یوحنا14
1یِنہٕ دل رایوٕ زِ خدایس پٮ۪ٹھ تھٲیِو پژھ۔ مےٚ پٮ۪ٹھ تہِ تھٲیِو پژھ قٲیِم۔2یتہِ میون بب روزان چُھ تتہِ چھےٚ لوٗکن ہنٛدِ باپتھ تہِ واریاہ جایہِ۔ یوٚدوے یہِ پوٚز آسہ ہےنہٕ مےٚ آسہ ہو تیٚلہِ ووٚنمُت تکیازِ بہٕ گژھِ ہا توٚت تہٕ تہنٛدِ باپتھ تہِ کرہا جاے تیار۔3ییٚلہِ بہٕ تور گژھٕ تہنٛدِ باپتھ جاے تیار کرنہِ بہٕ یِمہٕ واپس توٚہہِ پانس سٟتؠ تور نِنہِ۔ تاکہِ توٚہہِ تہِ روزیٚو مےٚ سٟتؠ یتہِ بہٕ آسہٕ۔4توٚہہِ چُھو خبر زِ توٚت کِتھہٕ پٲٹھؠ چُھ واتُن یوٚت بہٕ گژھان چُھس۔5تُوماہنؔ ووٚنُس، "خداوند اسہِ چھنہٕ رژھ تہِ خبر توٚہہِ کوٚت چُھو گژھُن۔ شاید چھنہٕ اسہِ تور گژھنچ وتھ تہِ معلوم۔6یسوعؔن ووٚنُس، "بےٕ چُھس لوٗکن باپتھ تورچ وتھ۔ بےٕ چُھس یُس ظہورس منٛز انہِ خدایہِ سُنٛد پزر۔ تہٕ یُس لوٗکن پوشوٕنؠ زندگی بخشہِ۔ خدایس تام واتنٕچ چھےٚ اکےٕ وتھ سۅ گییہِ مےٚ پٮ۪ٹھ پژھ کرٕنؠ۔7چونکہِ توٚہؠ زٲنِو بہٕ کُس گوس۔ اوے زٲنِو توٚہؠ میٲنِس مٲلِس تہِ۔ یمہِ برونٛہہ زٲنِو توٚہؠ تمِس زنتہٕ توٚہہِ سُہ دیدمان وُچھمُت چُھو۔8فلپسن ووٚن یسوعؔس، "خداوند اسہِ تہِ ہاوتن مول تاکہِ اسہِ ییہِ ہے تسلی۔9یسوعؔن ووٚن أمِس، "مےٚ ووت یوٚت کال توٚہہِ سٟتؠ۔ یقیناً زٲنِو توٚہؠ مےٚ، فلپس۔ توما! یِمو بہٕ وُچھس چھِ برابر تِم یِمو میون مول وُچھ۔ اوے تہِ چُھنہٕ کانٛہہ وجہہ چانہِ وننُک زِ أسؠ تہِ وُچھوون مول۔10توٚہہِ پزِ پژھ تھاوٕنؠ زِ بہٕ تہٕ میون مول چُھ پانہٕ وٲنؠ کُنی۔ بلکل میلِتھ۔ یہِ مےٚ توٚہہِ وونو تہِ ووٚن نہٕ مےٚ پننہِ اِرادٕ بلکہِ چُھ یہِ میون مول یُس میلِتھ چُھ مےٚ منٛز چُھ میٲنؠ کِنؠ پنٕنؠ معجزات ہاوان۔11پژھ کٔرِو مےٚ پٮ۪ٹھ ییٚلہِ بہٕ یہِ ونان چُھسو زِ مےٚ تہٕ میٲنس چُھ پانہٕ وٲنؠ یکُت وۅنؠ گو یوٚدوے توٚہؠ میانہِ کتھہِ پٮ۪ٹھ پژھ چُھو نہٕ کرٕنؠ کم س کم کٔرِو مےٚ پٮ۪ٹھ پژھ تِمو معجزو موجُب یِم مےٚ توٚہہِ دیدمان کٔرؠ۔12بہٕ چُھسو پزر ونان، یُس تہِ مےٚ پٮ۪ٹھ پژھ کرِ سُہ ہیٚکہِ تِم معجزٕ پانہٕ تہِ کٔرِتھ یِم بہٕ کران چُھس۔ سُہ ہیٚکہ، اکھتُے میانہِ کھۅتہٕ تہِ عظیم کامہِ کٔرِتھ۔ چونکہِ بہٕ چُھس پننس مٲلِس کُن گژھان۔13بہٕ کرٕ کینٛہہ تہِ یہِ توٚہؠ میٲنؠ نمایندٕ آسنہٕ کِنؠ مےٚ منٛگیٚو۔ بہٕ کرٕ تہِ تاکہِ بہٕ تمؠ سُنٛد گۅبُر ہاوٕ زِ میون بب کوتاہ عظیم چُھ۔14بہٕ کرٕ سُہ پرٮ۪تھ کانٛہہ چیز یُس توٚہؠ مےٚ منٛگِو میانیو نمایندو رٔنٛگؠ۔15یوٚدوے توٚہؠ مےٚ پزی لول بران چُھو، توٚہؠ مٲنِو تہِ سورےٕ یمن ہُنٛد مےٚ توٚہہِ حکم دیُتمُت چُھو۔16تیٚلہِ کرٕ بہٕ مٲلِس التجا تہٕ سُہ مانہِ میون درخواست توٚہہِ بیاکھ مددگار سوزتھ یُس توٚہہِ سٟتؠ ہمیشہٕ روزِ۔17سُہ چُھ پاک روح یُس خدایس متعلق پزر ونان چُھ۔ دُنیہکؠ بے پژھ لوٗکھ کرن نہٕ تس قبول تکیازِ تِم چھِنہٕ تس دیدمان وُچِھتھ یا زٲنِتھ ہیٚکان۔ توٚہؠ میٲنؠ شٲگرد زٲنِو أمِس روحس سُہ چُھ توٚہہِ سٟتؠ روزان تہٕ برونٛہہ پہن روزِ توٚہہِ منٛز۔18بہٕ تراوو نہٕ توٚہؠ کٲنٛسہِ پرواے کرن وٲلِس حوالہٕ کرنہٕ ورٲے۔ بہٕ یِمہٕ ؤلؠ واپس توٚہہِ نِش۔19کینٛژس کالس وچُھن نہٕ مےٚ دُنیہکؠ بے پژھ لوٗکھ مگر توٚہؠ وُچھِو پانہٕ مےٚ دیدمان بیٚیہِ تکیازِ ؤلؠ ؤلؠ پراوٕ بہٕ زندگی دُبارٕ۔ توٚہؠ تہِ لٔبِو دُبارٕ زندگی۔20ییٚلہِ توٚہؠ مےٚ دُبارٕ وُچھِو، توٚہہِ تگہِ زانُن زِ بہٕ چُھس پننس مٲلِس سٟتؠ میلِتھ تہٕ توٚہہِ تہِ مٮ۪تہِ چُھ پانہٕ وٲنؠ یکُت۔21یُس کانٛہہ تہِ زانان تہٕ مانان چُھ یہِ بہٕ حکم کرٕ سُہ چُھ پزنہٕ پٲٹھؠ مےٚ محبت کران تہٕ میون مول چُھ تس محبت کران یُس مےٚ کرِ۔ بٕتہ کرِ یِتھِس نفرس محبت تہٕ بہٕ گژھٕ أمِس پٮ۪ٹھ ظٲہِر تہِ۔22یہُوداؔ نہٕ کہ یہُوداؔ اِسکریوتی نَہ بلکہ اکھ بدل شٲگرد امی ناوُک چُھ أمِس ونان، "خداوندن کٔمؠ چیزن کرنٲیو توٚہؠ اسہِ پٮ۪ٹھ پنُن اصل اظہار تہٕ دُنیہکٮ۪ن لوٗکن پٮ۪ٹھ نہٕ۔23یسوعؔ ہن ووٚنُس، "یُس تہِ مےٚ لول برِ سُہ چُھ میٲنؠ حکم مانان۔ میون مول تہِ چُھ تس لول بران۔ بہٕ تہٕ میون مول بیٚیہِ تس شخصس نِش تہِ روزو تس منٛز۔24یُس تہِ مےٚ محبت کرِ نہٕ پالہِ نہٕ میٲنؠ حکم تہِ۔ یہِ توٚہہِ وۅنؠ بوزو بہٕ ونان یہِ ووٚن نہٕ مےٚ پننہِ اِرادٕ بلکہ یہِ زن مےٚ وننہٕ آو25مےٚ ؤنؠ یِم چیز توٚہہِ ییٚلہِ بہٕ ونہِ توٚہہِ منٛزےٕ روزِتھ چُھس۔26مگر میون مول سوزیو توٚہہِ پاک روح میانہِ جایہِ یُس توٚہہِ مدد کریو۔ سُے چُھ توٚہہِ سورےٕ خدا سنٛز حقیقت یۅسہ توٚہہِ زانٕنؠ ضرورے چھےٚ سُہ پاوِ توٚہہِ تِم سٲری چیز یاد یِم مےٚ توٚہہِ ؤنِو۔27پننہِ نیرنہٕ وِزِ دِمہٕ بہٕ توٚہہِ اکھ سکونُک احساس۔ یہِ چُھ سون سکونُک احساس یُس بہٕ توٚہہِ دِوان چُھس۔ بہٕ چُھسو دِوان یہِ سکونُک احساس اکہِ بدل طریقہٕ دُنیہکیٚو لوٗکو نِشہ۔ یِنہٕ دل رایو یا کھوٚژِو۔28توٚہؠ روزیٚو میون بوزان زِ بہٕ چُھس دوٗر گژھٕ وُن تہٕ بہٕ یِمہٕ پتہٕ توٚہہِ نِش واپس۔ یوٚدوے توٚہہِ یہِ پزی میون لول اوسمُت آسہ توٚہؠ یِیو وۅلسنس زِ بہٕ چُھس پننس مٲلِس کُن گژھان۔ تکیازِ سُہ چُھ میانہِ کھۅتہٕ تہِ اعلیٰ۔29مےٚ ونیٚو توٚہہِ یِمہٕ کِتھہٕ امہِ برونٛہہ زِ یِم سپدن تاکہِ توٚہؠ تھٲیِو قٲیِم پنٕنؠ پژھ مےٚ پٮ۪ٹھ۔30بہٕ روزٕ نہٕ ہمیشہٕ توٚہہِ سٟتؠ یِتھے پٲٹھؠ کتھ کروُن تکیازِ یتھ دنیہس راج کران وول ابلیس چُھ پکان۔ مگر تمس چُھنہٕ مےٚ پٮ۪ٹھ کانٛہہ اختیار۔31مگر یہِ سپدِ تاکہِ دُنیہکؠ لوٗکھ زانن زِ بہٕ چُھس پننس مٲلِس محبت کران تہٕ بہٕ کرٕ بلکل تی یہِ مےٚ پنُن مول کرنہٕ باپتھ ونہِ۔ ؤتھِو۔ ترٲیو جاے۔
Bridge Connectivity Solutions Pvt. Ltd.