یوحنا3
1اکھ شخصا اوس نِیکُدِیمُسؔ ناوُک۔ سُہ اوس یہودٮ۪ن ہنٛدِ اکہ شِٹھٕ مذہبی فرقُک، یعنی فریسی جمٲژ ہُنٛد اکھ رکنُ۔ سُہ اوس اعلیٰ یہُودؠ انتظٲمی مشاورتُک تہِ اکھ رکُن۔2سُہ آو اکہ رٲژ یسوعسؔ سمکھنہِ۔ تٔمؠ ووٚن یسوعسؔ، "استاد۔ اسہِ چھےٚ پتاہ ژٕ چُھکھ خدایہِ سٕنٛدِ طرفہٕ مقرر آمُت کرنہٕ رہبر۔ أسؠ چھِ یہِ پوٗرٕ زانان زَ یِم تہِ یِتھؠ معجزٕ ہیٚکنہٕ کانٛہہ تہِ ہٲوِتھ خدایہِ سٕنٛدِ مدتہٕ ورٲے۔3پتہٕ ووٚن یسوعنؔ نِیکُدِیمُسؔ، "بہٕ چُھسے پزَر ونان۔ کہینؠ تہِ ہیٚکہِ نہٕ توٚت أژتھ یتہِ پانہٕ خدا رٲج کران آسہ یوٚتام خداین کرنٲیِو توٚہؠ نوِ زاینُک تجربہٕ۔4نِیکُدِیمُسؔ ووٚن تمِس، "کانٛہہ تہِ زوٚن کِتھٕ پٲٹھؠ ہیٚکہِ دُبارٕ زندٕ گٔژھِتھ ییٚلہِ سُہ بُجرس ووتمُت آسہ۔ کانٛہہ تہِ ہیٚکہِ نہٕ پننہِ ماجہِ ہِنٛدِس رحمس منٛز أژتھ تہٕ ہیٚکہِ نہٕ دوٚیمہِ لَٹہِ زیٚوِتھ!"5یسوعنؔ ووٚنُس، "بہٕ چُھسے پوٚز ونان۔ کانٛہہ تہِ ہیٚکہِ نہٕ خدا سنٛزِ پادشٲہی منٛز دٲخل گٔژھِتھ یوٚتام نہٕ سُہ آبہٕ تہٕ روح سٟتؠ دُبارٕ پٲدٕ گژھِ۔6ییٚلہ اکھ انسان کانٛسہِ بیٚیِس زنم دییہِ سُہ زیٚنہٕ وول تہِ چُھ انسانےٕ آسان۔ مگر یِم زن خدایہِ سٕنٛدِ روح سٟتؠ دُبارٕ زنم پراون تمن ہنٛز فطرت چھےٚ بلکل الگ تہٕ بِدون آسان یۅسہٕ فطرت خدا یمن انٛدرے پٲدٕ کران چُھ۔7حٲران مٕہ گژھِ تکیازِ مےٚ وۅنےٕ ژےٚ زِ خداین کرنٲیِو توٚہؠ نوِ زاینُک تجربہٕ۔8زنتہٕ روح القدس چُھ اکھ واو بس یتہِ یٮ۪ژھِ تہٕ تتہِ ہیٚکہِ پھیرِتھ تھورِتھ۔ اگر ژٕ امہِ واوٕچ آواز بوزِتھ ہیٚککھ مگر امیٚک آگُر یا منٛزل ہیٚککھ نہٕ زٲنِتھ۔ یتھٕ پٲٹھؠ زن ژٕ یہِ زٲنِتھ ہیٚککھ نہٕ تِتھے پٲٹھؠ ہیٚککھ نہِ یتہِ زٲنِتھ زِ خدایہِ سٕنٛدِ روحچہِ عملہِ سٟتؠ کِتھہٕ پٲٹھؠ چُھ کانٛہہ دُبارٕ زایُن لبان۔ 9نِیکُدِیمُسؔ پرُژھُس بیٚیہِ، "یہِ کِتھہٕ پٲٹھؠ چُھ ممکن؟"10یسوعنؔ ووٚنُس، "ژٕ چُھکھ اسرائیل ین منٛز اکھ مذہبی رہبر کاہن لہٰذا پزی ژےٚ پانہٕ زانُن زِ بہٕ کیاہ چُھسے ونان۔11بہٕ چُھسے ژےٚ پوٚز ونان: بہٕ تہٕ میٲنؠ شٲگرد چھِ تِمے کتھہٕ ونان یِمن أسؠ پوٚز زانان چھِ، تہٕ أسؠ چھِ توٚہہِ تِمن چیزن متعلق ونان یِم اسہِ وُچھمٕتؠ چھِ۔ تمہِ پتہٕ تہِ چُھو توٚہؠ لوٗکھ یِمن أسؠ یِمہٕ چیز ونان چھِ تہِ رد کران یہِ أسؠ ونان چھِ۔12چونکہِ توٚہؠ لوٗکھ چُھو نہٕ تتھ پژھ کران یہِ بہٕ ونان چُھس ییٚلہِ بہٕ توٚہہِ ونہٕ زِ یہِ یتھ بُترٲژ پٮ۪ٹھ کیاہ چُھ سپدان، توٚہؠ کٔریٚو نہٕ یقیٖنن تتھ پٮ۪ٹھ تہِ پژھ ییٚلہِ بہٕ ونہ توٚہہِ تِمن چیزن متلق یہِ آسمانن پٮ۪ٹھ گژھان چُھ۔ 13بہٕ ابنِ آدمؔ چُھس سُہ کُنے زوٚن یُس آسمانن کھوٚت تہٕ بہٕ چُھس سُہ کُنے زوٚن یُس تورٕ آسمانو پٮ۪ٹھٕ بُترٲژ پٮ۪ٹھ ووٚتھ۔14وقتا گو ییٚلہِ اسرائیلی دربدر پھیران ٲسؠ بیابانن منٛز۔ موسیٰؔ ہنؔ تُل اکھ سرتلہِ ہُنٛد نمونہٕ أکِس زہردار سرفہٕ سُنٛد۔ أکِس لٲنٛز پٮ۪ٹھ پننس عصاہس پٮ۪ٹھ، پتہٕ ساروےٕ اتھ کن نظر ترٲوؠ تِم بچییہِ سرفو نِشہ۔ یِتھے پٲٹھؠ پزِ لوٗکن بہٕ آدمؔ سُنٛد گۅبُر تہِ تلُن صلیبہِ پٮ۪ٹھ۔ 15تِم تُلن مےٚ تاکہِ یُس تہِ ہیٚور کُن وُچھِ تہٕ مےٚ پٮ۪ٹھ یٮ۪ژھِ تہٕ پژھِ تھاوِ آسہ ہمیشہٕ باپتھ مےٚ سٟتؠ زندٕ۔16تکیازِ خدا چُھ سٟتؠ یمہِ دُنیہکٮ۪ن لوٗکن تہٕ تیتہہٕ پٲٹھؠ لول کران زِ تٔمؠ دیُت پنُن کُن گۅبُر زِ یُس تہِ أمِس پٮ۪ٹھ پژھ تھاوِ سُہ مَرِ نہٕ زانہٛہ تہٕ پراوِ پوشوٕنؠ زندگی۔17یہِ چُھ پوٚز خداین سوزُس نہٕ بہٕ آدمؔ سُنٛد گۅبُر پ دُنیہکٮ۪ن لوٗکن گناہ گار ٹھہراونہٕ باپتھ بلکہ سوزُس بہٕ خداین یمہِ دُنیہکٮ۪ن لوٗکن نجات بخشنہ۔18خدا چُھنہٕ تس کٲنٛسہِ تہِ گناہ گار ٹھہراوان یُس تسٕنٛدِس نیٚچوِس پٮ۪ٹھ ایمان انہِ۔ مگر تِم لوٗکھ چھِ تمہِ برونٛہےٕ گناہ گار گنٛزرؠ مٕتؠ یِم تسٕنٛدِس نیٚچوِس پٮ۪ٹھ ایمان انُن نہٕ۔19خدایہِ سُنٛد فرمان چُھ سُہ یس چُھ نور ژاو یتھ بُترٲژ منٛز مگر لوٗکھ چھِ مازان انہِ گٹہِ تہٕ کران تہِ چھِ، گٹہٕ کارےٕ۔20یِم لوٗکھ چھِ انہِ گٔٹِس کوٚمہٕ کران تہٕ سُہ شخص یس لٔگؠ تھےٕ ہٮ۪چھ کامہ کرِ چُھ گاشلس دےٕ کران تہٕ پراوان نہٕ نور تہِ زانہٛہ۔ یِم ھِ گاشس نِش ژلان زِ گاش ما تُلہِ تہنٛدِس کارس ووٚرُن۔21مگر سُہ شخص یُس لٔگؠ تھےٕ پوٚز کار کرِ پزرس ما زِ چُھ چھیکرس گاس منٛڈلسےٕ واتان۔ نورس پراوان تاکہِ یہِ گاش کرِ روشن تہٕ انہِ سٲرسےٕ دیدمان برونٛہہ کُن تتھ رٕتِس کارس یُس سُہ کران چُھ تاکہِ سٲری زانن زِ خدا چُھ أمِس شخصس پننس نیک کارس منٛز مدد کران۔22ییٚلہِ یوٗتاہ کینٛہہ سپُد۔ یسوعؔ تہٕ تسٕنٛدؠ شٲگرد ژاے یہُوداؔ کِس علاقس منٛز۔ اتہِ رود سُہ کیونٛژ کالےٕ پننٮ۪ن شٲگردن سان تہٕ دیتن واریہن لوٗکن بپتسمہ۔23بپتسمہ دِنہٕ وول یوحنا تہِ اوس عینون شہرس نکھٕ لوٗکن بپتسمہ دِوان، یُس سامریا کس علاقس منٛز سالم قصبس نکھہٕ چُھ۔ سُہ اوس اتہِ لوٗکن بپتسمہ دوان تکیازِ اتہِ اوس واریاہ آب دستیاب تہٕ لوٗکھ ٲسؠ لٔگؠ تھےٕ یوحناہسؔ نِش بپتسمہ باپتھ واتان۔24یوحنا اوس یہِ اوٕ کِنؠ ہیٚکان کٔرِتھ تکیازِ تسنٛدیو دُشمنو اوس نہٕ سُہ وُنہِ قٲد خانس بوٚرمُت۔25پتہٕ کوٚر یوحنا سنٛدیو کینٛژھو شاگردو أکس یہُودؠ نفرس سٟتؠ یہُودؠ مذہبی قانونن مُتعلِق بحث شروع۔26بحث کرن وٲلؠ آے یوحناہسؔ نِش تہٕ وۅنہٕ ہس۔ اُستاد۔ اکھ زوٚن یُس ژےٚ سٟتؠ اوس ییٚلہِ ژےٚ لوٗکن دریایہِ یردنس اپارِ بپتسمہ دِوان اوسُکھ تہٕ ژےٚ ٲسٕتھ اسہِ تس سنٛز پرٮ۪زنتھ تہِ دِژمٕژ۔ چُھ ؤنؠ پانہٕ تہِ لوٗکن بپتسمہ دِوان تہٕ لوٗکھ چھِ تٔسؠ کُن لاران۔27یوحناؔہن ونُکھ یور، "کانٛہہ تہِ پرواہ نہٕ کینٛہہ یوٚتام نہٕ خدا تس دِیہ۔28توٚہؠ چُھو پٔزؠ پٲٹھؠ میٲنؠ گواہ زِ بہٕ چُھس نہٕ پانہٕ مسیحؔ مگر بہٕ چُھس خداین مسیحؔ ہس برونٛہہ برونٛہہ سوزمُت۔ 29مہرِنؠ چھےٚ مہبادشاہ سنٛز۔ زٲنؠ تو بہٕ چُھس مہبادشاہ سُنٛد یار۔ بہٕ چُھس تس نکھہٕ تہٕ تسُنٛد کُن تہٕ بہٕ چُھس خوش زِ بہٕ چُھس مہبادشاہ سنٛز آواز بوزان۔ چونکہِ مہرِنؠ چھےٚ مہرازس میلن واجِنؠ۔ بہٕ چُھس سٮ۪ٹھا سٮ۪ٹھا خوش۔30مہرازٕ یسوعؔ گژھِ زیادٕ کھۅتہٕ زیادٕ با اثر بنُن تہٕ بہٕ مہرازٕ سُنٛد یار گژھہِ کمےٕ اثرٕ وول آسُن۔31یسوعؔ چُھ وسان آسمانہٕ تہٕ سُہ چُھ پرٮ۪تھ سٕنٛدِ تہٕ پرٮ۪تھ چیزٕ کھۅتہٕ زیادٕ عظیم۔ تِم یِم میٲنؠ پٲٹھؠ زمیٖنہِ پٮ۪ٹھ وۅپدییہِ ہیٚکن چھرا پننہِ نیٚو محدود زانکٲریو کِنؠ کتھ کٔرِتھ۔ یُس آسمانہٕ پٮ۪ٹھٕ یِوان چُھ سُہ چُھ زمینہِ پٮ۪ٹھ پرٮ۪تھ کٲنٛسہِ تہٕ پرٮ۪تھ کُنہِ چیزٕ کُۅتہٕ تھوٚد تہٕ بوٚڈ۔32یسوعؔ چُھ لوٗکن نوٚمن چیزن متعلق ونان یِم تٔمؠ پانہٕ وُچھ تہٕ بوزؠ آسمانن پٮ۪ٹھ۔ مگر چھرا چُھ کم قلیل لوٗکھےٕ امسنٛز کتھ قبول کران۔33بہرحال یسوعسؔ پٮ۪ٹھ پژھ تھاون وٲلؠ چھِ یتھ کتھِ تصدیق کران زِ خدا چُھ پٔزؠ یور تہٕ حق۔34تکیازِ یہِ یسوعؔ، یُس خداین یور سوز چُھ خدایہِ سُنٛد کلام دُہراوان۔ اسہِ چھےٚ خبر زِ سُہ چُھ خدایہ سُنٛدےٕ کلام ونان یقیناً چُھ خداین تمِس بے حسابہٕ تہٕ بے انتہا پٲٹھؠ پنُن روح بخشمُت، خداین یعنی مٲلؠ چُھ پننِس نیٚچوِس بے انتہا طاقت بخشمُت پرٮ۪تھ چیزس پٮ۪ٹھ۔35خدا یعنی مول چُھ گۅبرس سٟتؠ محبت کران تہٕ تٔمؠ چُھس نیٚچوِس پرٮ۪تھ چیزس پٮ۪ٹھ اختیار دیُتمُت۔36یُس تہِ خدایہِ سٕنٛدِس گۅبرس پٮ۪ٹھ پژھ تھاوِ لبہِ پوشہٕ وٕنؠ زندگی۔ یُس نہٕ خدایہِ سٕنٛدِ گۅبرس پٮ۪ٹھ پژھ تھاوِ تس میلہِ نہٕ پوشہٕ وُنؠ زندگی۔ خدا روزِ تس ہمیشہٕ ناراض۔
Bridge Connectivity Solutions Pvt. Ltd.