یوحنا12
1یہودٮ۪ن ہنٛز عید فسع مناونہٕ کہِ شےٚ دوٚہہ برونٛہہ ووٚت یسوعؔ بیت عنیاہ کِس گامس منٛز۔ بیتھانی اوس گام یتہِ لازر روزان اوس۔ یہِ اوس سُہ نفر یُس یسوعؔن مرنہٕ پتہٕ دُبارٕ زندٕ اوس کوٚرمُت۔2تتہِ بیت عنیاہ ہس منٛز یسوعؔ سنٛدیو کینٛژو یارو دیُت یسوعسؔ کالُک کھیٚن۔ مارتھاہنؔ کوٚر پژھٮ۪ن خٲطرٕ کھیٚنُک انتظام تہٕ لازرن اوس تمن لوٗکن منٛز شٲمل یِمہٕ یسوعسؔ سٟتؠ کھیٚن ٲسؠ کھیٚوان۔3پتہٕ نِیہِ مریمن اکھ بٲتل یتھ منٛز تقریباً اوٚڈ لیٹر واریاہ دروٚجؠ عطر ٲس، یۅسہ نارنگؠ کُلٮ۪ن ہندِ تیلچ ٲس، تہٕ ترٲوٕن یسوعؔ سنٛدٮ۪ن کھۅرن تہٕ پتہٕ وۅتھرٲوِن امسنٛدؠ کھوٚر پننہِ مستہٕ سٟتؠ۔ عطرِ ہُنٛد مُشِک پھیور سٲرؠ سےٕ گرس۔4تاہم، یہُوداؔ اِسکریوتی کوٚر اعتراض۔ سُہ اوس یسوعؔ سنٛدیو شاگردو منٛز اکھ یُس جلدی یہُودؠ سردارن یسوعؔ گرفتار کرنس منٛز مدد کرِ۔ تٔمؠ ووٚن،5"اسہِ پزِ ہے یہِ عطر تیتِس رقمس کٕنٕنؠ یُس اکھ نفر یہِ ترٮ۪ن ہتن دوٚہُن مزوٗرؠ کٔرِتھ زینِتھ ہیٚکہِ۔ پتہٕ ہیٚکہٕ ہو أسؠ سُہ رقم غریب لوٗکن دِتھ!" 6یہُوواہنؔ ووٚن نہٕ امہِ موجُب زِ تس چھےٚ غریبن ہنٛز فکِر بلکہِ تٔمؠ اوس یہِ امہِ موجُب ووٚنمُت تکیازِ سُہ اکھ ژور۔ تٔمؠ ٲس سۅ تھیلؠ سمبٲلتھ تھٲومٕژ یتھ منٛز تہنٛدؠ پونٛسہٕ ٲسؠ۔ مگر سُہ اوس یِم پونٛسہٕ ژورِ نِوان۔ یِم لوٗکھُ أمِس دِوان ٲسؠ بیگس منٛز تراونہٕ خٲطرٕ7تہٕ یسوعؔن ووٚن، "ترٲؠ وُن یہِ یلہٕ! تٔمؠ بچٲو عطر تاکہِ سۅ گژھِ میانہِ مرنہٕ وِزِ استعمال۔8تٔمؠ چھےٚ صحیح کٲم کٔرمٕژ تکیازِ غریب لوٗکھ روزن ہمیشہٕ توٚہہِ درمیان یِمن توٚہؠ مدد ہیٚکو کٔرِتھ مگر بہٕ روزنہٕ زیادٕ کالس توٚہہِ سٟتؠ۔ 9یہودٮ۪ن ہنٛدؠ اکؠ بٔڈؠ ہجومن بوز زِ یسوعؔ چُھ بیت عنیاہ ہس منٛز، تہٕ تِم گے تور۔ تِم گے نہٕ اور صرف امہِ موجُب زِ یسوعؔ چُھ تتہِ بلکہِ اوٕ موجُب تہِ زِ تِم ٲسؠ لازر وچُھن یژھان۔ یہِ اوس سُہ نفر یُس یسوعنؔ مرنہٕ پتہٕ دُبارٕ زندٕ اوس کوٚرمُت۔10اتھ برعکس اوس حکمران کاہنو لازرس سٟتؠ سٟتؠ یسوعؔ تہِ مارنُک اِرادٕ بنوومُت۔11حکمران کاہن ٲسؠ لعزرسؔ مارُن یژھان تکیازِ واریاہ یہُودؠ ٲسؠ نہٕ وۅنؠ تہنٛزن کتھن پٮ۪ٹھ بھروسہٕ کران یمہِ یِم یٮ۪چھناوان ٲسؠ بلکہِ ٲسؠ امہِ بجایہ یسوعسؔ پٮ۪ٹھ بھروسہٕ کران۔12دویمہِ دوٚہہ گو معلوم یسوعؔ چُھ توٚت گژھان یوت لوٗکن ہُنٛد اکھ بوڈ ہجوم عید فسح مناونہِ یروشلم آمُت اوس۔13چونکہِ تِمو ژٔچہِ کھٔزر کُلٮ۪ن ہنٛزٕ لنجہِ تہٕ شہرس منٛز یِتھےٕ کوٚرُکھ تمِس سڑکن پٮ۪ٹھ نیرتھ استقبال۔ تِم ٲسؠ چِکہٕ دِوان، "براہِ کرم، اسہِ بچٲیو! یِم پننہِ اختیار سان آے خدا تھاوِن تمِس خوش۔ سُے چُھ اسرائیل لُک بادشاہ!" 14ییٚلہِ یسوعؔ یروشلم نزدیک ووت تہٕ تمِس سمکھیاو اکھ خر بچہٕ تتھ پٮ۪ٹھ سوار گو شہرس منٛز دٲخل۔ ا۔ یہِ کٔرِتھ کٔر تٔمؠ سۅ کتھ پوٗرٕ یُس کینٛزن نبین ہنٛدِس مقدس کلامس منٛز لیکھِتھ ٲس:15''اے یروشلم کیو روزن والیو، مٕہ کھوٚژِو۔ وُچھِو! تُہنٛد بادشاہ چُھ پکان۔ سُہ چُھ خر بچس پٮ۪ٹھ سوار!16ییٚلہِ یِم واقہ سپٕدؠ تہٕ تمسنٛدیو شاگردو سمُجھ نہٕ یہِ زِ یہِ چھےٚ تمن نبین ہنٛزن لیچھمژن کتھن ہنٛز تکمیل۔ تاہم، ییٚلہِ خداین یسوعؔس جلال بخش تمِس دُبارٕ زندٕ کٔرِتھ، تمن پیٚو یاد زِ رسولو کیاہ اوس تمِس متعلق لیٚوکھمُت تہٕ لوٗکو کیاہ اوس تمِس سٟتؠ کوٚرمُت۔17لوکھ، یِم یسوعسؔ پتہٕ پتہٕ پکان ٲسؠ رودؠ باقین یہِ ونان زِ تِمو چُھ پانہٕ دیدمان وُچھمُت یسوعؔ لازرس مقبر منٛزٕ ناد لٲیِتھ زندٕ نٮ۪بر کڈان۔18لوٗکن ہنٛز اکھ بیاکھ ٹوگجؠ وٲژ شہرکِس نٮ۪برمِس پھاٹکس پٮ۪ٹھ یسوعؔس خوش آوے کرنۂِ تِمو کوٚر یہِ تکیازِ تِمو اوس بوزمُت زِ تٔمؠ کیاہ معجزٕ اوس کوٚرمُت العزرسؔ بیٚیہِ زندٕ کٔرِتھ۔19فریسیسو ووٚن اکھ أکِس، "وُچھِو! أسؠ گے ناکام أمِس ٹھوٚر کرنس منٛز۔ لوٗکھ چھِ یسلہٕ امسنٛدؠ شٲگرد بنان۔20کینٛہہ لوٗکھ یِم نہٕ یہُودؠ ٲسؠ مگر باقین لوٗکن سٟتؠ وٲتؠ یروشلم عید فسع کٮ۪ن دوٚہُن خدا سنٛز عبادت کرنہٕ باپتھ۔21تِم آے فلپسس نِش۔ یُس گلیل ہنٛدِ علاقس منٛز بیت صیدا جایہِ ہنٛد اوس۔ تِمو پرُژھ أمِس، "جناب۔ توٚہؠ کرِنٲووا اسہِ یسوع سُنٛد تعارف؟"22فلپسن ووٚن یہِ اندریاسؔ تہٕ دوٚشوے گے یسوعؔس نِش۔23یسوعؔن ووٚن فلپ تہٕ اندریاسس، "یوٚہے چُھ سُہ وقت ییٚلہِ خدا پاوِ میٲنؠ یعنی آدمؔ سٕنٛدِس یمِس گۅبرٕ سٕنٛز عظمت جلال24بہٕ چُھسو پوٚز ونان میٲنؠ زندگی زٲنؠ تو اکھ بیٲلؠ پھوٚل ییتِس کالس نہٕ مثلن کنکہٕ بیول زمیٖنس وونہٕ ییہِ تہٕ مرِ یہِ روزِ چھرا اکھ بیٲلؠ پھوٚل۔ وۅنؠ یوٚدوے یہِ مرِ زمیٖنہِ تل یہِ لبہِ وۅتھہٕ واشر تہٕ نیرٮ۪س کٕنکھ۔25سُہ یُس میون شٲگرد روزنہٕ کھۅتہٕ زیادٕ پانس زندٕ روزُن یژھِ سُہ مرِ وۅنؠ گو سُہ یُس میون شٲگرد روزُن زیادٕ بہتر زانہِ زندٕ روزنہٕ کھۅتہٕ یتھ گناہ گار دنیہس منٛز لبہِ پوشوٕنؠ زندگی۔26یُس تہِ میٲنے خدمت کرٕنؠ یژھان چُھ تس پزِ میون شٲگرد بنُن۔ میٲنؠ خدمت کرن وٲلؠ روزن مےٚ سٟتؠ آسمانس پٮ۪ٹھ۔ میون مول بخشہِ تس عزت یُس مےٚ خدمت کرِ۔27وُنکٮ۪ن چھےٚ مےٚ یہےَ گبراہٹ ہِش۔ مےٚ پزِ نہٕ یہِ یقیناً ونُن زِ خدایہِ مےٚ بچاو تمہِ تجربہٕ نِش ییٚلہِ بہٕ تکلیفس منٛز آسہٕ تہٕ مرٕنَہ۔ بیٕ کرٕ نہٕ یہِ۔ تکیازِ یہِ چُھ میانہِ ونیُک تام زُونُک مقصد۔28مالیا۔ ہاو مےٚ ژٕ کوتاہ عظیم تہٕ عظمت وول چھُکھ۔ امہِ پتہٕ آے آسمانہٕ پٮ۪ٹھٕ خدا سنٛز آواز، "مےٚ چُھ گۅڈے پنُن جلال ہوومُت۔ خٲر بہٕ ہاوٕ بیٚیہِ۔29اتہِ موجود لُکہٕ ہجومن تہِ بوز یہِ خدا سنٛز آواز۔ کینٛژو ووٚن یہِ ٲس چھرا گگراے۔ کینٛژو ووٚن زِ اکؠ فرشتن کوٚر یسوعسؔ سٟتؠ کلام۔30یسوعؔن ووٚن یِمن لوٗکن۔ آواز یوٚسہٕ توٚہہِ بوزو ٲس خدا سنٛز تٔمؠ کوٚر نہٕ کلام میانہِ باپتھ بلکہِ تہنٛدِ فٲیدٕ باپتھ۔31وقت ووت ییٚلہِ خدا لوٗکن عدالت لاگہِ۔ یی چُھ وقت ییٚلہِ سُہ شیطانس دفع کرِ یُس دُنیاہس پٮ۪ٹھ راج کران چُھ۔32یوٚتام میون تعلق چُھ۔ ییٚلہِ لوٗکھ مےٚ صلیبہِ پٮ۪ٹھ کھالن، بہٕ انکھ سٲری لوٗکھ پانس نِش۔33تٔمؠ ووٚن لوٗکن یہِ باونہٕ باپتھ زِ سُہ کِتھہٕ پٲٹھؠ مرِ۔34اوٕ پتہٕ ووٚنُس لوٗکہٕ ہجومن اورٕ۔ اسہِ چُھ مقدس کتابو پٮ۪ٹھٕ زونمُت زِ مسیحؔ روزِ ہمیشہ خٲطرٕ زندٕ۔ تیٚلہِ کیازِ چھُکھ ژٕ ونان زِ آدمؔ سُنٛد گۅبُر ییہِ تُلنہٕ صلیبس پٮ۪ٹھ مرنہٕ باپتھ۔ یہِ کُس آدمؔ سُنٛد گۅبُر چُھ یس متعلق ژٕ یِمہٕ کِتھہٕ کران چھُکھ۔ 35یسوعنؔ وُننَکھ، "بےٕ چُھس سُہ نور یُس خدا سٕنٛدِ پزرُک تہٕ خٲرُک اظہار کران چُھ۔ بہٕ روزٕ توٚہہِ نِش کینٛہہ کالےٕ۔ میٲنؠ مثال پانہٕ رٲیو زندٕ روزنہٕ باپتھ میانس یتہِ روزنس دوران تاکہِ بہٕ رٹن یہِ انہِ گوٚٹ تل تل تہٕ دِمس نہٕ توٚہہِ پٮ۪ٹھ حٲوی گژھنہٕ۔ یِم لوٗکھ گناہ گار زندگی گُذاران چھِ تِم چھِ زٲنؠ تو انہِ گٔٹِس منٛز دربدر۔ یہِ زاننہٕ وراے زِ گژھُن کوٚت چھُکھ۔36مےٚ پٮ۪ٹھ کٔرِو پژھ نور یُس خدا سنٛزِ حقیقتُک تہٕ پزرُک ظہور چُھ۔ ییٚلہِ بہٕ وُنہِ تہِ توٚہہِ منٛزے چُھس۔ خدا سٕنٛدؠ مخلوٮ۪ بننہٕ باپتھ کٔرِو یہِ یعنی خدا سُنٛد پزر تہٕ خٲر پرزٕناون وٲلؠ بٔنیو۔ یہِ ؤنِتھ رود یسوعؔ لوٗکو منٛزٕ نیرتھ کٔھٹِتھ۔37یوٚدوے زن یسوعؔن لوٗکن دیدمان واریاہ معجزٕ کٔرؠ توتہِ کرر نہٕ یِمو منٛزٕ واریہو لوٗکو أمِس پٮ۪ٹھ پژھ۔38تہنٛزِ أمؠ بے پژھی کوٚر پوٚز ثٲبت یسعیاہؔ نبی سنٛز واریاہ برونٛہہ وننہٕ آمٕژ کتھ خداوند کٲنٛسہِ کرِ نہٕ پژھ سٲنِس کلامس۔ باسان چُھ خدا وند سُنٛد طاقت وُچھ نہٕ ظہورس منٛز یِتھؠ تہِ کٲنسے۔ 39أمؠ کٔر نہٕ یسوعؔس پٮ۪ٹھ تہِ کٲنٛسہِ پژھ۔ یسعیاہنؔ اوس لیٚوکھمُت۔40خداوندن تھٲوؠ نہٕ تِم وُچِھتھ تہٕ وُچھنس لایق تہٕ بناوِنؠ احمق۔ تٔمؠ بنٲوؠ تِم یِم تاکہِ تِمن ییہِ نہٕ أچھ مُژرِتھ تہِ بوزنہٕ۔ اگرچہِ تِم وُچھان چھِ، تہنٛزٕ أچھ روزن وژھے مگر گاشہٕ روٚستےٕ۔ تہٕ نَہ ہیٚکن کینٛہہ سمجِتھ تہٕ نَہ ہیٚکن گوٚنہو نِشہ ژٔلِتھ۔ ضدایس کُن پھیرِتھ۔ تہٕ بہٕ کرکھ نہٕ ہرگز معاف۔ 41یسعیاہؔ ہن چھِ واریاہ برونٛہہ کالہِ لیٚوکھمُت تکیازِ تٔمؠ وُچھ یسوعؔ تہٕ کوٚرُن أمِس متعلق کلام۔42یوٚدوے زن یہِ پوٚز اوس مگر واریہو یہُودؠ حکمران انتظٲمؠ مشیرو کٔر أمِس پٮ۪ٹھ پژھ۔ مگر پننہِ امہِ پژھِ ہُنٛد اظہار کوٚرُکھ نہٕ کٲنسے پٮ۪ٹھ۔ تکیازِ تمن اوس خوف زِ تیٚلہِ کرن فریسیسی یمن ٹھاکھ یہُودؠ مجلس ہنٛزِ جایہِ اژنس۔43تِمو کوٚر یہِ امہِ خوفہٕ زِ لوٗکھ کرن تِمن عزت امہِ بجایہ زِ خدا دِیہ تِمن عزت۔44یسوعنؔ ووٚن أکِس لوٗکہٕ ہجومس زورٕ زورٕ۔ مےٚ پٮ۪ٹھ پژھ کرن وٲلؠ چھِنہٕ صرف مےٚ پٮ۪ٹھ پژھ کران بلکہِ میٲنِس مٲلِس تہِ یمؠ بہٕ یور سوزُس۔45یِم مےٚ وُچھان چھِ، تِم چھِ میٲنِس مٲلس تہِ وُچھان یمؠ بہٕ یور سوزُس۔46بہٕ آس یتھ دُنیہس منٛز نور بنِتھ یُس خدا سُنٛد پزر تہٕ خٲر ظہورس منٛز انان چھِ تاکہِ مےٚ پٮ۪ٹھ پژھ تھاون وٲلؠ روزن نہٕ یمہِ اپور انہِ گٔٹِس تہٕ بدی منٛز۔47بہٕ چُھسن نہٕ کانٛہہ تہِ راہ لد مانان یوٚدوے زن سُہ میٲنؠ تعلیم بوزِتھ تہِ مانہِ نہٕ تکیازِ بہٕ آس نہٕ یتھ دُنیہس منٛز لوٗکن راہ لد آسنُک اعلان کرنہِ بلکہِ آس بہٕ یتھ دُنیہس منٛز لوٗکن نجات بخشنہِ۔ گوٚنہو باپتھ سزا دٕننہِ48سُہ کانٛہہ تہِ یُس مےٚ نامنظور کرِ تہٕ میٲنؠ تعلیم ماننہ ییہِ مےٚ پٮ۪ٹھ پژھ کرِنہٕ سُہ سپدِ میانہِ تعلیمہ حسابے سزاوار تہِ۔ ٲخری دوٚہہ ییٚلہِ خدا لوٗکن عدالت لاگہِ سُہ پرکھاوِ میانہِ تعلیمہ حسابے لوٗکن۔49یہِ سپدِ تکیازِ بہٕ چُھس نہٕ پننہِ اِرادٕ تعلیم دِوان بلکہِ ووٚن میٲنؠ مٲلؠ یمؠ بہٕ یور سوزُس زِ مےٚ کیاہ چُھ ونُن۔50مےٚ چُھ یقین زِ میٲنؠ مٲلؠ یہِ مےٚ ووٚن لوٗکن پزِ تتھ پٮ۪ٹھ پژھ کرٕنؠ ہمیشہٕ زندٕ روزنہٕ باپتھ۔ لہٰذا چُھس بہٕ تی ونان یہِ میٲنؠ مٲلؠ ووٚن مےٚ۔
Bridge Connectivity Solutions Pvt. Ltd.