یوحنا10
1بہٕ یسوع چُھسو پزر ونان۔ یُس کانٛہہ تہِ تیٖر وٲرِس منٛز امکہِ برٕ ورٲے بیٚیہِ کُنہِ کِنؠ تہِ اژِ چُھ لٲزمن ژوٗر یا ڈاکو۔ یُس تیر ژوٗرِ نِنہٕ آمُت چُھ2تہٕ سُہ انسان یُس تیٖر وٲرِس منٛز برٕ کِنؠ اژِ چھِ تیرؠ رٲچھ۔ یُس یِمن تیرن چھان چُھ3سُہ شخص یُس پہلؠ سنٛزِ غٲر حٲضری منٛز واڈٕ کِس برس پٮ۪ٹھ رٲچھ راوٹھ کرن وول چُھ پہلِس بر ووٚتھ تراوان ییٚلہِ سُہ ییہِ۔ تیٖر چھِ رٲچھ در سنٛز آواز پرزٕناوان۔ سُہ چُھ پننٮ۪ن تیرن پننہِ پننہِ ناوٕ بُلاوان تہٕ پانس پتہٕ پتہٕ واڈٕ منٛزٕ کڈان۔4یِمن تیرن وارِ منٛزٕ نٮ۪بر کٔڑِتھ چُھ تیٖر رٲچھ یِمن برونٛہہ برونٛہہ پکان۔ پنٕنؠ تیرؠ چُھس سٲری پتہٕ پتہٕ روزان۔ تسٕنٛدؠ تیر چھِ تمِس پتہٕ پتہٕ پکان تکیازِ تِم چھِ امسنٛزِ آواز پرزٕناوان۔5امسنٛدؠ تیر نیرن نہٕ ہرگز تہِ کٲنٛسہِ وۅپرس پتہٕ پتہٕ یمِس نہٕ تِم زانان آسن۔ بلکہِ ژلن أمِس نِش دوٗر تکیازِ یِم چھِنہٕ کٲنٛسہِ وۅپر سنٛز آواز پرزٕناونےٕ۔6یسوعنؔ ؤنؠ یہِ تمثیل تمن پہلین ہنٛزٕ کامہِ وُچِھتھ فریسین۔ مگر تِمو ہیٚچ نہٕ یہِ تمثیل سمجھتھےٕ۔7یسوعنؔ ووٚن یِمن اوے بیٚیہِ، "بہٕ چُھسو پزر ونان۔ بےٕ چُھس امہِ تیر واریُک برٕ یپٲرؠ تیٖر وٲرِس منٛز اژان چھِ۔8تِم تمام زِٹھؠ یِم مےٚ برونٛہہ خدایہِ سٕنٛدِ حکمہٕ ورٲے یور آے ٲسؠ ژوٗر تہٕ ڈاکو۔ مگر اصل تیرو بوزنہٕ تہنٛز کتھ۔ 9بےٕ چُھس پانہٕ جنتُک دروازٕ۔ خدا بخشہِ تمِس نجات ابدی سزا نِشہ یس تمس نِش ییہِ مےٚ پٮ۪ٹھ پژھ کرتھ۔ سُہ یُس تہِ مےٚ پٮ۪ٹھ پژھ تھاوِ چُھ تمِس تیرس ہیٚو یس حفاظتس منٛز اورٕ یور پکان چُھ تہٕ پنن کھیٚن لبان چُھ۔ 10تہنٛدؠ زِٹھؠ چھِ ژوٗر یِم چھرا لوٗٹنہِ، مارنہ تہٕ تیرن بُرباد کرنہِ آمٕتؠ چھِ۔ بہٕ چُھس آمُت تیرن پوشوٕنؠ زندگی دِنہِ یوٚسہٕ مکمل برکت واجِنؠ آسہ۔11بہٕ چُھس پانہٕ أکس رٕتِس پہلؠ سنٛدؠ پٲٹھؠ۔ رُت پوہول چُھ پنٕنؠ زندگی چھپہِ دِنہٕ باپتھ تیار آسان پننٮ۪ن تیرن بچاو کرنہٕ باپتھ۔ بہٕ تہِ چُھس پننٮ۪ن شٲگردن ہنٛدِ باپتھ مرنس تیار۔ 12فرض کرو اکھ نفر چُھ أکِس تِتھِس نفرس مُزورِ پٮ۪ٹھ رٹان یُس نہٕ پوہول چُھ تہٕ یمس پنٕنؠ تیر تہِ چھِنہٕ۔ ییٚلہِ یُتھ نفر رامہٕ ہوٗنس یوان وُچھِ تیرن پٮ۪ٹھ حملہٕ کرنہِ سُہ چُھ تیرؠ ترٲوتھ پانہٕ ژلان تہٕ رامہٕ ہوٗن چُھ کینٛژن تھپھ ژھٕنان تہٕ باقین چھلہٕ چھانگرِ کران۔13یہِ مُزور لاگنہٕ آمُت نفر چُھ دو تراوان تکیازِ سُہ اوس یِمن تیرن رٲچھ کران پننہِ مُزورِ باپتھ۔ تیرن کیاہ بنہِ تس چُھنہٕ امیُک کانٛہہ پرواہ۔14بہٕ چُھس پانہٕ اکھ رُت تیر رٲچھ۔ یتھٕ پٲٹھؠ اکھ رُت تیر رٲچھ پننٮ۪ن تیرن زانہِ تہٕ تیر زانن تس بہٕ زانکھ تِم سٲری یِم میٲنؠ چھِ۔ تہٕ تم تہِ زانن مےٚ۔15أسؠ زانو اکھ أکِس۔ تِتھے پٲٹھؠ یتھٕ پٲٹھؠ زن میون مول تہٕ بہٕ اکھ أکِس زانو۔ بہٕ چُھس یِمن تیرن ہنٛز بہبودی تہٕ رٲچھ باپتھ مرنس تیار۔ یِم میٲنؠ چھِ۔16کینٛہہ بیٚیہِ تہِ تیر چھِ میٲنؠ یِم باقیو تیر وٲریو پٮ۪ٹھٕ آمٕتؠ چھِ یِم گے تِم لوٗکھ یِم یہُودؠ چھِنہٕ۔ مےٚ پزم یِم تہِ پانس نِش انٕنؠ۔ تِم کرن میانہِ کتھہِ پٮ۪ٹھ عمل تہٕ میٲنؠ سٲری تیر بننن یِکہٕ وٹہٕ اکھ کھیوٚل تہٕ بہٕ آسہٕ تہنٛدِ تیرؠ رٲچھ۔17میون مول چُھ مےٚ لول بران تکیازِ بہٕ چُھس تیار مرنہٕ باپتھ تاکہِ دُبارٕ گژھٕ زندٕ۔18مےٚ چُھنہٕ مرنہٕ باپتھ کانٛہہ جبر کران۔ بلکہِ چُھ مےٚ پنُن مرُن پانہٕ ژورمُت۔ مےٚ چُھ اختیار پننہِ اِرادٕ مرنُک تہٕ مےٚ چُھ اختیار پنُن پان دُبارٕ زِنٛدٕ کرنُک۔ یہےَ کٲم چھےٚ میٲنؠ مٲلؠ مےٚ کرنُک حکم دیُتمُت۔19یسوعنؔ یُتھےٕ یہِ ووٚن یہُودؠ زِٹھؠ گے پانہٕ وٲنؠ مخالف ٹوگجن منٛز۔20واریہو یہُودؠ زِٹھیٚو ووٚن أمِس چُھ بدروح رٔٹِتھ تہٕ یہِ چُھ مجنون مہ بوزِو امسُنٛد۔21بیٚیہِ کینٛژو ووٚن، "یہِ سُہ ونان چُھ ہیٚکہِ نہٕ سُہ شخص ؤنِتھ یُس بدروح سنٛدِس حکمس تل آسہ۔ یقیناً بناوِ نہٕ بدروح کٲنٛسہِ أنِس گاشدار۔22امہِ پتہٕ آیہِ یروشلمہٕؔ کِس ہیکلس مخصوص کرنچؠ عید مناونٕچ دعوت دنہٕ۔ اتھ دوران ٲسؠ لوٗکھ خٟمن منز روزان۔23یسوعؔ اوس ہیکل کِس اندرمس آنٛگنس منٛز پھیران یتھ سلیمانؔ سُنٛد برانٛد ونان چھِ۔24یہُودؠ زِٹھؠ آے یسوعسؔ انٛدؠ انٛدؠ سمِتھ تہٕ پرُوژھہس۔ ژٕ کٲتِس کالس تھاوکھ اسہِ پریشان پننس اتہ پتہ ہس متعلق یوٚدوے ژٕ مسیحؔ چھُکھ۔ ون اسہِ صاف صاف تاکہِ أسؠ زانو۔"25یسوعنؔ ونُکھ یورٕ، "مےٚ چُھو ووٚنمُت توٚہہِ۔ مگر توٚہؠ چُھو نہٕ توتہِ مےٚ پٮ۪ٹھ پژھ کران پننس مٲلؠ سٕنٛدِس حکمس تل یِم معجزٕ بہٕ کران چُھس تم وننو توٚہہِ تہِ سورےٕ یہِ بہٕ چُھس۔26بہرحال توٚہؠ کٔرِو نہٕ توتہِ پژھ تکیازِ توٚہؠ چُھو نہٕ میٲنؠ برٕ۔ توٚہؠ چُھو تم تیر یِم میانہِ کھیٚلِکؠ چھِنہٕ۔27یتھٕ پٲٹھؠ تیرؠ پننس رٲچھ سنٛزِ آوازِ مازان چھِ میٲنؠ لوٗکھ چھِ میٲنِس وننس مازان۔ بہٕ زانکھ تِم تہٕ تِم چھِ میٲنؠ شٲگرد۔28بہٕ چُھس تمن پوشوٕنؠ زندگی پراونس لایق بناوان آسمانن منٛز خدایس ستؠ۔ تِمن ہیٚکنہٕ کانٛہہ بُرباد کٔرِتھ۔ تہٕ کانٛہہ تہِ ہیٚکنہٕ زانہٛہ تِمن مےٚ نِش دوٗر نِتھ۔29تِم دِتؠ مےٚ پنٕنؠ مٲلؠ۔ سُہ چُھ پرٮ۪تھ کٲنٛسہِ کھۅتہٕ بوٚڈ تہٕ عظیم تہٕ کٲنٛسہِ چُھنہٕ طاقت تِمن تس نِشہ دوٗر نِنس۔30میون مول تہٕ بہِ چھِ اکُے خدا31یہُودؠ زِٹھیٚو تُجہ بیٚیہِ کنہِ تِمس لاینہٕ باپتھ تہٕ مارنہٕ باپتھ۔32یسوعؔن ووٚن یِمن۔ توٚہہِ وُچھووُس بہٕ پننِس مٲلؠ سٕنٛدِ حکمہٕ واریاہ معجزٕ کران۔ تِمو منٛزٕ کمہِ باپتھ چُھو توٚہؠ مےٚ کنہِ لٲیِتھ مارُن یژھان؟33یہُودؠ زِٹھیٚو ونُس یورٕ، "أسؠ چھی نہٕ ژےٚ کنہِ مٲرِتھ مارُن یژھان پننہِ کُنہِ رِژِ کامہِ باپتھ بکلہ چِھتھ مارُن یژھان تکیازِ ژٕ چُھکھ خدایس کفر کران یہِ دعوا کرتھ کہ ژٕ چُھکھ خدا، ہرگاہ ژٕ چھرا اکھ انسان چُھکھ۔ 34یسوعنؔ ونُکھ یورٕ، "پرٲنس عہدنامس منٛز چُھ اکھ نبی لیٚکھان زِ خداین ووٚن، "مےٚ ونَو زِ توٚہؠ چُھو خدا۔ 35چونکہِ خداین ووٚن پننٮ۪ن مخاٲطبن خدا تہٕ کانٛہہ تہِ ہیٚکہِ نہٕ یمن مقدس صحیفن اپُز ؤنِتھ36توٚہؠ کیازِ چُھو ونان زِ بہٕ چُھس کفُر ونان تکیازِ مےٚ ووٚن بہٕ چُھس خدا سُنٛد نیٚچو۔ بےٕ چُھس سُہ یُس میٲنؠ مٲلؠ خاص پٲٹھؠ ژور پنپن تہٕ تمؠ سُنٛد یتھ دنیہس منٛز۔37یوٚدوے بہٕ تِم معجزٲتی کامہِ کرہا نہٕ یِم میون مول یژھان چُھ مےٚ کرناونہِ مےٚ تیٚلہِ پزِہے نہٕ توٚہہِ مےٚ پٮ۪ٹھ پژھ کرٕنؠ۔38چونکہِ بہٕ چُھس یِمہٕ کامہِ کران توٚہہِ پزِ پژھ کرٕنؠ تتھ پٮ۪ٹھ یہِ یِمہٕ کامہِ مےٚ متعلق توٚہہِ ونان چُھو۔ یوٚدوے توٚہہِ مےٚ پٮ۪ٹھ پژھ آسیٚو تٮ۪نہٕ۔ توٚہہ پزِ یہِ کرن یہِ زاننہٕ باپتھ زِ بہٕ تہٕ میون مول چُھ دوٚشوے کُنی۔39چونکہِ أمؠ ونہِ یِمہٕ کِتھہٕ یہُودؠ زِٹھیٚو کریاے ژھل یہِ بٲنٛدؠ بناونچ مگر سُہ دراو بچِتھ یِمو نِشہ۔40امہِ پتہٕ توٚر یسوعؔ واپس یردن دریاوس۔ سُہ گو تتھ جایہِ یتہِ بپتسمہ دِنہٕ وٲلؠ یوحناہن گۅڈٕ کالہٕ لوٗکن بپتسمہ دیُتمُت اوس۔ اتہِ رود یسوعؔ کینٛہہ کالےٕ۔41یسوعسؔ نِش وٲتؠ اور واریاہ لوٗکھ تِمو ووٚن، "بپتسمہ دِنہٕ وٲلؠ یوحناہن کوٚر نہٕ کانٛہہ تہِ معجزٕ۔ مگر یوحناہن یِتہِ کینٛہہ یمِس نفرس متعلق ووٚن چُھ پوٚز۔42اتہِ کٔر واریہو لوٗکو أمِس پٮ۪ٹھ پژھ قٲیِم۔
Bridge Connectivity Solutions Pvt. Ltd.