یوحنا20
1ہفتکہِ گۅڈنکہِ دوٚہہ آتھوارِ وٲژ گاش پھۅلنے مریم مگدلِینی مقبرس پٮ۪ٹھ یتہِ یسوعؔ تھاونہٕ آمُت اوس تٔمؠ وُچھ زِ کمؠ تام ٲس مقبرچہ اژنچہِ جایہِ ہنٛز کٔنؠ ڈٲجمٕژ۔2سۅ دورییہِ ؤژھ تتھ جایہِ کُن یتہِ شمعون پطرس تہٕ بیاکھ شٲگرد جان یمِس یسوعؔ لول کران اوس ووٚن تِمن۔ گلوتام چھےٚ خداوند یسوعؔ سُنٛد جسم مقبر منٛزٕ کٔڈِتھ نِمُت تہٕ اسہِ چھنہٕ خبرےٕ تھووُکھ کَتہِ!3ییٚلہِ تِمو یہِ بوز پطرس تہٕ یوحنا شٲگرد دراے پننہِ امہِ روزن جایہِ پٮ۪ٹھٕ مقبرس کُن۔4تِم ٲسؠ دوٚنوے دوران مگر یوحنا شٲگرد اوس ہنا پطرس سٕنٛدِ کھۅتہٕ وُژھ دٕوان تہٕ ووت مقبرس پٮ۪ٹھ برونٛہےٕ۔5ییٚلہِ اتہِ جان بوٚن نمیوو تہٕ مقبرس اندر وچُھن سوٗتؠ کپرچہِ تلمہٕ یِم یسوعؔ سُنٛد جسم ولنہٕ باپتھ ورتاونہٕ آمژٕ آسہٕ أتی پتھرِس پٮ۪ٹھ یتنس یسوعؔ سُنٛد شریر تھاونہٕ آمُت اوس۔ مگر سُہ ژاو نہٕ مقبرس اندر۔6شمعون پطرس اوس جانس پتہٕ پتے دوران۔ سُہ تہِ ووت اوٚت تہٕ ژاو مقبرس منٛز۔ تٔمؠ تہِ وُچھ سوتی کپرچہِ تِلمہٕ اتؠ یتنس یسوعؔ سُنٛد شریر تھاونہٕ آمُت۔7پطرسن وُچھ سُہ کلہٕ وولت تہٕ یس تس کٔمؠ تام کلس گنڈمُت اوس۔ یہِ کلہٕ وولت اوس نَہ سوتی کپر تِلمن سٟتؠ بلکہ کٔمؠ تام اوس یہِ تہہ کٔرِتھ الگ تھوومُت۔8امہِ پتہٕ ژاو یوحنا، تہٕ سُہ شٲگرد یُس پطرسس برونٛہےٕ مقبرس پٮ۪ٹھ ووتمُت اوس اندر مقبرس منٛز۔ تٔمؠ وُچھ یمہٕ سٲری چیز تہٕ زونُن زِ یسوعؔ چُھ مردو منزٕ دُبارٕ زندٕ گومُت۔9امہِ وِزِ گونہٕ یِمن زۅنےٕ نبین ہنٛزِ تتھ کتھِ کُن یۅسہ تِمو یسوعؔس متعلق پننٮ۪ن مقدس کتابن منٛز لیٚکھِتھ تھٲومٕژ چھے یعنی یسوعؔس چُھ مرن تہٕ پتہٕ دُبارٕ زندٕ سپدن۔ 10شٲگرد آے اوٕ پتہٕ واپس پننہِ روزن جایہِ کُن یروشلم شہرس منٛز11مریم مگدلِینی ٲس اوٚش ہاران سۅ نمییہِ بوٚن تہٕ وچُھن مقبرس منٛز۔12تٔمؠ وُچھ زِ فرشتہٕ سفید پوشاکس منٛز تِم ٲسؠ تٔتھؠ جایہِ کھڑا یتہِ نس یسوعؔ سُنٛد کلہٕ اوس بیاکھ فرشتہٕ اوس ۅدٕنؠ یتنس یسوعؔ سنٛدؠ کھوٚر ٲسؠ۔13تِمو پرُژھ أمِس، "خاتون، ژٕ کیازِ ودان؟" تمہِ ونُکھ یورٕ، "بہٕ چھس ودان اوٕ کِنؠ زِ خبر کمو چُھ میون خداوند یمہِ مقبرٕ منٛزٕ کوڈمُت تہٕ خبر چھم نہٕ تھووکھ کتھ جایہِ۔14ییٚلہِ امہِ یہِ ووٚن۔ سۅ پھیر پتھ کُن تہٕ وچُھن کُستام وۅدنؠ یہِ اوس یسوعؔ مگر أمؠ پرزٕنوو نہٕ سُہ۔15أمؠ پرژھُس، "خاتون ژٕ کیازِ یوٗت اوٚش ہاران؟" ژٕ ژھاران کس۔ تمہِ زون زِ یہِ پرژھن وول چُھ باغوان۔ اوے ووننس یورٕ، "جناب، یوٚدوے توٚہؠ یسوعؔ سُنٛد جسم ڈولمُت چُھو مےٚ ؤنؠ تو تھووُوٕ کتہِ۔ بہٕ رٹن سُہ واپس تہٕ کرن دُبارٕ اوسودٕ۔"16"مریم" یسوعؔن دیُت أمِس ناد ناو ہٮ۪تھ۔ تٔمؠ وُچھ أمِس کُن بیٚیہِ تہٕ ووننس "ربی" عِبرٲنؠ زبٲنؠ منٛز استاد۔17یسوعؔن ووٚن أمِس، "مٕہ یہِ مےٚ النہٕ ولنہٕ۔ وُنہِ چُھ مےٚ پننس ببس نِش آسمانس پٮ۪ٹھ گژھنے۔ نیر ون میانٮ۪ن شٲگردن تہٕ باین زِ بہٕ چُھس پننِس خدایس پننِس ببس نِش تیار گژھنس۔ یُس تُہنٛد تہٕ خدا چُھ تہٕ بب تہِ۔18مریم مگدلِینی دراے تہٕ ووٚنُن یسوعؔ سنٛدٮ۪ن شٲگردن۔ مےٚ وُچھ خداوند دیدمان تہٕ ووننکھ یہِ تس یسوعؔن ووٚنمُت اوس۔19امے آتھوارِ دوٚہہ شامن شاگردو ٲسؠ پننہِ روزن جاین ہنٛدؠ بر بنٛد کرمٕتؠ تکیازِ تِم ٲسؠ یہُودؠ سردارن کھوٚژان۔ یسوعؔ گو یِمن منٛزس ظٲہِر تہٕ ووننکھ میون خدا بخشیٚو سلامتی۔20یہِ ؤنِتھ ہٲونکھ اتھن تہٕ لرِ کانہِ ہنٛدؠ چھۅکھ۔ شٲگرد گے یسوعؔس وُچِھتھ خوش۔21امہِ پتہٕ ووننکھ یسوعؔن دویمہِ پھرِ میون خدا بخشیو سلامتی۔ بہٕ چُھسو توٚہؠ دنیہس کُن سوزان یتھٕ پٲٹھؠ بہٕ پنٕنؠ مٲلؠ سوزُس۔22یہِ ؤنِتھ یسوعؔ لوے تمن پھوٚکھ رٹو یہِ روح القدس سمبٲلو یہِ پاک روح23یوٚدوے توٚہؠ کٲنٛسہِ ہنٛدؠ گناہ بخشو۔ خدا بخشہ تمِس انسانس تسنٛدؠ گناہ۔ یوٚدوے زن توٚہؠ بخشو نہٕ کٲنٛسہِ گناہ۔ خدا تہِ بخشہِ نہٕ تس گناہ۔24تُوما، بہَو شاگردو منٛزٕ اکھ یمِس "دُکڑ" تہِ ونان ٲسؠ اوس نہٕ باقین شٲگردن سٟتؠ تمہِ ساعتہٕ ییٚلہ یسوع تِمن درمیان اوس۔25اوے ووٚن باقیو شاگردو أمِس زِ "اسہِ وُچھ یسوعؔ دیدمان" وۅنؠ گو تٔمؠ ونُکھ اورٕ، "بہٕ کرٕ تیٚلہِ پژھ زِ توٚہؠ وُچھوون یسوعؔ ییٚلہِ بہٕ امسنٛدِس اتھن ہنٛدٮ۪ن تمن گدٮ۪ن منٛز اونٛگجہِ تراوِ یمہٕ تس کلبو سٟتؠ کرنہٕ آیہِ تہٕ تمؠ سنٛز لرِکانہِ ہنٛدِس نیزٕ سٟتؠ کرنہٕ آمتِس چھۅکس منٛز اتھہٕ ترٲوِتھ ہیٚکہِ۔26ٲٹھ دوٚہہ پتہٕ ٲسؠ یسوعؔ سنٛدؠ شٲگرد گرس منٛز تہٕ تُوما تہِ اوس یمنےٕ سٟتؠ۔ یوٚدوے زن تِمو از تہِ برن تٲرؠ ٲسؠ تھٲوؠ مٕتؠ یسوعؔ آو تہٕ گو یِمن منزباگ کھڑا۔ أمؠ ووٚن یِمن، "خدا دی نو سلامتی:"27امہِ پتہٕ ووٚنُن تُوماہس، "تراو پنٕنؠ اونگج یمن گدٮ۪ن منٛز تہٕ وُچھ یِم میانہِ اتھٕکؠ گدؠ۔ تہٕ تھاو پنُن اتھہٕ میٲنہِ لرِ کانہِ پٮ۪ٹھ تہٕ تراو شک کرُن زِ بہٕ گوس بیٚیہِ زندٕ تہٕ کرِ پژھ زِ یہِ چُھ پوٚز۔"28تُوماہن ووٚنُس، "توٚہؠ چُھو میون خداوند تہٕ میون خدا!"29یسوعؔن ووٚنُس، "وۅنؠ کٔرتھ ژےٚ پژھ بہٕ بیٚیہِ زندٕ سپدِتھ تکیازِ ژےٚ وُچھتھس بہٕ وۅنؠ دیدمان۔ خدا کٔرِن تِمن پٮ۪ٹھ فضل یِمو نہٕ بہٕ وُچھس مگر پژھ کٔرٕکھ زِ بہٕ گوس دُبارٕ زندٕ30یسوعؔن کٔرؠ پننٮ۪ن شٲگردن ہنٛزِ اتہِ موجودگی منٛزےٕ بیٚیہِ تہِ کینٛہہ معجزٕ مگر مےٚ لیٚکھؠ نہٕ تِم پننہِ کتابہِ منٛز۔31وۅنؠ گو مےٚ لیوکھ یِمن ہُنٛد تاکہِ توٚہؠ کٔریو پژھ زِ یسوعؔ چُھ مسیحؔ چُھ نجات دِنہٕ وول خدایہِ سُنٛد نیٚچو۔ مےٚ لیٚوکھ یمن متعلق تاکہِ توٚہؠ کٔریٚو پژھ زِ یسوعؔ چُھ مسیحؔ۔ توٚہہِ میلہِ زندگی تمسنٛدِ سٟتؠ۔
Bridge Connectivity Solutions Pvt. Ltd.