یوحنا11
1لازرؔ ناوُک اکھ شخص گو سخت بٮ۪مار۔ سُہ اوس بیت عنیاہ ہُک روزن وول یتہِ أمؠ سنٛزٕ بیٚنہِ مریمؔ تہٕ مارتھاؔ تہِ روزان آسہٕ۔2یہِ چھےٚ سۅے مریمؔ یۅسہ برونٛہہ پہن اکہِ دوٚہہ خداوندس عطر چھکہ تہٕ امسنٛدٮ۪ن کھۅرن ہُند عٲرق وۅتھراوِ پننہِ مستہٕ سٟتؠ۔ یہِ اوس تمؠ سُنٛد بوے لازرؔ یُس بؠمار اوس۔3اوے سوز یٕمو دوٚیو بیٚنیو یسوعسؔ نِش لازرؔ سنٛزِ بٮ۪مارِ ہنٛز شیٚچھ ہٮ۪تھ اکھ نفر۔ تِمو ووٚنُس، "ہے خداوند۔ چون ٹوٹھ چُھ سخ بٮ۪مار مہربٲنی کٔرِتھ أنِو تشریف۔"4ییٚلہِ یسوعنؔ بوز زِ لازرؔ چُھ بٮ۪مار تٔمؠ ووٚن، "یہِ بٮ۪مٲرؠ ہیٚکہِ نہٕ لازرٕ سنٛدِ موتُک بٲعث بنتھ۔ بلکہِ چُھ امہِ دادیُک مطلب یُتےٕ یہِ ہاوُن زِ خدا کوتاہ عظیم چُھ۔ لازرؔ سپدِ علیل بس یہِ باونہٕ باپتھ زِ بہٕ خدایہِ سُںنٛد گۅبُر کوتاہ عظمت وول چُھ"5یسوعؔ اوس یِمن تریٚشوٕنؠ لول بران۔ مارتھایہِ تس سنٛز بیٚنہِ مریمس تہٕ لازرسؔ۔6یُتھےٕ یسوعنؔ یہِ بوز زِ لازرؔ چُھ بؠمار سُہ رود زٲنِتھ مٲنِتھ بیٚیہِ زٕ دوٚہہ أتی یتہِ سُہ اوس۔7یِمو دوٚیو دوٚہو پتہٕ ووٚن یسوعنؔ پننٮ۪ن شٲگردن۔ پٔکِو أسؠ نیرو واپس یہُوداؔ کُن۔8شاگردو ووٚنُس واپس، "یہُوداؔ زِٹھؠ چھۍ تتہِ یہُوداؔ شہرس منٛز ژےٚ کنہِ لٲیِتھ سنگسار کٔرِتھ مارُن یژھان۔ ژےٚ پزی نہٕ یقیناً تور واپس بیٚیہِ گژھُن۔9یسوعنؔ ونُکھ، "توٚہہِ چھےٚ پتاہ زِ دوٚہُل چُھ باہ گنٹہٕ۔ کانٛہہ تہِ نفر یُس دوٚہلہِ سفر کرِ ہیٚکہِ آرام سان یہِ کٔرِتھ تکیازِ دوٚہلؠ گاش ہاوِ أمِس صاف زِ سُہ کوٚت چُھ گژھان۔10وۅنؠ گو ییٚلہِ کانٛہہ رات کیُت سفر کرِ تس لگہ بعضے کھونٛد تہِ یا ییہِ وُکراونہٕ تکیازِ سُہ ہیٚکہِ نہٕ وُچھتھےٕ پنٕنؠ وتھ۔11یِمہٕ کینٛہہ کِتھہٕ کٔرِتھ ووننکھ، "سون یار لازر چُھ شونٛگِتھ مگر بہٕ گژھٕ تو تمِس وُزناونہِ۔12اوے ووٚنُس اورٕ پننیٚو شاگردو، "خداوند! یوٚدوے سُہ شوٚنگِتھ چُھ تیٚلہِ گژھِ سُہ اوٚر تہِ۔"13یسوعسؔ اوس ژکہِ العزرؔ سٕنٛدِ مرنچ کتھ کران۔ مگ بہٕ گژھٕ توٚت تمِس وُزناونہِ۔ مگر شاگردو زون زِ سُہ چُھ بس نٮ۪نٛدرِ ہنٛز کتھ کران۔14اور ونُکھ یسوعنؔ کتھ کھولِتھ، "لازر چُھ مودمُت۔15تہٕ بہٕ چُھس خوش زِ بہٕ اوسُس نہٕ تتہِ۔ مےٚ دیُت یہِ سپدنہٕ تاکہِ توٚہؠ دٔر رٲیو مےٚ پٮ۪ٹھ پنٕنؠ پژھ۔ یہِ چُھ تُہنٛدِ فٲیدٕ باپتھ۔ یتہِ روزنہٕ بدلہٕ پکو أسؠ تورؠ کُن یتہ سُہ چُھ16اوے ووٚن تُوماہن یمِس "دوکر تہِ ونان اسؠ باقین شٲگردن۔ ؤلِو أسؠ تہِ گژھو تورؠ استادس سٟتؠ تاکہِ تٔسؠ سٟتؠ مرو۔"17ییٚلہِ یسوعؔ اور ووت بیت عنیاہ کِس گامس منٛز تٔمؠ بوز زِ لوکو اوس برونٛہےٕ العزرؔ سُنٛد مۅردٕ جسم مقبرس منٛز ژوٚن دوٚہُن ہُنٛد واتنوومُت۔18یروشلم اوس بیت عنیاہ پٮ۪ٹھ الہٕ پلہٕ ترےٚ کلومیٹر دوٗر19واریاہ یہُودؠ آے مارتھایہؔ تہٕ مریمسؔ نِش تمن بٲے سٕنٛدِس یعنی العزر سنٛدِس مرنس پٮ۪ٹھ تعزیت کرنہٕ باپتھ۔20ییٚلہِ مارتھایہِؔ بوز کُستام یہِ ونان زِ یسوعؔ چُھ یورؠ پکان سۅ درایہ تس برونٛٹھ نیرنہٕ باپتھ نٮ۪بر۔ مریمؔ درایہِ نہٕ أمِس سٟتؠ بلکہِ روز انٛدرےٕ۔21ییٚلہِ مارتھاؔ یسوعسؔ سمکھییہِ تمہِ ووٚنُس، "خداوند! کاش ژٕ آسہٕ ہکھ ؤلؠ ؤلؠ آمُت میون بوے مرِ ہے نہٕ۔22بہرحال وۅنؠ گو مےٚ چُھ وُنتہِ ییٚلہِ زن سُہ مود یقین زِ خدا کرِ بلکل تی یہٕ ژٕ تمِس ونکھ۔23یسوعنؔ ووٚنُس، "چون بوے گژھِ بیٚیہِ زندٕ۔24مارتھایہؔ ووٚنُس یور، "مےٚ چُھ یقین زِ میون بوے گژھِ بیٚیہِ زندٕ ییٚلہِ قیامت کہِ ٲخرے دوٚہہ خدا سارنےٕ مۅردن زندٕ تُلہِ تِمن عدالت لاگنہٕ باپتھ۔ 25یسوعؔن ووٚن تس، "بہٕ چُھس سُہ یُس مۅردن زندٕ کران چُھ۔ بےٕ چُھس لوٗکن پوشوٕنؠ زندگی بخشن وول۔ سُہ ہر کانٛہہ یُس مےٚ پٮ۪ٹھ پژھ کرِ بیٚیہِ پوشوٕنؠ زندگی یوٚدوے تسُںنٛد جسم مرِ تہِ۔26تم تمام یِم پوشوٕنؠ زندگی پراون تہٕ مےٚ پٮ۪ٹھ پژھ تھاون روزن یقیناً ہر ہمیشہٕ زندٕ۔ یقین چِھیا یہِ چُھ پوٚز؟"27مارتھایہِؔ ووٚنُس۔ آ! مےٚ چھےٚ پژھ۔ خداوند۔ مےٚ چُھ یقین زِ توٚہؠ چُھو مسیحؔ خدایہِ سٕنٛدؠ نیٚچوؠ۔ توٚہؠ چُھو خدایہِ سنٛدؠ وعدہ موجُب بیٚیہِ یتھ دنیہس منٛز یٕنہٕ وٲلؠ۔28ییٚلہِ تمہِ یہِ ووٚن سۅ پھیر گرٕ کُن تہٕ لوٚتہِ پٲٹھؠ اننٲوٕن تس سنٛز بیٚنہِ مریمؔ۔ تٔمؠ ووٚن مریمسؔ، "استاد آو تہٕ سُہ چھُے ناد دِوان۔29ییٚلہِ مریمنؔ بوز پننہِ بٮیٚنہِ ہنٛز کتھ۔ سۅ ؤژھ ؤلؠ تھوٚد تہٕ آیہِ نٮ۪بر نیرتھ یسوعسؔ سمکھنہِ۔30اوٚت تام اوسنہٕ یسوعؔ بیت عنیاہ کِس گامس منٛز ژامُت تہٕ اوس تٔتی یتہِ مارتھاؔ تس سمکھییہِ۔31یہُودؠ لوٗکھ یِم مریمسؔ پننہِ گرِ تسلی دِوان ٲسؠ تہِ ؤتھؠ مریمسؔ سٟتؠ تھوٚد تہٕ دراے نٮ۪بر أمِس پتہٕ پتے۔ تِمو کوٚر انٛدازٕ زِ سۅ گژھِ مقبرس پٮ۪ٹھ یتہِ تِمو العزرؔ دفن کوٚرمُت اوس تتہِ پننِس بٲے، س ودنہِ۔32ییٚلہِ مریم تتھ جایہِ وٲژ یتنس یسوعنؔ مارتھاؔیہ سٟتؠ کتھ کٔر۔ تہٕ وچُھن سۅ۔ تمہِ تروو پنُن پان پتھرِس تمسنٛدٮ۪ن پاین پٮ۪ٹھ۔ تمہِ ووٚن أمِس، "ہے خدا وند۔ کاش توٚہؠ ٲسؠ ہو ہنا سُلہِ آمٕتؠ۔ میون بوے ما مرِ ہے۔"33ییٚلہِ یسوعنؔ سۅ ودان رِوان وُچھ تہٕ تس سٟتؠ آمٕتؠ یہُودؠ تہِ۔ سُہ گو سخت برہم۔34تٔمؠ پرُژھ توٚہہِ کتہِ دفنٲوووٕن تمؠ سنٛز لاش۔ "تِمو ووٚنُس، "خداوند ؤلِو وُچھِو سُہ کتہِ چُھ۔35یسوعنؔ تہِ ہیوفت اوٚش ہارُن۔36لہٰذا ووٚن مریمس سٟتؠ آمتیٚو یہودیٚو اکھ أکس، "وُچھِو یہِ کوتاہ اوس لازرسؔ لول بران!"37وۅنؠ گو باقیو ووٚن پانہٕ وٲنؠ، "یہِ چُھ ہیٚکان انٮ۪ن گاش دِتھ۔ ممکن چُھ أمِس آسہ نہٕ مرنہٕ نِش بچاونُک طاقت"38یسوعؔ آو بیٚیہِ مقبرس نکھہٕ وٲتِتھ بربکہٕ یہِ ٲس اکھ گوٚپھ یتھ اژنہٕ باپتھ پٮ۪ٹھ دولہٕ پل اوس آمُت تھاونہٕ39یسوعن دیت حکم، "یہِ پل تُلِو گۅپھِ گلہِ پٮ۪ٹھٕ تھوٚد۔ "مگر لازرؔ سنٛزِ بیٚنہِ مارتھایہِؔ ووٚنُس، "خداوند۔ ونیُک تام آسہ امسنٛدِس جسمس بدبو ؤژھمٕژ تکیازِ سُہ مود ژور دوٚہہ برونٛہہ"40یسوعن وون تس، "مےٚ ژےٚ پوٗرٕ پژھِ وۅنےٕ زِ یوٚدوے توٚہؠ مےٚ پٮ۪ٹھ پژھ تھٲیِو توٚہؠ وُچھِو پانے خدا کوتاہ عظیم چُھ۔41کینٛژو لوٗکو تُل امہِ مقبرکہ اژنہٕ باپتھ پل تھوٚد۔ یسوعنؔ وُچھ ہیٚور کُن آسمانس کُن تہٕ ووٚنُن، "مولا۔ مالیا! میٲنِس وننس کن تھاونس شُکریہ۔42بہٕ چُھس زانان زِ ژٕ چھُکھ ہمیشہٕ میون بوزوُن۔ وۅنؠ گو مےٚ وونےٕ یہِ یمو یتہِ موجود لوٗکن بوزناوننہٕ باپتھ۔ مےٚ وۅنُے یہِ تاکہِ، یِمن لگہ بھروسہٕ بہٕ سوزتھس ژےٚ۔43یہِ دُعا منٛگنہٕ پتہٕ دِژ تٔمؠ زورٕ کرٮ۪کھ لازرؔ "مقبرٕ منٛزٕ نیر نٮ۪بر"44یہِ مودمُت انسان آو مقبرٕ منٛزٕ نیٚبر نیرتھ! یِمو لوکو یہِ دفناونہِ کرنہٕ خٲطرٕ تیار کوٚڑمُت اوس تِمو ٲسؠ امسٕنٛدؠ کھوٚر تہٕ اتھ دجہٕ رادو سٟتؠ گنٛڈمٕتؠ تہٕ تمسٕنٛدِس بُتھِس تہِ اوسُکھ پلو ولمُت۔ یسوعنؔ ووٚن اتہِ وۅدٕنؠ لوٗکن "یِمہٕ أمِس گنڈنہٕ آمژٕ دجہِ مُژرٲیو أمِس۔ أمِس دِیو نیرنہٕ۔"45اوٕ کِنؠ اوٚن تِمو واریہو یہُودیو أمِس پٮ۪ٹھ ایمان یِم اوٚت مریمسؔ تسلی دِنہِ آمٕتؠ ٲسؠ تہٕ یسوعؔ سُنٛد یہِ مرُن معجزٕ وُچھ۔46مگر یِمو منٛزٕ کینٛہہ لوٗکھ دورییہ فریسین تہٕ ونُکھ تِمن یہِ سورےٕ یہِ زن یسوعنؔ کوٚر۔47حکمران کاہن تہٕ فریسیسی گے سٲری جمع عدالتہٕ کٮ۪ن زِٹھٮ۪ن سان۔ تِم ٲسؠ اکھ أکِس ونان ٲخٕر أمِس انسانس کرو کیاہ۔ سُہ چُھ واریاہ معجزٕ کران۔48یوٚدوے أسؠ أمِس یہِ لگاتار کرنہٕ دِمو پرٮ۪تھ کانٛہہ کرِ أمِس پٮ۪ٹھ پژھ تہٕ بناون أمِس پنُن بادشاہ اوٕ کِنؠ ییہِ رومی فوج اسہِ پٮ۪ٹھ وۅگلِتھ تہٕ کرِ ہیکل تہٕ لوٗکن بُرباد۔49امہِ یہُودؠ مجلسِ مشاورتُک اکھ رکُن اوس کایفاؔ۔ امہِ وریہِ اوس یہِ زیُٹھ کاہن۔ أمؠ ووٚن یِمن، "توٚہؠ لوٗکھ چُھو نہٕ زانن کہین!"50تہٕ نہٕ چُھو ژینان زِ یہِ روزِ زیادٕ بیتر زِ اکھ نفر مرِ تمام باقیو لوٗکو بدلہٕ یمن أمِس نفرٕ سٕنٛدِ باپتھ رومی مارن۔51کیفاہن ووٚن نہٕ یہِ اوٕ کِنؠ زِ یہِ اوس تس پنُس سونچ بلکہِ ووٚنُن اوٕ کِنؠ زِ سُہ اوس امہِ وری زیُٹھ کاہن، سُہٕ اوس پیشن گوئی کران زِ یسوعؔ مرِ یہودی لوٗکن ہنٛدِ طرفہٕ۔52زِ یسوعؔ مرِ نہٕ صرف یہُودؠ لوٗکو باپتھ بلکہ خدایہِ سنٛدٮ۪ن سارنےٕ شُرٮ۪ن اکھ بناونہٕ باپتھ تہٕ یِم خداین سٲرسےٕ دُنیاہس منٛز چھکرٲومٕتؠ چھِ۔53کیفا سنٛزِ پیش گوییٔ پتہٕ یِنہٕ والیٚن دوٚہُن منٛز کوٚر أمؠ یہُودؠ مشاورتن یسوعؔ مارنٕچ ژوٚۓ۔54اوٕ کِنؠ پھیور نہٕ پتہٕ یہُودؠ علاقو منٛزؠ زہنٛؠ یسوعؔ کھُلہٕ پٲٹھؠ۔ اتھ برعکس ترووُن یروشلم تہٕ گو اکِس افرائیمؔ ناوکِس قصبس منٛز یُس أکِس بیابانس منٛز چُھ۔ کینٛہہ کالا رود یسوعؔ پنٕنؠ شٲگرد ہٮ۪تھ أتی۔55یِمنےٕ دوٚہُن منٛز ٲس یہودٮ۪ن ہنٛز عید فسع تہِ یِنہٕ واجِنؠ۔ امہِ علاقہٕ پٮ۪ٹھٕ تہِ گے واریاہ لوٗکھ یروشلم۔ تمہِ آے واپس پھیرِتھ امہ عیذ برونٛہےٕ رسمی سران صفٲیی کرنہٕ باپتھ۔ یہُودؠ شریعت مطٲبق۔ 56لوٗکھ رودؠ یسوعسؔ ژھاران یروشلم عید فسع مناونہٕ باپتھ ہیکل کِس اندرونی صحنس منٛز کھڑا رودؠ تِم اکھ أکِس پرژھان۔ توٚہؠ کیاہ سونچان۔ تہنٛز کیاہ راے؟ سُہ ییہِ نہٕ ہرگز عید فسع مناونہٕ باپتھ۔57کینٛہہ وقت برونٛہہ اوس حکمران کاہنو تہٕ فریسیسو حکم کوٚڈمُت زِ یُس اکھا یسوعسؔ ونہِ کڈِ سُہ گژھِ امسنٛزِ روزن جایہِ ہُنٛد پے پتاہ تمن واتناوُن تاکہِ سُہ ییہِ بٲنٛدؠ بنوانہٕ۔
Bridge Connectivity Solutions Pvt. Ltd.