عبر9
1یتھٕ کِنؠ زن گۅڈنیُک عہد نامہٕ خداین اسرائیلس سٟتؠ کوٚر، تتھ منٛز ٲس لوٗکن اکہِ خاص طریقہٕ زمیٖنس پیٚٹھ أکس پناہ گاہس منٛز خدمت یا عبادت کرنؠ۔2سُہ پناہ گاہ یُس اسرائیلیو بنوو سُہ اوس اکھ مقدس خٟمہٕ یتھ زٕ حصہٕ ٲسؠ۔ نیٚبرمِس حصس ٲسؠ پاک جاے ونان۔ تِمو تھوو تتھ منٛز اکھ شمع دان تہٕ اکھ میز یتھ پیٚٹھ تِمو خاص ژوٚٹ تھٲوؠ ۔3خٟمُک اندرم حصہٕ اوس دوٚیمہِ طرفہٕ اندرؠ الوٲنتِس پردس تل۔ تِم ٲسؠ تتھ اندرمس حصس سؠٹھاہ پاک جاے ونان۔4تِمو تھوو تتھ دوٚیمس کمرس منٛز مُشکہٕ خٲطرٕ قربان گاہ بییٚہِ مقدس صندوق، تِمو کوٚر تِمن دوٚشونے سۅنہٕ سُنٛد کٕھژ۔ تِمو تھوو مقدس صندوقس اکھ سۅنہٕ سُنٛد بانہٕ یتھ منٛز مُنہٕ اوس، سُہ غذا یُس خداین اسرائیلکیٚن لوٗکن صحراوس منٛز روزنس دوران دِیُت۔ تِمو تھوو بییٚہِ تتھ منٛز ہارونؔ سُنٛد آصہٕ یتھ خداین پنہٕ ؤتھر پٲدٕ کٔرؠ۔ تِمو تھٲوؠ بییٚہِ تھتھ منٛز کنؠن ہندؠ تختہٕ یِمن پیٚٹھ موسیٰؔ ہن خدایس سٟتؠ عہد نامٕکؠ داہ حکم لیکھِتھ ٲسؠ۔ 5تِمو ترٲوؠ مقدس صندوقکس پیٚٹھٕ کٔنہِ دوٚن شاندار پکھٕ والین روحٲنی وجودن ہندؠ مجسمہٕ۔ یِمن مجسمن ہُند سایہِ پیو مقدس صندوقکس ڈکھنس۔ اما پوٚز، وونؠ چھِنہٕ یِمن چیزن ہنٛز وۅکھنے کرنؠ ضروری۔ 6تِمو یِم سٲری چیز لاگنہٕ پتہٕ، کاہن گےَ مقدس خٟمہٕ کس نیٚبرمِس حصس اندر پریتھ دوٚہہ خدایس خدمت کرنہِ۔ 7دوٚیمہِ طرفہٕ، وقتُک حکمران کاہن چُھ ورؠ یس منٛز اکہِ لٹہِ مقدس خٟمہٕ کس انٛدرمِس حصس منٛز اژان۔ تمس چُھ أکس جانور سُنٛد خوٗن پانس سٟتؠ تُلن، یُس سُہ پننٕؠ گناہ بییٚہِ باقی اسرائیلین ہندؠ غفلتس منٛز کرؠ مٕتؠ گناہ چھلنہٕ باپتھ خدایس چُھ پیش کران۔8پاک روح چُھ امہِ ذریعہٕ ظٲہر کران زِ کاہن کیا چھِ مقدس خٟمس منٛز کران زِ خداین کوٚر نہٕ یہِ ظٲہر زِ تتھ وقتس دوران آسمٲنی مقدس جایہِ منٛز کِتھٕ کِنؠ چُھ دٲخل گژھن ییٚلہِ تمس لوٗکن زمینی مقدس خٟمن ہند گوٚڈنُک حصہٕ استعمال کرنچ ضرورت ٲس۔9یہِ گوٚڈنُک زمینی مقدس خٟمہٕ چُھ مثالہِ پٲٹھؠ تمہِ وقتٕچ وضاحت کران یِمن منٛز تِم اسرٲییٔلی روزان ٲسؠ۔ تتھ وقتس منٛز، کاہنو کٔر قربٲنی پیش یِم لوکھ تتھ قٲبل بنتھ ہیکؠ نہٕ یِمو نیاز أنؠ یِم چھِ نہٕ صحیس تہٕ غلطس درمیان اصل پٲٹھؠ فرق کران۔10بییٚہِ پکؠ تِم تِمن قانونن پیٚٹھ یِم صرف جسمٲنی چیزن سٟتؠ تعلق اوس یِمن قانونن منٛز ٲسؠ اکثر کھیٚنس چینس تہٕ آبہٕ سٟتؠ چھلنس متعلق۔ خداین دِیت یِم قانون تِمن یوٚت تام تمؠ پنہٕ نؠن لوٗکن سٟتؠ اکھ نوو عہد نامہٕ بنوو۔11تتھ برعکس، ییٚلہِ مسیحنؔ أکس حکمران کاہن سنٛدِ رنگؠ خدمت کرنؠ شروع کٔر۔ تمؠ دِیت اسہِ تِم چیز یِم اسہِ نِش چھِ۔ سُہ گُزریوو آسمٲنی پاک خٟمہٕ منٛز یُس زمیٖنہِ ہندِ نِش بہتر کٲم کران چُھ۔ یہِ پاک خٟمہٕ بنوو خداین نہٕ کہ انسانو، تہٕ یہِ چُھنہٕ زمیٖنہٕ ہُند۔12پتہٕ، ییٚلہِ سُہ ساروےٕ کھۅتہٕ پاک آسمٲنی سؠٹھاہ پاک جایہِ منٛز صرف اکہِ لٹہِ ژاو، تمؠ کوٚر نہٕ جانورن ہُند خوٗن پیش یُس کانٛہہ قربان کران چُھ، یتھٕ پٲٹھؠ زن تِم کاہن کران چھِ یِم لاوی سنٛدؠ زُرؠ چھِ کران۔ تمہِ بدلہٕ، کوٚر تمؠ پنُن خوٗن پیش تہٕ کٔرین پننٕؠ لوٗکھ ہمیشہ تِہندیو گناہو نِش آزاد۔13وۅنؠ چھِ تِم لوٗکھ جانورن ہُند خوٗن پیش کران یُس کٔمؠ تام قربان کوٚر، تہٕ تِم چھِ أکس گٲو ہُند سوٗر چھکراوان، یُس تِمو ناپاک لوٗکن پیٚٹھ زولمُت چُھ۔ ییٚلہِ کاہن یمہٕ کامہِ کران چھُ، تِمن چھِ اصلی أکس نفرٕ سٕنٛز ظٲہری پاکیزگی حٲصل کران۔ 14ییٚلہِ زن تہٕ پوٚز چُھ، یہِ مسیحؔ چُھ پننِہِ خوٗنہٕ سٟتؠ سؠٹھاہ جان پٲٹھؠ لوٗکن پاک کران! تمؠ کوٚر پنُن پان خدایس أکس مکمل قربٲنی ہندِ رنگؠ پیش، ابدن زندٕ روزن وٲلؠ روحن بنوو سُہ تہِ کرنس قٲبل۔ سُہ چُھ توٚہہِ سارنے بٲطنی طوٗر پاک کران، تُہنٛدین دِلن ہُند مَل دوٗر کران تہٕ کرنس لایق بناوان یہِ خدایس اصلی ضرورت چُھ۔15تکیازِ مسیحؔ چُھ لوٗکن ہُند بٲطن پاک کران، خداین چُھ تمؠ سنٛدِ ذریعہٕ اکھ نوو عہد نامہٕ بنوومُت۔ تمہِ طریقہٕ چُھ خداے تِمن دِوان یمِس سُہ ژارِ یہِ تمؠ وعدٕ دِیُت زِ تِمن گژھِ ابدن حٲصل۔ تہِ ہیکہِ یسوع سنٛدِ سببہٕ سپدِتھ یُس پنہٕ نؠن لوٗکن نجات دِنہٕ باپتھ مود ییٚلہِ تِمو گوٚڈنکہِ عہد نامٕچ نافرمٲنی کٔر یُس خداین اسرائیلس سٟتؠ کوٚر۔16وونؠ ییٚلہِ کانٛہہ اکھ اکھ وصیت کران چُھ یُس اکہِ قسمُک اقرار نامہٕ چُھ، تمس نفرس چُھ سۅ وصیت عمل در عمل سپدن برونٛہہ مٲرنٕچ ضرورت۔17در حقیقت، ہر کانٛہہ وصیت چھِ صرف أکس شخصہٕ سنٛدِ مرنہٕ پتے عملاونہٕ یوان۔ تکیازِ اکھ وصیت چھِنہٕ تمس شخصہٕ سنٛزِ زندگی دوران عملاونہٕ یوان۔18تِتھے پٲٹھؠ، خدایس ٲس یقیناً خوٗنٕچ ضرورت ییٚلہِ تمؠ اسرائیلکیٚن لوٗکن سٟتؠ عہد نامہٕ کوٚر۔19بے شک، ییٚلہِ موسیٰ ہن اسرائیلین ہندِ باپتھ خداے سٕندس شریعتس منٛز پریتھ کُنہِ چیزکؠن حکمن ہُند اعلان کوٚر، پتہٕ تُل تمؠ جانورن ہُند خوٗن أکس بانس منٛز یمؠ کٔمؠ تام قربان کٔرؠ مٕتؠ ٲسؠ۔ پتہٕ آب، وۅزُل کپُر تہٕ نرکٲنؠ کُلِکؠ حصہٕ استعمال کٔرِتھ چھوٚک تمؠ سُہ خوٗن تتھ کتابہِ پیٚٹھ یتھ منٛز تمؠ خداے سنٛدؠ حکم لیکھؠ بییٚہِ سارنے اسرائیلین پیٚٹھ۔ 20ییٚلہِ تمؠ سُہ خوٗن چھوٚک تمؠ کوٚر تمن حکم، "یہِ خوٗن چھُ تمہِ عہد نامٕچ اہمیت ہاوان یُس خداین توٚہہِ سٟتؠ کوٚر تہِ وونؠ سپد عمل در عمل" 21موسیٰ ہن چھوٚک سُہ خوٗن یتھۓ پٲٹھؠ مقدس خٟمس بییٚہِ تِمن سارنے اوزارن پیٚٹھ یِم کاہن خدایس خدمت کرنہٕ خٲطرٕ استعمال کران ٲسؠ۔ 22تمہِ علاوٕ، خداین آسہِ موسیٰ سنٛدِس شریعتس منٛز حکم کوٚرمُت زِ کاہنن پزِ پریتھ وزِ لوٗکن یا چیز پاک کرنہٕ خٲطرٕ خوٗن استعمال کرُن۔ در حقیقت، خداے چُھنہٕ کٲنٛسہِ أکس تہِ توٚتام معاف کران یوٚت تام نہٕ اکھ کاہن أکس جانور سُنٛد خوٗن پیش کرِ یُس کٲنٛسہِ قربان کوٚرمُت آسہِ۔ 23توے ٲسؠ کاہنن ساروے کھوٚتہٕ پاک آسمٲنی جایہِ ہُند زمینی نقل پاک کرنہٕ خٲطرٕ جانورن ہنٛز قربٲنی دِنؠ پیوان۔ یتھۓ پٲٹھؠ، یسوعس پیو پانہٕ آسمٲنی سؠٹھاہ پاک جاے پاک کرنہٕ خٲطرٕ امہِ کھوٚتہٕ بوٚڈ نیاز پیش کرُن۔24ییٚلہِ تمؠ سُہ نظرانہٕ پیش کوٚر، مسیحؔ سُپد تتھ تھدس آسمان منٛز دٲخل، ییٚتہِ سُہ وونؠ پانہٕ خدایس نِش اسہِ مدد کرنہٕ باپتھ حٲظر چُھ۔ سُہ سُپد نہٕ أکس ساروے کھوٚتہٕ پاک مقامس منٛز دٲخل یُس انسانو بنوومُت چُھ، یُس اصلی پاک جایہِ ہُند اکھ نمونہٕ چُھ۔25امہِ علاوٕ، سُہ گوو صرف اکہِ لٹہِ پنُن پان پیش کرنہٕ خٲطرٕ ساروے کھوٚتہٕ تھدس آسمانس منٛز۔ یہِ چُھنہٕ تہِ یہِ زمینی کاہن حکمران کران چھِ۔ تمؠ چھِ پریتھ ورؠیہِ سؠٹھاہ پاک جایہِ منٛز گژھان تہٕ أکس جانور سُنٛد خوٗن چھی پیش کران یُس کٲنٛسہِ قربان کوٚرمُت آسہِ۔26ہرگاہ یسوعس ٲسؠ در اصل پنُن پان اکہِ کھوٚتہٕ زیادٕ لٹہِ نیازٕ رنگؠ پیش کرنچؠ ضرورت، تیلہِ آسہِ ہے تمس تمہِ وقتہٕ پیٚٹھ اکثر مرنچ ضرورت ییٚلہِ خداین ہر کینٛہہ چیز پٲدٕ کوٚر۔ مگر ییٚتتھ چُھ یسوعس متعلق پزر یہِ: پننس یتھ ٲخری وقتس دوران، کوٚر تمو صرف اکہِ پھرِ گناہ طاقتہٕ روس بناونہٕ خٲطرٕ پنُن پان اکہِ قربٲنی رنگؠ پیش۔27انسان چُھ صرف اکہِ لٹہِ مرُن تہٕ پتہٕ کرِ خداے فٲصلہٕ زِ تِم قصوروار کنہٕ بے گناہ گار۔ 28یتھۓ پٲٹھؠ، مسیحنؔ کوٚر پنُن پان صرف اکہِ لٹہِ لوٗکن ہندؠ گناہ دوٗر کرنہٕ باپتھ اکہِ نیازٕ رنگؠ پیش۔ پتہٕ واتہٕ سُہ زمیٖنہِ پیٚٹھ دبارٕ واپس گناہ دوٗر کرنہٕ خٲطرٕ نہٕ بلکہ پننؠن لوٗکن نجات دِنہٕ خٲطرٕ یِم تمس لگاتار انتظار کران چھِ۔
Bridge Connectivity Solutions Pvt. Ltd.