ سمرٲتؠ زنانہِ ووٚن یسوعسؔ، "بہٕ چُھس حٲران زِ اکھ یہُودؠ چُھ مےٚ أکِس سامرٲتؠ زنانہِ تریش منٛگان۔" تٔمؠ ووٚن أمِس یہِ تکیازِ یہُودؠ ٲسؠ نہٕ سمراتٮ۪ن سٟتؠ کانٛہہ یُتھ تیُتھ واٹھ تھاوان یا ہیوٚن دیُن کران۔10یسوعنؔ ووٚن أمِس زنانہِ یورٕ، "یوٚدوے ژےٚ خبر ٲسؠ خدا کُس الفام چُھے ژےٚ دِنہٕ وول تہٕ ژٕ یہِ زانہکھ یہِ تیش منٛگن وول کوٚس چھےٚ تیٚلہِ منٛگہ ہکھ ژٕ مےٚ اورَے تریش تہٕ بہٕ دِمہٕ ہَے ژےٚ آبہِ حیات۔11امہِ زنانہِ ووٚنُس اور، "جناب توٚہہِ چُھنہٕ کانٛہہ آبہٕ باپتھ بانہٕ تہِ۔ یہِ کریور چُھ واریاہ سروٚن۔ توٚہؠ کِتھہٕ پٲٹھؠ کٔڑیٚو یہِ زندگی دِنہٕ وول آب یمہِ کریرِ منٛزٕ۔12ژٕ ما چُھکھ سٲنِس ببس یعقوبسؔ کھٔسِتھ تہِ کینٛہہ؟ تٔمؠ کھوٚن یہِ کریور تہٕ بخشُن اسہِ۔ أسؠ سٲری تسٕنٛدؠ زُرے، یِم چاروٲے بیترِ چھِ یمہِ کریریُک آب چٮ۪وان تہٕ ورتاوان۔13یسوعنؔ ووٚنُس یور، "یمہِ کریریُک آب چٮ۪نہٕ وول روزِ چٮ۪تھ تہِ تریشہٕ ہوٚتےٕ۔ سُہ ژھارِ بیٚیہِ تہٕ بٚیہِ تریش۔14مگر سُہ کانٛہہ نفر یُس سۅ تریش چیٚیہِ یۅسہ بہٕ دِمس ژھارِ نہٕ زانہٛہ تہِ دُبارٕ تریش۔ بلکہ یۅسہ تریش بہٕ چاون روزٮ۪س انٛدرؠ کِنؠ ناگہٕ رادکؠ پٲٹھؠ وزٕوُنؠ تہٕ تھاوٮ۪س ہمیشہٕ ہمیشہٕ باپتھ زنٛد آسمانن منٛز جنتس منٛز۔15زنانہِ ووٚن یسوعسؔ، "جناب دیا کٔریو۔ مےٚ دِیو یہِ تریش تاکہِ مےٚ لگہ نہٕ زانہٛہ تہِ دُبارٕ تریش تہٕ نَہ پیٚی، یتھ کریرِس پٮ۪ٹھ دُبارٕ آب کڑنہِ یُن۔16یسوعنؔ ووٚن أمِس زنانہِ، "نیر انُن پنُن خاندار مےٚ نِش سٟتؠ۔"17زنانہِ ووٚنُس اورٕ، "مےٚ چُھنہٕ خاندارےٕ" یسوعن ووٚن أمِس ژٕ چُھکھ پوٚز ونان زِ ژےٚ چھی نہٕ خاندار،18یسوعنؔ ووٚنُس، "ژےٚ ووٚنُتھ صحیح زِ ژےٚ چُھےٕ نہٕ کانٛہہ اکھ خاندار۔ ژےٚ چُھے نہٕ اکھ بلکہ پانٛژھ خاندار۔ تہٕ یس سٟتؠ ژٕ یہِ ازکل روزان چُھکھ وٲتی نہٕ ژےٚ خاندار۔ لہٰذا چُھ وچون یہِ ونُن صحیح زِ ژےٚ چُھےٕ نہٕ کانٛہہ اکھ خاندار۔19زنانہِ ووٚنُس اورٕ، "جناب۔ مےٚ چُھ تگان بوزُن زِ توٚہؠ چُھو نبی۔20سٲنؠ جد ٲسؠ یتھ بالس پٮ۪ٹھ خدایہِ سنٛز عبادت کران۔ مگر توٚہؠ یہُودؠ چُھو ونان زِ اسہِ پزِ خدایہِ سنٛز عبادت تہنٛدِ یروشلمہٕؔ کرٕنؠ۔ 21یسوعنؔ ووٚن أمِس، "خوتون جی۔ پژھ کرِ۔ ؤلؠ ؤلؠ واتہِ سُہ دوٚہہ ییٚلہِ توٚہؠ نَہ یتھ بالس پٮ۪ٹھ تہٕ نَہ یروشلمہٕؔ مٲلس خدایہِ سنٛز عبادت کٔریٚو۔22توٚہؠ لوٗکھ چُھو ییٚتہِ سمریس منٛز تمِس خدایہِ سنٛز عبادت کران یمِس نہٕ توٚہؠ زٲنؠ وٕے۔ أسؠ یہُودؠ چھِ تمِس خدایہِ سنٛز عبادت کران یمِس أسؠ زانو۔ یی چُھ پوٚز۔ تکیازِ گُنہو نِشہ بچاوس وتھ چھےٚ نیران یہُودیت پیٚٹھےَ۔ 23بہرحال وق چُھ واتن وول۔ اکھتُے چُھ آمُت ییٚلہِ خدایس پزنہٕ پٲٹھؠ عبادت کرن وٲلؠ مٲلؠ سنٛز عبادت روح تہٕ پزرٕ سان کرن۔ تکیازِ مول چُھ بے شک تمن ژھاران روزان یِم یتھٕ پٲٹھؠ امہِ پزرٕ تس سنٛز عبادت کرن۔24خدا چُھ اکھ روحٲنی آسن۔ تہٕ تم یم أمِس عبادت کرن گژھن روحٲنی تہٕ حقیقی طور خدایہِ سنٛز عبادت کرٕنؠ۔25زنانہِ ووٚن یسوعسؔ، "بٕ چھس زانان زِ مسیحؔ چُھ یِنہٕ وول۔ سُہ چُھ یونٲنؠ زبٲنؠ منٛز کرایسٹ۔ ییٚلہِ سُہ ییہِ سُہ ونہِ اسہِ پرٮ۪تھ کینٛہ چیز۔ یِتہِ اسہِ زاننچ ضرورت آسہ۔26یسوعنؔ ووٚن تمِس، "بےٕ چھس ژےٚ سٟتؠ وُنکٮ۪س کتھ کران وول سُہ مسیحؔ27امہِ وزِ وٲتؠ یسوعؔ سنٛدؠ شٲگرد شہرٕ پٮ۪ٹھٕ واپس۔ تِم گے حٲران یسوعسؔ أکِس زنانہِ سٟتؠ کتھ کران وُچِھتھ۔ مگر کٲنٛسہِ تہِ ووٚتھ نہٕ خیال یہِ وننُک زِ أمِس زنہِ سٟتؠ کیاہ یارز چھےَ ژےٚ۔ سُہ کیازِ چُھ أمِس وۅپر تنہا زنہِ سٟتؠ کتھٕ کران۔28امہِ زنانہِ تروو امی وزِ پنُن آبہٕ مٹھ أتی تہٕ آیہِ شہر کُن واپس۔ تمہِ ووٚن شہرکٮ۪ن لوٗکن،29"ہے ؤلِو سمکِھو تمِس شخصس یمؠ مےٚ پنُن سورےٕ کوٚڑمُت کرووٕمُت ووٚن۔ کیاہ یہِ ہیٚکیا مسیحؔ ٲسِتھ کنہٕ نَہ؟30یِم شہرٕکؠ لوٗکھ آے امی وزِ پننیٚو جایو پٮ۪ٹھٕ ؤتھِتھ تہٕ وٲتؠ یسوعسؔ نِش۔31سۅ زنان نیرنہٕ پتہٕ کوٚر یسوعسؔ پننیٚو شاگردو یِم شہرٕ پٮ۪ٹھٕ کینٛہہ کھیٚن چٮ۪ن ہٮ۪تھ آمٕتؠ ٲسؠ التجا کینٛہہ کھیٚنہٕ چٮ۪نہٕ باپتھ۔ تِمو ووٚنُس، "استاد مہربٲنی کٔرِتھ کھیٚیِو کینٛہہ سا۔"32یسوعنؔ ونُکھ یورٕ، "مےٚ چُھ کھیٚنہٕ باپتھ واریاہ یِنہٕ توٚہؠ زنان چُھو۔33یِمو شاگردو لوگ اکھ أکِس ونُن، "سُہ کُس بیاکھ کانٛہہ آسہ یُس أمِس کینٛہہ کھیٚنہٕ باپتھ انِتھ ہیٚکہِ۔ آسیا کانٛہہ؟34یسوعنؔ ووٚن یِمن، "مےٚ چھِ پوشن دِوان یہِ کتھ یوٚسہٕ مےٚ تہٕ میٲنِس درمیان چھےٚ۔ یمؠ بہٕ یور سوزُس۔ تاکہِ بہٕ کرٕ ببہٕ سنٛز کٲم پوٗرٕ۔35بوزِو۔ وریہ کِس یتھ کالس منٛز چُھو توٚہؠ عام پٲٹھؠ بوزان۔ ہے۔ ؤنؠ رودؠ چھرا رٮ۪تھ ژورے، ییٚلہِ أسؠ پنُن فصل لونو۔ ژٮ۪تھ دِتھ بوزِو بہٕ کیاہ چُھسو ونان۔ یِم لوٗکھُ چھِ زٲنؠ تو تِم کھاہ یِم فصل لوننہٕ باپتھ تیار چھِ۔36تِم یِم فصل لونن رٹن امہِ لوننُک ماوضہٕ تہٕ من پھل۔ تہٕ گو لوٗکھ پراون ابدی زندگی۔ امیٚک بیاکھ نتیجہٕ چُھ یہِ زِ یمو امیٚک بیول وو تہٕ یِمو یہِ فصل لوٚن آسن دۅشوے یِکہٕ وٹہٕ خوش۔37یہِ بہٕ توٚہہِ ونُن چُھس یژھان تہِ چُھ پوٚز۔ اکھ زوٚن چُھ بیول ووان تہٕ بیاکھ چُھ لوٚنان امیٚک فصل۔ 38بہٕ چُھس توٚہہِ پننٮ۪ن شٲگردن یہِ فصل وٹنہِ سوزان یُس نہٕ توٚہہِ وو کینٛہہ۔ باقیو چُھ یہِ فصل وونہٕ باپتھ سٮ۪ٹھا حُکھمت تہٕ توٚہؠ چُھو وُنؠ یمن لوننچہِ کامہِ منٛز سادان۔39سُوخارؔ کہِ امہِ شہرٕکؠ واریاہ سامرٲتؠ لوٗکن پٮ۪ٹھ أمِس زنانہِ ہنٛدس وننس پٮ۪ٹھ یسوعؔ سنٛز پژھ۔ تٔمؠ ووٚن یِمن لوٗکن، "یسوعنؔ ونہِ مےٚ پننہِ کرمژٕ واریاہ کِتھہٕ۔40ییٚلہِ یِم سامرٲتؠ یسوعسؔ نِش وٲتؠ تِمو ووٚن تمِس تمنےٕ سٟتؠ روزنہٕ باپتھ۔ اوے رود یسوعؔ یمن نِش دوٚن دوٚہُن۔41أمؠ سُنٛد کلام بوزِتھ بیٹھؠ بیٚیہِ تہِ واریہن سمرٲتؠ لوٗکن امؠ سنٛز پژھ۔42یمو شہر باشو ووٚن أمِس زنانہ، "أسؠ چھِ ؤنؠ یسوعسؔ پٮ۪ٹھ پژھ کران۔ اوٕ کِنؠ نہٕ زِ ژےٚ ووٚنُتھ اسہِ أمِس متعلق۔ أسؠ چھِ أمِس پٮ۪ٹھ پژھ کران تکیازِ اسہِ بوز پانہٕ أمؠ سُنٛد کلام تہٕ پٲغام۔ اسہِ چُھ پوٗرٕ پوٗرٕ یقین زِ یوٚہے چُھ پٔزؠ پٲٹھؠ سُہ انسان یُس یتھ دُنیاہس گُنہَو نِشہ بچاوِ۔43دوٚن دوٚہُن سمرٲتیٚن سٟتؠ أتی روزِنہٕ پتہٕ دراو یسوعؔ سُوخارؔ پٮ۪ٹھٕ تہٕ ژاو گلیل ہنٛدِس علاقس منٛز۔44یسوعؔ اوس گلیل کُن اوٕ کِنؠ گژھُن یژھان زِ تٔمؠ اوس پانے یہِ ووٚنمُت تہٕ یقیناً پوٚز زِ أکِس نبیس چُھنہٕ پننہِ زیٚنہٕ شہر عزت تہٕ مرتبہٕ میلان۔ تہٕ سُہ اوسنہٕ شہرُت تہِ یژھان۔45چونکہِ یی چُھ پوٚز۔ ییٚلہِ سُہ گلیل ہنٛدِس علاقس منٛز ووت واریہو لوٗکو کوٚر تمِس سرسری خوش آوے تکیازِ تِمو ٲسؠ یسوعؔ سٕنٛدؠ سٲری کارنامہٕ وُچھمٕتؠ یِم تٔمؠ یروشلم منٛز حال حالے عید ہنٛدِس موقعس پٮ۪ٹھ انجام دِتؠ مٕتؠ ٲسؠ۔46امہِ پتہٕ گو یسوعؔ واپس گلیل ہنٛدس قانا قصبس منٛز۔ یتہِ زن امؠ کرامژ سٟتؠ آبس شراب بنوومُت اوس۔ اتہِ اوس نکھے کفرنحوم شہرس منٛز بادشاہ سُنٛد اکھ حٲکم روزان یمسُنٛد نیٚچو سخ علیل اوس۔47ییٚلہِ أمؠ بادشاہ سٕنٛدؠ حٲکمن یسوعسؔ متعلق یہِ بوز زِ سُہ چُھ یہُوداؔ پٮ۪ٹھٕ واپس گلیل آمُت سُہ گو یسوعسؔ نِش قناؔ قصبس منٛز تہٕ ووٚنُن أمِس کفرؔنحُوم ینہٕ باپتھ تہٕ تسُنٛد نیٚچو امہِ بٮ۪مارِ نِشہ بٔلراونہٕ باپتھ۔ نتہٕ مرِہے تسُنٛد نیٚچو جلدےٕ۔48یسوعنؔ ووٚن أمِس، "توٚہہِ ہیوؠ لوٗکھ کٔرِو تیٚلہِ مےٚ پٮ۪ٹھ پژھ ییٚلہِ بہٕ تہنٛدِ باپتھ کانٛہہ کرامت کرٕ!"49بادشاہ سٕنٛدؠ ملٲزمن ووٚنُس یورٕ، "جناب مےٚ سٟتؠ بنیو کفرؔنحُوم امہِ برونٛہہ زِ میون نیٚچو گژھِ مٔرِتھ۔50یسوعنؔ ووٚنُس، "نیر گژھِ گرٕ۔ چون نیٚچو روزِ زِنٛدٕ۔ أمؠ نفرن کٔر یسوعسؔ پٮ۪ٹھ پژھ تہٕ أمؠ لوگ گرٕ کُن پکُن۔51ییٚلہِ زن یہِ ملٲزم پنُن گرٕ کفرؔنحُوم کُن پکان اوس تس میلیاے تٔتی پنٕنؠ خٲدم تہٕ وونہٕ ہس، "چون نیٚچو ہیٚوتُن زندگی کُن پھیرُن۔ سُہ روزِ زندٕ۔52تٔمؠ پرُوژھ یمن پننٮ۪ن خٲدمن، "سُہ کرِ ہیٚوتُن زندگی کُن پھیرُن" تِمو ووٚنُس اورٕ "اِکھ بجے رٲژ پٮ۪ٹھٕ ہیٚوتُن تس تف وسُن۔53مٲلِس توٚگ بوزُن زِ تسُنٛد نیٚچو ہیٚوتُن بلُن برابر تِمے وقتہٕ پٮ۪ٹھٕ ییٚلہِ یسوعنؔ تس ووٚن زِ تسُنٛد نیٚچو روزِ زندٕ۔ اوے تہِ لٲجؠ أمؠ نفرن تہٕ امسنٛدیٚو باقیو گرٕ بٲژَو یسوعس پٮ۪ٹھ پژھ کرٕنؠ۔54یہِ اوس دوٚیِم یوٚت بوٚڈ معجزٕ یُس یسوعنؔ کوٚر۔ تٔمؠ کوٚر یہِ معجزٕ تمہِ وزِ ییٚلہِ یسوعؔ یہُوداؔ پٮ۪ٹھٕ گلیل ہنٛدِس علاقس منٛز آو۔
Bridge Connectivity Solutions Pvt. Ltd.