عبر7
1وونؠ ونہٕ بہٕ ملک صدقسؔ متعلق بییٚہِ۔ تمؠ کٔر سالم شہرس پیٚٹھ حکومت، تہٕ تمؠ کٔر اکہِ کاہن سنٛدِ حثیتہٕ عظیٖم ترین خدایس خدمت۔ ییٚلہِ ابرہامؔ پنہٕ نؠن کینٛژن دشمنن شکس دِنہٕ پتہٕ گرٕ گژھان اوس، تس سمکھیوو ملک صدقؔ تہٕ دِژن تمس برکت ۔2پتہٕ دِیُت ابرہامنؔ تمس پریتھ کُنہِ چیزِ منٛز دٔہم حصہٕ یِم تمؠ پنہٕ نؠن دشمنن نِش نِیہِ ییٚلہِ تِمن شکس دِژن۔ عبرٲنی زبٲنؠ منٛز چُھ ملک صدق ناوک مطلب انصاف پسند بادشاہ، سالم شہرُک بادشاہ ناوک مطلب چُھ سلامتی ہُند بادشاہ، ییٚلہِ زن "سالم" آواز چھِ عبرٲنؠ لفظ "پُرامن" ہشؠ۔3ییٚلہِ موسیٰؔ ہن ملک صدقسؔ متعلق لیٚوکھ، تمؠ وون نہٕ تمسٛندِس مٲلس ماجہِ تہٕ جدن متعلق کینٛہہ، زِ سُہ کر زاو یا سُہ کر مود۔ لہٰذا موسیٰؔ ہن کٔر تمہِ برونہٛہ وضاحت زن تہِ اوس سُہ خدایس سٕندس گوٚبرس برابر تہٕ زن کٔر تمؠ ہمیشہِ أکس کاہن سنٛدؠ پٲٹھؠ خدمت۔4توٚہؠ ہیکیو ونتھ زِ ملک صدقؔ کوت اہم اوس یمہِ کِنؠ تمام اسرائیلکیٚن ہندؠ جدن ابرہامنؔ تمس تِمو سؠٹھاہ قٟمتی چیزن ہُند دٔہم حصہٕ پیش کوٚر یِم تمؠ پنہٕ نؠن دشمنن نِش أنؠ ییٚلہِ تِمن شکس دِژن۔5موسیٰؔ سٕندس شریعتس منٛز، خداین کٔر تِمن مردن سٟتؠ کتھ یِم لاوی قبیلکؠ حصہٕ چھِ بییٚہِ یِم کاہنن ہنٛز خدمت انجام دِوان چھِ۔ تمؠ دِیُت تِمن حکم زِ باقی اسرائیلکیٚن لوٗکن، یِم تِمن ہندؠ رشتہٕ دار چھِ، کموومُت یا ووپدومت سٟتؠ چُھ تمہِ منٛز کریو دٔہِم حصہٕ حٲصل۔ امہِ حقیقتہٕ باوجود دِیُت خداین یہِ حکم زِ اسرٲییٔلکؠ سٲری لوٗکھ چھِ ابرہامؔ سنٛدؠ اولاد۔ 6ملک صدقؔ چُھنہٕ وونؠ لاوی قبیلُک حصہٕ۔ تمہِ باوجود تہِ، کوٚر تمؠ تمہِ منٛز دٔہِم حصہٕ حٲصل یہِ ابرہامنؔ اوٚن پنہٕ نؠن دشمنن نِش ییٚلہِ تمؠ تِمن شکس دِژ۔ تمہِ علاوٕ دِژ تمؠ ابرہامسؔ برکت، سُہ نفر یمِس خداین اوس وعدٕ دِیتُمُت زِ سُہ دیہِ تس واریاہ اولاد۔7وونؠ چُھ پریتھ کانٛہہ مانان زِ زیادٕ اہم لوٗکھ چھِ کم اہم لوٗکن برکت دِوان۔ توے دِژ تمؠ ابرہامسؔ برکت، ملک صدقؔ چُھ ابرہامؔس کھوٚتہٕ زیادٕ اہم۔8موسیٰؔ سٕندس شریتعس منٛز چھِ أسؠ ہیٚچھان زِ کاہن کٔتھٕ پٲٹھؠ چُھ دٔہِم حصہٕ نِوان یہِ باقی اسرٲییٔلکؠ کماوان یا ووپداوان چھِ، مگر یِم سٲری کاہن مرن۔ ملک صدقؔ سنٛزِ دلیلہِ منٛز چھِ أسؠ ہیٚچھان زِ تمؠ تہِ نیو تمہِ منٛز دٔہِم حصہٕ یہِ ابرہامنؔ پنہٕ نؠن دشمنن نِش نیو، مگر سُہ روٚد زندٕ۔9در حقیقت، اکہِ طریقہٕ سٟتؠ، لاویو تہٕ تُہنٛدِ قبیلہٕ کیو کاہنو دِیُت ملک صدقسؔ دٔہِم حصہٕ ییٚلہِ ابرہامنؔ تس دٔہِم حصہٕ دِیُت۔ ہرگاہ یہِ پوٚز چُھ زِ تِمے کرن تمیٛک دٔہِم حصہٕ اسرائیلکیٚن نِش حٲصل کرِتھ یہِ تِمن نِش چُھ۔10مےٚ یہِ وونمُت چُھ سُہ چُھ مانے تھاوان تکیازِ لاوی ٲسؠ نہٕ وُنہِ زامٕتؠ تہٕ تِم ٲسؠ اکہِ طریقہٕ وُنہِ تہِ پننِس بابہٕ ابرہامسؔ اندرے، ییٚلہِ سُہ تہٕ ملک صدقؔ پانہٕ وٲنؠ سمٕکھؠ۔ 11وونؠ بنوو خداین سُہ شریعت یُس تمؠ اسرائیلکیٚن دِیُت سُہ چُھ لاوی سٕندٮ۪ن زُرین پیٚٹھ دارمدار یُس کاہنن ہندؠ پٲٹھؠ خدمت چُھ کران۔ لہٰذا، مثالہِ پٲٹھؠ زِ لوٗکھ ہیکن بنتھ یُس خداے چُھ یژھان زِ تِم گژھن یمہِ ذریعہٕ یِمو کاہنو خداے سٕنٛز خدمت خٲطرٕ کیا کوٚر۔ تتھ صورتس منٛز، خداین آسہ ہے نہٕ زانٛہہ بیاکھ کاہن مقرر کوٚرمُت یتھ کِنؠ زن ملک صدقؔ اوس اکھ کاہن سنٛدِ بدلہٕ یتھٕ پٲٹھؠ زِ ہارونؔ اوس اکھ کاہن۔ اما پوٚز، خداین کوٚر امہِ قسمُک کاہن مقرر۔12توٚہؠ ہیکیو ونتھ زِ خداین بنوو سُہ شریعت یمیٛک دارمدار لاوی ہندین زُرین پیٚٹھ چُھ یِم کاہنن ہندِ حثیتہٕ خدمت کرن تکیازِ سُہ شریعت گژھِ بدلُن ییٚلہِ تہِ زانٛہہ کاہنن ہُند خدمت کرنُک طریقہٕ لوٗکھ بدلاون۔13توٚہؠ ہیکیو ونتھ زِ خداین چُھ بدلوومُت زِ لوٗکھ کمہِ طریقہٕ کرن کاہن سنٛدِ حثیتہٕ خدمت، تکیازِ یسوعؔ یمِس خداین وون اکھ کاہن، سُہ چُھنہٕ لاوی سنٛدیو زُریو منٛز مگر سُہ چُھ لاوی ہنٛدِس أکس باے سُنٛد ذر۔ أمِس نفرٕ سنٛدؠ کٲنسہِ تہِ زُرؠ چھِ نہٕ أکس کاہن سنٛدِ حثیتہٕ خدمت کٔرمٕژ۔14در حقیقت، أسؠ سٲری چھِ زانان زِ سون خداوند یسوع چُھ لاوینؔ ہندس باے یہُوداؔ سُنٛد زُر، تہٕ موسیٰؔ ہن چُھ نہٕ یہُوداؔ سٕندٮ۪ن زُرین متعلق کاہنو حثیتہٕ خدمت کرنُک لیٚوکھمُت۔ 15امہِ علاوٕ، توٚہؠ ہیکیو امہِ کھوٚتہٕ زیادٕ صفٲییٔ سان ونتھ زِ خداین چُھ لوٗکن کاہنو حثیتہٕ خدمت کرنُک طریقہٕ تبدیل کوٚرمُت، ییٚلہِ زن خداین اکہِ مختلف قسمُک کاہن یسوعؔ مقرر کوٚرمُت چُھ، یُس خدایس سنٛدؠ خدمت چُھ کران یتھٕ پٲٹھؠ ملک صدقنؔ کٔر۔16سُہ چُھ أکس کاہن سنٛدِ حثیتہٕ خدمت کران تکیازِ کانٛہہ تہِ چیز ہیٚکہِ نہٕ تس زندٕ روزنہٕ نِشہٕ پتھ رٔٹِتھ، یُس تس اکھ قدرت وول کاہن بناون چُھ۔ امہِ قسمُک کاہن، سُہ چُھنہٕ خدایس پیٚٹھ منحصر زِ موسیٰؔ سٕندس شریعتس منٛز کیا چُھ حکم دِنہٕ آمُت زِ انسٲنی کاہن کِتھ کِنؠ چھِ لاوی سنٛدؠ زُرؠ۔17توٚہؠ ہیکیو ونتھ زِ یہِ چُھ تمس متعلق پوٚز، تکیازِ بب خداین وون تمس: " توٚہؠ ہیکیو نہٕ زانٛہہ تہِ اکھ کاہن بنُن رکٲوتھ یتھٕ پٲٹھؠ زن ملک صدقؔ اکھ کاہن اوس"18امیٛک مانے چُھ یہِ زِ خداین نیٚو سُہ حکم واپس یُس تمؠ کاہنن متعلق دِیتُمُت اوس۔ تمؠ کوٚر یہِ تکیازِ تمہِ طریقہٕ کامہِ کرنہِ اوس بے اثر سُپدمُت۔19سُہ طریقہٕ اوس بے فٲیدٕ تکیازِ لوٗکھ ہیکؠ نہٕ تہِ بنتھ یہِ خداین تِمن کرنہٕ سٟتؠ یوٚژھ یہِ خداین پتمہِ لٹہِ حکم دِیتُمُت اوس۔ وونؠ چُھ أمیٛک یہِ تہِ مانے زِ خداین کوٚر اسہِ اعتماد سان توقع کرنہٕ خٲطرٕ کینٛہہ بہتر فراہم۔ ییٚلہِ اسہِ اعتمادٕ سان یہِ امید چھےٚ، أسؠ چھِ خدایس نزدیک تر گژھان۔20وونؠ دِژ نہٕ خداین ضمانت یہِ تمؠ وون ییٚلہِ تمؠ لاوین ہندؠ کینٛہہ زُرؠ بنٲوؠ کاہن۔ اما پوٚز، تمؠ دِژ ضمانت یہِ تمؠ وون ییٚلہِ تمؠ مسیحؔ اکھ کاہن بنوو۔ تہِ چُھ یہِ خداین تمس وون: " خداوندن چھے ضمانت دِژمٕژ یہِ سُہ ونان چُھ، تہٕ سُہ کرِنہٕ بییٚہِ کینٛہہ: توٚہؠ ہیکیو نہٕ زانٛہہ کاہن بنُن رکٲوتھ!" لہٰذا، یتھٕ پٲٹھؠ زن یسوعؔ أکس بڈس کاہن سنٛدِ حثیتہٕ خدمت کران چُھ تکیازِ خداین دِژ ضمانت یہِ تمؠ وون ییٚلہِ تمؠ سُہ اکھ کاہن بنوو،22لہٰذا یہِ چُھ اکھ بہتر عہد تہِ، یمِچ ضمانت یسوعؔ دِوان چُھ۔23مزید، لاوین ہُند پریتھ اکھ مود تہٕ توے ہیوک نہٕ أکس کاہن سنٛدِ حثیتہٕ خدمت جٲری تھٲوِتھ۔ تمی وجہِ کِنؠ، لاوین ہندؠ چھِ واریاہ زُرؠ ٲسؠ مٕتؠ یِمو کاہنن ہندِ حثیتہٕ خدمت کٔر۔24اما پوٚز، یسوع مرِ نہٕ زانٛہہ۔ امی وجہ کِنؠ، روزِ سُہ ہمیشہٕ أکس کاہن سنٛدِ حثیتہٕ خدمت کران۔25تکیازِ سُہ چُھ ہمیشہِ أکس کاہن سنٛدِ حثیتہٕ خدمت کران، سُہ ہیکہِ کٲنسہِ أکس تہِ پوٚرٕ پٲٹھؠ نجات دِتھ یُس پننہِ عملہِ سٟتؠ خدایس نزدیک تر گژھان چُھ۔ سُہ ہیکہِ تہِ کرِتھ تکیازِ سُہ مرِ نہٕ زانٛہہ تہٕ یتھٕ پٲٹھؠ ہیکہِ سُہ خدایس تِمن مدد کرنہٕ باپتھ ونتھ۔ 26یسوع چُھ بلکل تمہِ قسمُک حکمران کاہن یُس اسہِ ضرورت چُھ۔ سُہ چُھ خدایس احترام کران، سُہ چُھنہٕ برٲییٔ متعلق سونچان، تہٕ سُہ چُھنہٕ تہِ کران یہِ تس ناپاک کرِ بلکہ چھُ پاک کامہِ کران۔ سُہ چُھنہٕ تِمو لوٗکو منٛز یُس گناہ کران چُھ، سُہ چُھ وۅنؠ ساروے کھۅتہٕ تھدِس آسمانس پیٚٹھ روزان۔27وونؠ چُھ لاوین ہندس پریتھ زُرِس یُس أکس حکمران کاہن سنٛدِ حثیتہٕ خدمت کران چُھ، تمس چھے روزانہٕ خدایس قربٲنی پیش کرنہِ۔ گوٚڈٕ چھِ تس پنٕنؠ گناہ دوٗر کرنہٕ خٲطرٕ اکھ قربٲنی پیش کرنؠ، تہٕ تمہِ پتہٕ چھِ باقی اسرائیلکیٚن ہندؠ گناہ دوٗر کرنہٕ باپتھ اکھ قربٲنی پیش کرنؠ۔ اما پوٚز، یسوعنؔ کٔرؠ پریتھ اکؠ سنٛدؠ گناہ دوٚر ییٚلہِ تمؠ اکہِ لٹہِ پنُن پان أکس قربٲنی ہندس حثیتس منٛز پیش کوٚر، لہٰذا تس چھنہٕ واریاہ قربٲنی پیش کرنچ ضرورت۔ 28ٲخرس پیٚٹھ، خداین دِیُت موسیٰ سنٛدِ ذریعہٕ حکم زِ کینٛژن لوٗکن پزِ کاہنن ہندِ حثیتہٕ خدمت کرنؠ، مگر یِم کاہن چھِ کمزور تہٕ مرن۔ تتھ برعکس، ییٚلہِ خداین یہِ ونتھ ضمانت دِژ، یِس تمؠ موسیٰ ہس حکم کرنہٕ پتہٕ کوٚر، تمؠ بنوو پنُن گوبر ہمیشہ ساروے کھوٚتہٕ زیادٕ اثردار کاہن۔
Bridge Connectivity Solutions Pvt. Ltd.