عبر13
1پننؠن سٲتھی ایماندارن سٟتؠ تھٲیو لول برُن جٲری۔2یقینی بنٲیو زِ توٚہؠ چھُو باقین لوٗکن خۅش آوے کران۔ توٚہہِ پزِ تہِ کرُن تکیازِ کینٛژو لوٗکو یِمو باقین خۅش آوے کٔر اصلی کٔر تِمو روحٲنی وجودن خۅش آوے، اگرچہ تِمن مولوم اوس نہٕ زِ تِم ٲسؠ روحٲنی وجود ۔3تِمن ہُند مدد کرُن بنٲیو یقینی یِم جیلن منٛز چھِ۔ توٚہہِ پزِ تِمن مدد کرُن یتھٕ پٲٹھؠ توٚہؠ باقین ہُند توٚہہِ مدد کرنہِ یژھان چھُو ہرگاہ توٚہؠ تِمن سٟتؠ جیٖلس منٛز ٲسہِ ہیوو۔ بییٚہِ یتھنہٕ تِمن مدد کرُن مشرٲیو یِمن سٟتؠ باقی بدسلوکی کران چھِ۔ توٚہہِ پزِ تہِ کرُن تکیازِ توٚہؠ تہِ چھُو انسان یِم تکلیف ہیکہِ وٲتِتھ۔4توٚہہِ سارنے پزِ واریاہ قدر کرنؠ زِ خداے کتھٕ کِنؠ چُھ لوٗکن یکوٹہٕ رلاوان ییٚلہِ تِم خاندر کران چھِ۔ مزید، خاندر کرن والیٚن لوٗکن پزِ صرف پننؠنے بٲژن سٟتؠ جنسی تعلقات تھاونؠ۔ توٚہہِ پزن یِم کامہِ کرنہِ تکیازِ خداے ٹھہراوِ تمس أکس قصوروار یُس أکس خاندرٕ وٲلِس شخصس سٟتؠ جنسی تعلق بناوِ یا یُس کُنہِ تہِ طریقہٕ ناجٲیز جنسی تعلقات تھاوِ۔5توٚہہِ پزِ ہمیشہ پونٛسن ہنٛزِ خوٲہِشہٕ نِش دوٗر روزُن۔ توٚہؠ ہیکیو تہِ خۅش روزنہٕ خٲطرٕ کرِتھ یہِ توٚہہِ نِش چُھ۔ توٚہہِ پزِ یمہِ طریقہٕ سلوک کرُن تکیازِ خداین چھِ یِمن الفاظن منٛز تُہندِ خٲطرِ فرموومُت: " بہٕ تراوَو نہٕ توٚہؠ زانٛہہ۔ ہاں، بہٕ روٗزٕ توٚہہِ سٟتؠ ہمیشہِ "6تکیازِ خداے چُھ تہِ ونان، أسؠ چھِ یِم الفاظ دلیری سان ونان: " خداوند خداے چُھ سُہ کُنے یُس اسہِ مدد گار چُھ۔ توے، بہٕ چُھس نہٕ کٲنسہِ تہِ کھوٚژان۔ کانٛہہ اکھ تہِ ہیکہِ نہٕ مےٚ زکھ واتناونہٕ خٲطرٕ کینٛہہ کٔرتھ "7تِمن لوٗکن کُن دیو توجہ یِم تُہنٛزِ جمٲژ ہندؠ پیشوا ٲسؠ۔ میون مطلب چُھ تِم یِمو توٚہہِ وون زِ خداین کیا چُھ کوٚرمُت۔ اصل چیزن ہُند معاینہٕ کریو یِم واقع سپدؠ تِم کمہِ سببہٕ کِنؠ روٗدؠ زندٕ۔ توٚہہِ پزِ نقل کرُن زِ تِمو کتھٕ پٲٹھؠ کوٚر خدایس پیٚٹھ بھروسہٕ۔8یسوع مسیحؔ چُھنہٕ زانٛہہ بدلیومُت تہٕ نہٕ بدلہِ زانٛہہ "9توٚہؠ مہٕ دِیو باقین لوٗکن واریاہ قسمٕکؠ چیز ہیٚچھناونہٕ سٟتؠ پان گمراہ کرنہٕ یِم نہٕ رٔژِ شیچھِ سٟتؠ واٹھ کھیٚوان چھِ۔ توٚہہِ پزِ تہِ رد کرُن یہِ تِم ہیٚچھناون چھِ، تکیازِ یہِ صرف خداے اسہِ اصل پٲٹھؠ دِوان چُھ سُہ چُھ اسہِ مضبوط بناوان۔ غذا یُس أسؠ کھیٚوان چھِ ہیٚکہٕ نہٕ تہِ کرِتھ۔ درحقیقت، یِم لوٗکھ یتھٕ پٲٹھؠ عمل کران زِ خٲرٲتی کھیٚن ہیکہِ یہِ کرِتھ، تِمن چُھنہٕ کینٛہہ حٲصل کران۔10اسہِ چُھ یسوع سنٛزِ قربٲنی سٟتؠ فٲیدٕ میلان، یوسہٕ تِمو قربٲنیو کھوٚتہٕ عظیٖم چھے یِم کاہنو مقدس خٟمس اندر پیش کرِ۔ درحقیقت، تِم کاہن ہیکن نہٕ یسوع سنٛزِ قربٲنی منٛز شراکت کرنس قٲبل سپدیتھ۔11سؠٹھاہ پاک جایہِ منٛز اوس حکمران کاہن جانورن ہندٮ۪ن جسمن ہُند خوٗن پیش کران یِم تمؠ مٲرؠ مٕتؠ ٲسؠ۔ سُہ اوس تہِ گناہ دوٗر کرنہٕ باپتھ کران۔ پتہٕ اوس کانٛہہ تِمن جانورن ہندین باقےٕ چیزن مکمل پٲٹھؠ تمہِ جایہِ نِش دوٗر زالان ییٚتین اسرٲییٔلی روزان ٲسؠ۔12لہٰذا مود یسوع تہِ مود یروشلم شہرس منٛز تمہِ جایہِ نِش دوٗر ییٚتہِ لوٗکھ روزان ٲسؠ۔ تمؠ کوٚر یہِ پنُن خوٗن پیش کرنہٕ دسؠ خداے سٕنٛدؠ لوٗکھ پننہِ خٲطرٕ الگ کڈنہٕ باپتھ۔13تمہِ پتہٕ، پزِ اسہِ سُہ پریتھ کانٛہہ چیز تراون یُس اسہِ مسیحسؔ نِش الگ ہیکہِ کرِتھ۔ یتھٕ پٲٹھؠ أسؠ تہِ چھِ کران، اسہِ پزِ یہِ قبول کرُن ییٚلہِ لوٗکھ اسہِ بے عزتی کران چھِ یتھٕ پٲٹھؠ تِمس تِمو بے عزتی کٔر "14اسہِ پزِ تہِ کرُن تکیازِ، یتھ زمیٖنہِ پیٚٹھ چِھنہٕ أسؠ أکس تتھِس شہرس منٛز روزان یُس ہمیشہِ خٲطرٕ باقے روزِ۔ بلکہ، اسہِ چھِ تتھ شہرس منٛز زندگی گزارنٕچ خوٲہِش یُس خداے اسہِ جلدے عطا کرِ۔15یسوع سنٛدِ مددتہٕ سٟتؠ پزِن اسہِ خداے سنٛدؠ تعریف اکثر کرنؠ، زن تہِ آسو أسؠ تس نیاز پیش کران۔ تہِ چھِ أسؠ کران ییٚلہِ أسؠ ونان چھِ زِ اسہِ چُھ یسوعس پیٚٹھ ایمان "16مزید، اسہِ چھِ یہِ کتھ یقینی بناونچ ضرورت زِ أسؠ کرو باقین پننہِ منٛز تِمن کینٛہہ دِتھ مدد۔ یہِ کرُن چُھ خداے خۅش کرن واجنہِ قربٲنی پیش کرنس ہیو۔17تُہنٛزن جمٲژن ہندؠ پیشوا چھِ زانان زِ خداے چُھ تِمن تُہنٛدِ خٲطرٕ ذمہٕ دار ٹھہراوان، تہٕ تِم چھِ ہمیشہِ تُہنٛز رٲچھ کرنس کُن توجہ دِوان۔ تمی وجہ کِنؠ، پزِ توٚہہِ عزتہٕ سان تہِ کران یمیُک تِم تقاضہٕ کران۔ تمی طریقہٕ، ہیکن تِم تُہنٛزِ جمٲژ ہنٛز راہنمٲییٔ مایوسی بجایہ خۅشی سان کرِتھ۔ بے شک، ہرگاہ تِم مایوسی سان رہبری کران روزن، تمہِ سٟتؠ سپدِ نہٕ توٚہہِ ہرگز کانٛہہ مدد "18مہربٲنی کرِتھ منٛگِو خدایس مےٚ تہ میانؠن سٲتھین مدد کرنہٕ باپتھ دعا۔ بہٕ چُھس پرژھان یہِ تکیازِ اسہِ چُھ یقین زِ أسؠ چھِنہٕ قصوروار۔ بے شک، أسؠ چھِ ہمیشہِ یژھان صحیح پٲٹھؠ سلوک کرُن۔19بہٕ چُھس توٚہہِ تلقین کران زِ خدایس منٛگِو مےٚ سوزِ جلدی سان توٚہہِ نِش واپس۔20خداے چُھ سُہ کُنے یُس پنہٕ نؠن لوٗکن پُر امن بناوان چُھ۔ تمؠ کوٚر سون خداوند یسوع مرنہٕ پتہٕ دُبارٕ زندٕ۔ یسوع چُھ أکس طاقتور پہلؠ سنٛدؠ پٲٹھؠ یُس اسہِ تمؠ سٕندٮ۪ن تیٖرن راہنمٲییٔ کران چُھ۔ خداین کوٚر سُہ دُبارٕ زندٕ تکیازِ یسوعن کوٚر پنُن ذٲتی خوٗن نوو عہد نامہٕ بناونہٕ خٲطرٕ استعمال یُس ہمیشہِ خٲطرٕ باقے روزِ ۔21أسؠ چھِ دعا منٛگان زِ خداے دِیہِ توٚہہِ تمسنٛدؠ سٲری رٕتؠ تحفہٕ۔ امہِ طریقہٕ، ہیکیو توٚہؠ، تہِ کرِتھ یہِ سُہ توٚہہِ کرناون یژھان چُھ۔ در حقیقت، سُہ چُھ یسوع مسیحؔ سنٛدِ ذریعہٕ قٲیم کران اسہِ تہِ قٲبل بناونہٕ خٲطرٕ یمہِ سٟتؠ سُہ خۅش سپدِ۔ لہٰذا، أسؠ کرو خدایس ہمیشہِ احترام! آمین!22مےٚ سوزُو توٚہہِ اکھ مختصر خط۔ لہٰذا، ہم ایمان سٲتھیٚو، بہٕ چُھس توٚہہِ گذٲرش کران زِ تتھ پیٚٹھ کریو ہوشہِ سان غوٗر یہِ مےٚ توٚہہِ حوصلہٕ افزٲئی خٲطرٕ وونمُت چُھ۔23بہٕ چُھس یژھان توٚہؠ باخبر کرِنؠ زِ حٲکمو چُھ سون ایمان بوج تیمُتھیس رہا کوٚرمُت۔ ہرگاہ سُہ جلدی سان یوٗر واتہِ، أسؠ سمکھو توٚہہِ یکوٹے۔24تس پریتھ أکس ونیو سلام یُس تُہنٛزِ جمٲژ ہُند پیشوا چُھ۔ بییٚہِ ونیوو خداے سٕندٮ۪ن سارنے لوٗکن سلام۔ ملکِ اٹلی پؠٹھِ ایمان وٲلؠ چھِ توٚہہِ سلام عرض کران۔25بہٕ چُھس دعا کران زِ خداے سُنٛد فضل روٗزِن توٚہہِ سارنے سٟتؠ۔
Bridge Connectivity Solutions Pvt. Ltd.