یوحنا15
1بہٕ چُھس پزی اکھ دچھہِ کُجؠ یتھ دچھ وۅپدان چھِ۔ میون بب بوزؠ تو اکھ باغوان یُس اتھ رٲچھ راوٹھ کران چُھ۔2میون بب چُھ تِمن لنجن ژٹان روزان یِمہٕ بظٲہِر میٲنؠ انٛگ انٛگ چھِ مگر پھل چھُکھ نہٕ نیران۔ پھل دِنہٕ واجنیٚن لنجن چُھ سُہ تراش خراش ہیوان روزان تاکہِ یِمن نیرِ ژوٚر پھل۔3توٚہؠ چُھو یِمن لنجن ہیٚوؠ یِمہٕ تراچ خراش ہٮ۪تھ صاف کرنہٕ آمژٕ چھےٚ تمہِ تعلیمہ سٟتؠ یوٚسہٕ مےٚ برونٛہےٕ توٚہہِ دِژٕو۔4مےٚ سٟتؠ روزیٚو یکُت کٔرِتھ۔ بٕتہ روزٕ توٚہہِ سٟتؠ یکُت کٔرِتھ۔ یتھٕ پٲٹھؠ اکھ لٔنٛڈ پھل دِیہ نہٕ یوٚتام نہٕ یہِ جورِتھ آسہ پننہِ رٲٹھ سٟتؠ تِتھے پٲٹھؠ نیرن نہٕ توٚہہِ نِش تہِ روحٲنی پھل یوٚتام ننہٕ توٚہؠ مےٚ سٟتؠ جورِتھ ٲسِو۔5بہٕ چُھس اکھ راٹھ دچھہِ کُل توٚہؠ چُھو زنتہٕ امچہِ لنجہِ۔ یوٚدوے توٚہؠ مےٚ سٟتؠ یکتِس منٛز روزیٚو تہٕ بہٕ روزٕ توٚہہِ سٟتؠ توٚہہِ نیرِ واریاہ پھل۔ یی چُھ پوٚز تکیازِ میانہِ اتھہٕ رۅٹہِ ورٲے ہیٚکو نہٕ توٚہؠ کہین کٔرِرتھ۔6سُہ کانٛہہ تہِ زوٚن یُس نہٕ مےٚ سٟتؠ یکتِس منٛز آسہ زٲنؠ تو سۅ اکھ لٔنٛڈ یتھ باغبان ژٔٹِتھ نِوان چُھ تہٕ ژھوٚٹس سٟتؠ تراوان چُھ۔ ییٚلہِ یِژھٕ لنجہِ ہوٚکھان چھےٚ، باغبان سٕنٛدؠ کارکُن چھِ یِمن نارٕ بُزؠ کٔرِتھ زالان۔7یوٚدوے توٚہؠ مےٚ سٟتؠ رٔلِتھ روزیٚو تہٕ میانہِ تعلیمہ پٮ۪ٹھ عمل کٔرِو، توٚہؠ ہیٚکو خدایس کینٛہہ تہِ منٛگِتھ۔ یہِ توٚہؠ یٮ۪ژھِو تہٕ سُہ کرِ تہنز منٛگ قبول۔8توٚہؠ ہٲیو لوٗکن زِ میون مول کوتاہ عظیم چُھ۔ ژرِ کھۅتہٕ ژوٚر پھل وۅپدٲیِتھ تہٕ میٲنؠ شٲگرد روزِتھ۔9مےٚ کورُو توٚہہِ تِتھے پٲٹھؠ لول محبت یتھٕ پٲٹھؠ زن میون مول مےٚ سٟتؠ کران چُھ۔ وۅنؠ گُزٲریٛو پنٕنؠ زندگی تمہِ منٲسب آیہِ یۅسہ تمن لوٗکن شوٗبہِ یِمن بہٕ لول بران چُھس۔10یوٚدوے توٚہؠ تتھ حکمس مٲنو یُس مےٚ توٚہہِ دیُت توٚہؠ روزیٚو سۅ عمل کران یۅسہ تمن لوٗکن منٲسب چھےٚ یمن بہٕ لول بران چُھس۔ یتھٕ پٲٹھؠ مےٚ پننِس مٲلؠ سُنٛد حکم مون تہٕ پنٕنؠ عمل اکہِ تِژھِ آیہِ کٔرٕم یۅسہ تمن منٲسب چھےٚ یِمن خدا لول بران چُھ۔11مےٚ ونیٚو توٚہہِ یِمہٕ کِتھہٕ اوٕ کِنؠ زِ توٚہؠ تہِ روزیٚو خوش یتھٕ پٲٹھؠ بہٕ چُھس تاکہِ، توٚہؠ روزیٚو واریاہ خوش۔12بہٕ چُھسو توٚہہِ یہِ کرنُک حکم دِوان۔ اکھ أکِس سٟتؠ کٔرِو محبت یتھٕ پٲٹھؠ بہٕ چُھسو کران۔13کٲنٛسہِ تہِ آسہ نہٕ تیوتاہ محبت یوٗتاہ کٲنٛسہِ پننِس دوستہٕ سٕنٛدِ باپتھ مرن وٲلِس آسہ۔14توٚہؠ چُھو یقیناً میٲنؠ یار یوٚدوے توٚہؠ تہِ کران روزِ یہِ مےٚ حکم دٕتو۔15بہٕ ونو نہٕ توٚہہِ یمہِ اپور پنٕنؠ خٲدم تکیازِ خٲدم چھِنہٕ سمجھان زِ تمسُنٛد آغہٕ کیا چُھ کران۔ وونؠ چُھسو بہٕ توٚہہِ ونان دوستو، تکیازِ مےٚ تورٕ مو توٚہہِ فکرِ تہِ سورےٕ یہِ میٲنؠ مٲلؠ مےٚ ووٚن۔16توٚہہِ ژورُو نہٕ پانہٕ میون شٲگرد بنُن بلکہِ ژٲریٚو مےٚ پنٕنؠ شٲگرد بننہٕ باپت تہٕ دِژمَو پنٕنؠ پنٕنؠ مخصوص کٲم تاکہِ توٚہؠ نیرِو پھیرِو دور تام روحٲنی پھل وۅپداونہٕ باپتھ۔ یہِ روحٲنی پھل گژھِ پوشُن ہر ہمیشہٕ۔ مےٚ ژٲریٚو توٚہؠ تاکہِ میون مول بخشہِ توٚہہِ پرٮ۪تھ کانٛہہ چیز یمچ توٚہہِ تس منٛگ ککٔرِو میٲنؠ نمایندٕ آسنہٕ رنگؠ۔17بہٕ چُھسو یِمن کتھن ہُنٛد حکم کران تاکہِ توٚہؠ کٔرِو اکھ أکِس محبت18چونکہِ تِم لوٗکھ یِم خدایس مخٲلف چھِ کرن توٚہہِ ناپسند۔ توٚہہِ پزِ زانُن زِ تِم کرن گۅڈٕ مےٚ ناپسند۔19یوٚدوے توٚہؠ تمن لوٗکن ہُنٛد حصہٕ بٔنیٚو یِم یتھ دُنیہس منٛز خدایس مخٲلف۔ یِم بےپژھ لوٗکھ کرن توٚہہِ پسند۔ یِتھؠ پٲٹھؠ تِم پننٮ۪ن باقین محبت کران چھِ۔ مگر بہٕ چُھسو توٚہہِ ژاران یمو منٛز نٮ۪بر نیرنہٕ باپتھ خدایس مخٲلف لوٗکھ چھِ توٚہہِ ناپسند کران تکیازِ توٚہؠ چُھو نہٕ تِمو منٛزٕ۔20ژٮ۪تس تھٲیِو مےٚ وونو توٚہہِ زِ نوکر چُھنہٕ ہرگز مٲلکہٕ سٕنٛدِ کھۅتہٕ اہم۔ چونکہِ تِمو دِتؠ مےٚ تکلیف تِم دِن یقیناً توٚہہِ تہِ تکلیف۔ یوٚدوے تِمو منٛزٕ کٲنٛسہِ میون مون، تِم مانن یقیناً تہنٛز تعلیم تہِ۔21یِم بےٚ پژھ خدا مخٲلف لوٗکھ کرن توٚہہِ سٟتؠ تہِ ویکھت ویوہار تکیازِ توٚہؠ چُھو میٲنؠ نمایندٕ تہٕ اوٕ کِنؠ تہِ زِ تِم چھِنہٕ زانان میٲنِس مٲلِس یمؠ بہٕ یور سوزُس۔22یوٚدوے بہٕ یور آمُت آسہٕ ہا نہٕ تہٕ تعلیم آسہ ہم نہٕ دِژمٕژ خدایہِ سنٛزِ حقیقتٕچ تِم آسہ ہن نہٕ راہ لد۔ مےٚ تہٕ میٲنؠ تعلیم نَہ ماننہٕ باپتھ چونکہِ بہٕ آس تہٕ دِژمکھ تعلیم تمن چھنہٕ پننٮ۪و گنہو باپتھ کانٛہہ بہانہٕ۔23یُس تہِ مےٚ ناپسند کرِ سُہ چُھ کران میٲنِس مٲلِس تہِ ناپسند۔24یوٚدوے مےٚ تمن دیدمان معجزٕ کٔرؠ مٕتؠ آسہ ہن نہٕ تِم آسہ ہن نہٕ پننٮ۪و گنہو باپتھ راہ لد۔ وۅنؠ یہِ چُھ تِمو وُچھ میانہ معجزٕ تہٕ توتہِ رودؠ مےٚ مخٲلف تِم چھِ میٲنِس مٲلِس تہِ مخٲلف۔25بحرحال یہِ سپُد اوٕ کِنؠ زِ نبین ہُند مقدس کتابن منٛز لیٚوکھمُت تحریر نیرِ پوٚز۔ تِمو کٔر کُنہِ وجہہ ورٲے مےٚ سٟتؠ نفرت مےٚ سٟتؠ تہنٛز عداوت ٲس بے وجہہ۔ 26ییٚلہِ بہٕ پننس مٲلؠ سٕنٛدِ مقامہ پٮ۪ٹھٕ سوزن توٚہہِ مدد کرن وول سُے ونہِ لوٗکن بہٕ کُس چُھس۔ سُہ چُھ پاک روح۔ یُس میٲنِس مٲلؠ سٕنٛدِ پٮ۪ٹھٕ یِوان چُھ تہٕ یُس خدایہِ سُنٛد پزر خدایہِ سنٛز حقیقت اعلان کرِ۔27توٚہہِ تہِ پزِ مےٚ متعلق لوٗکن ونُن تکیازِ توٚہہِ رودِیٚو مےٚ سٟتؠ میانہِ کامہِ شروع کرنکہِ گۅڈٕ دوٚہہ پیٚٹھےَ۔
Bridge Connectivity Solutions Pvt. Ltd.