عبر8
1یہِ چُھ سُہ خاص خیال یتھ متعلق بہٕ لیٚکھان چُھس: اکھ حکمران کاہن تمس أکس ہیو یمؠ سٕنٛز مےٚ وضاحت کٔر چُھ سانہِ خٲطرٕ خدمت کران۔ سُہ چُھ بب خدایس سٟتؠ آسمٲنی جاین منٛز گوٚمُت، تہٕ تمؠ چِھ حکرٲنی شروع کٔرمٕژ ۔2سُہ چُھ ساروے کھوٚتہٕ زیادٕ پاک جایہِ خدمت کران بییٚہِ ساروے کھوٚتہٕ اصلی مقدس خٟمس اندر۔ خداوند خداین نہٕ کہ کٲنسہِ انسانن بنوو یہِ مقدس پناہ گاہ۔3وونؠ چُھ خداے لوٗکن حکمران کاہن بناوان یتھ زن تِم ہیکن قربٲنی پیش کرِتھ۔ تکیازِ یہِ چُھ تہِ یہِ حکمران کاہن کران چُھ، یسوعس تہِ ٲس اکھ قربٲنی پیش کرنچؠ ضرورت۔4لہٰذا، تکیازِ کاہن یِم لاوین ہندؠ زُرؠ چھِ گۅڈے زمیٖنس پیٚٹھ قربٲنی پیش کران یتھٕ کِنؠ زن خداین حکم دِیُت، یسوعؔ آسہ ہے نہٕ أکس کاہن سنٛدؠ پٲٹھؠ خدمت کران ہرگاہ سُہ وونؠ زمیٖنس پیٚٹھ آسہ ہے۔5تِم کاہن چھِ تی کران یہِ خدایس أکس مقدِسس منٛز ضرورت چھِ یوس آسمٲنی مقدسُک نمونہٕ چُھ۔ توٚہؠ ہیکیو ونتھ زِ یہِ چُھ پوٚز، تکیازِ خداین کوٚر امیٛک اظہار موسیٰ ہس پیٚٹھ ییٚلہِ سُہ اسرائیلین ہندِ دسؠ مقدس خٟمہٕ تعمیٖر کرناوان اوس۔ تمہِ وزِ، خداین کٔر تس سٟتؠ کتھ، "یقینی بناوو زِ مقدس خٟمک پریتھ کانٛہہ چیز گژھِ اصلی خٟمس سٟتؠ رلُن یہِ مےٚ ژےٚ پیٚٹھ ظٲہر کوٚر ییٚلہِ ژٕ مےٚ سٟتؠ سینا پہاڑس پیٚٹھ اوسکھ "6مگر یتتھ چُھ تہِ یہِ یسوعسؔ متعلق پوٚز چُھ: سُہ چُھ لاوین ہندین زُریو کھوٚتہٕ أکس رٕتِس طریقس منٛز خدمت کران۔ یتھۓ پٲٹھؠ، یُس عہد خداین یسوعؔ سنٛدِ ذریعہٕ لوٗکن سٟتؠ کوٚر سُہ عہد چُھ تمہِ عہدٕ کھوٚتہٕ زیادے پہن رُت یُس خداین اسرائیلکیٚن سٟتؠ کوٚر۔ امیٛک وجہ چُھ زِ خداین دِیُت بڈین چیزن ہُند وعدٕ ییٚلہِ تمؠ یہِ نوو عہد نامہٕ بنوو۔7وونؠ ہیکیو توٚہؠ ونتھ زِ خداین یُس عہد نامہٕ اسرائیلکیٚن سٟتؠ کوٚر سُہ اوس نہٕ کٲمل، تکیازِ خداین کوٚر بیاکھ عہد نامہٕ کرنُک انتخاب۔8توٚہؠ ہیکیو ونتھ زِ گوٚڈنُک عہد نامہٕ اوس نہٕ کٲمل، تکیازِ خداین کوٚر اعلان زِ تِمو اسرایٔیلکیٚو تھو نہٕ سُہ عہد نامہٕ اصل پٲٹھؠ ییٚلہِ تمؠ وون، "یتتھ چُھ تہِ یہِ بہٕ توٚہہِ وننہٕ: دھیان دِیو! جلدے بناوٕ بہٕ اکھ نوو عہد نامہٕ دوٚشونے سلطنتن اسرائیل تہٕ یہُوداؔ کؠن پنہٕ نؠن سارنے لوٗکن سٟتؠ۔9سُہ عہد نامہٕ آسہِ نہٕ تتھ عہد نامس ہیو یُس مےٚ تِہنٛدین جدن سٟتؠ کوٚر ییٚلہِ مےٚ تِم محبتہٕ سان ملکِ مِصرٕ منٛز کڈتھ أنؠ۔ یہِ چُھ تہِ یہِ بہٕ ونان چُھس: یہِ آسہِ نہٕ تتھ عہد نامس ہیو، تکیازِ تِم روٗدؠ نہٕ تتھ پیٚٹھ قٲیم، لہٰذا مےٚ دِیُت نہٕ تِمن کُن توجہ "10خدا چُھ ونان یہِ چُھ عہد نامُک سُہ قسم یُس بہٕ پننٕؠ اسرائیلکیٚن لوٗکن سٟتؠ جلدے کرٕ۔ یہِ چُھ تہِ یہِ بہٕ ونان چُھس: بہٕ تارٕ تِمن فکرِ تہٕ میون شریعت مانُن۔ بہٕ آسہٕ تُہنٛد خداے یمِس تِم عبادت کرن، تہٕ تِم آسن لوٗکھ یِمن ہنٛز بہٕ رٲچھ کرٕ۔11کٲنسہِ تہِ پیٚیہِ نہٕ بییٚس اسرائیلیس ہدایت دیُن، "بھروسہٕ کریو بییٚہِ کریو خداوندس عبادت" توے کرن میٲنؠ سٲری لوٗکھ مےٚ بھروسہٕ تہٕ کرنم عبادت، چاہے تِم کوتاہ تہٕ اہم یا غٲر اہم آسن۔12تہِ سپدِ تکیازِ بہٕ کرٕ تِمن رحمدلی سان تِمہٕ غلط کامہِ معاف یِم تِمو کرِمژٕ چھےٚ۔ تِمن دِمہٕ نہٕ بہٕ تِمن گناہن ہندِ خٲطرٕ دبارٕ سزا یِمو کرؠ مٕتؠ چھِ"13ییٚلہِ خداے لفظ "نو" استعمال کران چُھ، تمؠ سُنٛد مطلب چُھ اسرائیلین سٟتؠ گوٚڈنُک عہد نامہٕ چُھ وونؠ پرون۔ مزید، یہِ پرون چُھ سُہ گژھِ جلدے نابود ۔
Bridge Connectivity Solutions Pvt. Ltd.