پیدٲیش9
1خداین کٔر نوح ہِس تہٕ تمسنٛدین نیٚچوٮ۪ن برکتھ عطا۔ تٔمؠ ووٚن تِمن، "بہٕ چُھس توٚہہِ نِش واریاہ اولاد یژھان یم سٲرسےٕ زمینس پٮ۪ٹھ بسن۔2زمینس پٮ۪ٹھ موجود تمام بٔڈؠ جاناوار، جاناور زمینہٕ پیٚٹھچہ زُو ذٲژ تہٕ گاڈٕ کھۅژُن توٚہہ۔ بہٕ تھاوکھ تمہٕ تُہنٛدس قوبوس منٛز۔3گۅڈٕ دیُت مےٚ توٚہہِ سبزی کھیٚنُک اجازت۔ وُنؠ ہکیٚو توٚہؠ سُہ پرٛتھ اکھ چیز کھیٚتھ یُس زُوو دار تہٕ ہرکٔژل آسہ۔ 4مگر توٚہؠ ہکیٚو نہٕ سُہ ماز کھیٚتھ یتھ منٛز وُنہِ خوٗن موجودے آسہ۔ تکیازِ خوٗنہٕ سٟتؠ چُھ سُہ زندٕ۔ 5بہٕ دمہٕ تس پرٛتھ أکِس سزا یُس کانٛسہِ زُوو ذٲژ مارِ۔ تم چھِ یہُوواہسؔ نِشہ جواب دیہہ۔ چاہے سُہ انسان آسہ یا کانٛہہ جانور۔ بہٕ چُھس یہ مطالبہ کران زِ قٲتلس گژھِ پننہِ جُرمُک خمیازٕ تُلن پیٚون تہٕ تمِس گژھِ زُو ڈنٛڈ دیُن پیٚون۔ یوٚدوے کانٛہہ جانور کٲنٛسہ انسانس مارِ سُہ جانور تہِ گژھِ مارنہٕ یُن۔ تکیازِ تٔمؠ مٲر اکھ زُوو ذاتھ۔6مےٚ چھِ لوٗکھ پانسےٕ ہی بنٲومٕتؠ لہٰذا چُھس بہٕ یژھان اگر کانٛہہ انسان بییِس کٲنسہِ انسانس قتل کرِ سُہ انسان تہِ گژھِ قتل کرنہٕ یُن۔ یُس کٲنٛسہِ ہُنٛد خوٗنی بنہِ زانُن گژھِ سُہ چُھ پننُے خوٗن کران۔7یۅتام زن تُہنٛد تعلق چُھ، بہٕ چُھس یژھان زِ توٚہؠ گٔژھیٚو واریاہ بچہٕ پٲدٕ کرٕنؠ تاکہٕ تم تہٕ تِہنٛدؠ شُرؠ بسن سٲرسےٕ زمینس پٮ۪ٹھ۔8خداین ووٚن نوحؔ ہَس تہٕ تٔمسٕنٛدیٚن شُرین،9"غورٕ سان بوزیٚو۔ وُنؠ چُھس بہٕ توٚہہ تہٕ تہنٛدین وٲرثن سٟتؠ اکھ وعدہ کران۔10تہٕ توٚہہِ سٟتؠ موجود پرٛتھ جاندارس سٟتؠ، یتھ منٛز جاناوار، گریلو چو چاروٲے تہٕ جنٛگلی جانور تہِ شٲمل چھِ، زمینس پٮ۪ٹھ موجود تِمن زُوذٲژن سٟتؠ تہِ یم توٚہہ سٟتؠ ناوِ منٛزٕ ؤتھؠ۔11یہِ چُھ سُہ وعدہ یُس بہٕ توٚہہ سٟتؠ کران چُھس: بہٕ کرکھ نہٕ وُنؠ سہلابہٕ سٟتؠ زانٛہہ تہِ تمام زُوذٲژ فناہ۔ تہٕ نَہ کرکھ زمینہِ پیٚٹھٕکؠ باقی چیز تباہ۔"12پتہٕ ووٚن خداین تمِس، "یہِ چھےٚ امہِ کتھِ ہنٛز نشٲنی زِ بہٕ کرٕ پنُن یہِ کوٚرمُت وعدہ پوٗرٕ یُس بہٕ ژےٚ تہٕ باقی تمام جاندارن سٟتؠ کران چُھس۔ یہِ چُھ سُہ وعدہ یُس بہٕ ہمیشہٕ خٲطرٕ کران چُھس۔13وقتہٕ وقتہٕ وُچِھو توٚہؠ آسمانس پٮ۪ٹھ رام رام بدرنؠ بوُنؠ یہِ آسہ توٚہہ تہٕ زمین کِس پرٮ۪تھ چیزس سٟتؠ میانہِ وعدٕچ نشٲنی۔14ییٚلہِ بہٕ اوٚبرٕ منٛزٕ روٗد تراوٕ تہٕ آسمانس پٮ۪ٹھ گژھِ رام رام بدرنؠ بوُنؠ ظٲہِر،15امہِ سٟتؠ پییٚہِ مےٚ سُہ عَہد ژیٚتس یُس مےٚ توٚہہِ تہٕ باقی تمام زُو ذٲژن سٟتؠ کوٚرمُت چُھ۔ میٚون وعدہ چُھ زِ وُنؠ پِھرٕ نہٕ زانٛہہ تہِ تیٚوتھ سہلاب یُس جاندارن فناہ کرِ۔16ییٚلہ تہِ آسمانس پٮ۪ٹھ رام رام بدرنؠ بوُنؠ بہٕ وُچھِ تہٕ بہٕ آسہٕ تتھ وعدس متعلق سونچان یُس مےٚ زمینَس پٮ۪ٹھ روزن واجنہِ پرٛتھ زُو ذٲژ سٟتؠ کوٚر۔ سُہ وعدہ یُس بہٕ ہمیشہٕ خٲطرٕ پُورٕ کرٕ۔"17خداین ووٚن پتہٕ نوحؔ ہَس، زِ "رام رام بدرنؠ بوُنؠ چھےٚ تمہِ عہُدٕچ نشٲنی یُس مےٚ زمینہِ ہنٛزن تمام زُو ذٲژن سٟتؠ کوٚر۔18نوحؔ سنٛدؠ یم نیٚچوؠ ناوِ منٛزٕ دراے تِم ٲسؠ، سم، حام تہٕ یافت۔ حام بنیاو پتہٕ کنعان سُنٛد مول۔19دھرتی پٮ۪ٹھ ییتیاہ تہِ لوٗکھ چھِ تم چھِ نوح سنٛدین تِمن تریٚن نیٚچوٮ۪ن ہنٛدِ پُشتٕکؠ۔20نوحؔ ہَن کٔر زمیندٲری شروع۔ تٔمؠ لٲگؠ دچھِ کُلؠ۔21دچھ وپداونہٕ پتہٕ لوگ تٔمؠ شراب بناوُن۔ اکہ دوٚہہ ییٚلہِ تٔمؠ واریاہ زیادٕ شراب چیو، سُہ گو بے ہوش تہٕ رود پننِس خٟمس منٛز ننٛگے۔22کنعانٕنؠ مٲلؠ حامَن وُچھ پنُن مول خٟمَس منٛز ننٛگے پتھر پیمُت۔ سُہ دراو جلدےٕ نیٚبر تہٕ ونُن پننٮ۪ن دونوٕنؠ باین یہِ حال۔23پتہٕ أنؠ سمینؔ تہٕ یافتنؔ اکھ کپر ژادر، تہٕ سۅ پانس پٔتؠ کِنؠ رٔٹتھ گے خٟمس منٛز تہٕ ترٲوٕکھ پننِس نیٚتھٕ نٔنِس مٲلِس تتھٕ کٔنؠ پٮ۪ٹھ یُتھ نہٕ تہنٛز نظر پننِس مٲلؠ سٕنٛدِس ننٛگہٕ جسمَس پٮ۪ٹھ پییہِ۔24ییٚلہِ نوحؔ ہُشار سپُد تہٕ بیٚیہِ حیسَن منٛز آو تمِس پیٚو یاد زِ تمسنٛدؠ لۅکٕٹؠ نیٚچیو ہامنؔ کُس بُرٕ ورتاو کوٚر تمِس سٟتؠ۔25تٔمؠ ووٚن، "بہٕ چُھس ہام سٕنٛدِس نیٚچوِس کنعان تہٕ تمسنٛدین شُرین لعنت سوزان۔ تم آسن پننِس پِتٕر سنٛدین نوکرن ہی۔26بہٕ چُھس یہُوواہؔ ہَس تعظیم کران یمسنٛز سمؔ عبادت کران چُھ۔ کنعان سنٛدؠ اولاد بٔنِنؠ سمؔ سنٛدین اولادن خٲدِم۔27مگر خدا کٔرنؠ تافت سُنٛد علاقہٕ کُشادٕ۔ سُہ کٔرنؠ یافت سنٛدین شُرین تہٕ سم سنٛدین شُرین پانہٕ وٲنؠ ملژار پٲدٕ۔ کنعان سنٛدؠ اولاد بٔنِن تہنٛدؠ غلام۔"28نوح رود سہلابہٕ پتہٕ ساڈ ترٛیہ ہَتھ وری پیٚٹھی زندٕ۔29نوح گُزریو ساڈ نو شتھ ؤرشہِ وٲنٛسہِ منٛز۔
Bridge Connectivity Solutions Pvt. Ltd.