1 پطرس1
1بہٕ چُھس پطرس، یُس یسوع مسیحؔ ہن پنُن نمایندٕ بنٲوِتھ سوز۔ بہٕ چُھسو توٚہہِ یہِ نامہٕ لٮ۪کھان یِم خداین پننہِ باپتھ ژٲرؠ۔ بہٕ چُھسو لٮ۪کھان توٚہہِ یِم عارضی طور روزان چھِ پنطُسؔ، گلتِیہؔ کپّدُکیہ، آسیہؔ تہٕ بتُھنیہؔ صوبن منٛز۔ آسمانہٕ پٮ۪ٹھٕ پننہِ پزِ گرٕ نِشہ دوٗر۔2سٲنؠ بب خداین ژٲرِو توٚہؠ پننہِ برونٛٹھےٕ نِمتہِ فٲصلہٕ مطٲبق۔ تٔمؠ کوٚر یہِ پننہِ روح سٟتؠ، توٚہؠ الگ ژٲرِتھ تاکہِ توٚہؠ کٔرِو تس سنٛز فرمانبردٲری تہِ مزید۔ یُتھ یسوع مسیحؔ سُنٛد مرُن توٚہہِ خدایس سٟتؠ عہد قٲیم تھاون والیٚن سٟتؠ گنٛزرِ۔ بہٕ چُھس منٛگان دُعا زِ خدا کرِ توٚہہِ پٮ۪ٹھ پننِس فضلس ہُرٮ۪ر۔ تہٕ انیٚو توٚہہِ وارے امنس تل۔3تعریف کٔرِو خدایہِ سٕنٛدؠ یُس سٲنِس یسوع مسیحؔ خداوند سُنٛد بب چُھ اوٕ کِنؠ زِ سُہ چُھ اسہِ پٮ۪ٹھ واریاہ مہربان رحم کرن وول۔ تٔمؠ بنٲوؠ أسؠ اتھ لایق زِ خداین کرنٲیِو توٚہؠ نوِ زاینُک تجربہٕ۔ خداین کوٚر یہِ اوٕ کِنؠ زِ اسہِ منٛز وۅتلہِ امید یۅسہ نہٕ اسہِ زانہٛہ نا امید کرِ،4یعنی أسؠ پراوو سۅ وراثت یۅسہ نہٕ زانہٛہ سورِ۔ لژھِ گژھِ یا ژھۅکہِ یۅسہ خداین سانہٕ باپتھ جنتس منٛز تھاومٕژ چھےٚ۔5خدا سنٛز قوت چھےٚ توٚہہِ حفاظتس تُہنٛد یسوعس پٮ۪ٹھ ایمان کِنؠ۔ سُہ چُھ توٚہہِ حفاظتس تاکہِ سُہ کرِ تہنٛدِ نجاتُک اظہار ٲخری زمانس منٛز ییٚلہِ یسوع سارنےٕ انصاف کرنہِ واپس پھیرِ۔6توٚہؠ کٔرِو سٮ۪ٹھا خوشی یمہِ باپتھ زِ تٔمہِ ساعتہٕ کیا سپدِ توٚہہِ سٟتؠ، یوٚدوے زن وُنکٮ۪س کینٛژٕ کالہٕ باپتھ واریاہ سِتم توٚہہِ جیرٕ تہِ انن۔7یِم سِتم چھِ اوٕ کِنؠ زِ توٚہؠ دِیو ثبوٗت یسوعس پٮ۪ٹھ پننہِ پژھِ ہُنٛد۔ سۅ پژھ چھےٚ خدایس برونٛہہ کنہِ زیادٕ وقعت تھاوان تمہِ سۅنہٕ کھۅتہٕ یتھ کانٛہہ بُرباد ہیٚکہِ کٔرِتھ یوٚدوے زن یہِ نارٕ کٔڈِتھ پرکھاونہٕ تہِ آسہ آمُت۔ اوٕ کِنؠ زِ توٚہہِ چھےٚ یسوعس پٮ۪ٹھ پژھ، خدا دِیہ توٚہہِ تھزر، توٚہہِ پھٔلرایو تہٕ بخشیٚو عزت ییٚلہِ یسوع مسیحؔ واپس پھیرِ تہٕ پننہِ پانُک اظہار کرِ۔8توٚہؠ چُھو یسوعس لول بران یوٚدوے زن توٚہہِ سُہ زانہٛہ وُچھمُت چُھنہٕ۔ حالانکہ توٚہؠ چھون نہٕ سہ وُنہِ تہِ وُچھان، توٚہؠ چُھو پژھ کران تس تہٕ تِژھ خوشی مناوان یۅسہ توٚہؠ مُشکلنےٕ بٲوِتھ ہیٚکان چُھو،9اوٕ کِنؠ زِ توٚہؠ چُھو ژینان تس پٮ۪ٹھ پننہِ پژھِ ہُنٛد پھل۔ خدا چُھو توٚہہِ پننٮ۪ن گُنہن ہنٛدِ احساس نِشہ نجات دِوان۔10واریاہ کالا گو نبیو کوٚر تحقیق بڈٕ محطاطہٕ سان خدایہِ سٕنٛدِ طرفہٕ نجات میلنس متعلق۔ تِمو بوو تہِ یہِ خداین تِمن ووٚن توٚہہِ خدایہِ سٕنٛدِ طرفہٕ نجات میلنس پٮ۪ٹھ۔11تِم ٲسؠ کوشش کران زِ تِمن انٛدر بسِتھ مسیحؔ سٕنٛدِ روحُک حوالہٕ کوکُن چُھ تہٕ کتھ زمانس کُن چُھ۔ روحک حوالہٕ ٲسؠ یِم چیز ییٚلہِ تٔمؠ گۅڈے ووٚن زٕ مسیحؔ تُلہِ عِذا تہٕ اوٕ پتہٕ یِن پرٮ۪زلوٕنؠ واقات بارسس۔12خداین ووٚن یِمن نبین زِ یہِ چُھنہٕ تُہنٛدِ کُنہِ ذٲتی فٲیدٕ باپتھ زِ سُہ چُھ یِمن چیزن ہُنٛد اظہار کران تِمن۔ بلکہِ چُھ یہِ تہنٛدِ فٲیدٕ باپتھ۔ توٚہہِ یہِ رٕژ شیٚچھ واتناون وٲلؠ چھِ لوٗکھ چھِ امیُک اِظہار کران توٚہہِ تمِس پاک روح سٕنٛدِ برکتہٕ یُس خداین تِمن کُن آسمانہٕ پٮ۪ٹھٕ سوز تہٕ یمؠ تِم اتھ لایق بنٲوؠ۔ فرشتہٕ یژھن تہِ سورےٕ زانُن یہِ یِمو لوٗکو توٚہہِ بوو۔13یِمو چیزو کِنؠ کٔرِو تیار پنُن پان عملہِ باپتھ۔ ہُشیار روزیٚو۔ پوٗرٕ اعتمادٕ سان روزیٚو زِ خدا بخشہِ توٚہہِ خٲرٕ سان نجات ییٚلہِ یسوعؔ مسیحؔ واپس ییہِ تہٕ پنُن اِظہار کرِ۔14اوٕ کِنؠ زِ توٚہؠ چُھو خدایس مازان یتھٕ پٲٹھؠ زن أکِس شُرِس مٲلؠ سنٛز فرمانبردٲری کرٕنؠ پزِ۔ پانس پٮ۪ٹھ مہٕ دِیو بد خٲہِشن حکم چلاونہٕ یِم توٚہہِ خدایہِ سُنٛد پزر زاننہٕ برونٛہہ حٲوی آسہٕ۔15بلکہِ کٔرِو پاک پٲٹھؠ عمل ییٚلہِ تہِ کینٛہہ کٔرِو پننس خدایہِ سٕنٛدؠ پٲٹھؠ یُس پاک چُھ تہٕ توٚہؠ ژٲرؠ نو۔16پاک روزیٚو تکیازِ موسیٰؔ ہن لیٚوکھ صحیفن منٛز زِ خداین ووٚن، "پاک روزیٚو تکیازِ بہٕ چُھس پاک۔"17خدا چُھ سُہ یُس پرکھاوان چُھ زِ پرٮ۪تھ کانٛہہ نفر کیاہ چُھ کران، تہٕ پرکھاوان چُھ کُنہِ تعصُبہٕ ورٲے۔ اوٕ کِنؠ زِ توٚہؠ چُھو تمِس بب ونان، لہٰذا کٔرِو تِتھٕ پٲٹھؠ عمل یۅسہ یہِ ہاوِ زِ توٚہؠ چُھو تمِس کھوٚژان ییٚلہِ زن توٚہؠ عارضی طور تمِس دوٗر چُھو روزان پننہِ اصل گرٕ نِشہ یُس جنتس منٛز چُھ۔18تِتھے پٲٹھؠ کٔرِو عمل۔ تکیازِ توٚہؠ چُھو زانان زِ خدایس پیٚو خرچ کرُن توٚہؠ بچاونہٕ باپتھ احمقٲزی کرنہٕ نِش۔ یہِ زن توٚہؠ پننیٚو اجدادو ہیٚچھنٲومٕتؠ ٲسِو خداین دیُت نہٕ سۅن چٲنٛدؠ یِمنہٕ پوشہٕ وٕنؠ چھِ توٚہہِ بچاونہٕ باپتھ۔19بلکہِ خداین بچٲیو توٚہؠ مسیحؔ سنٛز صلیبس پٮ۪ٹھ مۅلٕل قربٲنی دِتھ۔ تسُنٛد مرُن اوس زنٛتہٕ سارِنےٕ صحت منٛد برکتن ہُنٛد موت۔ یِم یہُودؠ کاہنو قربان کٔرؠ۔20خداین ژور سُہ یہِ کرنہٕ باپتھ دُنیا بناونہٕ برونٛٹھےٕ۔ وۅنؠ گو خداین کوٚر سُہ ظٲہِر توٚہہِ پٮ۪ٹھ یتھ ٲخری زمانس منٛز۔21یہِ مسیحؔ ہن کوٚر تٔمہِ کِنؠ چُھو توٚہؠ وۅنؠ خدایس پٮ۪ٹھ پژھ قٲیِم تھٲوِتھ۔ تٔمؠ کوٚر مسیحؔ مرنہٕ پتہٕ بیٚیہِ زنٛدٕ تہٕ ہوونو زِ سُہ کوتاہ عظیم چُھ۔ امہِ کُے نتیجہٕ چُھ زِ توٚہؠ چُھو خدایس پٮ۪ٹھ پژھ قٲیِم کٔرِتھ۔ تہٕ امید کران زِ سُہ کرِ عظیم کامہِ۔22تکیازِ توٚہہِ بنووُو پنُن پان پاک یسوع سنٛزِ پزِ تعلیمہ پٮ۪ٹھ عمل کٔرِتھ تاکہِ توٚہؠ بٔریٚو پزنہٕ پٲٹھؠ باقےٕ ایماندارن لول، بیٚیہِ تھٲیو پانہٕ وٲنؠ لول ایماندٲری سان تہٕ جوشہٕ سان۔23یہِ کٔریٚو تکیازِ خداین کرنٲیِو توٚہؠ نوِ زاینُک تجربہٕ۔ توٚہہ کوٚرُو نہٕ یہِ نوو زایُن تجربہٕ کُنہِ فناہ گژھن والہِ چیزٕ سٟتؠ بلکہِ کوٚرُو توٚہہِ یہِ تٔمہِ سٟتؠ یُس فناہ گژھِ: یسوع سٕنٛدِ پٲغامہٕ سٟتؠ یُس خدایہِ سٕنٛدِ طرفہٕ ووتُو تہٕ پزی چُھ پوشہٕ وُن تہٕ روزٕ وُن۔24اسہِ چھےٚ خبر زِ یہِ چُھ پوٚز توٕ کِنؠ زِ أمؠ یسعیاہؔ نبین لیٚوکھ،"سٲری لوٗکھ چھِ زنٛتہٕ گاسہٕ، تہٕ سورےٕ کینٛہہ لوٗکن متعلق سارِوے کھۅتہٕ عظیم چُھ زنتہٕ پوش گاسس منٛز۔یتھٕ پٲٹھؠ گاسہٕ مران چُھ تہٕ اکھ جنگلؠ پوش چھُ روزان کم وقتس، تِتھے پٲٹھؠ چھِ لوٗکھ مران تہٕ یہِ تِمن متعلق سارِوےٕ کھۅتہٕ عظیم چُھ تہِ چُھ پوشہٕ وُن مگر کینٛژِ کالہٕ باپتھے،25وۅنؠ گو خدایہِ سُنٛد پٲغام چُھ ہمیشہٕ باپتھ۔"یہ پٲغام یُس پوشہٕ وُن چُھ ہمیشہٕ باپتھ چُھ رٕژ شیٚچھ مسیحؔ ہس متعلق یۅسہ اسہِ توٚہہِ بٲوو۔
Bridge Connectivity Solutions Pvt. Ltd.