یوحنا19
1امی وقتہٕ دیُت پیلاطسن سپہن حکُن زِ کٔڈؠ وُن یسوعؔ تہٕ وٲلؠ وُس قمچہٕ۔2سِپہو أنؠ کینٛہہ کنٛڈؠ دۅپھ تہٕ وونُکھ اتھ تاج ہیٚو کلہٕ ووٚلُت۔ تہٕ لوگُکھ یسوعؔ سٕنٛدِس کلس تہٕ ووٚلُہس بنفشہٕ رنگؠ خرقہٕ أمِس رٮ۪ژھِ تُلنہٕ باپتھ۔3تہٕ أمِس نکھہٕ یِتھؠ یِتھؠ یہِ ؤنِتھ ٹیپ ژٹان رٮ۪ژھِ تُلان یہُودؠ رازس سلام۔ تہٕ رودُس بُتھِس تھاپٕر تہِ والان۔4پیلاطس آو دبارٕ نعبر کُن تہٕ ووٚنُن یہُودؠ سردارن، "بوزِو۔ بہٕ انُن وۅنؠ یہِ شخص توٚہہِ برونٛہہ کُن تاکہِ توٚہؠ زٲنِو زِ أمِس خلاف لٔب نہٕ مےٚ قانون پھُٹراونچ کانٛہہ شہادت۔5یسوعؔ دراو نٮ۪بر۔ تمِس اوس کلس کٔنٛڈؠ دار تاج تہٕ بنفشہٕ رنگؠ خرقہٕ لٲگِتھ۔ پیلطیسن ووٚن یہُودؠ سردارن، "وُچھِو یہِ گو سُہ شخص"6یُتھےٕ حکمران کاہنو تہٕ ہیکل کیٚو رٲچھ درو یسوعؔ وُچھ تِمو دِژٕ کریکہٕ، "یہِ کھٲلؠ ووٚن صلیبس، یہِ کھٲلؠ وُن صلیبس۔ "پیلاطسن ونُکھ، "توٚہؠ نی وون یہِ پانس سٟتؠ تہٕ دی وُن پھییہ۔ یوٚتام میون کرُن اوس، مےٚ لوٚب نہٕ کانٛہہ ثبوت زِ أمؠ چُھ کانٛہہ رومی قانونن پھٹرومُت۔7یہُودؠ سردارو ووٚنُس یورٕ، "اسہِ نِش چُھ قانون یُس أمِس مارنُک اجازت دِوان چُھ تکیازِ یہِ چُھ پانس خدا سُنٛد نیٚچو آسنُک دعوا کران۔ 8ییٚلہِ پیلاطسن یہِ بوز، سہ کھوٚژ وارے۔ زِ تس کیاہ بنہِ ہے یوٚدوے سُہ أمِس مارنُک سزا دِیہ ہے۔9سُہ ژاو بیٚیہِ پننس قلعس منٛز تہٕ دِتھُن سپہن یسوعؔ أمِس نِش واتناونُک حکم۔ امہِ پتہٕ پرژھُن یسوعؔس، "ژٕ کتہِ پٮ۪ٹھٕ چھُکھ آمُت" یسوعؔن ووٚنُس نہٕ یورٕ کہین۔10اوے پرُژھُس پیلاطسن بیہِ یہِ، "ژےٚ چھُے مےٚ جواب دیُن ژےٚ چھَے یقیناً یہِ خبر زِ مےٚ چُھ طاقت ژٕ یلہٕ تراونُک تہِ تہٕ ژےٚ پھہہِ دِنُک تہِ۔"11یسوعؔ وتھُس یورٕ، "ژےٚ یُس تہِ طاقت مےٚ پٮ۪ٹھ چھُےٕسُہ چھُے ژےٚ خدایہِ سنٛدِ طرفہٕ۔ لہٰذا چُھ مےٚ ژےٚ نِش یور انُن وٲلِس ژوٚر گناہ چانہ اتھہٕ سپدن والہِ گناہ نِش۔12امہِ پتہٕ رود پیلاطس برابر کوشش کران یسوعؔ سٕنٛدِ یلہٕ گژھنہٕ باپتھ۔ مگر یہُودؠ سردار رودؠ چِکہٕ دِوان، "یوٚدوے ژٕ یہِ انسان یلہٕ تراوہن، تیٚلہِ چھُکھ نہٕ ژٕ قیصر سُنٛد وفادار۔ بادشاہ آسنُک دعوا دار چُھ قیصر سُنٛد مخٲلف۔ 13اوے ییٚلہِ پیلاطسن یہِ بوز تٔمؠ دیُت حکم پننٮ۪ن سِپہن یسوعؔ انٛدرٕ پٮ۪ٹھٕ نٮ۪بر کڈنُک۔ اوٕ پتہٕ بیوٹھ پیلاطس فٲصلہٕ دِنہٕ باپتھ پتھر پننہِ مخصوس جایہِ یتہِ پٮ۪ٹھ سُہ پنٕنؠ فٲصلہٕ بوزٕناوان اوس۔ اتھ ٲسؠ لوٗکھ ونان "کنہِ ژکل" یعنی یہُودؠ عِبرٲنؠ زبٲنؠ منٛز گبتا14یہِ اوس عید فسع برونٛٹھ اکھ دوٚہہ دوپہرٕ برونٹھ ییٚلہِ یہُودؠ یم خاص دوٚہہ مناونٕچ تیٲری کران ٲسؠ۔ یہِ اوس تقریباً دُپہر پیلاطسن ووٚن سردارن، "وُچھِو۔ یہِ گو تُہنٛد بادشاہ!"15تِمو دِژٕ اورٕ چِکہٕ، "مٲرؠ وُن، مٲرؠ وُن، مٲرؠ وُن۔ "دِیہ ہن پھییہ۔ پیلاطسن تُلؠ یِم رٮ۪ژھِ، "دِما بہٕ تہنٛدِس رازس پھٲسؠ دِنُک حکم پننٮ۪ن سِپہن۔ "حکمران یہُودیو ووٚنُس اورٕ، "بس چُھ قیصر سون بادشاہ۔"16چونکہِ تِمو ووٚن یہِ پیلاطسن دیُت حکم سپہن یسوعؔس صلیبہِ پؠٹھ کھالنُکھ۔ یسوعؔ نیٚو سِپہو پانس سٟتؠ رٔٹِتھ تاکہِ أمِس کھالن صلیبس17یسوعؔ دراو پنُن دار نکھس پانے تُلِتھ تتھ جایہِ کُن یتھ لوٗکھ ٲسؠ ونان گُلگتا۔ یعنی کلہٕ کھوپرِ ہنٛز جاے۔ پننہِ عِبرٲنؠ زبٲنؠ منٛز۔18سِپہو دِژ أمِس أتھؠ جایہِ صلیب۔ تِمو کھٲلؠ بیٚیہِ زٕ نفر تمس سٟتؠ بیون بیون صلیبن پؠٹھ۔ یِم دونوے ٲسؠ یسوعس دٔچِھنؠ تہٕ کھوورؠ کِنؠ، تہٕ یسوع اوس منز باگ۔19پیلاطسن دیُت کس تام یہِ حکم تہِ زِ سُہ لٮ۪کھہِ اکھ تحریر کتبہ تہٕ لاگہِ اتھ یسوعؔ سنٛز صلیبہِ۔ أمؠ شخصن لیٚوکھ اتھ یسوعؔ ناصری۔ یہودٮ۪ن ہُنٛد بادشاہ۔20بسیار یہُودیو پوٚر یہِ تحریر تکیازِ یہِ جاے یتہِ سپہو یسوعؔ دارس کھول ٲس یروشلم شہرس نکھے۔ بیٚیہِ ٲس یہِ امے بے ناوٕ شخصن یہِ تحریر تِمن ترٮ۪ن زبانن منٛز لیچھمٕژ یِمہٕ یہُودؠ، رومی تہٕ یونٲنؠ بولان ٲسؠ۔21حکمران یہُودؠ کاہن آے بیٚیہِ واپس پیلاطسس نِش تہٕ ووٚن ہس، "ژےٚ اوسُے نہٕ لیٚکھُن تتھ پٮ۪ٹھ یہندٮ۪ن ہُنٛد بادشاہ بلکہِ اوسُے لیٚکھُن یمؠ نفرن ووٚن زِ بہٕ چُھس یہودٮ۪ن ہُنٛد بادشاہ۔22پیلاطسن ونُکھ، "یہِ مےٚ پننٮ۪ن سِپہن لیٚکھنُک حکم دیُت، تِمو لیٚوکھ۔ وۅنؠ بدلاوٕ نہٕ بہٕ تہِ۔23وۅنؠ ییٚلہِ سپہو یسوعؔ صلیبس کھول، تِمو نی تمسنٛدؠ پلو تہٕ کرٮ۪کھ اتھ ژور تِلمہٕ۔ اکھ اکھ تِلِم پرٮ۪تھ سِپہس بٲگراونہٕ باپتھ۔ وۅنؠ گو تِمو بچوو امسُنٛد پٮ۪ٹھ پلو تھووُکھ الگ۔ وووُرؠ اوس یہِ پیٚٹھؠ پلو أکسےٕ کپر ٹُکرس منٛز بنومُت کُنہِ ٹیبہِ ورٲے۔24اوے ووٚن سِپہو پانہٕ وٲنؠ، "یتھ پلوس کرو نہٕ ٹُکرٕ۔ بلکہِ تراوو چیرِ ادٕ یس یہٕ ییہِ تہٕ تس یہِ پلو گو تٔسؠ یمسٕنٛدِ ناوٕ نیرِ۔ "یہِ سپُد اوٕ کِنؠ زِ تاکہِ صحیفن ہُنٛد یہِ لیکھ نیرِ پوٚز۔ تِمو بٲگرٲوؠ میٲنؠ پلو پانہٕ وٲنؠ تہٕ تراوٮ۪کھ چیرِ اکہِ پلوٕ باپتھ۔ 25یسوعؔ سنٛز موج، ماجہِ ہنٛز بیٚنہِ مری، کلوپاس سنٛز آشِنؠ تہٕ مریم مگدلِینی آسہٕ تتھ صلیبس صلیبہِ نکھے وۅدنؠ یتھ پٮ۪ٹھ یسوعؔ ترۅدِ اوس۔26ییٚلہِ یسوعؔن پنٕنؠ موج تہٕ یوحنا شٲگرد یمِس سُہ لول بران اوس أتی وُچھ تٔمؠ ووٚن ماجہِ، "محترم خوتون۔ یہِ گو سُہ شخص یُس چون خیال تھاوِ أکِس نیٚچوؠ سٕنٛدؠ پٲٹھؠ۔27تہٕ ووٚنُن یوحناؔ شٲگردس۔ یہِ چھےٚ سۅ یمسنٛد خیال تھاوکھ پننہِ ماجہِ ہنٛدؠ پٲٹھؠ۔ امہ گرِ پٮ۪ٹھٕ نِیہِ جانن سۅ مریم پنُن گرٕ پانس سٟتؠ روزنہِ۔28کینٛژیو ژِہیٚو پتہٕ ووٚن یسوعؔ، "یمہِ کِنؠ زِ سُہ اوس زانان زِ تٔمؠ انزروو تہِ سورےٕ یمہِ باپتھ خداین سُہ یور سوزمُت اوس تہٕ بیاکھ اکھ پیشن گوییی پٔز بناونہٕ موجُب! "مےٚ لٔجؠ تریش"29کمؠ تام اوس نکھے اکھ جگ تھومُت تیتھ منٛز وسِتھ شراب بٔرِتھ اوس تہٕ یسوعؔ اوس تریشہٕ ہوٚت۔ اوے اوٚن اکؠ سپہو اکہِ نرکانہ کُلِچ لٔنٛڈ تہٕ تھووُن اتھ پٮ۪ٹھ سپنج تہٕ بُڈنووُن أتھؠ سستہٕ شرابس منٛز تہٕ پِلنووُن یسوعؔس ٲسس کُن۔ 30یسوعؔن ژوٚہہ یہِ سستہٕ شراب تہٕ ووٚنُن، "مےٚ کوٚر سورےٕ مکمل۔ سورےٕ یمہِ باپتھ بہٕ یور آس تہٕ نۅمرووُم کلہٕ بوٚن کُن تہٕ سوزُن پنُن جان واپس۔31یہُودؠ سردارو ووٚن امہِ پتہٕ پیلاطسس پنیٚن سپہن حکم دٕنہٕ باپتھ صلیبو پٮ۪ٹھٕ ترۅدِ ترینوٕنؠ نفرن ہنٛزٕ زنٛگہٕ پھُٹراونُک ۔ تاکہِ یِم نفر مرن ؤلؠ ؤلؠ تہٕ یہنٛزٕ لاشہٕ تُلنہٕ خٲطرٕ وُژھ کرنہٕ باپتھ تاکہِ یِم روزن نہٕ صلیبن پؠٹھ یہُودینؔ ہنٛدِس آرام کس دوٚہس تام۔ تِمو ووٚن یہِ أمِس اوٕ کِنؠ یہِ اوس سُہ دوٚہہ ییٚلہِ یہُودؠ ٲسؠ آوٕرؠ عید فسع مناونچہِ تیٲری منٛز۔ تہٕ اوے اوس یہِ آرامُک دوٚہہ۔ یِمن دوٚہُن دوران موٚردٕ صلیبن پٮ۪ٹھ تھاوُن ٲس یہُودؠ شریعتچ خلاف ورزی۔ چونکہِ دویِم دوٚہہ تہِ اوس آرامُک دوٚہہ، یہِ دوٚہہ تہِ اوس اہم۔ 32اوے آے سِپاہ تہٕ پھُٹراوٮ۪کھ گۅڈنکِس اویزان نفرس زنٛگہٕ یُس یسوعؔس سٟتؠ دارس کھالنہٕ آمُت یتہِ پھُٹراوٮ۪کھ دوٚیمِس یسوعؔس لرِ نفرس تہِ۔33وۅنؠ گو یُتھےٕ تِم یسوعؔس نِش وٲتؠ تِمو وُچھ سُہ بے جان۔ اوے تہِ پھُٹراوٮ۪کھ نہٕ امسنٛزٕ زنٛگہٕ۔34امہِ بدلہٕ وول اکؠ سپہن یسوعؔس ۂلِس نیزٕ تہٕ اورٕ دراو چھۅکہٕ پٮ۪ٹھٕ رتھ تہٕ آب۔35بہٕ، جان چُھس امہِ واقہٕ ہُک پانہٕ شٲہد تہٕ چُھس اتھ تصدیق کران تہٕ یتھ بہٕ تصدیق کران چُھس چُھ پوٚز۔ مےٚ چُھ پوٗرٕ یقین زِ یہِ بہٕ ونان چُھس تی چُھ پوٚز۔ بہٕ چُھس ونان یہ تاکہِ توٚہؠ تہِ کرِیٚو یسوعؔس پٮ۪ٹھ پژھ۔36یِمہٕ کتھٕ سپزٕ یسوعؔ سٕنٛدِس بدنس سٟتؠ اوٕ کِنؠ تاکہِ صحیفن ہُند یہِ تحریر نیرِ پوٚز "کانٛہہ پھُٹراونہٕ تمؠ سنٛزٕ زنٛگہٕ۔" 37یِم صحیفہٕ چھِ بیاکھ پیشن گویی تہِ کران۔ تِم وچُھن أمِس شخصس کُن یِمو چھۅکھ لوے۔ 38ییٚلہِ یِم کِتھہٕ سپدییہِ ارِمتیہ شہرکؠ اکؠ یوسف ناوکؠ شخصن ووٚن پیلاطسس تمِس یسوعؔ سُنٛد جسم تلنُک اجازت دِنہٕ باپت۔ تٔمؠ کوٚر یہِ تکیازِ سُہ اوس یسوعؔ سُنٛد اکہ شٲگرد۔ وۅنؠ گو تٔمؠ ؤنؠ نہٕ یہِ کتھ کٲنسے تکیازِ سُہ اوس کھوٚژان باقےٕ یہُودؠ سردارن۔ پیلاطسن دیُت یوسفسؔ اجازت یسوعؔ سُنٛد جسم تُلنہٕ باپتھ۔ اوے گو یوسف تہٕ اوٚنُن بامل پنُن غرض۔39نِیکُدِیمُسؔ یُس اکہِ وِزِ رٲژ منٛز یسوعؔس نِش آمُت اوس کتھ کرنہِ تہِ آو 33 کلو مر تہٕ عود پانہٕ وٲنؠ ملنٲوتھ ہٮ۪تھ یسوعؔ سٕنٛدِس جسمس ملنہٕ باپتھ۔40تِمو تُل یسوعؔ سُنٛد جسم تہٕ ووٚلہس سوٗتؠ کپُر تہٕ موٚلہس کافور تہٕ عود ننگہٕ بدنس۔ تِمو کوٚر یتہِ یہُودؠ دفناون رسمو حسابہٕ۔41اتھؠ صلیب دِنچہِ جایہِ نکھہٕ اوس اکھ باغ۔ اتھؠ باغس منٛز ٲسؠ تازٕ کھننہٕ آمٕژ قبر۔ وُنہٕ اوسنہٕ اتھ منٛز کانٛہہ تہِ دفن کرنہٕ آمُت۔42اوے ترٲوؠ تِمو یسوع أتھؠ مقبرس منٛز تکیازِ یہِ جاے ٲس نکھے۔ تہٕ اوٕ کِنؠ تہِ یہِ اوس یہُودینؔ عید فسع مناونچہِ تیٲری ہُنٛد دوٚہہ۔ اوے تہِ اوس یِمن یہِ دفناونُک رسم سریہِ لوسنہٕ برونٛہےٕ انٛد واتناون۔
Bridge Connectivity Solutions Pvt. Ltd.