یعقوب4
1بہٕ ونو توٚہہ زِ توٚہؠ کیازِ چھُو پانہٕ وٲنؠ اکھ اکِس سٟتؠ لڑایہِ تہٕ جگڑٕ کران۔ یہِ چھُ اوٕ کِنؠ زِ توٚہہ منٛزٕ پرٛتھ کانہٛہ چھُ انٛدرؠ کِنؠ یژھان غلط کامہِ کرُن۔ تِمے خوٲہِشہٕ چھو توٚہہِ لڑٲے کرنس کُن پکناوان یُتھ توٚہؠ یِم چیز کٔرِتھ ہیٚکِو۔2توٚہؠ چھُو چیزن ہنٛز خوٲہِش کران، مگر توٚہہِ چھُو نہٕ تِم حٲصِل گژھان۔ امہِ سٟتؠ چھُو توٚہہِ تِمن لوٗکن سٟتؠ سخ ناراضگی محسوس گژھان یِمن نِش تِم آسن۔ مگر توتہِ چھُو نہٕ توٚہہِ تِم چیز حٲصِل گژھان یِم توٚہؠ یژھان چھُو۔ ، لہٰذا چھُو توٚہؠ باقین سٟتؠ لڑایہِ تہٕ جگڑٕ کران۔ اگر توٚہؠ خدایس منٛگِو تِمو چیزو بدلہٕ یِم توٚہؠ یژھان چھُو، تیٚلہِ دِیو خدا توٚہہِ تہ یہِ توٚہہِ پزی ضرورت چھُو۔3مگر یودوے توٚہؠ خدایس یِمن چیزن متعلق منٛگِو تہِ، سُہ دِیو نہٕ توٚہہِ تِم چیز۔ تکیازِ توٚہؠ چھُو غلط ارادو یِم چیز منٛگان۔ توٚہؠ چھُو یِم چیز ژھانڈان تاکہِ توٚہؠ کرِو تِم غلط طریقو پننیٚو عاشو خٲطرٕ استعمال۔4توٚہؠ چھُو خدایہِ سنٛدین حکمن پیٚٹھ عمل نہٕ کٔرِتھ تسنٛدؠ نافرمان بنان نہ زِ لول ورتاون وٲلؠ۔ توٚہہِ پزیٚو یہِ سمجھُن زِ تِم یِم کۅکار لوٗکن ہنٛدؠ پٲٹھؠ چھِ کٲم کران، تِم چھِ خدایہِ سنٛدؠ دشمن۔ لہٰذا اگر توٚہؠ یِتھے پٲٹھؠ زندگی گُذارنُک فٲصلہٕ چھُو کران، تیٚلہِ کٔرِو توٚہؠ خدایس سٟتؠ دشمنی ہُنٛد انتخاب ۔5توٚہہِ پزیٚو یہِ سمجھُن زِ خداین چُھ زٲنِتھ مٲنِتھ صحیفن منٛز اسہِ اتھ متعلق ووٚنمُت۔ اتھ منٛز چھُ سُہ اسہِ ہیٚچھناوان زِ یُس روح أمؠ اسہِ دِیُت سُہ چھُ اسہِ پننہِ زندگی تتھ طریقس پیٚٹھ زُونچ خٲہِش کران یمہِ سٟتؠ سُہ خۅش روزِ ۔6اگر اسؠ تِتھٕ پٲٹھؠ زُوو یتھٕ پٲٹھؠ خدا خۅش روزِنہٕ، سُہ چھُ اسہِ پیٚٹھ سٮ۪ٹھا مہربان۔ سُہ کرِ اسہِ مدد بدل طریقہٕ زُونہٕ باپتھ اگر اسؠ ندامتہٕ سان قبول کرو زِ اسؠ رودؠ غلط کران۔ یوٚہے چھُ وجہ زِ یہِ تعلیم چھےٚ کتابِ مقدسس منٛز درج: "خدا چُھنہٕ تِمن مدد کران یِم گمنڈی آسن، مگر سُہ چھُ تِمن مدد کران یِم حلیم چھِ "7توے کٔرِو خدایہِ سنٛزِ فرمانبردٲری باپتھ عٲجزی ہُنٛد انتخاب۔ پوٗرٕ پٲٹھؠ کٔرِو فٲصلہٕ زِ شیطان سنٛزن آزمٲیشن منٛز یِیو نہٕ ہٮ۪نہٕ۔ امہِ سٟتؠ گژھِ شیطان توٚہہِ آزماونچ کوشش کرنس منٛز ناکام۔8خدایس سٟتؠ روزِو ایماندار تہٕ کھُلہٕ۔ اگر توٚہؠ تہِ کٔرِو، سُہ کرِ توٚہہِ پانس کُن خۅش آوے۔ توٚہؠ یِم گناہ گار چھُو، غلط کٲم کرنہٕ نِشہٕ یِیو باز تہٕ صرف کرِو تِم کامہِ یِم صحیح چھےٚ۔ توٚہؠ یِم خدایس سٟتؠ پننہِ پانچہِ وعدٕ بندی کرنس منٛز ترٮ۪ن تہٕ تروُہن منٛز آسن، منفی خیالات کٔرِو بند تہٕ صرف دِیو مثبت خیالاتن پیٚٹھ زور ۔9غمُک اظہار کٔرِو تہٕ غمگین روزِو تہٕ ؤدِو تِمو غلط چیزو سببہٕ یِم توٚہہِ کٔرؠ مٕتؠ آسنو۔ توٚہؠ چھُو پانہٕ خوشی کران رودمٕتؠ، مگر توٚہہِ پزیٚو سنٛجیدٕ روزُن تہٕ توٚہہِ پزیٚو سمجھُن زِ توٚہہِ کٲژاہ تبدیلی ہنٛز ضرورت چھےٚ۔10عٲجزی سان ہٲیِو خداوندس زِ توٚہہِ کوتاہ افسوس چھُ پننٮ۪ن گُنہن پیٚٹھ۔ اگر توٚہؠ یہِ کرِو، سُہ کرِ توٚہہِ عزت افزٲیی ۔11میانیو ایماندار سٲتھیٚو، اکھ اکِس پیٚٹھ غلط کٲم کرنُک الزام لگاوُن کرِو بند۔ کانٛہہ تہٕ شخص یُس کٲنٛسہِ ایماندار سٲتھیس پیٚٹھ الزام لگاوان تہٕ فٲصلہٕ کران چُھ، سُہ چُھ پٔزؠ پٲٹھؠ خدایہِ سنٛدِس یتھ حُکمس پیٚٹھ الزام لگاوان تہٕ فٲصلہٕ کران زِ اسہِ پزِ اکھ اکھ اکِس لول برُن۔ ووٚنؠ گوو، اگر توٚہؠ اتھ حکمس خلاف کتھ کرِو، تیٚلہِ چھُو نہٕ توٚہؠ اتھ پیٚٹھ عمل کران۔ امہِ بجایہ چھُو توٚہؠ اکِس منصف سنٛدؠ پٲٹھؠ برتاؤ کران یُس امیُک سزا دِوان چھُ۔12صرف سُہ اکھ وٲحد نفر یُس لوٗکن ہُنٛد فٲصلہٕ ہیٚکہِ قانونس تحت کرِتھ، چُھ سُہ یمؠ قانون بنوو۔ سُہ چُھ خدا، یمِس نہ صِرِف قانون پھُٹراونہٕ خٲطرٕ لوٗکن سزا دِنُک اختیار چُھ بلکہِ تِمن معافی دِنؠ تہنٛزِ خلاف ورزی باوجود تہِ۔ توٚہہِ چُھنہٕ حقیقی طور خدایہِ سنٛز جاے رٹنُک تہٕ باقین ہُنٛد فٲصلہٕ کرنُک حق حٲصِل۔13توٚہہِ منٛزٕ چھِ کینٛہہ غرور سان ونان، "از یا پگاہ گژھو أسؠ کُنہِ خاص شہرس منٛز۔ أسؠ گُذارو تتہِ اکھ ؤری تہٕ أسؠ ہیٚمو تہٕ کٕنو تتہِ واریاہ مال تہٕ کماوو واریاہ دولت" ووٚنؠ بوزِو میٲنؠ کتھ!14توٚہہِ پزیٚو نہٕ تِتھٕ پٲٹھؠ کتھ کرٕنؠ، تکیازِ توٚہؠ چھُو نہٕ زانان ز پگاہ کیا سپدِ۔ حتاکہِ توٚہؠ چھُونہٕ یِتہِ زانان زِ توٚہؠ کٲتِس وقتس روزِو زندٕ۔ کلہُم چھےٚ تہنٛز زندگی مۅختصر، وُنلہِ ہنٛدؠ پٲٹھؠ یُس مۅختصر وقتس خٲطرٕ وُچھنہٕ چھُ یِوان مگر پتہٕ چھُ غٲبےٕ گژھان ۔15امہ بجایہ یہِ توٚہؠ ونان چھُو، پزیٚو توٚہہِ ونُن، "اگر خداوند رٲضی آسہِ، أسؠ آسو وُنہِ تہِ زِنٛدٕ تہٕ أسؠ ہیٚکو اکھ یا بیاکھ کٲم کٔرِتھ"16ووٚنؠ گوو، یہِ توٚہؠ کران چھُو، سُہ گو یہِ زِ توٚہؠ چھُو تِمن سارنےٕ چیزن ہُنٛد تھٮ۪کان یہِ کرنُک توٚہؠ بندبست کران چھُو۔ امہِ قسمُک تھیٚکُن چھُ گناہ۔17لہٰذا ہرگاہ کانہٛہ شخص تہِ کینٛژا کرِ نہٕ یتھ متعلق سُہ یہِ زانان آسہِ زِ یہ کرُن چھُ رُت، تیٚلہِ چھُ تٔمؠ گناہ کوٚرمُت۔
Bridge Connectivity Solutions Pvt. Ltd.