یعقوب5
1ووٚنؠ چُھ مےٚ توٚہہِ دولت منٛد لوٗکن کینٛہہ ونُن یِم ونان چھِ زِ تِمن چھُ یسوعسؔ پیٚٹھ ایمان۔ مےٚ کُن دِیو توجہ! توٚہہِ پزِ بڈِ ودُن تہٕ افسوس کرُن تکیازِ توٚہؠ چھُو وٲناکھ دۅکھن ہُنٛدؠ تجربہٕ کرن وٲلؠ۔2تہندِس دولتس چھنہٕ کانہٛہ وُقعت، زنتہٕ سۅ ضایہِ چھےٚ گمٕژ۔ تہندٮ۪ن خوبصورت پلون چھنہٕ کانہٛہ وُقعت، زنتہٕ تِم کیٚمیٚو چھِ کھیٚمٕتؠ۔3تُہنٛد سۅن تہٕ روٚپھ چھُ بے وُقعت، زنتہٕ تِمن زنگ چھُ لوٚگمُت۔ ییٚلہِ خدا تُہنٛد فٲصلہٕ کرِ، تہنٛز یہِ بےٚ وُقعت دولت آسہِ ثبوٗت زِ توٚہہِ چھُو لالچہِ ہُنٛد خطا۔ یِتھٕ کِنؠ خَے تہٕ نار چیزن تباہ چھُ کران، تِتھے پٲٹھؠ دِیہِ توٚہہِ خدا سخت سزا۔ توٚہہِ پزیٚو نہٕ زیادٕ کھۅتہٕ زیادٕ امیر بننٕچ کوشش کرٕنؠ، یہِ زٲنِتھ زِ یسوعؔ چھُ واپس یِنہٕ وول۔ ییٚلہِ سُہ واپس ییہِ، تُہنٛدِس دولتس آسہِ نہٕ کانٛہہ تہِ وُقعت۔4تتھ متعلق سونٛچِو یہِ توٚہہِ کوٚرمُت چھُو۔ توٚہہِ دِژو نہٕ اُجرت یُس توٚہہِ مزوٗرن دِنُک وعدٕ اوس کوٚرمُت یِمو تُہنٛد فصل لوٚن۔ یِم بقایات اجرتہٕ چھےٚ ہاوان زِ توٚہہِ چھُ یمن مزوٗرن سٟتؠ غٲر منصفانہٕ سلوک کوٚرمُت۔ تِم چھِ خدایس ودان ودان فریاد کران تکیازِ یُس توٚہہِ تِمن سٟتؠ سلوک کوٚرُو۔ سبوتُک خداوند چھُ اکھ طاقتور خدا، تہٕ سُہ چُھ تُہنٛدِ زورٕ ودنچ آواز بوزان۔ تہٕ سُہ دِیو توٚہہِ سزا تمیُک یہِ توٚہہِ کوٚرمُت چھُو ۔5توٚہہِ چھُو تِم سٲری عٲش تہٕ آرام حٲصِل کٔرؠ مٕتؠ یِم توٚہؠ پننہِ باپتھ یژھان ٲسِو۔ یتھٕ پٲٹھؠ جانور پانس مۅچر تہٕ چربی چھِ کھالان، یہِ زاننہٕ ورٲے زِ تم یِن ذبح کرنہٕ، توٚہؠ چھُو صرف چیزن لطف تُلنہٕ باپتھ زنٛدٕ رودؠ مٕتؠ، امہِ احساس بغأر زِ خدا دِیہِ توٚہہِ سخت سزا۔6توٚہہِ چھُو بیٚین سٟتؠ رٔلِتھ دیانتدار لوٗکن ہنٛز مزمت کٔرمٕژ۔ توٚہہِ چُھو باقیٚو خٲطرٕ تِمن لوٗکن ہنٛدِ قتلُک منصوبہ بنوومُت یِمو نہٕ کینٛہہ غلط چھُ کوٚرمُت۔ تِم ٲسؠ نہٕ پنٕنؠ پان توٚہہِ نِشہٕ بچاونس قٲبل۔ مگر خدا کرِ فٲصلہٕ تہِ دِیو توٚہہِ سزا یمن تمام اعمالن ہنٛد۔7لہٰذا، میانیٚو ایماندار سٲتھیٚو، ہرگاہ امیر لوٗکھ توٚہہِ تکلیف تُلناوان چھُو، صبر کٔرِو یوٚت تام یسوعؔ مسیحؔ واپس ییہِ۔ یہِ کتھ تھٲیو ژٮ۪تس زِ ییٚلہِ زمیندار کُلؠ لاگن، تِمن چھُ قٟمتی فصل وۅپداونہٕ خٲطرٕ پرارُن، تِمن چھُ صبرٕ سان تمہِ روٗدٕ خٲطرٕ انتظار کرُن یُس وونکِس موسمس منٛز پیٚوان چھُ تہٕ بیٚیہِ ہُریمانہٕ روٗدٕ خٲطرٕ یُس فصل لونہٕ نکہِ موسمہٕ برونہٛہ پیٚوان چھُ ،8یتھے پٲٹھؠ پزِ توٚہہِ صبرٕ سان پرارُن تہٕ یسوعؔ مسیحسؔ پیٚٹھ درِرٕ سان بھروسہٕ کرُن، تکیازِ سُہ ییہِ جلدے واپس تہٕ کرِ پرٛتھ کٲنٛسہِ ہُنٛد فٲصلہٕ منصفانہٕ پٲٹھؠ۔9میانیٚو ایماندار سٲتھیٚو، اکھ أکِس متعلق مہٕ کٔرِو شکایت۔ یِتھٕ پٲٹھؠ پیٚیہِ نہٕ خداوند یسوعسؔ توٚہہِ سزا دیُن۔ سُہ چُھ سُہ یُس سون انصاف کرِ، تہٕ سُہ ییہِ جلدی یہٕ پورٕ کرنہٕ خٲطرٕ دروازس پیٚٹھ واپس۔10میانیٚو ایماندار سٲتھیٚو، اکہِ مثالہِ رنگؠ زِ صٲبر کِتھٕ پٲٹھؠ چھُ بنُن، تمن نبین پیٚٹھ کٔرِو غور یم خداوند خداین واریاہ کال برونہٛہ تسُنٛد پٲغام واتناونہٕ باپتھ سوزؠ۔ حالانکہِ لوٗکو واتنٲوؠ تِمن واریاہ مصیبت، مگر تِمو کوٚر یہِ صبرٕ سان برداشت۔11غور کٔرِو زِ خداین کِتھہٕ پٲٹھؠ چھےٚ تِمن برکت دِژمٕژ ییٚلہِ لوٗکھ صبرٕ سان تہٕ وفادٲری سان دۅکھ ویٚتراونس قٲبل آسان چھِ۔ امِچ اکھ مثال چھےٚ ایوبؔ نٲوؠ شخصہٕ سنٛز۔ توٚہؠ چھُو تس متعلق زانان صحیفو مطٲبق۔ توٚہؠ چھو خبر زِ تٔمؠ کٔرؠ صبرٕ سان واریاہ مشکلات برداشت۔ توٚہؠ چھُو یِتہِ زانان زِ خدا چُھ ایوبسؔ سٟتؠ اصل کرنُک ارادٕ تھاوان۔ تہٕ امہِ سٟتؠ ہیٚکو توٚہؠ ؤنِتھ زِ خدا چھُ واریاہ رحم دِل تہٕ مہربان ۔12میانیٚو ایماندار سٲتھیٚو، ووٚنؠ چھُ یہِ تہنٛدِ احساس کرنہٕ خٲطرٕ واریاہ اہم چیز۔ توٚہہِ پزِنہٕ زانہٛہ تہِ آسمان یا زمین یا بیٚیہِ کُنہِ تہِ چیزُک استعمال کٔرِتھ حلف تلُن تاکہِ توٚہؠ یُس وعدٕ کرِو، تمچی دِیو ضمانت۔ توٚہہِ چھُو صرف ونُن زِ 'آ' یا 'نَہ'۔ خدا کرِ تُہنٛد فٲصلہٕ اگر توٚہؠ امہِ علاوٕ کٔرِو تہٕ قسم کھیٚیِو مگر پتہٕ کٔرِو نہٕ پنُن وعدٕ پوٗرٕ۔13توٚہہِ منٛزٕ کٲنٛسہِ تہِ یس مشکلات یوان چھِ، تس پزِ خدایس کُن دُعا کرُن تہٕ خوش روزُن تاکہِ سُہ کرِ تس مدد۔ یُس تہِ خۅش چھُ، تس پزن خدایہِ سنٛدؠ تعریفٕکؠ بٲتھ گیٚونہِ۔14توٚہہِ منٛزٕ یُس کانٛہہ تہِ بٮ۪مار چُھ، تس پزن جمٲژن ہنٛدؠ زِٹھؠ بُلٲوِتھ انٕنؠ تمسنٛزِ صحت یٲبی خٲطرٕ دُعا کرنہٕ باپتھ۔ تِمن پزِ أمِس پیٚٹھ زیتون تیل مٲلش کرٕنؠ تاکہِ سُہ گژھہِ صحتیاب تہٕ خداوند سنٛدِ اختیارٕ سٟتؠ کرِو دعا۔15ییٚلہِ یِم زِٹھؠ خدایس کُن دعا کرن عقیدت سان، خدا دِیہِ امہِ دعاکِس جوابس منٛز یِمن بٮ۪مارن شفا۔ خدا کرِ تمسُنٛد صحت بحال۔ اگر تٔمؠ شخصن گناہ آسہِ کوٚرمُت، خدا دِیہِ تس معافی تِمو گنہو خٲطرٕ۔16تکیازِ خداوند چھُ بٮ۪مارن صحت یاب کرنس تہٕ گناہ معاف کرنس قٲبل۔ اکھ اکِس سٟتؠ کٔرِو تِمن گناہ کٮ۪ن چیزن ہُنٛد اقرار یِم توٚہہِ کٔرؠ مٕتؠ آسنو تہٕ اکھ اکِس خٲطرٕ منٛگِو دعا۔ امہِ پتہٕ دِیو توٚہہِ خدا شفا۔ ییٚلہِ نیک لوٗکھ دعا چِھ کران، خدا چُھ یہنٛدؠ دعا طاقتہٕ سان قبول تھاوان۔17ایلیاہؔ نبی اوس اسہِ ہِیو اکھ عام شخص۔ تاہم، ییٚلہِ تٔمؠ روٗد نہ پیٚنہٕ خٲطرٕ سنٛجیدگی سان دعا کوٚر، اسرایٔیلچہِ سرِزمینہِ پیٚو نہٕ ساڑن ترٮ۪ن ؤرین تام رودےٕ۔ 18پتہٕ کوٚر ایلیاہنؔ دوبارٕ خدایس روٗد تراونہٕ باپتھ دعا، تہٕ خداین تروو روٗد تہٕ کُلؠ بڑییہ تہٕ کوٚرُکھ دُبارٕ فصل پٲدٕ ۔19میانیو ایماندار سٲتھیٚو، اگر توٚہہ منٛزٕ کانہٛہ اکھ تہِ خدایہِ سنٛدِس پٔزِس پٲغامس پیٚٹھ عمل کرٕنؠ بند کرِ، تیٚلہِ پزِ توٚہہِ منٛزٕ بیٚیہِ کٲنٛسہِ امِس شخصس دُبارٕ تہِ کرنہٕ خٲطرٕ حوصلہٕ افزٲیی کرٕنؠ یہِ خداین اسہِ ووٚن کرنہٕ باپتھ۔20بہٕ چُھس یژھان زِ یُس اکھ تہِ گناہگارس توبہٕ کرنس منٛز مدد کرِ، سُہ زٲنِن زِ امہِ خٲطرٕ کرِمتہِ کہِ وجہہ کِنؠ بچاوِ خدا گناہگارس روحٲنی موتہٕ نِشہٕ تہٕ کرِ تمسنٛدؠ واریاہ گناہ معاف ۔
Bridge Connectivity Solutions Pvt. Ltd.