عبر12
1تمہِ پتہٕ، تکیازِ خدایس پیٚٹھ بھروسہٕ کران وٲلؠ تِم سٲری لوٗکھ چھِ اسہِ وُچھان، اسہِ چھِ خدایس پیٚٹھ بھروسہٕ کرنس منٛز دریٚرٕ سان روزنچ ضرورت۔ تہِ کرنہٕ خٲطرٕ چھِ اسہِ گناہ کرنؠ تھامہِ رٹنچ ضرورت بییٚہِ کُنہِ تہِ چیزٕ نِش بچُن یُس اسہِ رُکاوٹ بننہِ۔2اسہِ چھِ یسوعس پیٚٹھ توجہ مرکوز کرنچ ضرورت، سُہ اکھ یُس اسہِ خدایس پیٚٹھ گوٚڈٕ بھروسہٕ کرنس لایق بناون چُھ تہٕ پتہٕ اسہِ مرنہٕ کس دمس تام تی کرُن۔ سُہ روٗد دوٚکھ ویٚتراونس پیٚٹھ پانہٕ درِتھ ییٚلہِ سُہ صلیبہِ پیٚٹھ مود، تہٕ تس اوس نہٕ پرواہ زِ تمؠ دِیُت زُو شرمندگی سان۔ تمؠ کٔر تِمے اندازٕ عمل تکیازِ تس اوس مولوم زِ خداے بناوِ تس پتہٕ خۅشحال۔ وونؠ، چُھ سُہ بب خدایس سٟتؠ، ییتہِ سُہ تختس پیٚٹھ بہتھ بادشٲہی کران چُھ ۔3توٚہہِ چھےٚ یسوعسؔ پیٚٹھ غور کرنٕچ ضرورت، یُس ثٲبت قدم روٗد ییٚلہِ گناہ گارو تس سٟتؠ جھگڑٕ کوٚر، ہرگاہ تمو صرف پانسےٕ زخم دِیتؠ۔ امہِ طریقہٕ ہیکیو توٚہؠ اندرؠ کِنؠ مضبوط تہٕ برداش کرن وٲلؠ بنتھ۔4ونیُک تام چھُو نہٕ توٚہؠ بدی ہُند مقابلہٕ کران پنُن زُو چھپہِ دِیتمُت بییٚہِ گناہ نہٕ کرنس منٛز سخ محنت کٔرمٕژ۔5مزید، توٚہہِ گوو تہِ یاد تھاونس منٛز ناکام یہِ سلیماننؔ پنہٕ نؠن شُریٚن کرنُک حوصلہٕ دِیت، یہِ توٚہہِ پیٚٹھ تہِ چُھ لاگو سپدان۔ سلیماننؔ لیوکھ یہِ: میانہِ شُرِ، ہوشہِ سان ہیٚچھٕ ییٚلہِ خداوند ژٕ تربیت دِوان چُھے۔ بے شک، برداش کر ییٚلہِ سُہ ژےٚ اصلاح کران چُھے۔6ژےٚ پزی یہِ کرُن، تکیازِ خداوند خداے چُھ پریتھ أکس تربیت دِوان یِس سُہ لول بران چُھ۔ بے شک، سُہ چُھ پریتھ أکس شُرِس سختی سان اصلاح کران یِس سُہ پنُن ونان چُھ ۔7توٚہہِ چھِ ثٲبت قدم روزنچ ضرورت یُتھ زن خداے ہیکہِ توٚہہِ تربیت دِتھ۔ خداے چُھ یِمو طریقو توٚہہِ سٟتؠ سلوک کران تکیازِ توٚہؠ چھُو تمؠ سنٛدؠ شُرؠ۔ توٚہؠ ہیکیو ونتھ زِ یہِ چُھ پوٚز، تکیازِ مول موج چُھ پنہٕ نؠن شُریٚن ہمیشہِ تربیت دِوان۔8فرض کرو خداین دِژ نہٕ توٚہہِ تربیت، ہرگاہ تمؠ بییٚہِ پریتھ کٲنٛسہِ تربیت دِژ۔ تتھ صورتس منٛز، توٚہؠ ٲسیٚو نہٕ پزی پٲٹھؠ خداے سنٛدؠ شُرؠ۔9مزید، سانیو انسٲنی مٲلؠ ماجہِ دِژ اسہِ تربیت ییٚلہِ أسؠ شُرؠ ٲسؠ، تہٕ اسہِ کوٚر تِمن عزت۔ لہٰذا، اسہِ پزِ یہِ زیادے پہن قبول کرُن ییٚلہِ سون روحٲنی بب، خداے، اسہِ تربیت دِوان چُھ۔ امہِ طریقہٕ، روزو أسؠ ابدن زندٕ ۔10مزید، سانیو انسٲنی مٲلؠو ماجو کٔر اسہِ کینٛہہ وقتہٕ خٲطرٕ تِمن طریقن ہنٛز تربیت یِم تِم صحیح سمجھان ٲسؠ۔ اما پوٚز، سون بب خداے چُھ اسہِ تِمو طریقو تربیت کران یِم سانہِ باپتھ سؠٹھاہ بہتر چھِ۔ امہِ طریقہٕ، چھِ أسؠ تِم بنان یِم تمؠ الگ کرؠ مٕتؠ چھِ، یتھٕ پٲٹھؠ سُہ پنُن پان پاک کران چُھ۔11ییٚلہِ تہِ زانٛہہ خداے اسہِ تربیت دِوان چُھ، یہ سپدنس دوران چھِ خوشی بجایہ تکلیف واتناوان۔ اما پوٚز، اکہِ لٹہِ ہیٚچھِو زِ خداے کیازِ چُھ اسہِ تربیت دِوان، أسؠ چھِ پُر امن پٲٹھؠ صحیح کرنس قٲبل بنان۔12تِمو ساروے کِنؠ، توٚہہِ چھِ خدایس پیٚٹھ بھروسہٕ کرنہٕ خٲطرٕ ثٲبت قدم روزنچ ضرورت خٲطرٕ پنُن پان تیار کرُن، یتھٕ پٲٹھؠ زن دوٚر تراون وٲلؠ چھِ پنٕنؠ تھکمٕتؠن جسمن دور جٲری تھونہٕ خٲطرٕ تیار کران ۔13توٚہہِ چھِ خدایس پیٚٹھ بھروسہٕ کرنچؠ تہٕ فرمانبردٲری کرنس کُن دھیان دِنچؠ ضرورت، یتھٕ پٲٹھؠ زن اکھ دورن وول دوِ دوران ساروے کھوٚتہٕ سیٚزِ وتہِ پیٚٹھ دورنس کُن توجہ چُھ دِوان۔ تمہِ طریقہٕ، کانٛہہ اکھ تہِ یُس روحٲنی طور کمزور آسہِ کرِ نہٕ خدایس پیٚٹھ بھروسہٕ کرنس روٚٹ مگر تمہِ بدلہٕ کرِ سُہ تمس پیٚٹھ زیادے پہن بھروسہٕ ۔14توٚہہِ پزِ پریتھ أکس سٟتؠ امنہٕ سان زندگی گزارٕنؠ تلاش کرنؠ۔ توٚہہِ پزِ پنُن پان خداے سنٛدِ خٲطرٕ الگ کرُن تہِ تلاش کرُن۔ ہرگاہ توٚہؠ صرف تہِ کریو توٚہؠ وٲتِو ٲخرس خداوندس نِش ۔15یقینی بنٲیو زِ تُہنٛدین ایمان باجیٚن واتہِ تہِ سورےٕ یہِ خداین توٚہہِ دیُتمُت چُھ۔ کٲنٛسہِ تہِ نِش روزیو ہوشیار یُس ایمان باجیٚن ناراضگی سان برتاو کرُن شروع کرِ بییٚہِ ایمان والیٚن پریشان کرِ۔ امہِ سٟتؠ ہیکن واریاہ باقی ایمان وٲلؠ تہِ یتھۓ پٲٹھؠ برتاو کرنس پیٚٹھ مجبوٗر گژھتھ ۔16ہُشیار روزیو تِمن لوٗکن نِش یِم ناسہٕ تراسہٕ جنسی عمل کرن چھِ یا پانس چھِنہٕ خداے سنٛدِ خٲطرٕ الگ کران۔ یِم لوٗکھ چھِ عیسوؔ سنٛدؠ پٲٹھؠ، یمؠ پننِس لۅکٹِس بٲیس یعقوبسؔ یہِ اجازت دِیُت زِ سُہ کرِ گوٚڈٕ زامتِس بچہِ سنٛدؠ پٲٹھؠ عمل یُتھ زن تس نِش کینٛہہ کھیٚن پراوِ ۔17توٚہہِ پزِ نہٕ عیسوؔ ہس ہیوے بنُن، تکیازِ توٚہہِ سپدِ احساس زِ پتہٕ کیا سپد تس۔ تمؠ یژھاو زِ پنُن مۅل دِیہِ تس برکت، مگر تمؠ سنٛدؠ مٲلؠ کوٚر تہ کرنس انکار۔ یتھٕ پٲٹھؠ توٚہؠ ہیٚکِو وُچھِتھ، عیسوہنؔ ہیٚچ نہٕ تتھ منٛز تبدیلی انتھ یہِ تمؠ کوٚرمُت اوس، ہتاکہ ییٚلہِ تمؠ تبدیلی اننچہِ کوششہِ دوران ودُن تہِ ہیوٚت ۔18أسؠ چھِنہٕ تتھ نکھٕ گٔمٕتؠ یتھ اسرائیلی تمہِ ساعتہٕ نکھٕ گےَ ییٚلہِ تِم کوہِ سیناہس پیٚٹھ وٲتؠ۔ تِم گےَ أکس تِتھس پہاڑس نزدیک یُس تِمو پننیٚو اتھو سٟتؠ محسوس کرِتھ ہیوٚک۔ تِمو وُچھ نارٕ لمبکھ، کالہٕ اوٚبر، ژھاے بیٚیہِ اکھ طوفان ۔19تِمو وُچھ کُستام اکھ ترے وایان تہٕ خداے اوس اکھ پٲغام دِوان۔ ییٚلہِ تِمو خداے کتھ کران بوٗز، تِمو کوٚر تس درخواست زِ سُہ وننہِ نہٕ تِمن امہِ علاوٕ کینٛہہ۔ 20تِمو کوٚر تہِ، تکیازِ تِمن ٲسؠ کھوٚژن ییٚلہِ خداے تِمن حکم دِوان اوس، "توٚہہِ پزن تِم سٲری لوٗکھ تہٕ جانور مارنؠ یِم یتھ پہاڑس اتھٕ لاگن۔ توٚہہِ پزن تِم کنہِ لٲیتھ مارنؠ" 21مزید، ییٚلہِ موسیٰ ہن وُچھ ہرکانٛہہ چیز کوتاہ خوف ناک اوس، تکیازِ یہُوواہؔ اوس تِمن پٮ۪ٹھ ناراض سپُدمُت۔ تمؠ وون، "مےٚ چھِ تھتھراے ووٚتھان تکیازِ بہٕ چُھس کھوٚژان!" 22اتھ برعکس، توٚہؠ چھُو أکس آسمٲنی جایہِ صیون پہاڑس نزدیک گٔمٕتؠ۔ یتھ پہاڑس پیٚٹھ چُھ آسمٲنی شہر یروشلم یُس صرف أکس اصلی خداے سُنٛد چُھ۔ تتھ شہرس منٛز چھِ واریاہ روحٲنی وجود یِم یکوٹے شٲدیانہٕ مناوان چھِ۔23بییٚہِ چھِ تتھ شہرس منٛز تِمن ہندؠ ناو یِم خداین آسمانس پیٚٹھ درج کرؠ مٕتؠ چِھ۔ تِم چھِ خداے سنٛدؠ لوٗکھ، تمؠ سنٛدؠ خاص شُرؠ۔ بییٚہِ چُھ تتہِ خداے، سُہ یُس سارنے لوٗکن ہندؠ فٲصلہٕ چُھ کران زِ کُس چُھ قصوروار یا کُس چُھ بے گناہ۔ تتہِ چھِ تِم تہِ یِمو خدایس فرمانبردٲری کٔر۔ تِم مودؠ، مگر خداین چھِ وونؠ تِم بنٲومٕتؠ یِم سُہ یژھان چُھ۔ 24بییٚہِ چُھ تتھ شہرس منٛز یسوع، یمؠ سنٛدؠ ذریعہٕ خداین اکھ نوو عہد نامہٕ بنوومُت چُھ۔ تتہِ چُھ بییٚہِ یسوع سُنٛد خوٗن، یُس اسہِ پاک بناون چُھ۔ تمؠ سُنٛد خوٗن چُھ ہابلؔ سنٛدِ خوٗنہٕ کھوٚتہٕ زیادٕ اثردار۔25یقینی بنٲیو زٕ توٚہؠ کریو خداے سٕنٛز فرمانبردٲری، یُس توٚہہِ سٟتؠ کلام کران چُھ۔ غور کریو زِ کتھٕ کِنؠ کوٚر نہٕ کینٛژو اسرائیلیو تتھ فرمانبردٲری یہِ خداین سینا پہاڑٕ پیٚٹھ تِمن پیٚٹھ ظٲہر کوٚر۔ خداین دِیُت تِمن یقیٖنن سزا۔ وونؠ کریو غور زِ خداے کوتاہ دِیہِ اسہِ منٛز کٲنٛسہِ أکس سزا یُس نہٕ تتھ فرمانبردٲری کرِ یہِ تمؠ اسہِ سینا پہاڑٕ پیٚٹھ طٲہِر کوٚر۔26ییٚلہِ خداین سینا پہاڑٕ پیٚٹھ کتھ کٔر، امہِ سٟتؠ سپُد زمیٖنس زلزل۔ اما پوٚز، تمہِ وزِ کوٚر تمؠ وعدٕ، "بہٕ کرٕ زلزل زمیٖن بییٚہِ آسمان تہِ" 27الفاظ "بییٚہِ اکہِ لٹہِ" مطلب چُھ زِ خداے بدلاوِ سُہ ہر کانٛہہ چیز یُس سُہ ہلاون چُھ۔ سُہ کرِ تہِ یتھٕ پٲٹھؠ تمؠ یِم سٲری چیز پٲدٕ کٔرؠ۔ تمہِ طریقہٕ، پریتھ کانٛہہ چیز یُس نہٕ سُہ ہلاون چُھ سُہ روزِ ہمیشہِ خٲطرٕ۔ 28لہٰذا، أسؠ روزو تتھ بادشٲہی منٛز یتھ نہٕ خداے ہلاوِ۔ توے پزِ اسہِ خداے سٕنٛز شُکر گُزٲری کرنؠ۔ تہِ کرنہٕ سٟتؠ، أسؠ کرو عزتہٕ سان خداے سٕنٛز اکہِ طریقہٕ عبادت یمہِ سٟتؠ سُہ خۅش سُپدِ۔29اسہِ پزِ تہِ احترام سان کرُن، تکیازِ یمِس خدایس أسؠ عبادت کران چھِ سُہ چُھ یوٚتاہ طاقتور تہٕ خطرناک یوٚتاہ اکھ سوٗر کران وول نار چُھ۔
Bridge Connectivity Solutions Pvt. Ltd.