یوحنا2
1زٕ دوٚہہ گٔژھِتھ اوس گلیلی علاقس منٛز قانا ناوکِس قصبس منٛز اکھ خانٛدر۔ یسوعؔ سنٛز موج تہِ ٲس أتی2کٔمؠ تام پرُژھ یسوعسؔ تہٕ تسنٛدٮ۪ن شٲگردن تہِ دعوتس۔3میزبانو کوٚر مہمانن خاندرس منٛز شراب پیش تہٕ تِمو چیو سُہ سورےٕ شراب۔ یسوعنؔ ووٚن ماجہِ، "یمن مۅکلیو شرابے۔ مہربٲنی کٔرِتھ کر تہٕ یِمن امیٚک کانٛہہ سدِ باب۔ 4یسوعنؔ ووٚنُس یورٕ، "محترمہٕ اتھ معاملس کیاہ چُھے ژےٚ یا مےٚ کرُن۔ پنٕنؠ کٲم شروع کرنہٕ باپتھ سُہ خاص وقت ووت نہٕ وُنہِ۔5یسوعؔ سنٛزِ ماجہِ ووٚن خٲدمن، "تی کٔرِو یہِ کرُن یہِ ونیٚو۔"6اتہِ ٲسؠ شےٚ کنیٚو خٲلی مَٹھ۔ یِمن منٛز اوس آب تاکہِ لوٗکھ کرن یہُودؠ مذہبی رسمہٕ حسابہٕ پنٕنؠ صاف صفٲیی۔ پرٮ۪تھ مٹھس منٛز ہیٚکہِ ہے شیٖتہٕ پٮ۪ٹھٕ اَکھ ہَتھ تہٕ وُہہ لیٖٹر تام آب ویٚپِتھ۔7یسوعنؔ ووٚن خٲدمن، "یِمن مٹھن بٔریٚو آب۔ "لہٰذا بٔرؠ تِمو دٔنٛدرِ تام یِم مَٹھ آبہٕ سٟتؠ۔8امہِ پتہٕ ووٚنُن یِمن مزید، "ؤنؠ کٔڈیٚو کُنہِ مَٹھہٕ منٛز کینٛہہ آب تہٕ نِیو خاندرٕ دعوتس ہنٛدس انتظٲمس نِش" خٲدمو کوٚر یی۔9خانٛدرٕکؠ دعوتٕکؠ انتظٲمؠ وُچھ امیٚک مزٕ۔ یہِ اوس شراب بنیٚومُت۔ تس اوس نہٕ کانٛہہ زۅنےٕ یہِ شراب ٲخٕر آو کتہِ۔ گو زِ خٲدم یِمو مٹھہٕ منٛزٕ یہِ آب کوٚڈ ٲسؠ زانان۔ تٔمؠ اوٚن مہرازٕ پانس نِش ناد دیاوِتھ۔10تہٕ ووٚنُن مہرازس، "پرٮ۪تھ کانٛہہ میزبان چُھ رُت موٚۓ گۅڈٕ پیش کران تہٕ ادٕ کم درجُک ییٚلہِ پٔژھؠ پور شراب چٮ۪تھ نشس منٛز آمٕتؠ آسن تہٕ دون منٛز فرق کرنک تمیز کٔرِتھ ہیکن۔ مگر ژےٚ اوسُتھ بہتر موٚۓ ونیُک تام تُلتھےٕ تھوومُت۔11یہِ ٲس یسوعؔ سنٛزو کرامژو منٛزٕ گۅڈنِچ نشٲنی۔ یہِ کوٚر تٔمؠ قانا قصبس منٛز یُس گلیلی علاقس منٛز چُھ۔ اتہِ ہوو أمؠ زِ سُہ کوتاہ عظیم چُھ۔ امؠ سنٛدٮ۪ن شٲگردن بڈییہِ امؠ سنٛز پژھ مزید۔12امہِ پتہٕ گو یسوعؔ پنٕنؠ موج، بٲے تہٕ شٲگرد ہٮ۪تھ کفرنحوم قصبس منٛز تہٕ کینٛہہ دوٚہہ روٚدؠ أتی۔13یہودٮ۪ن ہنٛز عیدِ فسح ٲس کلس پٮ۪ٹھ۔ اوے دراو یسوعؔ یروشلم شہرس کُن۔ 14اتہِ وُچھ أمؠ ہیکل کِس صحنس منٛز لوٗکھ، کٹھ، گُپن تہٕ کوتر ہیٚوان کٕنان یہنٛز قۅربٲنی کرنہٕ باپتھ۔ بیٚیہِ وُچھ اتہِ أمؠ کینٛہہ زٔنؠ میزن نکھہٕ بہتھ پونٛسن ہُنٛد ہیوٚن دیُن کران ہیکل چہِ آمدنی ہندِ خٲطرٕ۔15أمؠ بنوو چرمہِ تلمن ہُنٛد قمچہٕ تہٕ کھٲلِن یِم سٲری کٹھ، گُپن ہٮ۪تھ ہیکل کہِ صحنہٕ منٛز پانے۔ تٔمؠ چھکؠ صرافن ہنٛدؠ پونٛسہٕ پتھرِس تہٕ کوٚرنکھ میزن تلُک پٮ۪ٹھ۔16تٔمؠ ووٚن کوتر کٕنن والیٚن "کٔریٚو دفع یِم کوتر ووتر یتہِ۔ میٲنِس مٲلؠ سُنٛد یہِ گرٕ مَہ بنٲؠ وُن بازر۔17أمؠ واقہٕ ہن پوو امؠ سنٛدٮ۪ن شٲگردن ژٮ۪تس کستام سنٛز کتھ یۅسہ پتھ کال کٮ۪ن صحیفن منٛز درج چھےٚ "بہٕ چُھس یتھ ہیکلس یوٗتاہ لول بران زِ بہٕ چُھس، میانہِ خدایہِ امہِ باپتھ مرنہٕ خٲطرٕ تیار۔" 18یہُودؠ زِٹھیٚو کٔر امہِ باپتھ یسوعسؔ پرٕژھٕ گٲر تہِ، "ژٕ کُس معجزٕ ہیٚککھ سانہِ خٲطرٕ کٔرتھ یہِ ثٲبت کرنہٕ خٲطرٕ زِ ژےٚ چُھے خدایہِ سنٛدِ طرفہٕ اختیار تِم چیز کرنُک یِم ژٕ کران چُھکھ؟"19یسوعنؔ ونُکھ درجواب، "یوٚدوے توٚہؠ یہِ ہیکل والیٚو بہٕ کھالن یہِ چھرا ترٮ۪ن دوٚہُن منٛز بیٚہِ۔20یہُودؠ زِٹھیٚو ووٚنُس یورٕ، "یتھ ہیکلس لٔگؠ شیٚہِ تٲجی ؤری بناونس۔ ژٕ چُھکھا ونان ژٕ بناوہن یہِ ترٮ۪ن دوٚہُن منٛزے۔21بحرہال یمہِ ہیکلچ یسوعؔ کتھ اوس کران سُہ اوس امسُنٛد پنُن آسُن۔ کانٛہہ خٲرجی مکان یا مندر نہٕ۔22یسوعؔ سُنٛد یہِ خاص بیان پیٚو ژٮ۪تس أمؠ سنٛدٮ۪ن شٲگردن ییٚلہِ خداین یسوعؔ پانس نِش مرنہٕ پتہٕ کھول۔ امہِ پتہٕ توٚگ تِمن زانُن پرانیٚن صحیفن ہُنٛد لیٚوکھمُت تہِ تہٕ یسوعؔ سُنٛد ونُن تہِ۔23کینٛہہ کال گٔژھِتھ ییٚلہِ یسوعؔ یروشلمس منٛز فسع عید مناونس دوران اوس۔ واریہو لوٗکو کٔر أمِس پؠٹھ پژھ تکیازِ تِمو وُچھ تِم معجزٕ یِم سُہ ہاوان روٗد۔24چونکہِ یسوعؔ اوس زانان زِ لوٗکھ چھِ، سٲری ہِوی۔ تٔمؠ کٔر نہٕ یِمن پٮ۪ٹھ پژھ۔25یسوعنؔ کٔر نہٕ یِمن پٮ۪ٹھ پژھ یمہِ کِنؠ تہِ زِ تس ٲس نہٕ ضرورت انسان زٲژ متعلق کٲنٛسہِ نِش کینٛہہ بوزنچ۔ سُہ اوس زانان انسان کیاہ چُھ سونچان تہٕ کیاہ چُھ ژھاران۔
Bridge Connectivity Solutions Pvt. Ltd.