پیدٲیش50
1یوسفؔ آو پننِس مٲلؠ سنٛدِس بُتھِس پٮ۪ٹھ لاینہٕ تہٕ لوٚگ بڈِ بڈِ ودنہِ تہٕ تس میٹھؠ کرنہِ۔2یوسفن دیُت پننٮ۪ن خٲدمن حکم یمو میت دفناونہٕ خٲطرٕ تیار کٔر زِ تِم ملَن تمسنٛدس مٲلؠ سنٛزِ تتھ میتہِ خوشبو،3یعقوبؔ سنٛزِ لاشہِ ٲسؠ برابر ژتجہَن دوٚہُن خوشبو ملان، تکیازِ یہ اوس سُہ زمانہٕ ییٚلہ کُنہِ جسمس خوشبو ملنس یوٗتاہ وقت لگان اوس۔ یعقوبؔ سنٛدِس مرنس پٮ۪ٹھ کوٚر مِصرٕ کیٚو لوٗکو ستتھن دوٚہُن ماتم۔4ییٚلہ ماتمٕکؠ دوٚہہ ختم سپدؠ تہٕ یوسفنؔ ووٚن بادشاہ سںنٛدین افسرن، "اگر توٚہؠ مےٚ راضؠ چُھو مہربٲنی کٔرِتھ واتنٲیو تیٚلہ بادشاہس نِش میٚون یہ پٲغام۔5ییٚلہ میٚون مول مرنس تیار اوس تہٕ تمؠ کرنووُد بہٕ وعدہ زِ بہٕ واتناوٕ تمؠ سنٛز میت کنعانچہِ سرِ زمیٖنہٕ پٮ۪ٹھ تتھ قبرِ منٛز دفن کرنہٕ خٲطرٕ یۅسہ تٔمؠ پانہٕ بنٲومٕژ چھےٚ۔ لہٰذا دِی تو مےٚ مہربٲنی کٔرِتھ کنعان گژھنُک تہٕ پننِس مٲلؠ سنٛز میت تتہِ دفن کرنُک اجازت۔ پتہٕ یمہٕ بہٕ واپس۔"6ییٚلہ بادشاہس پٲغام ووت، تٔمؠ ووٚن، "یوسفسؔ ؤنیٚو، وۅتھ کرُن پننِس مٲلؠ سنٛز میت دفن، یتھٕ پٲٹھؠ ژےٚ کرنُک وعدہ کۅرمُت چُھتھ۔"7یتھ کٔنؠ گو یوسفؔ پننِس مٲلؠ سنٛز میت دفناونہٕ خٲطرٕ کنعان۔ بادشاہ سنٛدؠ تمام عہدٕدار، مشیر تہٕ مِصرٕکؠ کینٛہہ بزرگ لوٗکھ گےَ تمِس سٟتؠ۔8تمسنٛدِ خاندانٕکؠ لۅکٕٹؠ شُرؠ، تیٖر، ژھاوٕلؠ تہٕ تِہنٛدؠ چاروٲے روٗدؠ جشنؔ علاقسےٕ منٛز۔ مگر یوسف سُنٛد باقی سورےٕ خاندان تمسنٛدؠ بٲے تہٕ تمسنٛدس مٲلؠ سُنٛد خاندان گو تمِس سٟتؠ۔9رتھ تہٕ گُرؠ سوار تہِ گےَ تِمن سٟتؠ۔ یہ اوس اکھ بوٚڈ قٲفلہٕ۔10تِم گےَ یردن دریاوٕ مشرقہٕ کِنؠ تہٕ وٲتؠ اتدؔ جایہ۔ تتہِ ٲس اکھ جایاہ یتہِ لوٗکھ اناج ژھٹان تہٕ کٔنہٕ کن بوٚس کڈان ٲسؠ۔ تتہِ کۅر تِمو یعقوبس واریہس وقتس بڈِ بڈِ ماتم۔ یوسفنؔ مناوٕ نایہ ستن دوٚہُن پننِس مٲلؠ سنٛزٕ ماتمی تقریبہٕ۔11ییٚلہِ کنعانس منٛز روزن والیٚو لوٗکو سُہ یتھٕ کِنؠ ماتم کران وُچھ تہٕ تِمو ووٚن زِ مِصرٕ کیٚن لوٗکن باپتھ چھےٚ یہ غمٕچ جاے۔ اوٕ کِنؠ تھوو تِمو اتھ جایہ ابیل مِصرئیمؔ ناو، یمیُک مطلب عِبرٲنؠ زبانہِ منٛز مِصرِین ہُنٛد ماتم چُھ12پتہٕ کۅر یعقوب نیٚو نیٚچیو تی یہ تِہنٛدؠ مٲلؠ تِمن ونمُت اوس۔13دریاے یردُنس اپور تٔرِتھ واتنٲو تِمو یعقوبنؔؠ میت کنعان۔ تِمو کٔر سۅ ممرےؔ شہرٕ کِس مشرِقس منٛز مکفیلہؔ جایہ ہنٛزِ قبرِ منٛز دفن۔ یہ چھےٚ سۅے جاے یۅسہ ابرہامنؔ حِتی قبیلہٕ کِس عِفرونَس قبرِستان خٲطرٕ موٚلؠ ہیٚژٲیہ۔14پنُن مول مدفون کرنہٕ پتہٕ دراو یوسفؔ پنٕنؠ بٲے تہٕ باقی یمہٕ تس سٟتؠ تدفین باپتھ کنعان آمٕتؠ ٲسؠ مِصر واپس۔15یعقوب مرنہٕ سپٕدؠ یوسفؔ سنٛدؠ بٲے پریشان۔ تِمن باسیاو زِ وۅنؠ کیاہ سپدِ۔ تِمو ووٚن، "تیٚلہ کیاہ بنہِ اگر یوسفؔ اسہِ سٟتؠ نفرت کرِ تہٕ اسہِ بدلہٕ ہیٚیہِ، تِمن سارنی بُرٲین ہُنٛد یمہٕ اسہِ تس سٟتؠ کینٛہہ وری برُونٛہہ ورتاوِ؟"16اوِ کِنؠ سوز تِمو یوسفسؔ نِش کُستام یہ وننہٕ خٲطرٕ زِ، "اسہِ ووٚن مٲلؠ مرنہٕ برُونٛہہ یہ:17یوسفسؔ ؤنیٚو، پننٮ۪ن بڈین باین دِ تِمو بُرٲیو باپتھ معٲفی یمہٕ تِمو ژےٚ سٟتؠ ورتاوِ۔ یمو چھِ چٲنؠ بٔڈؠ گناہ ہیٚتمٕتؠ۔ تکیازِ تِمو یہ ژےٚ سٟتؠ ورتومُت چُھ تہِ چُھ واریاہ غلط۔ لہٰذا چھِ وۅنؠ أسؠ، یمہٕ چٲنِس مٲلؠ سنٛدِس خدایہ سنٛدؠ بنٛدٕ چھِ، توٚہہِ ونان زِ اسہِ یہ کینٛژھا تۅٚہہِ سٟتؠ ورتومُت چُھ، تمہِ خٲطرٕ دتہٕ اسہِ معافی۔ تِہُنٛد یہ پٲغام بوزِتھ لوٚگ یوسفؔ رِیٚونہِ۔18پتہٕ آو تمسںنٛد بۅڈ بوے پانے تہٕ ترووُن یوسفسؔ برُونٛہہ کنہِ پنُن پان پتھرِس پٮ۪ٹھ تہٕ تِمو منٛزٕ ووٚن أکؠ۔ مہربٲنی کٔرِتھ بوز! أسؠ بنو چٲنؠ خٲدم۔"19مگر یوسفنؔ ووٚن تِمن جواب، "کھوٚژیٚو مہٕ! لوٗکن سزا دنہٕ وول چُھ خدا۔ بہٕ چُھسا خدا؟20یۅتام تُہنٛد تعلق چُھ، آ، توٚہؠ ٲسیٚو مےٚ سٟتؠ واریاہ بُرٕ کرُن یژھان۔ مگر خداین اوس تٔتھؠ منٛز میانہِ خٲطرٕ رٕژر تھوومُت! سُہ اوس واریہن لوٗکن بۅچھِ سٟتؠ مرنہٕ نِشہ بچاوُن یژھان، تہٕ تی سپُد تہِ! از چھِ تمہٕ زنٛدٕ!21اوے چُھسو بہٕ دبارٕ ونان زِ کھوٚژیٚو مہٕ! بہٕ بناوٕ یہ کتھ یقینی زِ توٚہہِ تہٕ تُہنٛدین بچن میلہِ کھیٚنہ خٲطرٕ کٲفی کینٛہہ۔ "یتھ کنؠ میٚول تمن تسلی ییٚلہ تٔمؠ تمن سٟتؠ کتھ کٔر۔22یوسفؔ اوس مِصرس منٛز تۅتام مٲلؠ سنٛدِس عیالس سٟتؠ یۅتام سُہ 110 ؤرشہِ وانٛسہِ ووت۔23سُہ رود افرائیمؔ سنٛدین شُریٚن تہٕ زُرین وُچھنہٕ باپتھ واریہس کالس زِندٕ۔ یوسفؔ سنٛدؠ زرؠ مکِیر سنٛدؠ اولاد، یُس منسیؔ سُنٛد نیٚچو اوس، زاے یوسفؔ سنٛدِ مرنہٕ برُونٛہہ، تہٕ تِم ٲسؠ تمسنٛدوےٕ اولادو رنٛگؠ زاننہٕ یوان۔24اکہِ دوٚہہ ووٚن یوسفنؔ پننٮ۪ن زِٹھیٚن باین، "مےٚ چُھ وۅنؠ مرُن۔ مگر خدا کرِ توٚہہِ ضرور مدد۔ کُنہِ دوٚہہ کڑِ سُہ تُہنٛدین اولادن یمہِ سرِ زمیٖنہِ منٛزٕ تہٕ واتناویٚکھ کنعان، تتھ سرِ زمیٖنہِ پٮ۪ٹھ یۅسہ تٔمؠ ابرہامؔ، اسحاق تہٕ یعقوبسؔ دنُک وعدہ کۅرمُت چُھ۔"25پتہٕ وُن یوسفنؔ، "ییٚلہ خدا توٚہہِ یہ کرنُک توفیق دییہِ تہٕ توٚہؠ نی زیٚو میانؠ میت یتہِ پٮ۪ٹھ کنعان۔ تٔمؠ ہیٚوت پننٮ۪ن بڈین باین یہ کرنُک پۅختہٕ وعدہ۔ 26چناچہ یوسفنؔ کوٚر اکھ ہتھ تہٕ داہ ؤرشہِ وانٛسہِ منٛز مِصرس منٛز انتقال۔ تمؠ سنٛز میت آیہ خوشبو مٔلِتھ أکِس تابودس منٛز برنہٕ۔
Bridge Connectivity Solutions Pvt. Ltd.