عبر6
1تمہِ خٲطرٕ، چھِ اسہِ مزید ہیٚچھنٕچ ضرورت یُتھ زن أسؠ بالغ سپدو۔ اسہِ پزِ نہٕ صرف مسیحؔ ہس متعلق بنیٲدی کتھن کُن ظوٚن دِیُن جٲری تھاون۔ دوٚیمیٚن لفظن منٛز، اسہِ چھِنہٕ دوبارٕ یہِ ہیٚچھنٕچ ضرورت زِ بے کار کٲم کِتھٕ کِنؠ کرنؠ بند یا خدایس پیٚٹھ کِتھٕ کِنؠ کرو بھروسہٕ۔2اسہِ پزِ نہٕ لوٗکن بپتسمہ دِنہٕ کؠن مختلف طریقن ہندس بارس منٛز دوبارٕ زانُن، یِمن ہندِ مدتہٕ خٲطرٕ باقین پیٚٹھ اتھٕ تھونہٕ کس بارس منٛز، اتھ بارس منٛز زِ مرن وٲلؠ لوٗکھ کتھٕ پٲٹھؠ روزن دوبارٕ زندٕ، یا اتھ بارس منٛز زِ خداے کتھٕ پٲٹھؠ کرِ ٲخرس پیٚٹھ فٲصلہٕ زِ لوٗکھ چھا قصوروار یا معصوم۔3یتھ وقتس منٛز، یوٚتام خداے چُھ یژھان زِ اسہِ کرناوِ تہِ، أسؠ ہیکو پزؠ پٲٹھؠ مزید ہیٚچھِتھ تاکہ أسؠ سپدو بالغ۔4مگر مےٚ دِیو توٚہہِ کُنہِ چیزس متعلق وننہٕ یُس نہٕ واقع ہیکہِ سپدِتھ۔ تِمن لوٗکن متعلق سونٛچِو یِمو اکہِ لٹہِ رٕژِ شیچھِ متعلق ہیوٚچھ زِ تِمو کوٚر تجربہٕ زِ خداے کیا چُھ پننؠن لوٗکن آسمانہٕ پیٚٹھٕ بخشان، تہٕ تِمو کوٚر پاک روح حٲصل۔5تِمن سُپد تجربہٕ زِ تِم کتھٕ چھِ سؠٹھاہ جان یمہٕ خداے ونان چُھ، تہٕ تِمو چُھ برونہٛےٕ تِمن طاقتور چیزن ہُند تجربہٕ کرُن شروع کوٚرمُت یِم خداے کرِ ییٚلہِ سُہ دنیاہس نوو بنایہِ۔6سونٛچِو زِ ہرگاہ یِم لوٗکھ رٕژِ شیچھِ پیٚٹھ ایمان تھاون نہٕ تیلہِ کیا سپدِ۔ تتھ صوٗرتس منٛز، تِم ہیکن نہٕ توبہٕ کرِتھ تہٕ دوبارٕ ایمان تھٲوِتھ۔ امیٛک وجہ چُھ یہِ زِ تِمو یہِ کوٚر سُہ چُھ خود غرضی سان خداے سٕندس گوٚبرس دارس کھالنس تہٕ ذلالت کرنس ہیو۔7ییٚتین چھِ اکھ مثال: خداے چُھ کُنہِ جایہِ زمیٖنس برکت کران، اکہِ لٹہِ تتھ پیٚٹھ بٲرش تراوان، فصل چُھ وۅپدان یُس لوٗکھ چھِ استعمال کران۔8اما پوٚز، ییٚلہِ أکس کھہَس بے فٲیدٕ کُلؠ چھِ کھسان، سُہ چُھ نہٕ کٲنسہِ تہِ مدد کران، تہٕ خداے کرِ تتھ جلد بد دعا۔ ٲخرس پیٚٹھ، کانٛہہ دِیہِ تتھ نار یتھ سٲری بے فٲیدٕ کُلؠ دَزن ۔9میانیو ٹاٹھیو ایمان باجو، ہتاکہِ مےٚ چُھو توٚہؠ امہِ طریقہٕ با خبر کٔرؠ مٕتؠ، مےٚ چُھ یقین زِ توٚہہِ چھِوی تمہِ کھوٚتہٕ مضبوط ایمان یہِ میون مطلب چُھ۔ در حقیقت، مےٚ چُھ یقین زِ خداین چھُو توٚہؠ بچٲومٕتؠ۔10بے شک، ییٚلہِ زن خداے چُھ ہمیشہِ منصفانہٕ طریقو سٟتؠ کٲم کران، سُہ کرِ نہٕ نظر انداز زِ توٚہہِ کیا عمل چھُو کران تہٕ توٚہہِ کتھٕ پٲٹھؠ چھُو باقین لول بران۔ توٚہہِ چھُو ثٲبتھ کوٚرمُت زِ توٚہؠ چھُو خدایس احترام کرنہٕ باپتھ یِم کامہِ کران، خاص کر ییٚلہِ توٚہہِ خداے سٕندٮ۪ن لوٗکن مدد کوٚرمُت چُھ تہٕ تِمن مدد کرُن جٲری تھٲیِو۔11بہٕ چھُس بے تاب اوٕ کِنؠ زِ یوٚتام توٚہؠ سٲری مرِو، توٚہؠ روزو تن دہی سان بھروسہٕ کران زِ خداے دِیہِ توٚہہِ تہِ یہِ توٚہہِ اعتماد سان توقع چُھ۔12امہِ طریقہٕ، بنیو نہٕ توٚہؠ سُست۔ تمہِ بدلہٕ، توٚہؠ کریو تہِ یہِ باقی ایمان والیو کوٚرمُت چُھ: تِمو کوٚر تہِ حٲصل یمیٛک تِمن خداین وعدٕ دِیُت، تکیازِ تِمو کوٚر تس پیٚٹھ بھروسہٕ تہٕ صبرٕ سان کوٚرکھ انتظار۔13ییٚلہِ خداین ووٚن زِ سُہ کرِ ابرہامؔ سنٛدِ خٲطرٕ کینٛہہ، تمؠ دِژ یہِ پانے ضمانت۔ تمؠ کوٚر تہِ تکیازِ پریتھ دوٚیم نفر یُس امِچ ضمانت ہیکہِ دِتھ سُہ چُھ خداے سنٛدِ کھوٚتہٕ کم طاقتور ۔14یہِ چُھ سُہ وعدٕ یُس تمؠ ابرہامسؔ دِیُت:" بہٕ دِمے ژےٚ یقیٖنن برکت، تہٕ بہٕ کرے ژےٚ یقیٖنن وایاہ ذرؠ عطا"15تکیازِ خداین دِژ تس ضمانت یُس تمؠ تس وعدٕ دِیُت، تکیازِ ابرہامؔ روٗد یہِ امید ہیٚتھ ثٲبت قدم، خداین کوٚر تس وعدٕ مطٲبق اکھ نیٚچو عطا۔16وونؠ چُھ لوٗکن نِش کانٛہہ یُس تِمو کھوٚتہٕ زیادٕ قدرت وول چُھ یُس تِمن ضمانت دِوان چُھ۔ در حقیقت، ییٚلہِ کانٛہہ امہِ طریقہٕ مرد یا زنان تتھ مطلق ضمانت دِوان چُھ یمیٛک تمؠ وعدٕ کران چھِ یا چھے، یہِ چُھ یقیٖنن انجامس واتان یتھ پیٚٹھ تہِ لوٗکھ بحث کران چھِ ۔17یتھۓ پٲٹھؠ، خداین یوٚژھ تِمن واضیح طور ہاون یِم تمؠ سُنٛد وعدٕ حٲصل کران ٲسؠ زِ سُہ بدلایہِ نہٕ تہِ یہِ تس کرنُک ارادٕ اوس، سُہ چُھ وعدٕچ ضمانت دِوان یتھٕ پٲٹھؠ انسان کران چھِ۔18لہٰذا، خداین دِیُت وعدٕ تہٕ بییٚہِ کھیون قسم، زِ سُہ وننہِ نہٕ اپُز یا یِمو چیزو منٛز بدلایہِ نہٕ کانٛہہ۔ تمؠ کوٚر تہِ سانہٕ باپتھ، یِمو تس پیٚٹھ نجات دِنہٕ باپتھ ایمان تھو۔ امہِ طریقہٕ، چُھ سُہ اسہِ اعتمادٕ سان امید جٲری تھاونس منٛز حوصلہٕ افزٲیی کران زِ سُہ کیاہ چُھ اسہِ دِنہٕ خٲطرٕ تیار ۔19ییٚلہِ اسہِ اعتمادٕ سان امید چھِ یہِ خداے اسہِ دیہِ، یہِ چُھ یتھٕ کِنؠ زن اکھ لنگر چُھ اسہِ سٟتؠ مضبوطی سان سؠٹھاہ تھپ رٹتھ تھاوان یُتھ زن نہٕ اسہِ خداے پیٚٹھ سٲنس ایمانس گرٲے ییہِ۔ مزید، ییٚلہِ اسہِ اعتمادٕ سان امید چھِ یہِ خداے اسہِ عطا کرِ، یہِ چُھ یتھٕ کِنؠ زن تہِ اسہِ آسمٲنی مقدس ہیکل کس اندرمس حصس اندر گٲمٕتؠ ٲسؠ، تتھ اوزان پردس پتھ کُن، تہِ یہِ برونٛٹھے یہِ حٲصل کوٚرمُت ۔20سۅ چھے سوے جاے یوٚت یسوعؔ خدایس سانہِ باپتھ خدمت کرنہِ تہِ سانہِ باپتھ وتھ ییٚلہِ تراونہِ گوو۔ سُہ گوو توٚر اکھ حکمران کاہن بننہٕ پتہٕ یُس خدایس ہمیشہِ خدمت کرِ، یتھٕ پٲٹھؠ زن ملک صدقؔ اکھ کاہن اوس۔
Bridge Connectivity Solutions Pvt. Ltd.